އެސްޓީއޯގެ ހިއްސާއަކަށް 51ރ. ބަހަން އޭޖީއެމްގައި ފާސްކޮށްފި

އެސްޓީއޯ އިން މިރޭ ބޭއްވި އެ ކުންފުނީގެ 2016 ވަނަ އަހަރުގެ އަހަރީ އާއްމު ޖަލްސާގައި ބޯޑު މެމްބަރުންނާއި ހިއްސާދާރުން ބައިވެރިވަނީ. ފޮޓޯ: ނިޝާން އަލީ /މިހާރު

އަބްދުﷲ ޖަމީލު، މިހާރު

30 މެއި 2017 - 23:58

18 comments

އެސްޓީއޯގެ މިދިޔަ އަހަރުގެ ފައިދާ އިން ހިއްސާއަކަށް 51ރ. ބަހަން އެ ކުންފުނީގެ އަހަރީ އާއްމު ޖަލްސާ އިން މިރޭ ފާސްކޮށްފި އެވެ.

ދަރުބާރުގޭގައި ބޭއްވި އެސްޓީއޯގެ މިދިޔަ އަހަރުގެ އޭޖީއެމްގައި ހިއްސާއަކަށް 51ރ. ބަހަން ފާސްކުރީ ހާޒިރުވެ ތިބި 172 ހިއްސާދާރުން ތަމްސީލްކުރި ޖުމްލަ 948،0202 ހިއްސާގެ ތެރެއިން 942،020 ހިއްސާގެ ވޯޓުންނެވެ.

ޗެއާމަން ހުސެއިން ސާލިމް އަލަށް ބައިވެރިވެވަޑައިގެން ބޭއްވި ޖަލްސާގައި އެސްޓީއޯ އިން ވަނީ ހިއްސާދާރުންނަށް ހާއްސަ އޮންލައިން ޕޯޓަލްއެއް ވެސް ތައާރަފްކޮށްފަ އެވެ. އަދި އެ ކުންފުނީގެ ހިއްސާދާރުން މިރޭގެ ޖަލްސާގައި ވޯޓުލާފައި ވަނީ އިލެކްޓްރޯނިކް ވޯޓިން މެދުވެރިކޮށެވެ.

މިރޭ ވަނީ މިދިޔަ އަހަރުގެ ޖަލްސާގެ ޔައުމިއްޔާ އާއި އަހަރީ ރިޕޯޓް ވެސް ފާސްކޮށްފަ އެވެ.

އެސްޓީއޯ އިން މިރޭ ބޭއްވި އެ ކުންފުނީގެ 2016 ވަނަ އަހަރުގެ އަހަރީ އާއްމު ޖަލްސާގައި ހިއްސާދާރުން ބައިވެރިވަނީ. ފޮޓޯ: އަބްދުﷲ ޖަމީލު /މިހާރު

އެސްޓީއޯގެ އަހަރީ އާއްމު ޖަލްސާގައި ހިއްސާދާރުން ވަނީ އެ ކުންފުނީގެ ޑިރެކްޓަރުންގެ ބޯޑުގެ މެމްބަރު ކަމަށް 97.3 ޕަސެންޓް ވޯޓުން މުހައްމަދު ފަރުސަތު ހޮވައިފަ އެވެ. މިއީ އެ މަގާމަށް އޭނާ ހޮވުނު ތިންވަނަ ފަހަރެވެ.

އެސްޓީއޯގެ ޑިރެކްޓަރުންގެ ބޯޑަށް ތިން ބޭފުޅަކު ކުރިމަތިލެއްވި އެވެ. އެ ކުންފުނީގެ ހިއްސާދާރުންގެ ފަރާތުން ޑިރެކްޓަރުންގެ ބޯޑަށް ހޮވަނީ އެންމެ މެމްބަރެކެވެ.

އެސްޓީއޯ އަށް ސާފު ފައިދާގެ ގޮތުގައި 288 މިލިއަން ރުފިޔާ މިދިޔަ އަހަރު ލިބިފައިވާ ކަމަށް ތަފާސްހިސާބުތަކުން ދައްކަ އެވެ.

އެސްޓީއޯ އިން މިރޭ ބޭއްވި އެ ކުންފުނީގެ 2016 ވަނަ އަހަރުގެ އަހަރީ އާއްމު ޖަލްސާގައި ޗެއާމަން ސާލިމް ވާހަކަދައްކަވަނީ. ފޮޓޯ: ނިޝާން އަލީ /މިހާރު

ރާއްޖޭގެ އެންމެ ބޮޑު ވިޔަފާރި ކުންފުންޏަށް މިދިޔަ އަހަރު ގްރޫޕް ފައިދާގެ ގޮތުގައި 430 މިލިއަން ރުފިޔާ ލިބުނެވެ. އޭގެ ކުރީ އަހަރު ގްރޫޕް ފައިދާގެ ގޮތުގައި 435 މިލިއަން ރުފިޔާ ލިބިފައިވެ އެވެ.

ތެލާއި ގޭހާއި ކާޑާއި ބޭހުގެ ވިޔަފާރި ރާއްޖޭގައި އެންމެ ފުޅާދާއިރާއެއްގައި ކުރާ ކުންފުނީގެ 2015 ވަނަ އަހަރުގެ ފައިދާ އިން ހިއްސާއަކަށް ބަހާފައި ވަނީ 57ރ. އެވެ. އަދި 2014 ވަނަ އަހަރުގެ ފައިދާ އިން ހިއްސާއަކަށް ބަހާފައި ވަނީ 76ރ. އެވެ.

އަހަރުން އަހަރަށް ހިއްސާގެ ފައިދާގެ ގޮތުގައި ބަހާ މިންވަރު ދަށްވި ނަމަވެސް، ސަރުކާރާއި ރައްޔިތުން ހިއްސާވާ ކުންފުނިތަކުގެ ތެރެއިން ހިއްސާދާރުންނަށް މި އަހަރު ވެސް އެންމެ ބޮޑު ފައިދާއެއް ބަހަނީ އެސްޓީއޯ އިންނެވެ.

އެސްޓީއޯ ހިއްސާދާރުން އެސްޓީއޯގެ އަހަރީ އާއްމު ޖަލްސާ

18 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޯޕަރޭޓް

01 June 2017

ކޯޕަރޭޓް ގަވަރނަނސް ވަރުގަދަ ކަމަށް ބުނާ ކުންފުނީގެ އާއްމު ހިއްސާދާރު ބޯޑުގަ އިއްނަތާ މިހާރު 6 އަހަރު މިވަނީ މީ ރަގަޅު ކަމެއްކަމަށް ފެނޭތޯ ދައްކާވާހަކަޔާ އަމަލާ ދިމާނުވާތީ ދެރަވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮކްލެޓް

31 May 2017

އެސްޓީއޯ އަށް ސަރުކާރުން ދޭންޖެހޭ ފައިސާ ނުދޭތީ ހިއްސާދާރުންނަށް ބަހަން ފައިސާ ނުހުންނަނީ، އެކަމަކުވެސް ވާނެ ހުރިހާ ޑިރެކްޓަރުން ސަރުކާރުން އައްޔަންކުރަން. ނަމުގަ އާންމު ހިއްސާދާރު ރެޕްރެޒެންޓްކުރާ ޑިރެކްޓަރު އެކަމަކު ސަރުކާރުން ހިތާވަންޏާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމާން

31 May 2017

އެހެން ކުންފުނިތަކަށްވުރެ ރަނގަޅު. އެސްޓީއޯ ހިއްސާ ކޮޅެއް 2009 ވަނަ އަހަރު ގަނެވުނު ނަމައޭ ހިތަށް އަރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށެން

31 May 2017

ހުރިހާ ކުންފުނިތަކުން އާންމު ޖަލްސާ ބާއްވަމުން އަންނައިރު އެމްޓީޑީސީއާއި އެމްޓީސީސީ މިހާރު ކޮބައިތަ؟ ބަހާނެ އެއްޗެއް ނެތްތާ ދަރާވިކުނު ވާހަކަ އިއުލާނުކުރަންޖެހޭތީ ދަންމަދަންމާ ތިބީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

31 May 2017

ހަމަ ގައިމުވެސް ނެތް ކަންނޭގެ ހިއްސާގެ ފައިދާ ރަނގަޅު އަދަދަކަށް ހިއްސާދާރުންނަށް ދޭ ކުންފުންޏެއް އެސްޓީއޯ ފިޔަވާ. އެވަރު ވާކަމަށްވެސް ތިބައިމީހުން ޝުކުރުކޯށްބަލަ.. ޤަބޫލުކުރަންޖެހޭ ހަޤީގަތަކީ ރައްޔިތުންނަށް ކެންޑިނޭޅި ކޮށްދޭ މަސައްކަތާބަލާފަ ތިމީހުން ތިޔަބުނާ ވަރަށް ފައިދާއެއް އެއްވެސް ކުންފުންޏަކަށް ނުލިބޭނެކަން! އެސްޓީއޯއަކީ ރައްޔިތުންގެ ބޭނުންތަށް ދެނެގަނެ ރައްޔިތުންނަށް އަޅާލާ ކުންފުންޏެއް! ކަލޭމެންވެސް އެސްޓީއޯހެން އުޅެބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިއްސާދާރު

31 May 2017

އެސްޓީއޯ ގެ ބޯރޑް ގެ ވާހަކަ ރަނގަޅު ...ޕްރޮފިޓް ރީޓެއިން ކޮށް ވިޔަފާރި ފުޅާކުރަން ޖެހޭނެ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބެ

31 May 2017

ތަފާތު. ފޮޓޯތައް ފެންނަ ފެނުމުން ވަރައް ޕޮރޮފެސަނަލް ވައްތްރުޖަހާ. ޅަބެ އައް އިނގޭހާވެސް އެއްޗަކީ ހިއްސާ ވީ ކުޑަކަން. އެކަމަކު ދެން އޯކޭ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނާ

31 May 2017

އެސްޓީޢޯ އަކީ އަބަދުވެސް ގިނައިން ހިއްސާދާރުންނަށް ހިއްސާދޭ ކުންފުންޏެއް. ޝުކުރިއްޔާ އެސްޓީއޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްބުލްވަތަން

31 May 2017

މައި ހިއްސާދާރުގެ ހައިސިއްޔަތުން ސަރުކާރުން ވޯޓުލުމުގައި ބައިވެރިވާ ހާ ހިނދަކު، އާންމު ހިއްސާދާރުންގެ ފަރާތުން ބޯޑަށް ބޭފުޅަކު އައްޔަންކުރުމީ ވާނެކަމެއްނޫން. ބޯޑުގެ މެޖޯރިޓީ އައްޔަންކުރަނީ ސަރުކާރުން އެވަރުންވެސް ނުފުދިގެން އާންމު ހިއްސާދާރުންގެ ފަރާތުން އައްޔަންކުރާ ފަރާތް ހޮވުމުގައި ސަރުކާރުން ބައިވެރިވާތީ އެކަން އެންމެ ހަރުކަށި އިބާރާތުން ކުއްވެރިކުރަން. ހުއްދަ ކޮންމެ ކަމެއް ކުރުމީ ރަނގަޅު އަދި ރީތިގޮތެއްވެސް ނޫން ހުރިހާ ހާލަތެއްގައި، ނަމަވެސް ސަރުކާރުން އެކަން ގަބޫލުކުރިއްޔާ. ވަރަށް ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ.ހަލާލް

31 May 2017

ރައްޔިތުން ފެލައިގެން ލާރި ހޯދާފަ،މިބުނަނީ އެސްޓީއޯ ގެ އަމާޒަކީ ފައިދާ ހޯދުމެއްނޫނޭ،ހިއްސާދާރުންއެކަމާ އަޅާނުލާށޭ،ކަލޭމެން މަޑުން ތިބޭށޭ.ވަރަށްރަގަޅު.