އުތުރުގެ މަސްވެރިންނަށް އުފާވެރި ރެއެެއް، ފުނަދޫގައި 30 ޓަނުގެ އައިސްޕްލާންޓް ހުޅުވައިފި

ރަށެއްގެ އައިސް ޕްލާންޓަކުން، މަސްވެރިންތަކެއް އައިސް ނަގަނީ: ފުނަދޫ އައިސް ޕްލާންޓް މިރޭ ވަނީ ހުޅުވާފައި -- ފައިލް ފޮޓޯ | މިހާރު

ފާތިމަތު އަޖްފާން، މިހާރު

15 އޮކްޓޯބަރ 2025 - 21:56

8 comments

ށ. ފުނަދޫގައި މި ސަރުކާރުން އަޅަންފެށި 30 ޓަނުގެ އައިސް ޕްލާންޓުގެ މަސައްކަތް ނިންމައި މިރޭ ހުޅުވައިފި އެވެ.

އައިސްޕްލާންޓް ހުޅުއްވައިދެއްވީ ށ. އަތޮޅަށް ރައީސް ޑރ. މުހައްމަދު މުއިއްޒު މިހާރު ކުރައްވަމުން ގެންދަވާ ދަތުރުފުޅުގައި މިއަދު އެ ރަށަށް ވަޑައިގެން ބޭއްވި ރަސްމިއްޔާތެއްގަ އެވެ. އެމަނިކުފާނާ އެކު އެ ތަން ހުޅުވުމުގައި ފިޝަރީޒް މިނިސްޓަރު އަހުމަދު ޝިޔާމް ބައިވެރިވެވަޑައިގަތެވެ.

ފުނަދޫ އައިސްޕްލާންޓްގެ މަސައްކަތް މިފްކޯއާ ހަވާލުކުރީ މިދިޔަ އަހަރުގެ ސެޕްޓެމްބަރު މަހުގެ ތެރޭގަ އެވެ.

ފިޝަރީޒް މިނިސްޓްރީން ބުނެފައިވާ ގޮތުގައި ފުނަދޫގައި ގާއިމްކުރި އައިސްޕްލާންޓުގައި 30 ޓަނު އަދި އައިސް ސްޓޯރޭޖްގައި 50 ޓަނު ހުންނާނެ އެވެ.

އެއާއެކު އުތުރުގެ މަސްވެރިންނަށް އައިސް ލިބުމުގައި ދިމާވާ ދަތިތައް ވަރަށް ބޮޑަށް ލުއިވެ، މަސް ދޯނިތަކަށް ވެސް އައިސް ލިބުމުގައި ދިމާވާ ދަތިތަކަށް ހައްލު ލިބިގެންދާނެ ކަމަށް މިނިސްޓްރީން ވަނީ ބުނެފަ އެވެ.

މި މަސައްކަތުގެ އިތުރުން ވެސް ސަރުކާރުން އަންނަނީ މަސްވެރިކަމުގެ ސިނާއަތް ކުރިއެެރުވުމަށް ކުރަންޖެހޭ ގިނަ މަސައްކަތްތަކެއް ކުރަމުންނެވެ. އޭގެތެރޭގައި މިފްކޯގެ ކެޕޭސިޓީ އިތުރުކޮށް، މަސްވެރިންނަށް ބޭނުންވާ އެކި ހިދުމަތްތައް ލިބޭނެ އިންތިޒާމް ހަމަޖެއްސުން ހިމެނެ އެވެ.

މަސްވެރިން މިފްކޯ ށ. ފުނަދޫ އައިސް ޕްލާންޓް އަހުމަދު ޝިޔާމް (ފިޝަރީޒް މިނިސްޓަރު) ރައީސް ޑރ. މުހައްމަދު މުއިއްޒު

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިމާލް ހަސަން

16 October 2025

މަސްވެރިންނަށް އެއްމެ ހެޔޮކޮށް ކަންކުރަމުން މި އަންނަނީ މިސަރުކާރުން ކަން އަޅުގަނޑު ފާހަގަކޮށްލަން. 48 ގަޑިއިރުން ބާނާ މަހަށް ފައިސާވެސް ލިބެމުން ދަނީ.