އަލިފުށީ ކައުންސިލް އިދާރާ: އިންޖީނަކަށް މިދިޔަ އަންގާރަ ދުވަހު ދިމާވި މައްސަލައަކާ ގުޅިގެން އެ ރަށަށް ކަރަންޓެއް ނުލިބޭ.
29 ޖޫން 2017 - 13:34
12 comments
ރ. އަލިފުއްޓަށް ދިމާވެފައިވާ ކަރަންޓް މައްސަލަ އަށް އަދިވެސް ހައްލެއް ނުހޯދެ އެވެ. ކަރަންޓް ނެތިގެން މިއަދު ވެސް ރައްޔިތުންނަށް ވަނީ އެތައް ތަކުލީފެއް އުފުލަން ޖެހިފަ އެވެ.
އަލިފުށިން މިއަދު ވާހަކަ ދެއްކި އަންހެނަކު ބުނިގޮތުގައި މިދިޔަ އަންގާރަ ދުވަހު އެ ރަށަށް ދިމާވި ކަރަންޓް މައްސަލަ އަށް ވަގުތީ ހައްލެއް ހޯދައި އިއްޔެ މެންދުރެއްހާ އިރު މުޅި ރަށަށް ކަރަންޓް ދޫކުރި އެވެ. އެކަމަކު ގަޑިއެއްހާ އިރު ވިތަނާ އަނެއްކާ ވެސް ކަރަންޓް ކެނޑިފައި ރޭ ދަންވަރު ވެސް ގަޑިއެއްހާ އިރަށް ކަރަންޓް ލިބުނު ކަމަށް އޭނާ ބުންޏެވެ.
"މި ރަށަކު މިހާރަކު ވެސް ނެތް ކަރަންޓެއް. މި ޒަމާނުގައި ހުރިހާ ކަމެއް ކުރަނީ ކަރަންޓުން. ކަރަންޓް ނެތީމަ ވަރަށް ދަތި ހާލުގައި އުޅެން މި ޖެހެނީ،" އޭނާ ބުންޏެވެ.
އަލިފުއްޓަށް ދިމާވެފައިވާ ކަރަންޓް މައްސަލަ ހައްލުކުރަން ފެނަކަ އިން އަންނަނީ މަސައްކަތް ކުރަމުންނެވެ. އެކަމަކު މައްސަލަ މުޅިން ހައްލުވެ ދާއިމީކޮށް ކަރަންޓް ދެވޭނެ އިރެއް ބުނަން ދަތި ކަމަށް ފެނަކަ އިން ބުނެފައިވާ ކަމަށް އެ ރަށުން ވާހަކަ ދެއްކި މީހުން ބުންޏެވެ.
ކައުންސިލުން ބުނެފައިވާ ގޮތުގައި މިދިޔަ ރޯދަމަހުން ފެށިގެން އެ ރަށުން ކަރަންޓު ކެނޑެމުން ދަނީ 600 ކިލޮވޮޓުގެ ޖަނަރޭޓަރުގެ ރޭޑިއޭޓަރު ހަލާކުވެގެންނެވެ. އެހެންވެ، އެ މައްސަލައަށް ދާއިމީ ހައްލެއް ލިބޭނީ ރޭޑިއޭޓަރެއް ލިބުމުން ކަމަށާއި ރޭޑިއޭޓަރު ލިބެން ދެ ހަފުތާވަރު ނަގާނެ ކަމަށް ވެސް ކައުންސިލުން ވަނީ ބުނެފަ އެވެ.
އަލިފުށީ ކަރަންޓް މައްސަލަ އިއްޔެ ހައްލު ނުވުމުން، މާލެ އިން 200 ކިލޯވޯޓުގެ ޖަނަރޭޓަރެެއް ވެސް ވަނީ ގެންގޮސްފަ އެވެ.
ކަރަންޓް ނެތިގެން ރުޅިގަދަވެ ރައްޔިތުންގެ ބަޔަކު ވަނީ ކައުންސިލް އިދާރާ ދޮށުގައި ހިތްހަމަނުޖެހުން ވެސް ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބޭސް13
30 June 2017
ރޭޑިއެޓަރެއް ގެންނަން އަހަރުދުވަސް ފެނަކައައް އައްސަރިބަހާބަސް އެކަމަކު ޕާޓީ ކުގިންނައް ހާދަފަސޭހައިން ފައިސާގެ ކަންތައް ހަމަޖެހެޔޭ
ހާމަ333
29 June 2017
އަލިފުއްޓެއް އައްޑޫއެއް ކިޔާނެކަމެއްނެތް...ކަރަންޓު ތިއޮތީ ޔަގީންވެފަ...އައްޑޫގެ ދެންހުރި ބާ ޖަނަރޭޓަރުތައްވެސް މާލެ ގެންދަންވީނު...އާން އެހެންޏާ....މިއަދުވެސް ފެންވަރަން ހުއްޓާ އަންގާވެސް ނުލާ ކަރަންޓުކަނޑާލީ 1 ގަޑިއިރަށްވުރެ ގިނައިރަށް....މާލޭ ސަރުކާރަށް ސާބަސް...ކަރަންޓު ޔަގީން ބައިކޮޅަށް...
އަލީ
29 June 2017
ހުސްދޮގު. ހުސްދޮގު. މީ ހަމަ މަމެން ޕިންކީންގެ އޯސަމް އެންޑް ފްލޯލަސް ޓައިޓޭނިޔަމް ޕުލޭޓެޑް ސަރުކާރުގެ އަގުވައްޓާލަންވެގެން އިދިކޮޅު މީހުން ފަތުރައިގެންއުޅޭ ބުހުތާން ދޮގު ވާހަކައެއް. އެއްގަޑިއިރު ތެރޭ މަމެންގެ ފެނަކަ އެމްޑީ ޝަރީފް ހުންނާނީ އަލިފުއްޓަށް ކަރަންޓުދީފޭ.
ގޮމް
30 June 2017
ހަސަނަށް ހީވާނީ ފުޅައްބުޑުން ދަންޏާ ކެޔޮގަނޑު ކަނޑާލާނޭ. އަބަދު ދޮގުހަދާ ބަޔަކަށް ހީވާނެ އެހެންމީހުންވެސް ހަދާނީ ދޮގޭ. އަލިފުށީ ރައްޔިތުން މި ދަތީގައި އުޅޭތާ މިއަދަށް މީ 4
ހަނު ހުންނަ މީހާ
29 June 2017
24 ކަރަންޓް ޔަގީން ..............
އަލްޖިބްރާ
29 June 2017
އަލިފުށީގެ ހުރިހާވޯޓެއްވެސް ދިނީ މިސަރުކާރަކަށްނު ! ދެން މިސަރުކާރުން ހަދާނެ އެއްޗެއް ހަދަންދެން ތިބޭ !
ކޮމެންޓު
29 June 2017
ކޮންތަނެއްގެ ކޮން މައްސަލައަކަށްތޯ ހައްލުހޯދުނީ ސުވާލު ކުރައްވާށެވެ. ބޮޑުވެގެން މާލެއެއް، ހުޅުމާލެއެއް، އައްޑުއެއް ކުޑަވެގެން ފެހެންދޫއެއް ކިޔާނެކަމެއް ނެތެވެ. ހުރިހާ ދިމާލަކުން ފެއިލެވެ. އީދުގައި އަރުވަން އުޅުނު ހޮޓްބެލޫންވެސް ވީ ފެއިލެވެ.
ރާމު
29 June 2017
ތިޔަރަށުންކަރަންޓް ކެނޑޭތާ 11 މަސްވީ. ރޭޑިއޭޓަަރަށް ފެން ހޮޅިގުޅައިގެން ހިންގާތާ 11 މަސްވީ. ތިކަމުގެ ހައްލު ހޯދަން ކުރީގެ ކައުންސިލުންވެސް މަސައްކަތްކުރި . ތީ އަސްލު ކައުންސިލް މައްސަލައެއްވެސް ނޫން.ތީ ސިދާ ފެނަކަގެ މައްސަލައެއް. ޓެކްނިކަލް ދާއިރާއަށް ވެސް ސިޔާސީ މީހުން އިންޖީނުގެއަށް ވެއްދީމަ ދެން ކިހިނެއް އިންޖީނު މަރާމާތު ކުރާނީވެސް .
ފެއިލިއާ
29 June 2017
އިއްޒަތްތެރި ބައެއް މެންބަރުންގެ ނަމުގަ ހިންގާ މުބާރާތްތަކަށް ހަދިޔާ ދީފަތާ އެހެންކަމަކާ ފެނެކައަށް އުޅެވޭނީ ދޯ؟
ދިސްވޭ
29 June 2017
އަލިފުށީ ރައްޔަތުންވެސް މަޑުމަޑުން ތިބޭ.މަމަންގެ ސަރުކާރުން ހާދާނެ އެއްޗެއް ހަދާނީ.
ހަބޭސް13
29 June 2017
އަހަރު ދުވަސްވީއިރު ރޭޑިއޭޓަރެއް ބަދަލް ނުކުރެވުނީމަ ފެނަކައިން ކުރާކަމަކާމެދު ސުވާލް އުފެދޭ އެކަމަކު ޕާޓީ ކުދިންނައް ހާދަ ހެވޭ އެމްޑީ