ބީއެމްއެލްގެ އިންޓަނޭޝަނަލް ވޮލެޓް "ސްވައިޕް" ތައާރަފްކޮށްފި

ބީއެމްއެލްގެ އިންޓަނޭޝަނަލް ޑިޖިޓަލް ވޮލެޓް "ސްވައިޕް" ތައާރަފުކުރުމުގެ ރަސްމިއްޔާތު.-- ފޮޓޯ: ބީއެމްއެލް

އިފްރާޒް އަލީ، މިހާރު

29 އޮކްޓޯބަރ 2025 - 11:29

ރާއްޖެ އާއި ރާއްޖޭން ބޭރުގައި ބޭނުންކުރެވޭ ގޮތަށް ގައުމީ ބޭންކް، ބީއެމްއެލްގެ އިންޓަނޭޝަނަލް ޑިޖިޓަލް ވޮލެޓް "ސްވައިޕް" މިއަދު ތައާރަފުކޮށްފި އެވެ.

ބީއެމްއެލްގެ ޑިޖިޓަލް ވޮލެޓް އިފްތިތާހުކޮށްދެއްވީ އެ ބޭންކުން މިއަދު ހެނދުނު ބާސެލޯ ނަސަންދުރާގައި ބޭއްވި ހާއްސަ ރަސްމިއްޔާތުގައި ރައީސް ޑރ. މުހައްމަދު މުއިއްޒެވެ.

ރައީސް ޑރ. މުހައްމަދު މުއިއްޒު ބީއެމްއެލްގެ އިންޓަނޭޝަނަލް ޑިޖިޓަލް ވޮލެޓް "ސްވައިޕް" ތައާރަފުކޮށްދެއްވަނީ.-- ފޮޓޯ: ރައީސް އޮފީސް

ބީއެމްއެލް އިން ބުނީ އެ ވޮލެޓަކީ ދިވެހި ޒުވާނުންނާއި ވިޔަފާރިތަކަށް ފަސޭހަކަމާ އެކު، ކްރޮސްބޯޑާ ޓްރާންސެކްޝަންތައް ހިންގޭނެ ވަސީލަތެއް ކަމަށެވެ. އެއާ އެކު، ހަރަދު ކުޑަކޮށް، ބޭރު ފައިސާ ރާއްޖެއަށް ގެނައުމަށް އެހީތެރިވެދީ އަދި ބޭރު ފައިސާ ހޯދުމަށް ހުރި ދަތިތައް ވެސް ކުޑަކޮށްދޭނެ ކަމަށް އެ ބޭންކުން ބުންޏެވެ.

އެ ވޮލެޓަކީ ދުނިޔޭގެ އެހެން ޑިޖިޓަލް ވޮލެޓްތަކާ އެއްގޮތަށް، ދުނިޔޭގެ ކޮންމެ ގައުމެއްގައި ހުރެގެން ވެސް، ކޮންމެ މީހަކަށް ވެސް ބޭނުންކުރެވޭނެ އިންޓަނޭޝަނަލް ވޮލެޓެއް ކަމަށް ބީއެމްއެލް އިން ބުންޏެވެ.

މިއަދުގެ ރަސްމިއްޔާތުގައި ވަނީ އެ ޑިޖިޓަލް ވޮލެޓާ ގުޅޭ ވީޑިއޯ ޕްރެޒެންޓޭޝަނެއް ވެސް ދައްކައިފަ އެވެ. އެ ޕްރެޒެންޓޭޝަންގައި ވަނީ ޑިޖިޓަލް ވޮލެޓް އެޕްގެ ބައެއް ފީޗާތައް ވެސް ކިޔައިދީފަ އެވެ.

އެ ޕްރެޒެންޓޭޝަންގައި ބުނި ގޮތުގައި، އެ ވޮލެޓް މެދުވެރިކޮށް އެއްވެސް ފީއަކާނުލައި، ކޮންމެ ގައުމަކުން ވެސް ވަގުތުން ފައިސާ ލިބޭނެ އެވެ. ރާއްޖޭގެ އުފެއްދުންތައް ބޭރު ގައުމުތަކަށް ވިއްކުމަށް އެހީތެރިވެދޭނެ އެ ވޮލެޓަކީ 100 ޕަސެންޓް ދިވެހި އުފެއްދުމެކެވެ. އަދި އެއީ ދުނިޔޭގެ މަޝްހޫރު ޕޭމަންޓް ވޮލެޓްތަކާ އެއް ފެންވަރުގެ އުފެއްދުމެކެވެ.

ބީއެމްއެލް އިން ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒާއި ނައިބު ރައީސް ހުސެއިން މުހައްމަދު ލަތީފް އަދި އިކޮނޮމިކް މިނިސްޓަރު މުހައްމަދު ސައީދު ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

ބީއެމްްއެލްގެ ސީއީއޯ މުހައްމަދު ޝަރީފް ވިދާޅުވީ ދުނިޔޭގެ މަޝްހޫރު ޕޭމަންޓް ވޮލެޓްތައް މެދުވެރިކޮށް ފައިސާ ފޮނުވުމާއި ފޮރެކްސް އަދި ޓްރޭޑިން ޕްލެޓްފޯމްތައް މެދުވެރިކޮށް ދިވެހިންނަށް ޓްރޭޑް ކުރެވޭނެ ފަސޭހަގޮތްތައް ހަމަޖައްސައިދިނުމަކީ ރައީސް މުއިއްޒުގެ ވައުދަކަށް ވާތީ، އެކަން ކުރިއަށް ގެންދިއުމަށް އެ ބޭންކުން އިކޮނޮމިކް މިނިސްޓްރީއާ އެކު މި އަހަރު ކުރީކޮޅުން ފަށައިގެން މަސައްކަތް ކުރަމުން އަންނަ ކަމަށެވެ.

"އަޅުގަނޑުމެންގެ ސީޓީއޯގެ ބެއްލެވުމުގެ ދަށުން ބޭންކުގެ ޓެކްނޮލޮޖީގެ ޓީމްގެ ތެރެއަށް ރާއްޖޭގައި ތިބި ޓެކްނޮލޮޖީއަށް މޮޅު ޒުވާނުން ގެނެސް، ޓީމެއް އެކުލަވާލައި، މީގެ 12 މަސްދުވަސް ކުރިން އަޅުގަނޑުމެން މަސައްކަތް ފެށިން،" ޝަރީފް ވިދާޅުވި އެވެ.

Introducing Swipe, a new multicurrency digital wallet that offers seamless, instant and secure payments for Maldives and beyond! 🚀

This 100% Maldivian-developed digital wallet positions the Maldives and its fintech talent on the global digital financial landscape. Swipe… pic.twitter.com/DmqQJVDdSj
— Bank of Maldives (@bankofmaldives) October 29, 2025

އޭގެ ނަތީޖާއަކީ މިއަދު ތައާރަފުކުރި އެ ބޭންކްގެ އިންޓަނޭޝަނަލް ވޮލެޓް "ސްވައިޕް" ކަމަށާއި މި އަހަރު ނިމުމުގެ ކުރިން އެ ވޮލެޓްގެ ހިދުމަތް ދޭން ފަށާނެ ކަމަށް ޝަރީފް ވިދާޅުވި އެވެ.

"އެއާ އެކު، ރާއްޖޭގެ ހުނަރުވެރިންގެ މަސައްކަތްތަކަށް ބޭރުން ލިބެން ޖެހޭ ފައިސާ އެއްވެސް އިތުރު ޗާޖަކާއި ނުލައި ވަގުތުން ލިބޭނެ. ރާއްޖެއަށް ޒިޔާރަތްކުރާ ޓޫރިސްޓުންނަށް ރާއްޖޭގެ ޕްލެޓްފޯމެއް މެދުވެރިކޮށް ފަސޭހައިން ފައިސާ ދެއްކޭނެ މަގު ފަހިވެގެން ދާނެ. ދިވެހިންނަށް ފައިސާގެ މުއާމަލާތްކުރުމަށް އިތުރަށް ފަސޭހަ ވާނެ. ވިޔަފާރިވެރިންނަށް ވަގުތުން ފައިސާ ލިބޭނެ،" ޝަރީފް ވިދާޅުވި އެވެ.

ބީއެމްއެލް ބޭންކިން މުހައްމަދު ޝަރީފް (ސީއީއޯ، ބީއެމްއެލް)

26 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލާފްމް

31 October 2025

ރޫޕޭ ވެސް ތައާރަފު ކުރި. އަދި ބޭނުމެއް ނުކުރެވޭ. ދިވެހިންނަށް އިންޑިއާ މީހުންނަށް ވެސް ފައިދާ ވާގޮތަށް ބޭނުމެއް ނުކުރެވޭ. މިއަދު ތައާރަފުކުރި ބޭންކްގެ އިންޓަނޭޝަނަލް ވޮލެޓް "ސްވައިޕް"، މި އަހަރު ނިމުމުގެ ކުރިން އެ ވޮލެޓްގެ ހިދުމަތް ދޭން ފެށާނެ ކަމަށް މި ވިދާޅުވީ. ނުނިމޭ ކަންކަން މި ތައާރަފު ކުރަނީ، ރައްޔިތުންނަށް ކަންކަން ކުރެވޭކަން ދައްކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރގް

30 October 2025

ޗައިނާގަ އަލީޕޭ އަދި ވީޗެޓް، ހޮންކޮންގަ އޮކްލަސް އަދި އަލީޕޭއޗކ ބޭރުން އަންނަ ހުރިޙާގެސްޓުން ޖެހޭނީ މިތަނުން އެއްޗެއް ޗޫސްކޮއް ވިޔަފާރިތަކަށް ޕޭކުރަން، ގައިމު މިކަހަލަ ކާޑެއް ތައާރަފް ކޮއްފިނަމަ ގެސްޓުންއަތުން ލިބޭޑޮލަރު މާގިނަވީސް ބޭންކުން ޑޮލަރަށް ޖެހިގެން އުޅޭކަށް ނުޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅޭ

30 October 2025

ފޮރެކްސް ޓްރޭޑިންގ އަކީ ޖުވާކުޅުމޭ ކިޔާފަ ބޭންކުން ދޫކޮށްފަ ހުރި ކާޑުތަކުން މުއާމަލާތް ނުކުރެވޭ ގޮތް ހަދާފަ ހުރީ. ބޭރުގެ އެއްވެސް ވޮަލެޓަކަށް ބޭންކުން ދޫކޮށްފަ ހުރި ކާޑަކުން ލާރި ނޭޅޭ. ދެން ތިޔަ ވޮލެޓަކާ ދޭތެރޭ އަހަރެމެން ކުރާނެ އުއްމީދެއްނެތް. މިއުޅެނީ ލާރި ނުގެނެވިގެންނެން ނޫން. ލާރި އަޅައިގެންދޯ ޓްރޭޑް ކުރެވޭނީ. ޓްރޭޑް ކުރެވުނީމަ ދޯ ލާރި ގެނެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިހަމް

29 October 2025

މި ހުންނަނީ 5% ގެ ލޯނު ފަށާނެ ދުވަހަކަށް ދައްކާލި ދަޅައެކަށް ނުވީއްޔާ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައްޕީލެހެރީ

29 October 2025

މިދާރޭޓުން ދަންޏާ އަދި ކޭކުވެސް ފަޅާނެ. އޭތި ކާން އަންނާނީ އެހެން ދުވަހަކު އޮންނަ ހަފުލާއެއްގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނޖީ

29 October 2025

މިހެންދެން ކަރާ ފެޅުން ހުއްޓަންވެއްޖެހެން ހީވަނީ. މިދާކަށް ދުވަހު ތައާރަފް ކުރި އިންޑިޔާ ރުފިޔާ އެކައުންޓު. އެކަންއިންޓު އެބަހުޅުވޭ އެކަމަކަކު ދިވެހިރުފިޔާ ކޮންވާރޓެއް ނުކުރެވޭ ހަމައެކަނި ނަގުދު އިންޑިޔާ ފައިސާ ޖަމާކުރެވެނީ. އެދި އެޖަމާކޮއްފަ އެލާރި އިންޑިޔާއަށް އަކަށް ނުފޮނުވޭ. ގުޅީމަ ބުނަނީ އަދި އެކަން ހަމައެއް ނުޖެހެޔޯ. މިހާރު އަހަރުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިކާލޯ

29 October 2025

އިރުއިރުކޮޅާ ތިބެފުޅުންގެ އެފަށްމިވާގޮތެއް ހައްލުކޮށްލަދީބަލާ. އިމާޖެންސީކޮށް ފައިސާކޮޅެއް ޓްރާންފާ ކޮށްލަންބަލާއިރު އެތީ ވަރަށް ގިނަފަހަރު އޮންނަނީ ކަނޑުމަތިއަޅާފަ ކުރިއަކަށް ފަހަތައް ނެދެވޭނެ. މިހާ ހިތްއަވަސްވެ ވިއްކިމީހާ ޝައްކުގެ ނަޒަރަކުން ބަލަމުން ދާއިރުވެސް.... ހުރިހާފަހަރަކު ކާޑު ހިފައިގެންވެސް ނުއުޅެވޭނެ. ފަސްލަައްކައިގެ އަބާދީއަކަށް އެޕްން ކޭޓާ ނުކުރެވުމަކީ ދެރައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

29 October 2025

އަދި ނުނިމޭ އެއްޗެކޭ؟ ދެން ކީއްކުރަން ބޭއްވި ހަފްލާއެއް؟ އިންތިހާބަށް ކެކުރިފަޅަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާރުފައަށް ހިނިއަރައިގެން

29 October 2025

މިހާރު މިވެސް ފިލްމީ މަންޒަރަކަށް ވެއްޖެ. ފުރަތަމަ ފަސްޓްލުކް ޓީޒާއެއް، ދެން އިސްތިހާރެއް، ޓްރެއިލާއެއް، ފިލްމް މިއަންނައަހަރު. ކަންދެއްކުންވެސް އޮވޭ. މިހާ ދެން ކަންތައް ބޮޑުނުކުރިއަސްވާނެ ދޯ. ހުރިހާކަމެއް އެއްފަހަރާނުކުރެވެނީ ކީއްވެ، ޚިދުމަށްދެވޭ ވަރުވީމާ ތައާރަފުކުރަން މަޑުނުކުރެވެނީތާ؟