ވިލިމާލެ ދާއިރާގެ މެމްބަރު އަހުމަދު ނިހާނު މަޖިލީހުގެ ޖަލްސާއެއްގައި ވާހަކަ ދައްކަވަނީ. ޓޫރިޒަމާ ބެހޭ ގާނޫނަށް ނިހާން ހުށަހެޅުއްވި އިސްލާހުގެ ސަބަބުން ޓޫރިޒަމް ސިނާއަތަށް އަގު ނުކުރެވޭ ވަރުގެ ބޮޑެތި ގެއްލުންތަކެއް ލިބޭނެ ކަމަށް އަދާލަތު ޕާޓީން މިއަދު ބުނެފި. -- ފޮޓޯ: މަޖިލިސް
22 ޖޫން 2016 - 21:55
26 comments
ޓޫރިޒަމާ ބެހޭ ކަންކަމަށް ރަށްރަށާއި ބިން އަދި ފަޅުތައް، ކުރިން އިއުލާން ކުރުމަކާ ނުލައި ކުއްޔަށް ދޫކުރާ ގޮތަށް ސަރުކާރުން ގާނޫނަށް ހުށަހެޅި އިސްލާހުގެ ސަބަބުން ޓޫރިޒަމް ސިނާއަތަށް އަގު ނުކުރެވޭ ވަރުގެ ބޮޑެތި ގެއްލުންތަކެއް ލިބޭނެ ކަމަށް އަދާލަތު ޕާޓީން މިއަދު ބުނެފި އެވެ.
ޓޫރިޒަމާ ބެހޭ ގާނޫނަށް ވިލިމާލެ ދާއިރާގެ މެމްބަރު އަހުމަދު ނިހާން ހުށަހެޅުއްވި މި އިސްލާހު އިއްޔެ ވަނީ މަޖިލީހަށް ބަލައިގަނެފަ އެވެ.
އަދާލަތުން ނެރުނު ބަޔާނެއްގައި ބުނި ގޮތުގައި މި އިސްލާހުގެ ސަބަބުން ރާއްޖޭގެ ކުރިއަރާފައިވާ ޓޫރިޒަމް ސިނާއަތާ މެދު ވިޔަފާރިވެރިންގެ އިތުބާރު ގެއްލި، ވިޔަފާރީގެ ވާދަވެރިކަން ގެއްލި އަދި ވަކި ބައެއްގެ މުށުތެރެ އަށް މި ސިނާއަތުގެ ކޮންޓްރޯލް ވެއްޓޭނެ އެވެ. އޭގެ ސަބަބުން ފޫނުބެއްދޭ ވަރުގެ ބޮޑު ނިކަމެތިކަމެއް ރައްޔިތުންނަށް ލިބިގެން ދާނެ ކަމަށް އެ ޕާޓީން ބުންޏެވެ.
މީގެ އިތުރުން، ބަލައިލި ކޮންމެ ދިމާއަކުން ވެސް ކޮރަޕްޝަން ފެންނަން އޮތް ދަނޑިވަޅެއްގައި މިފަދަ ބިލަކީ ކޮރަޕްޝަނަށް ހުޅުވިގެންދާނެ ބިޔަ ދޮރެއްގެ ގޮތުގައި އަދާލަތުން ސިފަކުރި އެވެ. އެ ޕާޓީން މި ބިލް ސިފަ ކުރީ "ހީލަތްތެރި" ބިލެއްގެ ގޮތުގަ އެވެ. އަދި މި ބިލްގެ ބޭނުމަކީ، އެ ޕާޓީން ތުހުމަތުކުރި ގޮތުގައި، ސަރުކާރުން ބޭނުންވާ ބަޔަކަށް ރާއްޖޭގެ ބިންތަކާއި ފަޅުތަކާއި ރަށްތައް ދިނުމެވެ.
"ސަރުކާރުން ހަމަ މިކަން އެހެން މަގަކުން ކުރަން އުޅުމަކީ އަދާލަތު ޕާޓީން ވަރަށް ބޮޑަށް ކުށްވެރި ކުރާ ކަމެކެވެ،" އެމްއެމްޕީއާރުސީގެ ކޮރަޕްޝަން މައްސަލަ އަށް އިޝާރާތްކޮށް އަދާލަތުގެ ބަޔާނުގައިވެ އެވެ.
އަދާލަތުން ވަނީ މި ބިލް އަނބުރާ ގެންދިއުމަށް ސަރުކާރަށް ގޮވާލާފަ އެވެ. އެއާ އެކު، ރަށްތަކާއި ފަޅުތަކާއި ބިންތައް ދިނުމުގައި ހުޅުވާލެވިފައިވާ ވާދަވެރި ބީލަމަކަށް ގޮސް، ދެ ފުށް ފެންނަ ގޮތަކަށް ކުރިއަށް ގެންދިއުމަށް ވެސް އެ ޕާޓީން ގޮވާލި އެވެ.
"އަދި ކޮރަޕްޝަނަށް ދޮރު ހުޅުވޭ ގޮތަށް ގާނޫނުތައް ފަރުމާ ނުކުރުމަށާއި އަމަލުތައް ނުބެހެއްޓުމަށް ރައީސް [އަބްދުﷲ] ޔާމީނުގެ ސަރުކާރަށާއި ރައްޔިތުންގެ މަޖިލީހަށް ގޮވާލަމެވެ،" ބަޔާނުގައިވެ އެވެ.
އަދާލަތުން މިހެން ބުނިއިރު، އިއްޔެގެ ޖަލްސާގައި މި އިސްލާހަށް ބަހުސް ކުރެއްވި އިދިކޮޅު މެމްބަރުން ވެސް ވިދާޅުވެފައި ވަނީ ބިޑު ކުރުމަކާ ނުލާ ތަންތަން ކުއްޔަށް ދޫކުރަނީ ކޮރަޕްޝަނަށް މަގުފަހިވާ ގޮތަށް ރަށްރަށާއި ބިން އަދި ފަޅުތައް ދޫކުރަން ވެގެން ކަމަށެވެ. އެހެންވެ، ގިނަ މެމްބަރުން ވަނީ ކޮމެޓީ މަރުހަލާގައި މި އިސްލާހު އިތުރަށް ދިރާސާ ކުރުމަށް ގޮވާލައްވާފަ އެވެ. އަދި ޓޫރިޒަމް ދާއިރާގައި މަސައްކަތް ކުރާ ތަޖުރިބާކާރުންގެ ލަފާ ހޯދުމަށް ވެސް ބައެއް މެމްބަރުން ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅުގަނޑު
23 June 2016
އަޅުގަނޑަށް ވެރިކަމަށް އާދެވޭނެ ކަމެއް ނޭނގެ އެވެ. އާދެވިއްޖިއްޔާ މިހާރު ސަރުކާރުގެ އިސް ވެރިންނާ މަޖިލިހުގެ މެޖޯރިޓީ މެމްބަރުން ގެ މުދާ ދައުލަތަށްނަގާ، އަތަށް ނާށިގަނޑު ދީފަ ސަލާން ޖަހަން މަގުމައްޗަށް ނެރޭނަމެވެ. ވައްސަލާމް.
ރީނާ
23 June 2016
ތިޔަކަމުގަ ފުރިހަމަ އެއްބާރުން ދޭނަން
ބިދދިނގ
23 June 2016
ސަރުކާރު އަމިއްލަކުންފުނިތަކުންގަންނަންޖެހޭ މުދަލާހިދުމަތްވެސް ބިޑުކުރުމެއްނެތް... އެހެންވީމަ ތިކަނަންވެސް ނުކުރަންވީސަބަބެއްނެތް....
ލައްޓި
23 June 2016
ރަަާއްޖޭގައި މި ވަގުތު ހުރި ހުރިހާ ފަޅުރަށެއް އަގުކޮށް ، ކޮންމެ ރަށެއްވެސް ވިއްކާނެ އަގުތައް އެނގޭނެ ލިސްޓެއް ތައްޔާރު ކުރައްވާ، .... އަދި ދިވެހިން ނާއި ބޭރުގެ ފަރާތްތަަކަށްވެސް ފެންނާނެ ހެން އާންމު ކުރައްވަ....... ނަމަ ނަމަ މާ އަގުހެޔޮ ނުކުރައްވާތި،،،،،...... ނުވިކުނަސް ސޭލުވެސް ނާޅުއްވާތި.....
ކައްޓިމަސް
23 June 2016
ދޮންކެޔޮ ވަކަކަށް ރަށެއް، ކަދުރު އޮށަކަށް ރަށެއްގެ އުސޫލުން ބަހާ ހުސްކޮށްލާ.. ދެން ނެތް މާކަ ގިނަ ދުވަހެއް..!
ބޫ
23 June 2016
ދައުރު ނިމެންވާއިރަށް އަވަހަށް ބަހާ ހުސްކޮށްލަނީ. 2018 ނުލިބުނަސް މުއްސަނދިކަން މުށުތެރަށް ލެވޭނީ އޭރުން. އަޑުގަދަ ކޮށްފައި ވާހަކަ ދައްކަން ނިހާނުމެން ލަދެއްވެސް ނުގަނެޔޭ ދޯ؟
ހާނު
23 June 2016
އަދި ނިހާނުވެސް އަގުނުކޮށް ވިއްކާލާނެ
ޓައިމް
23 June 2016
އަދީބު ހުރިއިރު ތުހުމަތުކުރީ އޭނަގެ ނުބައިކަމުން ރައީސް ލައްވާ ކުރުވާ ކަންތައް ކަމަށެވެ. މިހާރު ކާކުގެ ނުބައި ކަމުންތޯ މި ޖަރީމާތައް މިހިނގަނީ.
ދެން ދޯ
23 June 2016
ތީ ދެން ރޮކެޓް ސައިންސެއް ނޫނެއްނު! ސިކުނޑީގައި ތެތް ކަން ހުރި އިންސިއަކަށް ވިއްޔާ އެނގޭނެ ދޯ ޤައުމެއްގެ އެއްވެސް ގުދުރަތީ ވަސީލަތެއް ހަމަ އެއް ލަމައެއް ނެތި ދެވިގެން ނުވާނެ ކަން. ނުބީހެންޏާ ކަނޑާ ހަމަ އޭ އުސޫލުން ގައުމުގައ ހުރި ހަމަ އެކަނި ގުދުރަތީ ވަސީލަތައް ހުސް ކޮށްލުމަކީ މޮޔަ އަދި ނުރައްކާ ކަމެއް!
ގުރޮނު
23 June 2016
ބަލަ ކަލޭމެންނީތީ ސިޔާސީޕާޓީއެއްވެސްނޫނޭ މިހާރު، މިއަހަރު ނިމުމުގެ ކުރިން ތިޕާޓީގަނޑު އުވޭނެ
ވަތުވޮޑި
23 June 2016
ކީކޭތޯ ބުނާނީ މިކަމުގަ.....ހަމަ ކޮރަޕްޝަންއާއި ކަޅުފައިސާ ދޮވުމަށް ކުރާ ކަމެއް، އެހެން ނަމެއް ކިޔާފަ އެބަ އޮތޭ ގާނޫނެއް ކިޔާފަ މިކުރަނީ ހަމަ އެއްކަމެއް ނޫންތޯ؟ ނިހާނުމެން ކިތަންމެ ވަރަކަށް ކަރަށް ނާރު އަރުވާފަ ހަޅޭލެވިޔަކަސް ދިވެހިން ތިބީ މާ ހޭލުންތެރިކޮށް. ތިޔަ ކުރާ ކަންތައް ރަނގަޅަށް އިނގޭ، 2018 ގެ ކެމްޕެއިނަށް ލާރި ލިބޭތޯ ބަލާ ތިކަން ކޮށްގެންވެސް، މާތްﷲ ގެ އިރާދަފުޅާއި ވާގިފުޅާއި އެކު 2018ގަ ޔާމީނުގެ ކިބައިން މި ގައުމު ސަލާމާތް ކުރައްވާށި! އާމީން