ނ. އަތޮޅު ކައުންސިލަށް ވެސް ރައީސެއް ނުހޮވުނު!

ނ. އަތޮޅު ކައުންސިލަށް ރައީސްއަކު ހޮވުމަށް މިއަދު ބޭއްވި ޖަލްސާގެ ތެރެއިން.-

އާސިމާ ނިޒާރު، މިހާރު

04 ޖޫން 2017 - 18:57

ދިހަ ފަހަރު ވޯޓު ލައިގެން ނ. އަތޮޅު ކައުންސިލްގެ ރައީސްކަމުގެ މަގާމަށް ވެސް މެމްބަރަކު އައްޔަންކުރެވޭގޮތް ނުވެއްޖެ އެެވެ. ހަމަ މި މައްސަލަ ބ. ދޮންފަނު ކައުންސިލަށް ވެސް ވަނީ ކުރިމަތިވެފަ އެވެ.

ނ. އަތޮޅު ކައުންސިލްގެ ޒިންމާދާރުވެރިޔާ އަހުމަދު ޝުޖާއު ވިދާޅުވީ މެމްބަރު ކަމުގެ ހުވާ ކުރުމުގެ ރަސްމިއްޔާތަށްފަހު ރައީސަކު ހޮވަން ރޭ ވެސް ހަ ފަހަރަށް ވޯޓު ލާން ޖެހުނު ކަމަށެވެ. ނަމަވެސް ރައީސް ކަމަށް ކުރިމަތިލި ދެ މެމްބަރުންގެ ވޯޓު ވެސް އެއްވަރުވެގެން، ކައުންސިލްގެ ރައީސެއް ހޮޭވޭ ގޮތެއް އަދި ނުވާ ކަމަށް ވިދާޅުވި އެވެ.

މިދިޔަ މަހުގެ ހަ ވަނަ ދުވަހު ބޭއްވި ލޯކަލް ކައުންސިލްތަކުގެ އިންތިހާބުގައި ނ. އަތޮޅު ކައުންސިލަށް ހޮވުނީ އެމްޑީޕީގެ ތިނެއް އަދި ޕީޕީއެމްގެ ޓިކެޓުގައި ކުރިމަތިލެއްވި ކެންޑިޑޭޓުންނެވެ. އޭގެ ތެރެއިން އެ އަތޮޅު ކައުންސިލްގެ ރައީސް ކަމަށް ކުރިމަތިލެއްވީ އެމްޑީޕީގެ ދެ ބޭފުޅުންނެވެ.

ޝުޖާއު ވިދާޅުވީ މިއަދުގެ ޖަލްސާގައި ވެސް ރައީސަކު ހޮވަން ހަތަރު ފަހަރަށް ވޯޓު ލާން ޖެހުނު ކަމަށެވެ.

"ރޭގައި ވެސް ހަ ފަހަރަށް އަދި މިއަދުގެ ޖަލްސާގައި ވެސް ހަތަރު ފަހަރު ވޯޓު ލާން ޖެހުނު. އެކަމަކު އަދި ވެސް ރައީސެއް އިންތިހާބެއް ނުވޭ. އެހެންވެ އެލްޖީއޭގެ މަޝްވަރާގެ މަތިން މެދުކަނޑާލީ،" ޝުޖާއު ވިދާޅުވި އެވެ.

10 faharu vote laigen ves raeesaku nuhovunu, komme meehaku ves vote lanee e meehakah! | Mihaaru

The most trusted news source in the Maldives

Mihaaru

"ރައީސްކަމަށް ކުރިމަތިލެއްވި ދެ ބޭފުޅުންނަށް ވެސް ދެ ވޯޓު ލިބިގެން މި އެއްވަރުވަނީ،"

އޭނާ ވިދާޅުވީ ރައީސަކު ހޮވުމުގެ ކަންތައްތައް މާދަމާގެ ޖަލްސާ އަށް ތާވަލްކޮށްފައިވާ ކަމަށެވެ.

ވޯޓު އެއްވަރުވެގެން ބ. ދޮންފަނު ކައުންސިލަށް ވެސް ރައީސަކު ހޮވޭ ގޮތެއްނުވެ އެވެ. އެ ކައުންސިލަށް ހޮވުނީ އަމިއްލަގޮތުން ވާދަކުރެއްވި ތިން ބޭފުޅުންނެވެ. ކޮންމެ މެމްބަރަކު ވެސް ރައީސް ކަމަށް ވޯޓު ދެނީ އެ މީހާގެ އަމިއްލަ ނަމަށެވެ.

ކައުންސިލް އިދާރާ އަތޮޅު ކައުންސިލް ނ. އަތޮޅު ލޯކަލް ކައުންސިލްތަކުގެ އިންތިހާބު 2017

14 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޯޑިނޭޓަރ

05 June 2017

އަލީއަށް ރައީސްކަން ދީ، އަދި ރައުޝަމްއަށް ނައިބުކަން ދީ މީ މަނިންމިގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

05 June 2017

މިހެން ދިމާވެދާނެކަން ގަވައިދުހެދި މީހުންނަކަށް ވިސްނާކަށް ނޭގުނު. ދެންވާނެ ގޮތް ތިޔައޮތީ ވެ ނިމިފައި. މިގޮތަށް އެއްވަރު ވެއްޖެ ނަމަ، މީގައި އޮތް އެންމެ ރަގަޅު ހައްލަކީ ރައީސް ކަމަށް ކުރިމަތިލީ މީހުންގެ ތެރެއިން ރައްޔިތުން އެންމެ ގިނަ ވޯޓުދިން މީހާއަށް އެމަގާމުދިނުން.