ފިތުރު ޒަކާތަށް މާލެ ސަރަހައްދުން 3 މިލިއަނަށް ވުރެ ގިނަ ރުފިޔާ، ބޮލަކަށް 1250 ރުފިޔާ

މީހަކު ޒަކާތް ދައްކަނީ: ޒަކާތުގެ ގޮތުގައި ތިން މިލިއަނަށްވުރެ ގިނަ ރުފިޔާ ލިބިފައި ވެ އެވެ..-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

22 ޖޫން 2017 - 17:41

5 comments

މިދިޔަ އަންގާރަ ދުވަހާ ހަމަ އަށް ފިތުރު ޒަކާތުގެ ގޮތުގައި މާލެ ސަރަހައްދުން ތިން މިލިއަނަށް ވުރެ ގިނަ ރުފިޔާ ލިބިފައިވާ އިރު ބޮލަކަށް، 1250 ރުފިޔާގެ މަގުން ޒަކާތް ބަހަން މިއަދު ފަށައިފި އެވެ.

އިސްލާމިކް މިނިސްޓްރީން ބުނީ ޒަކާތުގެ ގޮތުގައި 3.8 މިލިއަނަށްވުރެ ގިނަ ރުފިޔާ ލިބިފައިވާ އިރު މާލެ ސަރަހައްދުން ފަގީރުންގެ ގޮތުގައި 3180 މީހުން ރަޖިސްޓްރީކޮށްފައިވާ ކަމަށެވެ. އަންގާރަ ދުވަހާ ހަމަ އަށް މާލެ، ހުޅުމާލެ އަދި ވިލިމާލެ އިން ޒަކާތް ދައްކާފައިވަނީ 75،462 މީހުންނެވެ.

އިސްލާމިކް މިނިސްޓްރީގެ ހޯލުން މިއަދުން ފެށިގެން އަންނަ ހޮނިހިރު ދުވަހާ ހަމައަށް ޒަކާތް ދޫކުރަމުންދާނެ އެވެ. މިއަދު ހަވީރު ހަތަރެއް ޖަހަންދެން ޒަކާތް ދޫކުރަމުން އަންނައިރު މާދަމާ މެންދުރު 2:00 އިން 5:00 އަށް އަދި ހޮނިހިރު ދުވަހުގެ ހެނދުނު 9:30 އިން 5:30 އަށް ޒަކާތް ދޫކުރާނެ އެވެ. މީގެ އިތުރުން ހޮނިހިރު ދުވަހުގެ ރޭގަނޑު 8:30 އިން 10:30 އަށް ޒަކާތް ދޫކުރަން ވަނީ ހަމަޖައްސައިފަ އެވެ.

ޒަކާތުގެ ގޮތުގައި މުޅި ރާއްޖެއިން ލިބުނު އަދަދެއް އަދި ނުލިބެ އެވެ. އަދި ފަގީރުންގެ ގޮތުގައި ރަޖިސްޓްރީވި މީހުންގެ ޖުމްލައެއް ވެސް އަދި ނޭނގެ އެވެ.

މިިދިޔަ އަހަރު ރާއްޖޭގައި ފަގީރުންގެ ގޮތުގައި 12،000 އަށްވުރެ ގިނަ މީހުން ރަޖިސްޓަރީ ވެފައި ވެ އެވެ. އަދި ފިތުރު ޒަކާތުގެ ގޮތުގައި މިދިޔަ އަހަރު މާލޭ ސަރަހައްދުން އެކަނި ވެސް 2.7 މިލިއަނަށް ވުރެ ގިނަ ރުފިޔާ ލިބުނެވެ.

ޒަކާތް އިސްލާމިކް މިނިސްޓްރީ ފިތުރު އީދު

5 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުޅުދުއްފުށި އެއާޕޯޓު ޓަވަރުން ވިދާޅުވަނީ

23 June 2017

ބަހަން ހަމަޖެހިފަވަނީ ކިހާވަރެއް ކަމެއް ނޭނގެ. ޒަކާތައްލިބުނީ ކިހާވަރެއް ކަމެއް ނޭނގެ. ޖުމަލަ ލިބުނު ވަރެއް ނޭނގެ. ޖުމްލަ ރަޖިސްޓްރީ ވެފަތިބި ރައްޔިތުންގެ އަދަދެއ ނޭނގެ. ތިޔަބުނާ މުވާސަލާތީ ކަންކަމާ ފާސްޓް ެިންޓަނެޓުގެ ޒަރީއާއިން ކޮއްލާ ކަމަކީ ޓްވިޓްކުރުމާ ފޭސްބްކް ބޭނުންކުރުމާ އިންސްޓަރގްރާމްއައް ފޮޓޯ ލުމާ ފާޑުފާޑުގެ ވީޑިޔޯ ބެލުން 3 ލައްކަ މިކުޑަކުޑަ އާބާދީގެ އެއްވެސް ތަފްސީލީ މައުލޫމާތެއް ބަލާލުމުގެ އެއްވެސް ގާބިލުކަމެއްނެތް. އަމާޒުލާހޫރޭ ނިޒާމެއް މިނޫނީ ކޮބާ ؟ މީތޯ ރައްޔިތުންގެ ފައިސާޔާ ހަވާލުވެތިބޭ ރައްޔިތުންގެ ހާދިމުންގެ ފެންވަރަކީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤުއްޓޭ

23 June 2017

އަޅުގަނޑުގެ ސުވާލަކީ ޒަކާތުގެ ގޮތުގައި ރައްޔިތުން ދައްކާ ފައިސާ އެ ފައިސާގެ ތެރެއިން ބެހުމަށް ހަމަޖެހިފައިވަނީ ކިހާ އަދަދެއްތޯ އާއި އޭގެ ތެރެއިން ބައެއްތޯ ބަހަނީ ދެން ބާކީ ހުރި ފައިސާ އަށް ވާނީ ކިހިނެއްތޯ މިވެސް މި ނިކަމެތި އަލާގެ ހިތުގައި އުފެދޭ ސުވާލެއް. ހަޤީގަތުގައި މި ފައިސާ ބެހުމުގައި އީސީސީ ގެ ދައުރެއް އޮންނަންޖެހޭ ކަމައް ފެނޭ. ސަބަބަކީ މިހާރު މި ޤައުމުގެ ހާލަތު މިހާރު ހުރިގޮތުން. އޭސީސީ އަށް ތިކަން ނުބެލޜ ކަމައްވާނަމަ ރައްޔިތުންނާއި ތިކަން ބެލުމަށް ހަވާލު ކުރުމަށް ވަރަށް އަދަބު ވެރިކަމާއި އެކު އޭސީސީ އަށް ދަންނަވަން. ފަހަރެއްގާ ބާކީވާ ފައިސާ އެތަނުގެ ކޮންމެވެސް އިސް ވެރިއެއްގެ އެކައުންޓް އަށް ޖަމާޢު ވުމަކީވެސް އެކަށީގެންވާ ކަމެއް. މިސާލަކަށް ބައްލަވަމާ ހައްޖުގެ މަތިވެރި އަޅުކަމަށް ދިއުމަށްޓަކައި ގްރޫޕްތައް އެވެރިން މި ބަހީ އެ މިނިސްޓްރީ އިން ކަނަތައްތައް ކުރައްވާގޮތް. އޭސީސީ އިން މިހެންނަހަދާ އެހެން ނަދާށޭ ބުނެބުނެ އޮއްވާވެސް އެވެރިން ކަންތައް ކުރަމުންދާގޮތް. ދެން ޒަކާތުގެ ފައިސާ ގެވެސް މައްސަލާގައި ހަމަ ކޯޓަށް ދޮތަ ރައްޔިތުން ވަޑައިގަންނަވަން ޖެހޭނީ. ނޫނޭ މިއީ ފިސާރި ޤައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިންސާފް

23 June 2017

ޒަކާތް ބަހަނީ ހުރިހަާ ރައްޔިތުންނަށް އެއްވަރަކަށް ނޫންތަ؟ މާލޭގަ ދިރިއުޅޭ މީހުނަށް ގިނަވެފަ އަތޮޅު ތެރޭގަ އުޅޭ ރައްޔިތުންނަށް މަދުން އެވެސް ތިބަހަނީ. ކިހާ އިންސާފްވެެރި. ފޯނު މެދުވެރިކޮށް ފޮނުވި ބައި ބަހަނީ ކޮން ބަޔަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރޭތަ

22 June 2017

ހަމަ މާލެސަރަހައްދުން ލިބުނު އަދަދު ތަ ތީ؟ އަތޮޅު ތަކުގެ ރައްޔިތުން ދިރާގު މެދުވެރިކޮއް ދެއްކި ފައިސާވެސް މާލެސަރަހައްދައްތަ ގުނަނީ ؟އަތޮޅު ތަކުގެ ރައްޔިތުން ދިރާގު މެދުވެރިކޮއް ދެއްކި ފައިސާވެސް ބަހަނީ މާލެ ސަރަހައްދު ގެ ފަގީރުން ނައްތަ؟ މިސުވާލުތަކުގެ ޖަވާބު ބެނުން