ފަސް ރަށެއްގައި ހަލާލު ޓޫރިޒަމް ތަަރައްގީކުރާނެ ބަޔަކު ހޯދަން އަލުން ހުޅުވާލައިފި

ޓޫރިސްޓަކު ހިނގާފައި ދަނީ: ފަސް ރަށެއްގައި ހަލާލު ޓޫރިޒަމް ތަަރައްގީކުރާނެ ބަޔަކު ހޯދަން އަލުން ވަނީ ހުޅުވާލާފައި.-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

21 ނޮވެމްބަރ 2025 - 14:27

30 comments

ޓޫރިޒަމް ތަރައްގީކުރުމަށް ބީލަމުގެ އުސޫލުން ކުއްޔަށް ދޫކުރުމަށް ކަނޑައަޅާފައިވާ ރަށްރަށާއި ފަޅުތަކުގެ ތެރެއިން ހަލާލު ޓޫރިޒަމް މޮޑެލްއަށް ޓޫރިސްޓު ރިސޯޓު ތަރައްގީކޮށް ހިންގާނެ ބަޔަކު ހޯދަން އަލުން ޓޫރިޒަމް މިނިސްޓްރީން އިއުލާނުކޮށްފި އެވެ.

އެކަމަަށް ޝައުގުވެރިކަން ހުރި ފަރާތްތަކަށް ބީލަން ހުށަހެޅުމުގެ ފުރުސަތު ހުޅުވާލައި އާންމުކޮށްފައިވާ އިއުލާނުގައިވާ ގޮތުން ހަލާލު ޓޫރިޒަމް މޮޑެލްއަށް ޓޫރިސްޓު ރިސޯޓު ތަރައްގީކުރަން ހުޅުވާލީ ހއ. ގެ ދެ ރަށެއް ކަމަށްވާ ބީނާފުއްޓާއި ކަނޑާލިފިނޮޅާއި ހދ. މަކުނުދޫ ފަރު 1 އަދި ށ. ފުށިފަރާއި ލ. ފޮނަގާދޫގަ އެވެ.

މިނިސްޓްރީން ބުނީ އެކަމަށް ޝައުގުވެރިވާ ފަރާތުން އަންނަ ޑިސެމްބަރު 9 އަކާއި ޖެނުއަރީ 6 ގައި އޮންލައިންކޮށް ބާއްވާ މައުލޫމާތު ސާފުކުރުމުގެ ސެޝަންގައި ބައިވެރިވާން ޖެހޭ ކަމަށެވެ. އެ މައުލޫމާތު ސެޝަނުގައި ބައިވެރިވުމަށް އެދޭ ފަރާތުގެ މައުލޫމާތުތައް، އެ ސެޝަން ބޭއްވުމުގެ އެއް ދުވަސް ކުރިން މިނިސްޓްރީގެ އީމެއިލް މެދުވެރިކޮށް އަންގަން ޖެހެ އެވެ.

ބީލަން ހުށަހެޅުމުގެ ސުންގަޑިއަކީ އަންނަ ފެބްރުއަރީ މަހުގެ 3 ވަނަ ދުވަހުގެ ހެނދުނު 9:00 ގެ ކުރިންނެވެ.

ބައެއް ތަފްސީލުތައް:

- ހއ. ބީނާފުށި - 2.21 ހެކްޓަރުގެ އެ ރަށުގައި މަދުވެގެން 100 އެނދު (392،040 ޑޮލަރު)

- ހއ. ކަނޑާލިފިނޮޅު - 5 ހެކްޓަރުގެ އެ ރަށުގައި މަދުވެގެން 100 އެނދު (392،040 ޑޮލަރު)

- ހދ. މަކުނުދޫ ފަރު 1 - 200 ހެކްޓަރުގެ އެ ރަށުގައި މަދުވެގެން 150 އެނދު (1.26 މިލިއަން ޑޮލަރު)

- ށ. ފުށިފަރު - 4.34 ހެކްޓަރުގެ އެ ރަށުގައި މަދުވެގެން 100 އެނދު (234،360 ޑޮލަރު)

- ލ. ފޮނަގާދޫ - 8.18 ހެކްޓަރު އެ ރަށުގައި މަދުވެގެން 100 އެނދު (588،960 ޑޮލަރު)

ހަލާލު ޓޫރިޒަމަށް ހާއްސަކޮށް ފަސް ރަށެއްގައި ރިސޯޓު ތަރައްގީކުރާނެ ބަޔަކު ހޯދަން އިއުލާނުކުރިއިރު މިދިޔަ ޖޫން މަހުގެ ތެރޭގައި ވެސް ވަނީ މީގެ ތެރެއިން ހަތަރު ރަށެއްގައި ހަލާލު ޓޫރިޒަމް ހިންގާނެ ބަޔަކު ހޯދަން އިއުލާނުކޮށްފަ އެވެ. ބެލެވޭ ގޮތުގައި އެކަމަށް އަނެއްކާވެސް އިއުލާނުކޮށްފައި މި ވަނީ އެކަމަށް ތަރުހީބު ނުލިބިގެންނެވެ.

ކުރިން ވަނީ ތ. މާގުޅިގައި ވެސް ހަލާލު ޓޫރިޒަމް ތަރައްގީކުރަން ހުޅުވާލައިފަ އެވެ.

އިއުލާނުގައި ބުނީ ހަލާލު ޓޫރިޒަމްގެ ރަށްތަކުގައި ރަލާއި އޫރު މަހުގެ މުއާމަލާތްތައް ނުހިންގޭނެ ކަމަށާއި އެ ފަދަ ރަށްރަށުގައި ކެއުން ބުއިމުގައި ބޭނުން ކުރަން ޖެހޭނީ ވެސް ހަލާލު ކާބޯތަކެތި ކަމަށެވެ.

އިސްލާމް ދީނާ ގުޅޭ ފަދަ ތަންތަން ރަށު ތެރޭގައި ހުންނަން ޖެހޭ ކަމަށާއި އެގޮތުން މިސްކިތް ފަދަ ތަންތަން ވެސް ހަދަންވާނީ، އެ ރަށުގެ އެންމެ އައިކޮނިކް ބިލްޑިންތަކުގެ ގޮތުގަ އެވެ. އަންހެނުންނާއި ފިރިހެނުންނަށް ވަކިން ނަމާދުކުރެވޭ ގޮތަށް ހުންނަން ޖެހޭއިރު ބައެއް ހިދުމަތްތަކަށް ބޭނުންވާ ހަލާލް ސެޓިފިކޭޝަން ވެސް ހޯދަން ޖެހޭނެ އެވެ.

ޓޫރިޒަމް ޓޫރިޒަމް އެންޑް އެންވަޔަރަންމަންޓް މިނިސްޓްރީ ލޯކަލް ޓޫރިޒަމް

30 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

23 November 2025

އަހުރެންނަށް ރަގަޅީ، ނަހަލާލު ޓުވަރިޒަމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސް

22 November 2025

މި ނޫން ގޮތަކަށްވެސް މިކަން ކުރެވެން އެބަ ޖެހޭ! ހަލާލް ޓުއަރިޒް އޭ ކިޔާފައި އިސްތިހާރު ކުރަން ފެށީމައި މިގައުމުގެ މުޅި އިގްތިސޯދު އެއަށް ބިނާވެފައިވާ ޓުއަރިޒްމް އިންޑަސްޓްރީގައި ރަސްމީކޮށް ހަރާމް ލޭބަލް އެޅުވެނީ! މިކަހަލަ ކަންތައްތަކުގައި ކަމާއި ގުޅޭ މުއައްސަސާތަކުން ގައުމީ ލެވެލްއެއްގައި މަސައްކަތް ކޮށްގެން އެންމެން އެކައްޗެއް ކިއުން ވަރަށް މުހިންމު ކަމަށް ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

22 November 2025

ލޭބަލްޖެހިޔަސް ނުޖެހިޔަސް ބަނގުރަލާ އޫރުމަސް ވިއްކާ ރިސޯޓެއް ހަމަހަރާމް ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓަކި

23 November 2025

"ހަލާލް ޓުއަރިޒަމް" މިހެން ނަންދިނުމުގެ ބަދަލުގައި "އިސްލާމިކް ޓުއަރިޒަމް" ކިޔުންވެސް މާ އައުލާކަން ބޮޑުވެގެންވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސކކކްނ

22 November 2025

ތަރުހީބެއް ނުލިބުނީމާވެސް، ސިޔާސީ ސަކަރާތްޖަހަން އަނެއްކާ އިއުލާނުކުރީތަ؟ ދެރަވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

21 November 2025

ޙަލާލު ޓުއަރިޒަމްގަވެސް ބީޗަށް، މޫދަށް އެރެންވީމަ ބިކިނީ ލައިގެން އެރެވޭނެބާ، ނޫނީ ލޯކަލް ޓުއަރިޒަމްގަ އޮންނަ ގޮތަށް ވަކިން ބިކިނީ ބީޗެއް އޮންނާނީބާ، އެކަމަކު އާއްމުން ދިރި ނޫޅޭތަނަކަށް ވާއިރު ކޮންމެހެން ވަކިން ބިކިނީ ބީޗެއް އޮތުމުގެ މާނައެއް ނެތްތާދޯ. އެކަމަކުވެސް އެއަށް ކިޔާނީ ހަމަ ޙަލާލު ޓުއަރިޒަމްބާ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަލަމް

21 November 2025

ހަލާލު ޓޫރިޒަމް ނަމުގަ . ތިވެސް މާކެޓިންގ ގެ ވައްތަރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

21 November 2025

ހަލާލު ޓޫރިޒަމް. ހަރާން ޓޫރިޒަމް. ކިހާރީތި ދެ ނަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރިކަ

21 November 2025

އެހެންވީމަ މިހާރު މި އޮންނަނީ ހަރާމް ޓޫރިޒަމެއްތާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

21 November 2025

އާނ، ޙަލާލު ޓޫރިޒަމް ރާއްޖޭގަ ހިންގަން ފެށީމަ ދެން ފެންނަން އޮންނާނީ، ޙަރާމް ޓޫރިޒަމް އާ ޙަލާލު ޓޫރިޒަމް، ސަތޭކަ % އިސްލާމީ ޤައުމެކޭ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލު މާކު

22 November 2025

ސުވާލަކީ ހަރާމް ޓޫރިޒަމުން ޤައުމަށް ވަންނަ ފައިސާއަކީ ހަލާލް ފައިސާތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

21 November 2025

އިމްރާންވެސް ބެންކޮކްގައި ހަލާލު ރެސްޓޯރެންޓެއް ހިންގާކަމަށްވަނީ! ސުވާލަކީ ހަލާލް ރެސްޓޯރެންޓް ބެންކޮކްގައި ހިންގިދާނެބާވައޭ!މިހާރު ސަފާރީތަކުގައި ރާވިއްކަން ހުއްދަދިނީމަ ވާގޮތް އެބަފެނޭދޯ! ޓެކްސީ ޑުރައުވަރަކު ބުނީ ސަފާރީއަށް މީހަކު ބަލާ ގޮސް ހުއްޓާ އެމީހާ ދެމީހުން އަތުލަފި ކޮއްގެން ގެނެސް ކާރަށް އެރުވި ވާހަކަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާނެއޭދޯ

21 November 2025

މާލެ އާއި ދުރުގައި ހަދާ ރިސޯރޓް ތައް ދޭންވީ މާލޭގެ އެންމެ މުއްސަނދި 5 ކުންފުނި ބަލާ އެކުންފުނި ތަކަކީ ބަރާބަރަށް ޓެކްސް ދައްކަމުންދާ ކުންފުނި ތަކަށް ވެފައި ރިސޯރޓް ވިޔާފާރިކުރާނަމަ އެފަދަ ކުންފުނި ތަކަށް ދޭންވީ ތިޔާ ރަށްތައް ހިލޭ ދިނުމަށް ފަހު ޗައިނާގެ އެންމެ ބޮޑެތި ބޭންކް ތަކުން އެމެން ބޭނުންވަރަށް ލޯންހޯދާ ދޭން ސަރުކާރުން ސޮވެރިންގް ގްރެންޓީދޭންވީ ޖެހިލުމެއް ނެތި ދެން ރިސޯރޓް ހެދޭނެ އިސާހިތަކު ބޮޑު ލާރީގައި ހުނި ޖަހައިގެން އުޅޭ މީހުންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކޮނޮމިސްޓް

21 November 2025

ރައީސްއާއި ސަރުކާރުގެ ވަޒީރުންނާ ސަރުކާރު ކުންފުނިތަކުގެ ވަފުދުތައް ގޮވައިގެން ގޮސް ދުނިޔޭގެ ހުރިހާ ގައުމެއްގަ އިންވެސްޓްމަންޓް ފޯރަމް ބާއްވައިގެންވެސް އިންވެސްޓް ކުރާނެ ބަޔަކު ނުވެގެންތަ ހަލާލު ޓޫރިޒަމް ތަަރައްގީކުރާނެ ބަޔަކު ހޯދަން އަލުން ހުޅުވާލަން މިޖެހުނީ. އިންވެސްޓްމަންޓް ފޯރަމްތަކަށް ކުރި ހަރަދުން ރިސޯޓެއް ހުޅުވޭހާ ފައިސާ ހަރަދުކޮށްފި ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

21 November 2025

އަދި އެކުވެރިގައުމު އެބަހުއްޓޭ އިންވެސްމަންޓް ފޯރަމް ހަދަން ދާންޖެހޭ. 100 ވިޔަފާރި ވެރިންނާއި ކެބިނެޓާއި އެތަންތަނުގައި މަސައްކަތްކުރާ ކުދިން ގޮވައިގެން 200 މީހުންގެ ފްލައިޓެއް ޗާޓަރުކޮށްގެން އަޒަރުބައިޖާނަށް، ޖޯޖިއާއަށް، ރޫމޭނިޔާއަށް ގްރީސް އަށް ޖައްސާލަބަލަ ހަލާލު ޓޫރިޒަމް ޕްރޮމޯޓް ކުރަން. އަންނަމުން މޯލްޓާއަށްވެސް ހަލާލު ޓޫރިޒަމްގެ ކޮންސެޕްޓް ކިޔާދޭން ޖައްސާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމޮޑަސް

22 November 2025

އިންވެސްޓްމަންޓް ފޯރަމްތަކުގެ ބައިވެރިވަނީ 1/3 ދިވެހި ވަފުދުގެ ބޭފުޅުން. ފިނޭންސާއި، ފޮރިން އާއި، އިކޮނޮމިކް މިނިސްޓްރީގައި އުޅޭ ދަތުރުކުރާ ހިތްވާ ކުދިންކޮޅާއި، ރާއްޖޭ ގެންދާ މަދު ވިޔަފާރިވެރިން ކޮޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

21 November 2025

ކިހިނެތް ތިކަން ކުރަަނީ؟ މިހަަރުވެސްް މީހުން އުޅޭ ރަށްރަށުގެ ގެސްޓްހައުސް ތަކުގަ ރިބޭ ޓުއަރިސްޓުންނަށް ރާ ވިއްކަން އެރަށް ރަށް ކައިރީ ފަޅުގަ ސަފާރީ އުޅަދު ބާއްވައިގެން ރާ ލިބޭ ގޮތް ހަދައިގެން އުޅޭ އިރު ‘ހަލާލު ރިސޯޓުގެ’ ގެސް ޓުން ރާބޯން ހަމަ އެގޮތަށް ފަޅުތެރޭ ސަފާރީ އެއް ބާއްވާނީބާ؟ ތެލާ ފެނާ އެއް ނުކުރެވޭނެ!