އެޗްޑީއެފްސީން ސުކުކް ވިއްކުން މިއަދު އިފްތިތާހުކުރުމަށް ބޭއްވި ރަސްމިއްޔާތުގައި އެކަމާ ބެހޭ މައުލޫމާތު ނޫސްވެރިންނަށް ދެނީ. ފޮޓޯ: އެޗްޑީއެފްސީ
06 ޖުލައި 2017 - 15:25
5 comments
ގެދޮރު ގަތުމަށާއި އިމާރާތް ކުރަން ބޭނުންވާ ފަރާތްތަކަށް އިސްލާމީ ޝަރީއަތާ އެއްގޮތަށް މާލީ އެހީތެރިކަން ދިނުމަށް ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) އިން 150 މިލިއަން ރުފިޔާގެ ސުކުކް ވިއްކަން ނިންމައިފި އެވެ.
ގެދޮރު ހޯދަން ބޭނުންވާ ފަރާތްތަކަށް މާލީ އެހީތެރިކަން ދޭން އުފައްދާފައިވާ ކުންފުނީގެ އިސް އޮފިޝަލަކު މިއަދު ވިދާޅުވީ 150 މިލިއަން ރުފިޔާގެ ސުކުކް ވިއްކަން ނިންމާފައި ވަނީ އިސްލާމީ ޝަރީއަތާ އެއްގޮތަށް ގެދޮރު ގަތުމަށާއި އިމާރާތް ކުރަން ބޭނުންވާ ފަރާތްތަކަށް ފައިނޭންސް ކޮށްދޭ އެޗްޑީއެފްސީ އަމްނާ އަށް ހޯދަން ކަމަށެވެ.
އެ ކުންފުނިން ސުކުކް ވިއްކަން ނިންމާފައި ވަނީ 1،000ރ. އަށް އެއް ސުކުކްގެ މަގުންނެވެ. އެގޮތުން 10 އަހަރަށް ގަންނަ ސުކުކްގެ ފައިދާ އަހަރަކު ދެ ފަހަރު ދިނުމަށް ނިންމާފައިވާ ކަމަށް އެޗްޑީއެފްސީން ބުންޏެވެ.
އެ ކުންފުނިން ދެވަނަ ފަހަރަށް ސުކުކް ވިއްކުން ރަސްމީކޮށް އިފްތިތާހު ކުރުން އޮތީ މިއަދު ފެށި ފައިނޭންޝަލް އެކްސްޕޯގަ އެވެ. އަދި އަންނަ މަހުގެ ހަވަނަ ދުވަހުން ފެށިގެން އަންނަ ސެޕްޓެމްބަރު މަހުގެ ހަތްވަނަ ދުވަހާ ހަމަޔަށް ސުކުކް ގަތުމުގެ ފުރުސަތު ހުޅުވިފައިވާ ކަމަށް ވެސް އެޗްޑީއެފްސީން ބުންޏެވެ.
"އެ އެކްސްޕޯގައި ޕްރޮސްޕެކްޓަސް ދޫކުރަން މިއަދު ވަނީ ފަށާފައި. އެގޮތުން އެއް މަސް ދުވަސް ލިބޭނެ ސުކުކް ގަންނަން ބޭނުންވާ ފަރާތްތަކަށް،" އޮފިޝަލް ވިދާޅުވި އެވެ.
އޭނާ ވިދާޅުވީ ބޭނުންވާ އަދަދަކަށް ސުކޫކް ގަނެވޭނެ ކަމަށެވެ. އަދި ފައިދާ ބަހާނީ އެ މީހަކު އިންވެސްޓް ކުރާ ނިސްބަތުން ކަމަށް ވެސް ވިދާޅުވި އެވެ.
"އިންވެސްޓްކުރާ ނިސްބަތުން ފައިދާ 65 ޕަސެންޓް ހަމަޔަށް ލިބޭނެ. ގިނައިން އިންވެސްޓްކުރާ ފަރާތްތަކަށް ލިބޭ ފައިދާ އިތުރުވާނެ،" އޮފިޝަލް ވިދާޅުވި އެވެ.
އޭނާ ވިދާޅުވީ ސުކުކް ވިއްކަން ނިންމީ އިސްލާމިކް ފައިނޭންސްގެ ތެރެއިން ގެދޮރު ހޯދަން ބޭނުންވާ ފަރާތްތަކަށް އެ ފުރުސަތު ހޯދައިދިނުމަށް ކަމަށެވެ.
އެ ކުންފުނިން ވަނީ މިދިޔަ އަހަރު ވެސް 500ރ. އަށް ސުކުކެއްގެ މަގުން 22.566،000 ރުފިޔާގެ ސުކުކް ވިއްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭބެ
07 July 2017
ކޮންމެ ބަޔަކުވެސް ވިޔާފާރި ކުރިއައުވަންވީމަ ' ހަލާލް ، އިސްލާމީ ޝަރީއަތް ، ކަހަލަ ބަސްތައް ބޭނުންކޮއްގެން އޮޅުވާލަނީ އެވެ. ކުރަނީ ހަމަ އެއްކަމެކެވެ.
ދެލޯކަނު
06 July 2017
ބިން އޮވެފަ ގެދޮރުނެހެދި ތިބި ރާއްޖެތެރޭ މީހުންނަށްވެސް ހަމަތިބީދައިން ގެދޮރުހެދޭނެ ގޮތް ހަދައިދޭން ޖެހޭނެ. ތިޔައީ ދައުލަތުގެ ފައިސާ. ލޯނުތިދެނީވެސް ކަލަންޑަރު ހަދާ ގޮތަށް މާލެއާއި މާލެކައިރީގައިވާ ރަށްތަކަށް.
މޫސަ
06 July 2017
ސުކުކް އެއް ނޫން ކިޔަނީ
އިބޫ
06 July 2017
ސުކުކް މި ބަހުގެ މާނަ ބުނަލަދީބަލަ.
ހަބީބު
06 July 2017
ކޮންކުކެއް ޕުކެއް ކިޔާކައް ފުލެޓުދީފަ މަހަކު 2000 ރުފިޔާ ދައްކަމުންގޮސް އަގުއަދާވީމަ ނިމުނީ މާލެއިން ކުޑަބިންކޮޅު ދޫކޮއްލާ ކޮންމެމީހަކައް އެކަށީގެންވާ 2000 އަކަފޫޓު ހހުންނަވަރު ބިމެއްދިނީމަ ނިމުނީ ތިޔަ ޕުކާކުކާ ގަނެގެން އުމުރުހުސްވާނީ ފައިސާކޮޅު ކާލައިގެން ވަކިބަޔަކު މަތިފަޑިން ވަޒީފާ ލިބޭތާ އަޖަރުވާއިރައް މާލެއިން ބުންގަނެގެން މުއްސަނދިވާނީ