ލޯކަލް ކައުންސިލް އިންތިހާބަށް 80 ވަރަކަށް މިލިއަން ހަރަދުވާނެ: އީސީ

އެންމެ ފަހުން ބޭއްވި ލޯކަލް ކައުންސިލް އިންތިހާބުގެ ވޯޓުލާ މަރުކަޒެއް: އަންނަ އަހަރު ބާއްވާ ކައުންސިލް އިންތިހާބަށް 80 ވަރަކަށް މިލިއަން ރުފިޔާ ހަރަދުވާނެ ކަމަށް އިލެކްޝަންސް ކޮމިޝަނުން ބުނޭ --- ފޮޓޯ/މިހާރު

މުހައްމަދު ނަސީމް، މިހާރު

19 އޮކްޓޯބަރ 2025 - 12:29

15 comments

ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް މެންބަރުން ހޮވަން އަންނަ އަހަރު ބާއްވާ އިންތިހާބަށް 80 ވަރަކަށް މިލިއަން ރުފިޔާ ހަރަދުވާނެ ކަމަށް ލަފާކުރެވޭ ކަމަށް އިލެކްޝަންސް ކޮމިޝަން (އީސީ) ގެ ރައީސް އަހުމަދު ޒާހިދު ވިދާޅުވެއްޖެ އެވެ.

ޕީއެސްއެމްގެ "ރާއްޖެ މިއަދު" ޕްރޮގްރާމްގައި ކުރި ސުވާލަކަށް ޖަވާބު ދެއްވަމުން ޒާހިދު ރޭ ވިދާޅުވީ ރާއްޖޭގައި ބާއްވާ އިންތިހާބުތަކަކީ "ވަރަށް އަގުބޮޑު އިންތިހާބުތަކެެއް" ކަމަށެވެ. އަދި ކުރިމަގުގައި އިންތިހާބުތަކަށް ހިނގާ ހަރަދު ކުޑަކުރަން ވިސްނުންތަކެއް އެބަހުރި ކަމަށް ވެސް އޭނާ ވިދާޅުވި އެވެ.

"...އަޅުގަނޑުމެން މިއަށް ވެސް [ކައުންސިލް އިންތިހާބަށް] މި ބަލަނީ އެންމެ މަދުވެގެން ވެސް ގާތްގަނޑަކަށް، 70 ވަރަކަށް، 80 ވަރަކަށް މިލިޔަން ރުފިޔާ ހަރަދުވެގެންދާނެ ކަމަށް،" ޒާހިދު ވިދާޅުވި އެވެ.

އޭނާ ވިދާޅުވި ގޮތުގައި ރާއްޖޭގައި އިންތިހާބުތަކަށް އެހާ ބޮޑު ހަރަދެއް ހިނގަނީ އިތުބާުރު ކުރެވޭ އިންތިހާބުތަަކަށް ހެދުމަށްޓަކައި ވަރަށް ފުރިހަމަ އިންތިޒާމުތަކެއް ހަމަޖައްސާތީ ކަމަށެވެ.

މިފަހަރުގެ އިންތިހާބުގައި އިލެކްޓްރޯނިކް ވަސީލަތްތައް ބޭނުންކޮށް، އިންތިހާބުގެ ނަތީޖާއަށް ނުފޫޒު ފޯރުވަފާނެ ކަމަށް އިދިކޮޅު ފަރާތްތަކުން ކުރިން ތުހުމަތުކުރި އެވެ.

އެފަދަ ކަމެއް ނުހިނގާނެ ކަމުގެ ޔަގީންކަން ދެއްވަމުން ޒާހިދު ވިދާޅުވީ ލޯކަލް ކައުންސިލް އިންތިހާބުގެ ހުރިހާ ކަމެއް ހިނގާނީ ފިޒިކަލްކޮށް ކަމަށެވެ.

"އިންތިހާބުތައް މި ބާއްވާ ދުވަހު ހިނގާ އެއްވެސް ކަމަކީ އަޅުގަނޑުމެން އެއަށް މިލިމީޓަރެއް ވަރު ވެސް ބަދަލު ނުގެނެސް، ހަމަ އެގޮތަށް [ކުރިއެކޭ އެއްގޮތަށް] ކުރިއަށް ގެންދާނެ އިންތިހާބެކޭ،" ޒާހިދު ވިދާޅުވި އެވެ.

އޭނާ ވިދާޅުވި ގޮތުގައި ރާއްޖޭގައި ބާއްވާ އިންތިހާބުތަކުގެ އިންތިޒާމުތަކަކީ ދިވެހިންނާއި އެހެން ގައުމުތަކުން ވެސް ބަލައިގަންނަ އަދި އިތުބާރުކުރާ އިންތިޒާމުތަކެކެވެ.

ލޯކަލް އިންތިހާބު ރަށު ކައުންސިލް އަތޮޅު ކައުންސިލް އިލެކްޝަންސް ކޮމިޝަން ލާމަރުކަޒީ ހިންގުން

15 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހާ ޖައްރާފާ

20 October 2025

ތިޔަ ލާރި "ކޮޅު" އައްޑޫގަ މިހާރު ދިރިއުޅޭ ވިއްސަކަށް ހާސް މީސްކޮޅަށް ބަހާލިޔަސް ބޮލަކަށް ހަތަރު ހާހުން ޖެހޭނެ. ވޯޓުލެވޭ މީހުންގެ އަދަދުން ބަހާލާނަމަ އަދި މިޔަށްވުރެ މާ ގިނައިން ލިބޭނެ. 80 މިލިއަން "ވަރު" ހަމަ އޯކޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

19 October 2025

މި ވޯޓުގެ ބޭނުމަކީ އަތޮޅުގެ އެހެން ރަށްރަށުގެ މީހުން ހިތަދުއަށް އެކިއެކި ބޭނުންތަކަށް ދާންޖެހޭތީ ރައްޔިތުންނަށްވާ އުނދަގޫ ޙައްލުކޮށްދިނުމަށް ރައީސުލްޖުމްހޫރިއްޔާ ނަގާ ވޯޓެއްކަމުގައި ސަރުކާރުން ބުނެއެވެ. ދެން އުފެދޭ ސުއާލަކީ ރައްޔިތުންނަށް ބޭނުންވާ އަސާސީ ބޭސްނުލިބި، ޓެސްޓްތައް ނުހެދި، މާލެއަށް ބަރޯސާވާންޖެހޭތީ މާލޭގެ ސިޓީކައުންސިލު އުވާލާން ފެންނަ ނުފެންނަ ވޯޓެއް ނަގަން ނުޖެހޭބާ. މާލެއިން ބޭސް ނުލިބިގެން އިންޑިޔާއަށް ފޮނުވަންޖެހޭތީ ވޯޓުނަނަގަނީތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބަ

20 October 2025

ބޭބެ ޚަބަރު ކިޔާފައި ކޮމެންޓުކުރަން އާދަކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

19 October 2025

އާދޭސްކޮށްފަ ބުނަން ތި ޚަރަދު ނުކޮށް ކޮންމެ ރަށަކަށް ކަތީބަކު ލައިގެން މިރާއްޖެ ހިންގައިދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަރު

19 October 2025

ކިހާވަރެއް މިތަނުން އަމިއްލަ ޖީބަށް ވަންނާނީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރުހަރަދު

19 October 2025

ސާބަހޭ. ބިލިޔަނެއް ނޫން ކަން ޔަގީންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރަދުން

19 October 2025

ތިވާރު މާ މަދު...ކޮންމެ ރަށަކަށް ބިލިޔެނެއް ޖަހާލީމަ ޖޭބަށް އެޅޭނީ ގިނައިން...ދިވެހިްނަށް ހަލާކު ހުރި!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

19 October 2025

އެތައްސަތޭކަ ކައުންސިލްގެ ބަދަލުގައި 3 ރީޖަންގެ މައްޗަށް އިދާރީ ޤާނޫނީ ދާއިރާތަށް ކަޑައެޅުމާއިއެކު މިހާރު މަޖިލިސް އެކުލެވިގެންވާ ގޮތަށްވެސް ބަދަލުގެނެސް މަޖިލިސް މެންބަރުންގެ އަދަދު އިތުރުނުވާނެގޮތަށް މިބަދަލާއިއެކު "މަޖިލީހުގައި ތިއްބަވާނީ ކޮންމެރީޖަނެއްގެ ރަށްވެހިންގެތެރެއިން އިންތިޙާބުކުރާ" 30 މެންބަރުންގެމައްޗަށް އެކުލެވޭގޮތަށް ޖުމްލަ 90 މެންބަރުން ކަމަށްވެސް ޤާނޫނުއަސާސީގައި ކަޑައަޅާ ނިންމަންވާނެ. މިއީ ޙަޤީގަތުގައި މިކަން އޮންނަންޖެހޭ ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

19 October 2025

އިދާރީ ދާއިރާތަކަށާއި، މަޖިލިސް އެކުލެވިގެންވާގޮތަށް މަތީގަައިދެންނެވި ބަދަލު ގެނެސްފިނަމަ މަޖިލީހަށާއި ކައުންސިލްތަކުގެ މޭޔަރުންނަށާއި، އަތޮޅު އަދި ރަށު ކައުންސިލަރުންނަށް ކުރާ ޙަރަދުގެ %80 ސަލާމަތްކުރެވޭނެ. އަދި 3 ރީޖަންގެމައްޗަށް ދާއިރާތައް ވަކިކޮށްލާ ވޯޓްފޮށި ބަހައްޓާނީ ހަމައެކަނި އިންތިޙާބީ ދާއިރާތަކުގައިކަމަށް ކަޑައަޅާ، ރާއްޖެއިން ބޭރާއި، ދެކުނު ނުވަތަ އުތުރުގެ ފޮށިތައް ކ.މާލޭގައި ބެހެއްޓުން ހުއްޓާލީމާ %80 ޙަރަދު ކުޑަކުރެވިގެން ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލޮ

19 October 2025

90 މާ ގިނަ މި ރާއްޖެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

19 October 2025

ވޯޓް ލާން ދިޔުމުގެ އެއްވެސް ވިސްނުމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

19 October 2025

ތިން ރީޖަންގެމައްޗަށް ރާއްޖެހިންގާގޮތަށް މިދެންނެވި ބަދަލުގެނައުމުން އިންތިޙާބީ ވޯޓްފޮށިތައް ބަހައްޓާނީ ހަމައެކަނި އިންތިޙާބީ ދާއިރާތަކުގައި. މިބަދަލާއިއެކު އުތުރު ނުވަތަ ދެކުނު ރީޖަންގެ އިންތިޙާބީ ފޮށި ކ.މާލޭގައި ބެހެއްޓުންވެސް ނިމުމަކަށް އައިސް ދައުލަތުން އިންތިޙާބުތަކަށް ކުރާ ޙަރަދު %60 ކުޑަ ކުރެވޭނެ. އަދި މަޖިލިސް މެންބަރުންނަށާއި، މޭޔަރުން، އަތޮޅު ކައުންސިލަރުންނާއި ރަށު ކައުންސިލަރުންގެ މައްޗަށް ބިލިޔަނުން ކުރާ ޙަރަދުގެ %80 ސަލާމަތްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންތިހާބީ ރައްޔިތުމީހާ

19 October 2025

ރާއްޖޭގެ އިންތިހާބުތައް ޚަރަދު ކުޑަކުރަން ކުރެވިދާނެ އެއް ކަމެއް ބުނަންތަ؟ ރާއްޖޭން ބޭރުގައި ވޯޓުފޮށި ބެހެއްޓުން ހުއްޓާލަންވީ. އެހެން ގައުމުތަކުގެ އިންތިހާބުގައި ވޯޓުފޮއްޓެއް ނުބަހައްޓާ މި ރާއްޖެ އަކު. މިތާވެސް މަދެއް ނޫން އެހެން ގައުމުތަކުގެ މީހުން އުޅޭލެ.