ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) ގެ މެމްބަރުކަމަށް މުހައްމަދު ޒާހިދު އައްޔަން ކުރައްވައި އޭނާ އަށް ރައީސް ޔާމީން މަގާމުގެ ލިޔުން ދެއްވަނީ.---ފޮޓޯ: ރައީސް އޮފީސް
15 ޖޫން 2017 - 13:23
6 comments
ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ހުސްވެފައިވާ މެމްބަރުކަމުގެ މަގާމަށް މުހައްމަދު ޒާހިދު މިއަދު އައްޔަން ކުރައްވައިފި އެވެ.
އެޗްއާރުސީއެމްގެ މެމްބަރު ކަމަށް ޒާހިދު އައްޔަން ކުރެއްވީ، އެ ކޮމިޝަންގެ މެމްބަރު ކަމުން ޝިިފާގު މުފީދު (ހިސްޓޯ) މިދިޔަ މަހު އިސްތިއުފާ ދެއްވުމުންނެވެ.
ޒާހިދު ވަނީ އެޗްއާރުސީއެމްގެ މެމްބަރުކަމުގެ ހުވާ ރައީސް ޔާމީންގެ ކުރިފުޅުމަތީގައި މިއަދު ކުރައްވައިފަ އެވެ. އަދި މަގާމުގެ ލިޔުން ވެސް ރައީސް ޔާމީން، ޒާހިދާ ހަވާލުކޮށްދެއްވި އެވެ.
އެޗްއާރުސީއެމްގެ މެމްބަރު ކަމުގެ ހުވާ ޒާހިދު މިއަދު ކުރައްވަނީ.---ފޮޓޯ: ރައީސް އޮފީސް
އިއްޔެ ބޭއްވި ރައްޔިތުންގެ މަޖިލިހުގެ ޖަލްސާގައި، އެޗްއާރުސީއެމްގެ މެމްބަރު ކަމަށް ޒާހިދު އައްޔަން ކުރަން ފާސްކުރީ ވޯޓުގައި ބައިވެރިވެވަޑައިގެންނެވި 67 މެމްބަރުންގެ ތެރެއިން 57 މެމްބަރުން ވޯޓުންނެވެ. ޒާހިދު އެ މަގާމަށް އައްޔަން ކުރަން ނުފެންނަ ކަމަށް ފަސް މެމްބަރަކު ވޯޓު ދެއްވިއިރު، ވަކި ގޮތަކަށް ވޯޓު ނުދެއްވާ ފަސް މެމްބަރުން ތިއްބެވި އެވެ.
ޒާހިދުގެ ނަން ދިރާސާކުރި މިނިވަން މުއައްސަސާތަކުގެ ކޮމެޓީން ވަނީ އޭނާ އަށް 88 ޕަސެންޓް ދީފަ އެވެ.
ޒާހިދަކީ އެޗްއާރުސީއެމްގެ ފުރަތަމަ ދައުރުގައި އެ ކޮމިޝަންގެ ނައިބު ރައީސްކަން ވެސް ކުރެއްވި ބޭފުޅެކެވެ. އޭނާ ވަނީ ސަރުކާރުގައި ފަސް އަހަރު ދުވަސްވަންދެން ހިދުމަތް ކުރައްވައިފަ އެވެ. އޭނާ އެންމެ ފަހުން ހުންނެވީ ޖެންޑާ މިނިސްޓަރުގެ ނައިބުގެ މަގާމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒާ
16 June 2017
ޒާހިދުއަށް ތިޔަމަގާމު ހަމަ ހައްގު. ޓިޔަކަހަލަ މަގާމުތަކުގައި ތިބެންޖެހޭނީ ހަރުބޭފުޅުން. އިއްޔެ މެނަދުރު ބުއްފުޅި ބުއިކުދިންނަށް މިނިސްޓަރު ކަމާއި ނައިބު ކަމާ ދިނީމަ ވާގޮތް މިއެނގެނީ އެކަމުގެ ތެރޭގައި އުޅުނީމާ! ހަފްތާއެއްވާ އިރުވެސް ސިޓީގަނޑެއް އިސްލާހުކޮށްކޮށް ތިބެންވީ، ރަނގަޅަށް ލިޔާނޭގޮތެއް ބުނެދެވެނީކީ ނޫން، އެހެންހުއްޓާ އަތުގެ ހުނޅުބުދަނީ! ދެން މުވައްޒަފު ހަފްތާގެ ކުރި މަސައްކަތުގެ ރިކޯޑް ބަލާއިރު އޮންނަނީ ހަފްތާއެއްވަންދެން އެއްމެ ސިޓީއަކާ ހިފަންޖެހުނު ކަމަށް! އޮޑިޓް ހަދާއިރު އެ މީހުންވެސް ކޮސްވެފައި މިކަމާ! މީލައްކަވާހަކަ!
އަހުމަދު
16 June 2017
ރަނަގަޅު، މިބޭފުޅުން އަބަދުވެސް ތިބެން ވާނީ ދަައުލަތުގެ މުސާރަހިނގާ ގޮތައް. މިހަމަޔަށް ހަވާލުވި އެއްވެސް ތަނެއްގަ އެއްވެސް ނަތީޖާއެއް ނެރެވިފަ ނެތަސް އޯކޭ ވާނެ! އެއްވެސް ލީޑާޝިޕެއް ނެތި ހުސްއަނގަ ފުދޭވަރަށްވުރެ ގިނަޔަސް ބަރާބަރުވާނެ!
ބޭމިސާލު
15 June 2017
މަރުހަބާ ޒާހިދު. ޒާހިދަކީ ތަޖުރިބާކާރު ބޭފުޅެއް. ތިކަހަލަ މަގާމްތަކަކީ އިއްޔެ މެންދުރު ވިހޭ ކުދިންނަށް ދޭންޖެހޭ މަގާމްތަކެއްނޫން. ތަޖުރިބާޔާއި އިލްމާއެކު ތިފަދަ މަގާމެއް އަދާކުރެވޭނީ. އެގޮތުން ބަލާއިރު ޒާހިދަކީ ތިމަގާމަށް ވަރަށް އެކަށޭނަ ބޭފުޅެއް.
ހަސަން
15 June 2017
ޕަޕެޓަކަށް ނުވެއްޖެއްޔާ ރަނގަޅު.
ައައްސޭރި
15 June 2017
ހިއުމަން ރައިޓްސް ހުރިހާ މައްސަލަތަކެއް ހައްލުވީ ތީ. ދެއުޅިއެއްނުވާ އަނގައިން ހުރިހާ ކަމެއް ކުރާ މީހުން ތަންތަނަށް ލީމާ ނިމުނީ
އުތުރު
15 June 2017
މަރުހަބާ ޒާހިދު.... މަނިކުފާނުގެ ޒައާމަތުގައި ދެމިހުންނާނީ މުޅިންވެސް އެމްޑީޕީއާއި އިދި ކޮޅަށް މަސައްކަތް ކުރަން...ޒާހިދުއަށް ކަމުދާގޮތަށް އެމްޑީޕީއަށް އެއްވެސްކަމެށް ނުކުރެވޭ...މިހާރު ތިމަޤާމަށް އައްޔަންވީމަ އެމްޑީޕީ މުޒާހިރާކުރާ ފަރާތްތަށް ވަރަށް ބަލަންޖެހޭނެ...ސަބަބަކީ ހިޔުމަންރައިޓްސްއަިން އެއްވެސް ކަމެށް ކޮށްނުދޭނަކަން އިނގޭތީ...