އެސްޓީއޯގެ ކާޑު ގުދަން ހަދަން އިންޑަސްޓްރިއަލް ވިލެޖުން ކަނޑައެޅި ބިން އެސްޓީއޯ އާ މިއަދު ހަވާލުކުރުމުގެ އެއްބަސްވުން ހައުސިން މިނިސްޓަރު މުއިއްޒާއި އެ ކުންފުނީގެ އެމްޑީ ޝަހީރު ބަދަލުކުރައްވަނީ.
12 އެޕްރީލް 2017 - 21:12
3 comments
އެސްޓީއޯގެ ކާޑު ގުދަން މާލޭ އިންޑަސްޓްރިއަލް ވިލެޖަށް ބަދަލު ކުރުމަށް ބޭނުންވާ ބިން ހައުސިން މިނިސްޓްރީން އެ ކުންފުންޏާ މިއަދު ހަވާލުކޮށްފި އެވެ.
އެ މިނިސްޓްރީގައި ބޭއްވި ރަސްމިއްޔާތެއްގައި ބިން ހަވާލުކުރުމުގެ އެއްބަސްވުމުގައި ހައުސިން މިނިސްޓްރީގެ ފަރާތުން ސޮއި ކުރެއްވީ މިނިސްޓަރު މުހައްމަދު މުއިއްޒެވެ. އަދި އެސްޓީއޯ އިން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ޝަހީރެވެ.
އެސްޓީއޯ އިން ބުނީ މާލެތެރޭގައި ހުރި ސްޓޯރޭޖް ޔުނިޓްތައް އެއްތަނަކަށް ބަދަލުކުރުމަށް ހާއްސަ ސަމާލުކަމެއް ދޭތީ، މިކަމުގައި އެ ކުންފުނީގެ ފަރާތުން ފުރިހަމަ އެއްބާރުލުން ދެމުން އަންނަ ކަމަށެވެ.
އެސްޓީއޯގެ ކާޑުގުދަން: މިތަން އިންޑަސްޓްރިއަލް ވިލެޖަށް ބަދަލުކުރަން ވަނީ ނިންމާފައި.
އަދި ބުނީ އެ ބަދަލުގެ އެންމެ ބޮޑު މަގުސަދަކީ އެސްޓީއޯގެ ގުދަންތައް އެއްތަނަކަށް ބަދަލުކޮށް، ވީހާ ފުރިހަމަކޮށް، ލޮޖިސްޓިކްސްގެ ކަންކަން ކުރިއަށް ގެންދިއުން ކަމަށެވެ.
އިންޑަސްޓްރިއަލް ވިލެޖްހައި ގާއިމް ކުރާ ކާޑު ގުދަނުގެ އިމާރާތަކީ އެންމެ ޒަމާނީ ވަސީލަތްތައް ހިމެނިގެން ހަދާ، މަލްޓިސްޓޯރީ ވެއާހައުސްއެއް ކަމަށް ވެސް އެސްޓީއޯ އިން ބުންޏެވެ.
ކާޑު ގުދަން ބަދަލު ކުރަނީ އިންޑަސްޓްރިއަލް ވިލެޖްގެ ފަސް ނަމްބަރު ކޮށްޓަށެވެ. އެސްޓީއޯ ބްލޮކް 393 ވެއަހައުސްގައި މިހާރު ގުދަންކޮށްފައި ހުންނަނީ ކާޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެޓޭ
14 April 2017
ރައްޔިތުން ބަނޑުފުރާނަ މުއްތިކުރަން ރައްކާކުރާ ކާޑުގެ ބާވަތްތައް އެއްމެ ފަސޭހައިން ރާޅުއާރާފާނެކަމަށް ބެލެވޭ ސަރަހައްދެއްގައި ބެހެއްޓުމަކީ ސެކިއުރިޓީގެގޮތުން ރައްކާތެރިކަމެއްނޫން. 2018 ގައި ބުރިޖް ހުޅުވަން ހަމަޖެހިފައިވާތީ ތިޔަގުދަން ހުޅުމާލޭގައި ހެދުން މާ ބުއްދިވެރިކަމަށްދެކެން.
ީހިންޓްސް
13 April 2017
ދެންތިއުޅެނީ ބޮޑެތި ކާރިސާއަކަށް ވެސް ނުބަލާ ރައްކާތެރިނޫން ހިސާބަކަށް ގެންދަންތޯ؟؟؟ ވިސްނާލުން ބުއްދިވެރި.. އިހަށްނުވި ރައްކަލެއް ފަހަކަށް ނުވެވޭނެ...
GAN Island
12 April 2017
ތިޔަ މުޤައްދަސް ރަށްގަނޑުގައި ނުޖައްސާނަމަ ގައިމު އަތޮޅުތަކުގެ ރައްޔިތުންނަށް އެމީހުންނަށް ގަނެވޭނެ އަގެއްގައި ހަނޑޫ ހަކުރު ފުށް ވިއްކޭނެ. . . . ކުޅުދުއްފުއްޓާއު އައްޑޫ ގައި ބަނދަރު އޮތް އިރު އުތުރާއި ދެކުނުގެ ރައްޔިތުންނަށް ބޭނުންވާ ކާޑުގެ ބާވަތްތައް އެތަންތަނުގައި ރައްކާ ނުކުރަނީ ''ޖީބަށް އެޅޭ އެތިކޮޅު'' މަދުވެދާނެތީ ނޫނީ ގެދޮރު ކުލި ގެއްލިދާނެތީތީ ؟؟؟