އައިޑީބީގެ ބައްދަލުވުމުގައި ބައިވެރިވަޑައިގަތުމަށް ޖިއްދާއަށް ކުރެއްވި ދަތުރުފުޅުގައި ފިނޭންސް މިނިސްޓަރު މުނައްވަރު އެ ބޭންކުގެ އިސްބޭފުޅަކާ ބައްދަލުކުރައްވަނީ. ފޮޓޯ: ފިނޭންސް މިނިސްޓްރީ
29 މެއި 2017 - 20:04
11 comments
ސަރުކާރުން ހިންގާ ތަރައްގީގެ އެކި މަޝްރޫއުތަކަށް އިސްލާމިކް ޑިވެލޮޕްމަންޓް ބޭންކް (އައިޑީބީ)ން 117 މިލިއަން ޑޮލަރު (1.8 ބިލިއަން ރުފިޔާ)ގެ ފެސިލިޓީ ނުވަތަ ލޯން ދޭން ނިންމާފައިވާ ކަމަށް ފިނޭންސް މިނިސްޓްރީން މިއަދު ބުނެފި އެވެ.
އެ މިނިސްޓްރީން ބުނީ އައިޑީބިން އެހީދޭން ނިންމާފައި ވަނީ ފިނޭންސް މިނިސްޓަރު އަހުމަދު މުނައްވަރު މި މަހުގެ 16 ން 21 އަށް އައިޑީބީގެ އަހަރީ ބައްދަލުވުމުގައި ބައިވެރިވެ ވަޑައިގަތުމަށް ކުރެއްވި ދަތުރުގައި ކުރެއްވި މަޝްވަރާތަކަށް ފަހު ކަމަށެވެ.
އެ މިނިސްޓްރީން ބުނިގޮތުގައި އައިޑީބީ ގްރޫޕުން ފައިނޭންސް ކުރަން ހަމަޖެހިފައިވާ ދާއިރާތަކުގެ ތެރޭގައި ރާއްޖޭގެ އުމްރާނީ ތަރައްގީ އަދި ކުނި ނައްތާލުމުގެ މަޝްރޫއުތައް ހިމެނެ އެވެ.
ފިނޭންސް މިނިސްޓްރީން ބުނީ އެ އެހީ ހަމަޖެހުނީ އައިޑީބީގެ އަހަރީ ބައްދަލުވުމުގެ ހަވާސާގެ ތެރެއިން، މިނިސްޓަރު މުނައްވަރު އެ ބޭންކްގައި ހިމެނޭ ޕާޓްނަރުންނާއެކު ބޭއްވި ބައްދަލުވުންތަކަށް ފަހު ކަމަށެވެ. އެ ގޮތުން އައިޑީބީގެ ރައީސް ބަންޑަރު އެމްއެޗް ހައްޖަރާއެކު މިނިސްޓަރު ބޭއްވެވި ބައްދަލުވުމުގައި، ރާއްޖޭގައި މިހާރު ކުރިއަށް ގެންދާ މުހިންމު މަޝްރޫއުތަކުގެ މައުލޫމާތު ހިއްސާ ކުރެއްވި ކަމަށް ވެސް ފިނޭންސް މިނިސްޓްރީން ބުންޏެވެ.
އެ މިނިސްޓްރީން ބުނީ އައިޑީބީގެ އައުގާފް އަދި ވަގުފް ޔުނިޓުގެ އިސްލާމިކް ފައިނޭންޝަލް ސާވިސް ޑިޕާޓްމަންޓްގެ އިސްވެރިންނާ އެކު ފިނޭންސް މިނިސްޓަރު މުނައްވަރު ބޭއްވެވި ބައްދަލުވުމުގައި، ރާއްޖޭގެ އިސްލާމިކް އެފެއާޒް މިނިސްޓްރީން ކުރިއަށް ގެންދަން ހުށަހަޅާފައިވާ މަޝްރޫއުތަކަށް ފައިސާ އިތުރުކުރުމަށް ނިންމާފައިވާ ކަމަށެވެ.
އައިޑީބީގެ އަހަރީ ބައްދަލުވުމުގައި ބައިވެރިވެ ވަޑައިގަތުމަށް ފިނޭންސް މިނިސްޓަރު ކުރެއްވި ދަތުރުގައި އައިޑީބީގެ އިންޓަނޭޝަނަލް އިސްލާމިކް ފައިނޭންސް ކޯޕަރޭޝަންގެ ސީއީއޯ ހާނީ ސާލިމްއާ ވެސް ބައްދަލުކުރެއްވި އެވެ. ރާއްޖޭގައި ހިންގާ ވިޔަފާރި އާއި މަސްވެރިކަން އަދި ބަނދަރު ތަރައްގީ ކުރުމުގެ މަސައްކަތްތަކަށް މިހާރު ދިނުމަށް ނިންމާފައިވާ ލޯނު އެހީގެ އަދަދު އިތުރު ކުރުމަށާއި ފައިނޭންސްއާ ގުޅޭ ފަންނީ އެހީތެރިކަން ދިނުމަށް ވެސް އެ ބައްދަލުވުމުގައި ނިންމާފައިވާ ކަމަށް ފިނޭންސް މިނިސްޓްރީން ބުންޏެވެ.
ފިނޭންސް މިނިސްޓަރުގެ މި ދަތުރުގައި ވަނީ އިތުރު ޖަމިއްޔާތަކުގެ އިސްބޭފުޅުންނާ ވެސް ބައްދަލު ކުރައްވައިފަ އެވެ. މީގެ ތެރޭގައި އޮފިޑް އަދި ކުވައިތު ފަންޑްގެ ހިމެނެ އެވެ.
ފިނޭންސް މިނިސްޓްރީން ބުނީ އޮފިޑް އަދި ކުވައިތު ފަންޑްގެ އިސް ބޭފުޅުންނާ އެކު މުނައްވަރު ބޭއްވެވި ބައްދަލުވުންތަކުގައި، އެ ފަންޑުތަކުން ރާއްޖޭގައި މިހާރު ކުރިއަށް ގެންދާ މަޝްރޫއުތަކުގެ މައުލޫމާތު އޮޅުންފިލުވައި، އަންނަ ޖުލައި މަހުގެ ކުރިން މުހިއްމު އާ މަޝްރޫއެއްގައި ސޮއިކުރެވޭނެ ކަމުގެ ޔަގީންކަން ދެއްވި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެވެސް
30 May 2017
ޢެއްވެސް ޕުލޭނެއް ނެތްތަން މިފެންނަނީ މީހުންދިރި އުޅޭ ހުރިހާ ރަށެއްގަ ބަންދަރު ހަދާ ނިމޭ އިރު އޮންނާނީ 2200 ވަނަ އަހަރުގަ، ގެންބަލާލާ އިރު އަދި ފެނާ ނަރުދަމާ އޮތީ. ޢެހެންތާވާނީ ވިޔަފަރީގެ މަންފާއެއްކުރާ ތަނަކައް މިއޮތީ މާލެ އެކަނި.
ލޯންސްޓަރ
30 May 2017
މަތިމައްޗަށް ލޯން...2018ގައި ދެންކުރެވޭނީ ކޮންކަމެއްބާއޭ ހިތައްއަރާ!!
މުހައްމަދު
30 May 2017
1.2 ބިލިއަން ރުފިޔާގެ ދަރަނި ބޮލު އެޅުމަކީ މާ އުފާވާން ޖެހޭ ކަމެއް ނޫން، ޓެކްސްގެ ގޮތުގައި ނަގާ ފައިސާ ސިޔާސީ މީހުނަށް މުސާރައިގެ ގޮތުގަ ދީ ހުސްކޮށްފަ އުމްރާނީ ހުރިހާ ޕްރޮޖެކްޓްތައް ބޮޑެތި ލޯން ނަގައިގެން ހިންގާފައި، އަހަރެމެންގެ ދަރިންނަށް މިބޮޑެތި ދަރަނި ދައްކަން ޖައްސަންތަ އަހަރެމެން ބޭނުންވަނީ؟ އެމީހުން ދަރަނި ދައްކަންޖެހޭނީ ޓެކްސް ފައިސާއިން، ވިއްކާނެ ފަޅެއް ގިރިއެއްވެސް މިހާރަކު ނެތް.
ނާނާނާނާ
29 May 2017
އައިޑީބީން ވެސް 117 މިލިއަން ޑޮލަރު ގެ ލުއި ލޯން އެހީ ދެނީ އެވެ. އަދި ޗައިނާ ބޭންކް އިން 1 ބިލިއަން ޑޮލަރުގެ ލުއި ލޯން އެހީ ދެނީ މާލޭގެ ހުޅަނގު ފަރާތުން މާލެ އާއި ގުޅިގެން ހިއްކަމުން ގޮސް ނިއުމާލެ އެއް ބޯރން ކުރުމަށް ޓަކައި. އެއިރުން ހުރިހާ ކުދިންނަށް މާލެ ސަރަހައްދުން ފްލެޓްސް ތައް ވެސް ލިބޭނެ ނޫންތޭ. މިއޭ މަމެން ޕިންކީންގެ ވެރިކަމުގައި ތިކުދިންނަށް ގެނެސްދޭ ލޯބި ލޯބި ލޯބި އުފާވެރި ދިރިއުޅުމަކީ. ނާނާނާ ނާނާނާ ނާނާނާ އެމެން ރަންރީނދުލޭ މެންނަަށް މިގޮތަށް ޕާރފެކްޓް ކޮށް ކަންކަން ކުރަން ނޭގޭނެއޭ. އައި ރިއަލީ ލައިކް އިޓް..
އައިލައިކް
29 May 2017
އައޑީބީން ރާއްޖޭގެ އެކި މަޝްރޫއު ތަކަށް 117 މިލިއަން ޑޮލަރު ދެނީ އެވެ. އަދި ވެސް އިތުރަށް އޮތީ ދޭން އެވެ. މަމެން ޕިންކީންގެ ވެރިކަމުގައި މިއުޅެނީ މާލެ ސަރަހައްދުން މާލޭގެ ހުޅަނގުން އައި ޖީއެމްއެޗް އިން ފެށިގެން އެސްޓީއޯ ހެޑް އޮފީހާއި ދެމެދު ކަނޑު އޮޅި ހިއްކަމުން ދާން ވިލިގިލި އާއިވީ ފަޅި އަށް އޭގެ ބޭނުމަކީ އެއީ ނިއުމާލެ ބޯރން ކުރުމޭ. އެއިރުން މާލެ ސަރަހައްދުން ނިއުމާލެ އިން ގޯތި ބޭނުންވާ ހުރިހާ ކުދިންނަށް ގޯތި ލިބޭނެއޭ އަކަފޫޓަކަށް މަހަކު 1 ރުފިޔާ ސަރުކާރަށް ދައްކާ ގޮތަށް. އައި ވިލް ލެޓް ޔޫ ހޭވް އިޓް. ދީސް އާރ ދަ ތިންގް ދެޓް އައި ކެނޮޓް އިގްނޯރ. އައި ކުޑް ލައިކް ޔޫ ޓިލް ދަ ޑޭ ދެޓް އައި ޑައި ޑައި ޑައި ޑާއި ޑާއި ޑާއި. ހުރިހާ ކުދިން ވެސް ސޯފާ ސެޓް ގައި ތަރާވީސް ނިންމާލާ އައިސް އިށީނދެލައިގެން މިއުޒިކް ބީޓް އަށް ދެއަތް މައްޗަށް ނަގައިގެން ބޮޑީ ސްވިންގް ކުރަމުން ނަށާާލާ ނަށާލާ ނަށާލާ ނަށާލާ އެން އެންޖޯއި ޔުއަރސެލްފް.. އައި ރިއަލީ ލައިކް އިޓް..
♞ އަސްގެ
29 May 2017
ސައިކޮޓަރިން ދިމާވެގެން ހަޅޭފަޅޭ ޖަހައިގެން އެއްޗެއް ދޭނަމޭ ބުނެ ދިމާކޮއްގެން އުޅޭ ކަހަލަ ފޮޓޯއެއް..
ބުރުހާނުއްދީން ރައްބާނީ
29 May 2017
އެހީތޯ ދަރަނިތޯ؟ އެހީ ވެއްޖިއްޔާއޯކޭ. ތަރައްގީއެއް ނަޔަސް އިތުރަށް ދަރަންޏެއް ބޭނުމެއްނޫން.
ޑޮލަރު.
29 May 2017
މީ އުފާވާންވީ ޚަބަރެއް ނޫން! ރާއްޖޭގެ ދަރަނި ދެ ބިލިޔަން ޑޮލަރައް އެރީ؟؟!!
ކުވާލާ
29 May 2017
އޭ.ޑީ.ބީން ރަނގަޅަށް ބަލައްޗޭ ތިލާރިއަށް ހަދާ ނަހަދާ މިމީހުންމިއީ 100 މިލިއަނަށް ކުރެވޭ ކަންކަން 300 މިލިއަނަށް ކުރުވާ ބައެއް
އަލީ
30 May 2017
ތީ ހަމަ ހަސަނަށް ހީވާހެން ތިވަނީ. އަންނި ސަރުކާރުގައި ލާރިގަނޑު ބަހާލިގޮތް ތިމީހުނަށް އިނގޭނެ. ހައްތަހާވެސް ހީވަނީ އަހަރެމެން ކޭގޮތަށް ލާރިކާނޭ އެހެން މީހުންވެސް...އެންމެ ކަރަޕްޓް ސަރުކާރަކީ އަންނި ސަރުކާރު.
ހަބީބު
29 May 2017
ދެންއަވަހައް އެއާޕޯޓުގެ ވައުދާ މަގުހެދުމާ ނިންމާފަ 2018 ގަ ޖަލައްދާން ތައްޔާރުވޭ ހިންގާފަހުރި ކޮރަފްޝަނުގެ މައްސަލަތައް ބެލޭނެ ތިޔަހެން އެހީދިނޭކިޔައިގެން ރައްޔިތުން ގުއިރޯނުގަ ޖައްސަން ނޫޅޭތި