25 މެއި 2017 - 13:31
5 comments
ދުނިޔޭގެ އެހެން ގައުމުތަކެކޭ ވެސް އެއްގޮތަށް ރާއްޖެ އަށް ވެސް ކުރިމަތިވެފައިވާ އެންމެ ބޮޑު ގޮންޖެހުމަކީ ގައިންގަޔަށް ނާރާ ބަލިތައް އިތުރުވުން ކަމަށް ހެލްތް މިނިސްޓަރު އަބްދުﷲ ނާޒިމް އިއްޔެ ވިދާޅުވެއްޖެެ އެވެ.
ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) ގެ 70 ވަނަ ވޯލްޑް ހެލްތް އެސެމްބްލީގައި ތަގުރީރު ކުރައްވަމުން މިނިސްޓަރު ވަނީ ރާއްޖޭގައި ވެސް އެންމެ ގިނަ މީހުން މަރުވަނީ ގައިންގަޔަށް ނާރާ ބަލިތަކުގެ ސަބަބުން ކަމަށް ވިދާޅުވެފަ އެވެ.
މިނިސްޓަރު ވިދާޅުވީ ޅަފަތުގައި މަރުވާ ކުދިންގެ ނިސްބަތާއި ވިހެއުމާ ގުޅިގެން މައިން މަރުވާ ނިސްބަތް ފާހަގަކުރެވޭ މިންވަރަށް ދަށް ކުރެވިފައިވާ ކަމަށެވެ. އަދި ރާއްޖެ އަކީ މެލޭރިއާ އާއި ފައިލޭރިއާ ފަދަ ބަލިތަކުން ރައްކާތެރިވެފައިވާ ގައުމެއް ކަމަށް ޑަބްލިއުއެޗްއޯ އިން ކަނޑައަޅާފައިވާ ފާހަގަ ކުރައްވަމުން، ގައިންގަޔަށް އަރާ އެހެން ބަލިތައް ރާއްޖޭގައި ކޮންްޓްރޯލް ކުރެވިިފައިވާ ކަމަށް ވިދާޅުވި އެވެ.
ނަމަވެސް އެ ނިޒާމުތައް ދެމެހެއްޓުމަށް ސިއްހީ ދާއިރާ އިތުރަށް ހަރުދަނާ ކުރަންޖެހޭކަން ކަމަށް ނާޒިމް ވިދާޅުވި އެވެ.
"ދުނިޔެ ތަރައްގީވެ ކުރިއަރަމުން ދާއިރު ދަތުރުފަތުރަށް އައިސްފައިވާ ކުރިއެރުންތަކުގެ ސަބަބުން އެއް ގައުމުން އަނެއް ގައުމަށް ފެތުރޭ ބަލިތައް އެހެން ގައުމުތަކަށް ކުޑަ ވަގުތު ކޮޅެއްގެ ތެރޭގައި ދަތުރުކުރުމުގެ ފުރުސަތު އޮތުމުން، މިފަދަ ކަންކަން ހުއްޓުވުމުގައި މެމްބަރު ގައުމުތަކުން ގުޅިގެން މަސައްކަތް ކުރުމުގެ މުހިއްމުކަން ފާހަގަކުރަން،" މިނިސްޓަރު ވިދާޅުވި އެވެ.
ނާޒިމް ވަނީ 2030 ވަނަ އަހަރުގެ ކުރިން ސިއްހީ ދާއިރާގެ ދެމެހެއްޓެނި ތަރައްގީގެ ލަނޑުދަނޑިތައް ހާސިލްކުރުމަށް އަމާޒު ހިިފާފައިވާތީ އެކަން ހާސިލްކުރުމަށް އެންމެން މަސައްކަތް ކުރަންޖެހޭ ކަމަށް ވިދާޅުވެފަ އެވެ. އަދި ސިއްހީ ނިޒާމު އިތުރަށް ހަރުދަނާކުރުމާއި ސިއްހީ ދާއިރާ އިން އިތުރަށް މީހުން ބިނާކުރުމަކީ ދެމެހެއްޓެނިިވި ތަރައްގީގެ ލަނޑުދަނޑިތައް ހާސިލްކުރުމަށް މުހިއްމު ކަންތައްތަކެއް ފާހަގަކުރެއްވި އެވެ.
ދެމެހެއްޓެނިވި ތަރައްގީގެ ލަނޑުދަނޑިތައް ނިސްބަތްވަނީ ވަކި ގައުމުތަކަކަށް ނުވަތަ ވަކި ބަޔަކަށް ނޫން ކަމާއި އެއީ ހުރިހާ ގައުމުތަކަށާއި ދުނިޔޭގެ އެންމެންނަށް ނިސްބަތްވާ ލަނޑުދަނޑިތަކެއް ކަމަށް މިނިސްޓަރު ވިދާޅުވި އެވެ. އެ ލަނޑުދަނޑިތައް ހާސިލްކުރެވޭނީ ގައުމުތަކުން ގުޅިގެން ކުރާ މަސައްކަތުން ކަން ފާޙަގަކުރައްވައި މެމްބަރު ގައުމުތަކުން މި ކަމުގައި އަތުގުޅާލައިގެން މަސައްކަތް ކުރުމަށް އޭނާ ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައިންގަޔަށް
25 May 2017
މިނިސްޓަރޫ، އެހެންވީމާ ގައިންގަޔަށް އަރާބަލި އިތުރުވުމަކީ ގޮންޖެހުމެއްނޫންދޯ.
ބުރުހާނުއްދީން ރައްބާނީ
25 May 2017
މީގެ އެތަށް އަހަރެއްކުރިން ރާއްޖޭގައި އެންމެ ގިނަ މީހުންމަރުވަނީ ރޯގާފަދަ ގައިން ގަޔަށް އަރާ ބަލިތަކުގެ ސަބަބުން. އެދުވަހާބަލާފައި މިއަދު މިވަނީ ސިއްހީކަންކަން އިންތިހާޔަށް ރަގަނޅުވެފާ. މިއަދުގެ މައްސަލައަކީ އިންސާނުން ހެލިފެލިވެނޫޅުން. އެހެންގޮތަކަށް ބުނަނީނަމަ ދިރިއުުޅުން މާބޮޑަށް ފަސޭހަވުން.
ދޮންރަހާ
25 May 2017
އެންމެ ބޮޑު ގޮންޖެހުމަކީ ކުފޫ ހަމަނުވާ ބޭފުޅަކު ރައްޔިތުންގެ ތާއީދުނެތް އިރުވެސް ރައީސް ކަމުގައި ހުރުން...މިކަން ހަމަޔަކަށް އެޅުނީމަ އެހެން ކަންކަން ރަގަޅު ކުރެވޭނީ....
އައިކުޑް
25 May 2017
އެންމެ ބޮޑު ގޮންޖެހުމަކީ ގައިންގަޔަށް ނާރާ ބަލިތައް އިތުރުވުން ކަމަށް މަމެންގެ ހެލްތް މިނިސްޓަރު ވިދާޅު ވުމުން މަމެން ޕިންކީން އެކަން ހިތުގެ އަޑިން ގަބޫލުކުރަމޭ. މަމެން ޕިންކީންގެ ވެރިކަމުގައި ހެލްތް މިނިސްޓަރާއި ކުރިމަތި ކުރުވި ފުރަތަމަ ކޮމްޕެޓިޓިވް ބިޑިންގް ގައި ހިމެނޭ އެލްސީއީ ރޭހުން ވަރަށް ފުރިހަމަ އަށް މެރިޓް ޕާސް އިން ހެލްތް މިނިސްޓަރު ވަނީ ހިންނަވަރުގެ ކައުންސިލު ގޮނޑި ތައް ކާމިޔާބު ކޮށްފައޭ. ކަން މިހެން ހުރުމުން މަމެންގެ ހެލްތް މިނިސްޓަރު ދައްކާ ވާހަކަ ފުޅު ތައް މަމެން ޕިންކީން ބަލައިގަންނަނީ އުފަލާއި އެކު އެވެ. ދިސް އިޒް ދަ ތިންގް ދެޓް އައި ކާންޓް އިގްނޯރ. އައި ކުޑް ލައިކް ޔޫ ޓިލް ދަ ޑޭ ދެޓް އައި ޑައި ޑައި ޑައި ޑާއި ޑާއި..
ކުޑަދޫއަހްމަދު
25 May 2017
ޒިންމާ އަދާނުކުރެވޭތީ! އާންމުން ހޭލުންތެރި ނުކުރެވޭތީ، ކޮރަޕްޝަން އިންތިހާއަށް އޮތީމާ! އަންޑަސްޓޭންޑް