ރެއިންބޯ އިން މި އަހަރުގެ ރަމަޟާން މަހާ ދިމާކޮށް ބޭއްވި "ރަމަޟާން ސޭލް 2017"ގެ ގުރުއަތުން ހޮވުނު ފަރާތްތަކަށް އިނާމު ހަވާލު ކޮށްފި އެވެ.
ރޭ ރެއިންބޯ ބިލްޑްވެއާގައި ބޭއްވި ގުރުއަތުލުމުގައި އެއް ވަނަ ދެ ވަނަ އަދި ތިން ވަނަ އަށް ހޮވުނު ފަރާތްތަކަށް ވަނީ އިނާމު ހަވާލުކޮށްފަ އެވެ.
މިދިޔަ އޭޕްރިލް 1- ޖޫން 10 ށް ބޭއްވި ސޭލްގެ އެއް ވަނަ އަށް ގުރުއަތުން ހޮވިފައިވަނީ މއ. މުތްކޮޅު، އައިމިނަތު އަލްޔާާ އެވެ. އޭނާ އަށް ދީފައިވަނީ ބެޑްރޫމް ސެޓެކެވެ.
ސޭލްގެ ދެ ވަނަ އަށް ގުރުއަތުން ހޮވިފައިވަނީ އަހްމަދު އާތިފް (ނޫރަންމާގެ) އެވެ. ދެ ވަނަ އިނާމަށް ރެއިންބޯ އިން މި ފަހަރު ކަނޑައަޅާފައިވާ އިނާމަކީ ސޯފާ ސެޓެކެވެ.
މިއަހަރުގެ ރެއިންބޯ ސޭލްގެ ތިން ވަނަ އަށް ހޮވިފައިވަނީ ނާޒިމާ (ގ. ހޮޕް) އެވެ. ތިން ވަނަ އިނާމަކަށް ރެއިންބޯ އިން ދީފައިވަނީ ދޮންނަ މެޝިނެކެވެ.
ރެއިންބޯ އިން އަންނަނީ ކޮންމެ އަހަރަކު ވެސް މިފަދަ ސޭލްތައް ބާއްވަމުންނެވެ. އަދި ކޮންމެ އަހަރުވެސް އަގު ހުރި އެތައް އިނާމެއް ކަސްޓަމަރުންނަށް ފޯރު ކޮށްދެމުންނެވެ.