19 އެޕްރީލް 2017 - 09:55
15 comments
މެޑްރިޑް (އޭޕްރިލް 19) - ޗެމްޕިއަންސް ލީގުގެ ކުއާޓާ ފައިނަލުގެ ދެ ވަނަ ލެގުގައި ރޭ ރެއާލް މެޑްރިޑް އަތުން 4-2 އިން ބަޔާން މިއުނިކް ބަލިވި މެޗުގައި ރެފްރީގެ ފަރާތުން ގިނަ ގޯސް ނިންމުންތަކެއް ފެނުނު ކަމަށާއި އެހެން ކަމުން ނަތީޖާ އިންސާފުވެރިކަމަަށް ގަބޫލުނުކުރާ ކަމަށް ބަޔާންގެ ކޯޗު ކާލޯ އަންޗެލޮޓީ ބުނެފި އެވެ.
ރެއާލުން ބަޔާން ކަޓުވާލުމަށް ފަހު ސެމީން ޖާގަ ހޯދީ 6-3 ގެ އެގްރިގޭޓް ނަތީޖާ އަކުން ކުރިހޯދައިގެންނެވެ. ރޭގެ މެޗުގައި ބަޔާން ކޮޅަށް ރެއާލްގެ ކްރިސްޓިއާނޯ ރޮނާލްޑޯ ހެޓްރިކެއް ހެދިއިރު، އޭނާ ފަހުން ޖެހި ދެ ލަނޑު ކާމިޔާބުކުރީ އޮފްސައިޑްގައި ހުރެ ކަމަށް ބަޔާނުން އެޕީލްކުރި އެވެ.
މެޗުގެ 85 ވަނަ މިނިޓްގައި ބަޔާނުގެ އާޓޫރޯ ވިޑާލަށް ދެ ވަނަ ރީނދޫ ކާޑާ އެކު ރަތް ކާޑު ދައްކާ ދަނޑުން ފޮނުވާލިއިރު، އެއީ ރަނގަޅު ކާޑެއް ނޫން ކަމަށް ބަޔާނުން ބުނެ އެވެ. އަދި ރެއާލްގެ މިޑްފީލްޑަރު ކަސެމީރޯ ގިނަ ފައުލުތަކެއް ކުރިއިރު އޭނާ އަށް ކާޑު ނުދައްކާތީ ބަޔާނުން ވަނީ އެކަން ވެސް ފާހަގަކޮށްފަ އެވެ.
"އަހަރެމެންނަށް ހައްގުވާ ނަތީޖާއެއް ނޫން. މިއީ އަހަރެމެންނާ އިދިކޮޅަށް ގިނަ ގޯސް ނިންމުތަކެއް ވަނީ އައިސްފައި. ވިޑާލަށް ދެއްކީ ރަނގަޅު ކާޑެއް ނޫން. ރޮނާލްޑޯ ފަހުން ޖެހި ދެ ގޯލަކީ އޮފްސައިޑް ދެ ލަނޑު،" ކުރިން ރެއާލަށް ކޯޗުކޮށްދިން އަންޗެލޮޓީ ބުންޏެވެ.
މިއީ ސްޕެއިނަށް ނިސްބަތްވާ ކްލަބަކުން މި މުބާރާތުން ބަޔާން ޖެހިޖެހިގެން ކަޓުވާލި ހަތަރު ވަނަ ސީޒަނެވެ.
އަންޗެލޮޓީ ބުނީ މިއީ ޔުއޭފާ އިން ވީޑިއޯ ޓެކްނޮލޮޖީ ތައާރަފް ކުރަންވީ ވަގުތު ކަމަށެވެ.
"ޗެމްޕިއަންސް ލީގުގެ ކުއާޓާ ފައިނަލް މެޗުތަކަށް ރެފްރީން ކަނޑައަޅާއިރު ރަނގަޅު ރެފްރީން އެބަ ނަގަންޖެހޭ. އެހެން ނޫން ނަމަ ދެން އޮތް ހައްލަކީ ރެފްރީންނަށް އެހީތެރިވުމަށް ވީޑިއޯ ޓެކްނޮލޮޖީގެ އެހީ ހޯދަންވީ. އަހަންނަށް އެނގޭ ޔުއޭފާ އިން އެ މަސައްކަތް ކުރަމުން އަންނަކަން. އެކަމަކު މިހާރު އެކަން ކުރުން އަވަސްކުރަން ވެއްޖެ،" އަންޗެލޮޓީ ބުންޏެވެ.
ރޭގެ މެޗަށް ފަހު ބަޔާންގެ ގިނަ ކުޅުންތެރިން ވެސް ވަނީ ސޯޝަލް މީޑިއާގައި މެޗުގެ ރެފްރީ ހަންގޭރީގެ ވިކްޓަ ކަސާއި އަށް ފާޑުކިޔައިފަ އެވެ. މިގޮތުން ފްރޭންކް ރިބެރީ އޭނާގެ އިންސްޓަގްރާމް ޕޯސްޓުގައި ބުނެފައިވަނީ އެއް އަހަރު ދުވަހުގެ މަސައްކަތް އަތުން ބީވެގެން ދިޔައީ ރެފްރީގެ ގޯސް ނިންމުންތަކުގެ ސަބަބުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިބަރީ
19 April 2017
ރޭގައި ބަޔާނަށް ދިން ޕެނަލްޓީ އަކީވެސް ޑައިވެއް. ރޮބެންނަށް ޔެލޯދައްކަންޖެހޭ ތަނެއްގައި ޕެނަލްޓީ ދީފަ ކަސަމީރޯއަށް ޔެލޯ ދެއްކީ. އަދި ރިޔާލް އަށް ލިބެންޖެހޭ ޕެނަލްޓީ ނުވެސް ދިން
ލީގް ވޮޗް
19 April 2017
ރޮނާލްޑޯގެ ފުރަތަމަ އަދި ދެވަނަ ގޯލް އެއީ އޮފްސައިޑް 2 ގޯލް.3 ވަނަ ގޯލްއެއީ ޓެޕްއިންއެއް.ވަރަށް މޮޅު. 150 ގޯލްވެސް ޖަހަންވީއެއްނު.
ނުރަބޯ
19 April 2017
ލަނޑު އޮފްސައިޑަށް ނުދެއްކުމަކީ ރޮނޯލްޑޯ މައްސަލައެއް ނޫން. ޖޭވިޔަސް ތީ ބޮޑުވަރު.
މޮރީނިޔޯ
19 April 2017
ކޯޓަށް ދޭ.. އިންސާފު ހޯދަން ބޭކާރު އަނގަ ނުތަޅާ.
ރަދީފް
19 April 2017
މަރުހަބާ ސީއާރު7 . ޗެމްޕިއަންސްލީގްގަ 100 ގޯލް ހަމަކުރި ފުރަތަމަ ކުޅުންތެރިޔާ.ކްލަބެއްގެ ގޮތުގަ އެތުލެޓިކޯއަށް ރޭގަ ހަމަކުރެވުނީ 100 ގޯލް. އެތުލެޓިކޯއަށް ވުރެ ސީއާރު7 ބޮޑު ޔޫސީއެލްގެ ގޯލްތައް ކޮމްޕެއާކުރާއިރު. #ޕުތަމެޑްރިޑް
ރޮނަލްރެފްރީޑޯ
19 April 2017
25 އިންސައްތަ އަކީ އޮފްސައިޓް ގޯލް 50 އިންސައްތަ ޕެނަލްޓީ 25 އިންސައްތަ ރަނގަޅުގޮތުގަ ޖެހިފަ އޮތީ... އެއީ ރޮނަލްރެފްރީޑޯ... މަ ނަމަ މިހާރު 1000 ހަމަ ކޮށްފީސް އެހެން ރެފްރީން އެހީވަންޏާ
ކީކުރާނީ
19 April 2017
މިކޮމެއްޓަށް ރިޕްލައި ކުރިމީހާ ޕެނެލްޓީއޭ ކިޔާއިރު ރޮނާލްޑޯގެ 103 ގޯލްގައި ހިމެނެނީ 11 ޕެނަލްޓީ. މެހިސީގެ 94 ލަނޑުގެ ތެރޭގައިވެސް ހަމަ 11 ޕެނަލްޓީ. ދެންކޮބާ މެހިސީގެ އޮފްސައިޑް ތައް އަދި.... ރޮނާލްޑޯ ޖެހި ސައްހަ ލަނޑުތަކުގެ ތެރެއިން އޮފްސައިޑް ކަމަށް ނިންމާފަ ހުރިލަނޑުތައް ވީޑިއޯ ތަކުން ބަލާބަ
ރިބެރީ
19 April 2017
އެވާހަކައޭ އޮފްސައިޑް ގޯލްތައް ޖަހައިގެން ސަތޭކައެއްނޫން 200 ވެސް ހަމަވާނެ..
ރަދީފް
19 April 2017
މަރުހަބާ ރެއާލް.ބަޔާން ކުރި ހިތްވަރަށް ސާބަސް. ރޭގެ މެޗްގަ ހަންގޭރީގެ ރެފްރީ ވިކްޓަރ ކަސާއީގެ ގިނަ ނިންމުންތައް އެއީ ބަހުސްކުރެވިދާނެ މައްސަލަތައް.ނަމަވެސް މިހާރު އެމެޗް އެއީ މާޒީ. #ހަލަމެޑްރިޑް #ޕުތަމެޑްރިޑް
ޢަލީ
19 April 2017
ދެން ބާސާ މޮޅުވީމާ ކަލޭމެން މޭފުއްޕާފަ ރެފްރީ އޭ ގޮވީ ކޮން މޮޔައެއް ވެގެން. މިހާރު ރެފްރީ ފެނިއްޖެތަ؟ ޕާޕާ ޕެރެޒް އެންޑް ހިޒް މަނީ މަނީ. ތެންކްޔޫ ޔުއެފާޑްރިޑް އެންޑް ރެފްރީ
ރަދީފް
19 April 2017
އަލީއަށް. އަހަރެން ނުދެކެން އެއްވެސް ޓީމަކުން ރެފްރީއަށް ފައިސާ ދިންތަނެއް.ބާސާ އަދި ރެއާލުންވެސް ރެފްޜީންނަށް ފައިސާދިންކަމަށް ބައިނަލްއަގްވާމީ އެއްވެސް ނޫސް އެޖެންސީއަކުން ބުނިތަނެއްނުފެނޭ.ރަދީފްގެ ފޯނުން ހަމައެކަނި 600 ޗެނަލް ވަގުތުން ބަލާލެވޭ.އެހެންވީމަ ތޔަ ކަމުގަ ދެން ބައްދަލުކުރާނީ ކޯޓްރޫމުން. ވ.ވެދުން
ރިއަލްފުޓްބޯލަރ
19 April 2017
އަލީ ތި އިތުރުފުޅެއް ބާރސާ މޮޅުވެގެން ރަދީފު ބުރޯ ނުކިޔާނެ ރެފްރީއެކޭ ލާރިއެކޭ... އެއީ ބާރސާ އަދި ޔުވެންޓަސްގެ ހާރދްކޯ ފޭނެއް
ރަދީފް
19 April 2017
އެކުވެރި ''ރިއަލްފުޓްބޯލާރ'' އަށް. މިފަހަރު މަނިކްފާނު ތިޔަ ކްލެއިމް ކުރެއްވީ މުޅިންރަނގަޅު ވާހަކައެއްނޫން.ރަދީފް އަބަދުވެސް ބަލަނީ ތެދުބަހުން ކޮމެންޓްކުރެވޭތޯ.ނަމަވެސް ރަދީފްގެ ނަމުގަ އެހެންފަރާތްތަކުން މިތަނުގަ ކޮމެންޓްކުރާކުރުން އެއީ އަދި އެހެން މައްސަލައެއް.އެކަމުގަ އެބޭފުޅުންޖެހޭނީ ކޯޓްރޫމުން އަޅުގަނޑާ ބައްދަލުކުރަން. ވ.ވެދުން.
ޖަމަލޭ
19 April 2017
ޔޫއެފާއަށް ފަންޑުކުރާ ޕެރޭޒުގެ ކުލަބާ ދެކޮޅަށް ކުޅެންޔާ ވާނެ ތިހެންވެސް..އާކަމެއް ނޫން (މަށަކީ ލަލީގާ ފޭނެއް ނޫން)
ނޫނުއަލިފް
19 April 2017
އާން.... ލަލީގާ ޓީމްތައް ޗެމްޕިއަންސް ލީގް ގެންދަނީ މެޗުވެސް ނުކުޅެ ފަންޑުކޮށްގެން.......ކެކެކެކެކެކެކެ