ދެ ހަފުތާ ވީއިރު ވެސް ބޯފެނުގެ ދަތިކަމަށް ހައްލެއް ނުލިބުނު

ލައިފް ބްރޭންޑްގެ ފެން ފުޅިތަކެއް ބާލަނީ: ފެން ލިބުން ދަތިވެގެން އުޅޭ ސަބަބެއް ނޭނގޭ -- މިހާރު ފޮޓޯ

އާމިނަތު ޝިފްލީން، މިހާރު

05 މެއި 2017 - 14:27

މީގެ ދެ ހަފުތާއެއްހާ ދުވަސް ކުރިންސުރެ މިނަރަލް ވޯޓާ ލިބުން ދަތިވި ގޮތަށް އަދިވެސް އެކަމަށް ހައްލެއް ނުލިބޭ ކަމަށް ބައެއް ފިހާރަތަކުން މިއަދު ބުނެފި އެވެ.

މާލޭގެ ބައެއް ފިހާރަތަކުން ފެން ހުރީ ހުސްވެފަ އެވެ. އަނެއް ބައި ފިހާރަތަކުން ފެން ވިއްކަނީ ވަރަށް ބޮޑަށް ލިމިޓްކޮށްގެންނެވެ.

ބައެއް ފިހާރަތަކުން ބުނިގޮތުގައި ފެނުގެ ތާށިކަމާ ކުރިމަތިވި އިރު ފެން އުފައްދާ ކުންފުނިތަކާ ގުޅޭ ގޮތެއް ވެސް ނުވެ އެވެ.

ބައެއް މީހުން ބުނާ ގޮތުގައި މި ދުވަސްވަރު އެންމެ ނުލިބެނީ ފަސް ލިޓަރުގެ ފެން ފުޅި އެވެ. އެ ސައިޒްގެ ފެން ސަޕްލައި ކޮށްދެނީ "ލައިފް" އާއި "ތާޒާ" އިންނެވެ.

އެކަމަކު އެ ދެ ކުންފުނިން ވެސް މި މައްސަލާގައި އަދި އެއްވެސް އެޗެކޭ ނުބުނެ އެވެ. އެހެންކަމުން މިއީ ހޫނު ގަދަވެގެން ފެނުގެ ޑިމާންޑް ބޮޑުވުމުން ކުރިމަތިވި މައްސަލައެއް ކަމެއް ނުވަތަ ފެން ޕްލާންޓްތަކުގައި މައްސަލައެއް ޖެހިގެން، ދިމާވެގެން އުޅޭ ކަމެއް ކަމެއް ސާފެއް ނުވެ އެވެ.

އެންމެ ފަހުން ފެން އުފައްދަން ފެށި ސްޓެލްކޯ އިން ބުނީ އެހެން ބްރޭންޑްތަކުގެ ފެން ލިބުން ދަތިވުމުގެ ސަބަބުން އެ ކުންފުނީގެ ފެނަށް ބާރުބޮޑުވެފައިވާ ކަމަށެވެ. އެކަމަކު ކެޕޭސިޓީ ހުރި ގޮތުން އިތުރަށް ފެން އުފެއްދެން ނެތް ކަމަށް ސްޓެލްކޯ އިން ބުންޏެވެ.

"ފެން ދަތިވިޔަސް އިތުރަށް (ފެން) އުފެއްދޭހާ ކެޕޭސިޓީއެއް އަޅުގަނޑުމެންގެ އަދި ނެތް. އެކަމަކު ކުރިއަށް އޮތް ތަނުގައި ކެޕޭސިޓީ ބޮޑުކޮށް އިތުރަށް ފެން އުފައްދާނަން،" ސްޓެލްކޯގެ އޮފިޝަލަކު ވިދާޅުވި އެވެ.

ސްޓެލްކޯއިން ކުރިން ބުނެފައިވާ ގޮތުގައި އެ ކުންފުނިން ފެން ދޫކުރަނީ ކޮންމެ އޯޑަރަކަށް 10 ކޭހުގެ މަގުންނެވެ.

މިދިޔަ މާޗު މަހު ވެސް މިނަރަލް ވޯޓާ ފެން ލިބުން ވަރަށް ބޮޑަށް ދަތިވި އެވެ.

އޭރު ފެން ލިބުން ދަތިވީ، ތާޒާ ބްރޭންޑްގެ ފަސް ލީޓަރުގެ ބައެއް ފެންފުޅީގައި ވަހެއް ހުރުމުން، އެ ފެންފުޅިތައް ފިހާރަތަކުން ނެގުމާއި އެ ކުންފުނިން ފަސް ލީޓަރުގެ ފެން ސަޕްލައި ކުރުން ވަގުތީ ގޮތުން މެދުކަނޑާލުމުންނެވެ.

އެ ދަތިކަން ފިލުވަން "ލައިފު"ން އޭރު އިތުރަށް ފެން އުފެއްދި އެވެ.

ސްޓެލްކޯ ބޯފެން އެމްޑަބްލިއުއެސްސީީ ތާޒާ ފެން ލައިފް ފެން

28 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައްޕު

06 May 2017

އެއުޅެނީ ކުރިއްސުރެ ފެންއުފައްދާ ދެ ކުންފުންޏަށް އެއްވެސް ކަމެއްވެގެންނެއްނޫން! ރޯދައާ ކައިރިކޮށްލާފައި ފެން އަގުބޮޑުކުރަން! މީ ދޮގެއްތޯ ބަލަން އަޅެ ތިބެބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެން

06 May 2017

ޔުނިޓީޔަށް ދިޔައިރުގަ އެތަނުގެ ދެބައިކުޅައެއްބައިގަ ހުރީ ލައިފް ފެން ދެސައިޒަކުން ޖަހާލާފައެވެ. ސޭޓް ކައިރިން ފެން ކޭހެށްހޯދުމަށް ބުނީމަ ބުނީ ފެންނެތޭ. އަޅެ ސޭޓް ހުރީ އަނދިރިވެފަތަ އެތަނުގައި ފެންނެތޭ ބުނީ.ކީއްތަ ވާނީ އެންމެ ކޭހެއްގެ ފެން އަހަރުމެންނަށް ދިންނަމަވެސް. ހަގީގަތަކީ މިއުޅޭ ވިޔަފާރިވެރިން އުޅެނީ ރައްޔިތުން ފިއްތާލާ ލާރިބަނޑުއަޅަން. ސަރުކާރުންވެސް މިމީހުން ސައިޒަށްގެންނަން އެބަޖޭހޭ. މިހާރު އެކުޅެނީ ރައްޔިތުންގެ ލެޔާ. ބޯނެ ފެންކޮޅުވެސް ފޮރުވާލައިގެން އެވެސް ނުދީ. މާދަން ފެނުގެ ޓެކްސްނަގަންފަށާނެ އަނެއްކާ އެވާނީ އަގުބޮޑު.މިހާުވެސް އެލިބެނީ ކުޑަފުޅިކޭހެއްވެސް ފުޅިއަކަށް 3ރުފިޔާ ރޭޓުން މީބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްތި

06 May 2017

އަނގައިގަ ބަސްހުއްޓި ބުނާނެ އެއްޗެއް ނޭނގޭ. އަހަރެންގެ ލޮބުވެތި ޤައުމު ހަލާކުގެ ތެރެއަށް ވެއްޓިއްޖެ. ރައްޔިތުން ނިކަމެތި ވެއްޖެ. ވައްކަމާ ރިޝްވަތާ ފޭރުން އިތުރުވެ ޤަތުލު ޢާއްމު ވެއްޖެ. މަގުތައް މުޑުދާރުވެ ކުނިން ފުރި ވަސްނުބައި ވެއްޖެ. ކުރާ މަސައްކަތަށް ރަނގަޅު އުޖޫރަ އެއް ނުލިބޭ. އެންމެން މާލެ އަށް އަންނަން މަޖްބޫރު ކުރަނީ. ކޮންފަދަ ނާ ތަހުޒީބު ކަމެއްތޯ މިޔަދު މި ފެންނަނީ. ދަރިންނޭ ...މިވަނީ ކީއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗާބަގީ

06 May 2017

ސިންގަޕޫރުގެ ފުއްޓަރުފަރާތުންފޭބުނީމަ ބޯފެންނުލިބޭނެ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

06 May 2017

ކޮންމެ މީހަކު ކޮންމެ ވާހަކައެއް ދެއްކިއަސް ސަރުކާރުން އެއަކަށް ސަމާލުކަމެއް ނުދޭ،. ރައްޔިތުން އުޅެނީ ކައިގެންތޯ ބޮއެގެންތޯ މީކީ ސަރުކާރުން ބަލާކަމެއް ނޫން. ސަރުކާރަށް ސަރުކާރު ބޭނުންވާ ކަންކަން ކުރެވުނީމައި ނިމުނީ. ރައްޔިތުންގެ ހާލު ބަލާވަރުގެ ސަރުކާރެއް ނެތް، އެހެންވީމަ ތިވާކަ ނޫސްތަކުގައި ލިޔެގެން ބޭކާރު ސަފުހާއެއް ދުއްވާލުމުގެ ބޭނުމެއް ނެތް، ސަރުކާރަށް ރައްޔިތުންގެ ބޭނުން ޖެހެނީ ހަމައެކަނި ވޯޓު އައިސް ޖެހުނީމަ ނޫނީ ޕާޓީއަށް މީހުން އިތުރުކުރަން ބޭނުންވީމަ.