ފެނަކައިގެ މެނޭޖިން ޑިރެކްޓަރު ޝަރީފް، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ރައްޔިތުންގެ މަޖިލިހުގެ ކޮމިޓީގެ މިއަދުގެ ބައްދަލުވުމަށް ޖަވާބުދާރީވަނީ.---ފޮޓޯ: ނިޝާން އަލީ/މިހާރު
24 ޖޫން 2017 - 17:31
19 comments
ތެލުގެ އަގު އެސްޓީއޯ އިން ހެޔޮ ކުރުމާ ގުޅިގެން ކަރަންޓުގެ އަގަށް ގެންނަ ބަދަލު ސަރުކާރު ހުޅުވުމުން އިއުލާން ކުރާނެ ކަމަށް ފެނަކަ ކޯޕަރޭޝަނުން މިއަދު ބުނެފި އެވެ.
މިއަދު ބޭޭއްވި ނޫސްވެރިންގެ ބައްދަލުވުމެއްގައި ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވީ ތެލުގެ އަގަކީ ކަރަންޓުގެ އަގަށް ބަދަލު އަންނަ މައިގަނޑު ސަބަބު ކަމަށާއި އެހެންވެ، ތެލުގެ އަގު އެސްޓީއޯ އިން ހެޔޮ ކުރުމުން ކަރަންޓްގެ އަގަށް ބަދަލު އަންނާނެ ކަމަށް އޭނާ ވިދާޅުވި އެވެ. ކަރަންޓްގެ އަގަށް ގެންނާނެ ބަދަލުތަކާ މެދު މިހާރު މަޝްވަރާ ކުރަމުން އަންނަ ކަމަށާއި އީދު ބަންދަށް ފަހު ސަރުކާރު ހުޅުވުމުން އަގުތައް އިއުލާން ކުރެވޭނެ ކަމަށް އޭނާ ވިދާޅުވި އެވެ.
"މިހާރު އެނަޖީ މިނިސްޓްރީ އާއި ކަމާބެހޭ ފަރާތްތަކާ އެކީގައި ފެނަކަ އާއި ސްޓެލްކޯއިން މިދަނީ މަޝްވަރާ ކުރަމުން. ހަމަ ސަރުކާރު ހުޅުވުމާ އެކީގައި، އަޅުގަނޑު ގަބޫލު ކުރާ ގޮތުގައި ހުޅުވޭ ހަފުތާގެ ތެރޭގައި ކަހަލަ ގޮތަކަށް، ކަރަންޓަށް އަންނާނެ ބަދަލުތައް އިއުލާން ކުރެވިގެންދާނެ،" ޝަރީފް ވިދާޅުވި އެވެ.
ތެލުގެ އަގަށް އެސްޓީއޯ އިން ބަދަލު ގެނައީ ތެލުން ނަގަމުން އައި އިމްޕޯޓް ޑިއުޓީ ކުޑަކުރަން އިމްޕޯޓް އެކްސްޕޯޓް ގާނޫނަށް ރައްޔިތުންގެ މަޖިލީހުން ގެނައި އިސްލާހު ރައީސް އަބްދުﷲ ޔާމީން ތަސްދީގު ކުރެއްވުމުންނެވެ.
ކުރިން 8.95ރ. އަށް ވިއްކަމުން އައި ޕެޓްރޯލް ލީޓަރެއްގެ އަގު 8.65ރ. އަށް ކުޑަކޮށް، ކުރިން 8.95ރ. އަށް ވިއްކަމުން އައި ޑީސަލް ލީޓަރެއްގެ އަގު ވެސް 8.44ރ. އަށް ކުޑަކުރަން އެސްޓީއޯއިން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާއިޒު
25 June 2017
ތިޔަ ބަދަލު އަންނާނެ. ވަގުތަކަށް އަހަރެމެން ރައްޔިތުން މިތިބީ ކެތް މަދުވެފަ.
ހަބޭސް13
25 June 2017
ސަރީފް އަޅުގަޑަކީ ވަރައް ނިކަމެތި މީހަކީން އަޅުގަޑައްވިސް އެވަރުގެ ދީލަތި އެހީއެއް ނެތްތޯ ތިޔަދީލަތި މަނިކްފާން ދަރުމަޔައް ޓަކާ
ގެދާނޯމޮސް
25 June 2017
ކަރަންޓް ބިލްތަށް ހަދާގޮތުން ބިލްގެ މުއްދަތު ހަމަނުވެ އެއްވެސް މީހަކަށް ބިލްނުދެއްކިވާއިރު ނަގާ 2 ޕަސެންޓް ޖޫރިމަނާވެސް ތިކުޑަކުރާ އަދަދާވެސް ނުބައްދަލެވެ.
ނެޝަނަލިސްޓް
25 June 2017
އޭ.ޑީ.ބީ. ގެ ހިލޭ އެހީގައި ހުރިހާ ރަށެއްގައި ސޯލާ ބަހައްޓާއިރުވެސް އަގު ހެވެއްނުވޭ!
ގަމާރު
24 June 2017
ތެޔޮ އަގުހެޔޮވީ އިއްޔެއަކު މިއަދަކުނޫނެންނު ތެޔޮމިވަރައް އަގުހެޔޮ ވިފަހުންނެތްނު ކަރަންޓް ގެއަގުބޮޑުވީވެސް ރަތްޔަތުން ގުނބޯހައްދަން ވެގެ ވޯޓްލާ ދުވަސް ކައިރިވާވަރަކައްތިކަހަލަ ކޮންމެވެސް މޮޅުވާހަކައެއް ދައްކާނެ ކޮންމެއެއްޗެއް އަގުހެޔޮކުރިއަސް މަވާސަލާން
އައްޑޫ ބަކުރު
24 June 2017
ކޮންމެފަހަރަކު ކުޑަވާނެއޭ ކިޔާފަ ބިލް ލިބޭއިރު އޮންނީ ބޮޑުވެފަ. މިފަހަރުވެސް ބަލަން ތިބެމާ ދޯ....
ސަޕްރައިސް ވެލިއު
24 June 2017
ޝަރީފޫ އަޅުގަނޑުމެން ރައްޔިތުންވެސް މިތިބީ ސަޕްރައިސް އެއްދޭން ހިތުން ނިޔަތް ގަނެގެނޭ... 2018 ގައި ދަރުބާރު ފެކްޝަނުގެ އަގުވެސް ތިރިކޮށްލަދޭނަން އަތްފޯރާފަށަށް.. ވަރަށް އަގުހެޔޮވާނެ..
ޗިކުސް
24 June 2017
މާލޭ އާ އެއް ރޭޓެއް ރާއްޖެތެރޭ ރަށް ރަށުންވެސް ނަގަންޖެހޭނީ ، ވަކިބޮޑު ރޭޓެއް ނެގިގެންނުވާނެ.
މފއ އެކޮނޮމިކްސް
24 June 2017
އަނެއްކާ ކަރަންޓު ބިލާ ކުޅެނީ.... ސާބަހޭ މިއޮތީ ބަޔަކާ ވެރިކަމެއް ހަވާލުކުރެވިފަ... ކަރަންޓަކީ ރަން/ރިހި ފަދައިން އަގު ބޮޑުވެ ކުޑަވާ އެއްޗަކަށް ފުރަތަމަ އީޖާދު ކުރި ގައުމަކަށް ރާއްޖެ ވާނެތާދޯ! މފއ އެކޮނޮމީ... ކުލިވެސް ބޮޑުކަމުން ނޭވާ ނުލެވޭ މިހާރު.. އެހެނުންވާނީ، ބީޕީޓީގެ ނަމުގައި ގެދޮރުކުއްޔަށްދިނީމާ ނަގާ ޓެކްސް މިޖެހެނީ ގޮސް ކުއްޔަށް އުޅޭ މީހާގެ ބޮލަށް! މާލެ ގެދޮރު ހަދަން ލޯނު ދިނުމަކީ މިއަދު ބީއެމްއެލްގެ މެދު އުޑުގަ ފިޔަޖަހާ ފައިދާ ހުރި ވިޔަފާރިއެއް..
ޟުހާޓޯ
24 June 2017
ޝަރީއްޕެ ދެން ފޮނިނުކަނޑަބަލަ.