އެނދި ލޯންޗެއްގެ އިންޝުއަރެންސަށް ހަ ލައްކަ ޑޮލަރު ދައްކަން އަމާނާ ތަކަފުލްގެ މައްޗަށް ހުކުމްކޮށްފި

ކަނޑުމަތީގައި ހިނގި އެހެން ހާދިސާއެއްގައި ލޯންޗެއްގައި ރޯވެ އަނދަނީ

އާމިނަތު ޝިފްލީން، މިހާރު

15 މެއި 2017 - 16:06

ތިން މީހުންނާ އެކު މާލެއިން ފުރައިގެން ވ. އަތޮޅަށް ދަތުރުކުރަނިކޮށް އަލިފާން ރޯވެ އަޑިޔަށް ދިޔަ ލޯންޗެއްގެ އިންޝުއަރެންސަށް 600،000 ޑޮލަރު (9.2 މިލިއަން ރުފިޔާ) ދޭން އަމާނާ ތަކަފުލްގެ މައްޗަށް މިއަދު ހުކުމްކޮށްފި އެވެ.

"ޝަރޫ -5" ލޯންޗުގައި އަލިފާން ރޯވެ އަޑިއަށް ދިޔަ ހާދިސާ ހިނގީ 2013 ގަ އެވެ. ނަމަވެސް އިންޝުއަރެންސް ފައިސާ ދީފައެއް ނުވެ އެވެ.

ސިވިލް ކޯޓުން ކުރި ހުކުމްގައި ބުނެފައިވަނީ ލޯންޗުުގައި ރޯވީ ގަސްދުގައި ހިންގި އަމަލަކުން ކަމަށް ސާބިތުވާ ވަރަށް ޝަރީއަތަށް ކާފީ ހެކި ލިބިފައި ނުވާ ކަމަށެވެ. އަދި އެ ފައިސާ ނުދޭން އަމާނާ ތަކަފުލް އިން ދައްކާ ސަބަބުތަކަށް ޝަރީއަތުން ބުރަވެވެން ނެތް ކަމަށް ވެސް، ގާޒީ އަލީ ނަސީރު ކުރެއްވި ހުކުމުގައިވެ އެވެ.

އެ ލޯންޗު ނިސްބަތްވާ ޝަރޫ ލޯންޗު ސާވިސްއަށް އެ ފައިސާ ދަައްކަން އަމާނާ ތަކަފުލްއަށް ދިނީ މިއަދުން ފެށިގެން ތިން މަސް ދުވަހުގެ މުއްދަތެވެ.

ގާތްގަނޑަކަށް 42 ފޫޓުގެ ލަގްޒަރީ މި ލޯންޗުގައި އެންމެ ފުރަތަމަ އަލިފާން ރޯވީ، އެ ދުވަސްވަރު އެމްއެންޑީއެފުން ބުނި ގޮތުގައި، ލޯންޗުގެ ޖެނެރޭޓަރު ރޫމުގައި އޮތް ކާޕެޓެއްގަ އެވެ. އެ އަލިފާންގަނޑު ކޮންޓްރޯލް ނުކުރެވި ލޯންޗް އަނދަން ފެށުމުން އޭގައި ތިބި ތިން މީހުން ކަނޑަށް ފުންމާލީ އެވެ. އެ މީހުން ސަލާމަތްކުރީ އެ ސަރަހައްދުން ދަތުރުކުރި ދޯންޏަކުންނެވެ.

ސިވިލް ކޯޓް ކަނޑުމަތީގެ ހާދިސާ އަމާނާ ތަކާފުލް މޯލްޑިވްސް

27 ކޮމެންޓް, 129 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓައި

16 May 2017

ޝަރޫ ލޯންޗު ސާވިސް އިންތަ ފެނަކަ އައް ޑޮލަރުވިއްކީ، އަދި އެފައިސާ ނުދީގެން އެއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

16 May 2017

މި ޝަރޫ ލޯންޗް ސަރވިސަސް އަކީ ނިކަން ފާޑެއްގެ ބައެއް! ބަލަގަ މި މީހުން ނޫންތަ ފެނަކަ އަށާ އަދި ސްޓެލްކޯ އަށް ޑޮލަރު ވިއްކުމަށޭ ކިޔާފަ އެތެއް މިލިޔަނެއްގެ ފައިސާ ނަގައިގެން އެ ޑޮލަރު ތަން ނުދީގެން އުޅެނީ! ދެން މާ ގަދަޔަށް ވިޔަފާރި ކުރާ ބަޔަކަށް ވެގެން، ބޭރު ބޭންކް ތަކުގެ މެނޭޖަރުންގެ ބޯ ކާންވެގެން އުޅޭ ބައެއްތީ! ރަނގަޅަށް ވިއްޔާ ވާނީ ތި އަމާނާ އެއްގެވެސް މެނޭޖަރުންނާ ގުޅިގެން ހިންގާއިގެން އުޅޭ ކަމަކަށް! އެހެން މި ބުނީ ތި ޝަރޫ ހިންގަން ތިބޭ މީހުންގެ ވައްތަރު ކޮންވެސް ވަރަކަށް އަޑު އިވޭތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައްކަވާހަކަ

16 May 2017

އަހްމަދު. ކޮމެންޓް ކުރުމުގެ ކުރިން ރަނގަޅަށް ލިޔެފައޮންނަ އެއްޗެއް ކިޔާ ދޭހަވެގެން ކޮމެންޓްކުރޭ. ޝަރޫ ކުންފުނިން އިންޝުއަރެންސް ޕްރިމިއަމްގެ ގޮތުގައި ކޮންމެ އަހަރަކު އަމާނާތަކަފުލްއަށް ލައްކައިން ފައިސާ ދައްކަނީ އެކުންފުނީގެ އެސެޓަށް ގެއްލުމެއް ލިބިއްޖެނަމަ އެކަމުގެ ބަދަލުހޯދަން. ބަދަލު ނުދެންޏާ ޝަރީއަތަށް ހުށަހަޅައިގެން ބަދަލު ހޯދުމުގެ ހައްގު ކޮންމެ ބަޔަކަށްވެސް ލިބިގެންވޭ. ޝަރޫ ކުންފުނީގެ ލޯންޗެއްގައި ރޯވީ 2013 ވަނައަހަރު. އޭގެ ފަހުން މިއަދާހަމައަށް މިމައްސަލަ ކޯޓުގައި ދިގުލައިގެންދިއައީ. މިއަދު ޝަރޫގެ ކޮޅަށް ކޯޓުން މައްސަލަ ނިންމުމުން ކޯޓުވެސް ގޯސްވީ. އަމަނާތަކަފުލްގެ މެނޭޖަރުން އަދި ބޯޑު ޑައިރެކްޓަރުން ގޯސްވީ. ބޭރު ބޭންކްތަކުގެ މެނޭޖަރުންވެސް ގޯސްވީ. ޝަރޫއިން ދައުލަތަށް ދައްކަންޖެހޭ ޑޮލަރާއި މިކޭސްއާއި ގުޅުމެއްނެތް. ވަރަށް ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންފުޅު

16 May 2017

މިހާރު ވިސްނަންވެއްޖެ ނޫންތަ... އިންސުއަރަންސަކީ ގޭމްބްލިންގެ ވައްތަރެއްކަން... އިސްލާމްދީނުގައި ނަހީކުރައްވާފައިވާ ކަމެއް ގޭމްބްލިންގްއަކީ... އެކަމުގައި ކޮންމެވެސް އެކަކު ހުރިހާ ލޮސްއެއް ނަގަންޖެހެނީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

16 May 2017

މަކަރާ ހީލަތުން އިންޝުއަރެންސް ފައިސާ ހޯދުމުގެ އަމަލުތައް މިރާއްޖޭގަ ދަނީ ވަރަށް ގިނަ ވަމުން... ތިޔަބުނާ ކުންފުނީގެ ވާހަކައެއް ނޫން މިބުނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ އަލީ

16 May 2017

ކާޕެޓެއްގާ ރޯވި ނަމަ އެއީ ފަޅުވެރިންގެ އިހުމާލުން ހިގާފަ އޮތް ކަމެއް ނުވަތަ ގަސްދުގާ އޮތްކަމެއް ކަމަށް ބުރަ ވެވޭ އަވަސް އިސްތިއުނާފް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެރިން އިންޖިނިއަރ

16 May 2017

އިންޝުއަރެންސް ފައިސާ ހޯދަންށޭ ކިޔާފަ އަމިއްލައަށް ކާޕެޓްގައި ރޯކޮށްލައިގެން މާކަނޑުގެ މެދުގައި ސަލާމަތްވާނެ އެއްވެސް ވަސީލަތެއްނެތި ބަޔަކު ތިބެދާނެކަމާމެދު ސުވާލުއުފެދޭ. އެއްވެސް ބަޔަކު އަމިއްލައަށް މަރުވާކަށް ބޭނުމެއްނުވާނެ.