ކުރީގެ އަޑުއެހުމަކަށް ފަހު ގާސިމް ކޯޓުން ނެރެނީ: އޭނާއަށް ތިން ދައުވާއެއް ދައުލަތުން ކުރޭ --ފޮޓޯ/މިހާރު
27 އެޕްރީލް 2017 - 10:52
5 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމަށް ދައުވާކުރާ މައްސަލައިގެ ޝަރީއަތަށް ކްރިމިނަލް ކޯޓަށް އޭނާ ދެންމެ ހާޒިރުކޮށްފި އެވެ.
މިވަގުތު ބަންދުގައި ހުންނެވި ގާސިމް ފުލުހުންގެ ބެލުމުގެ ދަށުން ކޯޓަށް ހާޒިރުކުރީ ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އޭނާ އުޅުއްވި ކަމަށް ބުނެ ކުރާ ތިން ދައުވާއެއްގެ އަޑުއެހުމަށެވެ.
އެ ދައުވާކުރަނީ މަޖިލީހުގެ ރައީސް އަބްދުﷲ މަސީހާ ދެކޮޅަށް ނެގި އިތުބާރު ނެތްކަމުގެ ވޯޓުގައި މަސީހާ ދެކޮޅަށް ވޯޓު ދޭ މެމްބަރުން އިތުރު ދައުރަކަށް ހޮވައިދޭން މަސައްކަތް ކުރައްވާނެ ކަމަށް ޖަލްސާއެއްގައި ގާސިމް ވިދާޅުވުމުންނެވެ.
މިއަދު ހެނދުނު 11:00 ގައި ބާއްވަން ހަމަޖައްސާފައިވާ އަޑުއެހުމުގައި އޮންނާނީ ގާސިމްގެ ފަރާތުން ޖަވާބުދާރީވުމެވެ. އެ މައްސަލަ ބައްލަވަނީ ތިން ފަނޑިޔާރުންގެ މައްޗަށް އެކުލެވޭ ބެންޗަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަށަވަރޭ
27 April 2017
މަޖްލީހުގެ މެމްބަރުން ދާއިރާގެ ރައްޔިތުން ހޮވަނީ އެއީ މަޖްލީހުގެ ރައީސް ކަމުގެ މަގާމް ގައި ހުރި މީހަކު ނަގާ އެއްލާލުމުގެ ނުބައި ހަރަކާތް ހިންގާކަަށް ނޫނެވެ. އޭގެ ބަދަލު ގައި މަޖްލީހުގެ ރައީސް އާއި ގުޅިގެން ސަރުކާރާއި ވެސް ގުޅިގެން ރައްޔިތުންގެ ތަރައްގީ އަށް އަދި ދާއިރާގެ ތަރައްގީ އަށް ކަންކަން ކޮށް ދިނުމަށެވެ. އެގޮތުން ބަލާއިރު ވަރަށް މުހިއްމު ކަމެއް އެއީ ކޮންމެ ދާއިރާ އެއްގެ އެމްޕީ ވެސް އެދާއިރާ އަކަށް މާލެ ސަރަަހައްދުން 2 ކޮޓަރީގެ 2500 އެޕާރޓްމަންޓްސް ލިބޭނެ ތޯ ބަލަން މަސައްކަތް ކުރުން. އެއިރުން އެދާއިރާއިން މާލެ ސަރަހައްދަށް ދިރިއުޅުން ބަދަލު ކުރަން ބޭނުންވާ އެންމެންނަށް އެފުރުސަތު ހަމަ ހަމަ ކަމާއި އެކު ދެވޭނެ ނޫންތޭ. މިފަދަ ފައިދާ ކުރަނިވި ކަމެއް ގާސިމް އިބްރާހިމް ކުރަން އުޅުނު ނަމަ ޔަގީނޭ މިއަދު ކޯޓަށް ނުގެންދާނެ ކަން. އެއީ ކަށަވަރު ކަމެކެވެ.
ދެރަވަރު
27 April 2017
ކިތަންމެ ގިނަ އަޑުއެހުމެއް ބޭއްވިއަސް ނަތީޖާއަކަށް ބަދަލެއްނާންނެ. ނަތީޖާ މިހާރުވެސް ދިވެހި އެންމެހާ ރައްޔިތުންނަށް އެނގޭ. މި ބުނީ ވަރަށް ގިނަ ވާހަކަ. ވަރަށް ދެރަ.
ޚިޔާލް123
27 April 2017
ގާސިމަށް ކުރާ އަނިޔާ ހުއްޓާލަން ސަރުކާރަށް ގޮވައިލަން، ގާސިމް ހައްޔަރުކޮއްގެން ލިބޭނެ ވޯޓެއް އިތުރެއް ނުވާނެ، ގާސިމްއާ ޕީސްކުރިވަރަކުން ލިބޭވޯޓް އިތުރުވާނީ، ދެން އަނެއްކާ ގާސިމާ ނުލައި އެކަނި އެކަނި ނެގޭނެ ވޯޓޭއްވެސް މިގައުމުގައި ނެތް..
ޢަލީ
27 April 2017
އެދުވަސް ހިނގައްޖެ!
ބްރޯ
27 April 2017
ގާސިމްއަކީ ދިވެހި ރައްޔިތުންނަށް ވަރަށް ހެޔޮ ބޭފުޅެއް. އަޅުގަނޑަކީ ވަކި ޕާޓީ އެއްގެ ސަޕޯޓަރެއް ނޫން. އެކަމު އެބޭފުޅާގެ އެހީ ލިބިފަ ހުރި އާއިލާ އަކަށް ނިސްބަތްވާ ކުއްޖެއް. ކުރީގަ އާސަންދަ ނޯންނައިރު އަޅުގަނޑުގެ ހީމޮފީލިކް މައްސަލަ ދިމާވާ ކޮއްކޮ ހާލު ބޮޑުވެގެން ސަރުކާރަށް ސިޓީ ލައިގެން ނުވެގެން ފަހުން ގާސިމްގެ ހަރަދުގަ ކޮއްކޮއާއި މަންމަ އަދި ބައްޕަ އިންޑިއާ އަށް ފޮނުވަދީ އެމީހުންގެ ދަތުރުގެ ހުރިހާ ހަރަދަކާއި ބޭސް ފަރުވާގެ އެންމެހާ ހަރަދު ކޮށްދިން. ގާސިމް އެއް އަޅުގަނޑު ނުވަތަ އަޅުގަނޑުގެ އާއިލާގެ މީހެއްވެސް ނުދަންނާނެ. އެކަމުވެސް އެހެރީ އެބޭފުޅާޔަށް ލިބިފަ ހުރިތަނަވަސްކަމުން ނިކަމެއްޗަކަށް އެހީވެފަ. އަޅުގަނޑުމެންގެ އާއިލާ ފަދަ ކިތަންމެ އާއިލާ އެއް މާލޭގަ އެކަނިވެސް އެބަތިބި. އަދި ކޮބާ މާމިގިލީގެ 3000 ރައްޔިތުން. އަދި ކޮބާ ގާސިމް ކުންފުނީގަ މަސައްކަތް ކުރާ 5000 މުވައްޒަފުން. އެމީހުންގެ އާއިލާތައް؟ އަލީ އަކަސް ކާސިމަކަސް ނޭގޭ ވާހަކަ ނުދައްކާ!