މީޑިއާނެޓްގެ ރޯދަ ހަދިޔާ އަކީ ތުރުކީ ދަތުރެއް

އޯކިޑް މަގުގައި ހުންނަ މީޑިއާނެޓް ސޭލްސް ސެންޓަރު: މީޑިއާނެޓުގެ މިއަހަރުގެ ރޯދަ ހަދިޔާ ގޮތުގައި ދެނީ ތުރުކީއަށް ދަތުރެއް. -- މިހާރު ފޮޓޯ: މުހައްމަދު ޝަރުހާން

މަރިޔަމް ސާލިޔާ، މިހާރު

19 މެއި 2016 - 12:05

މީޑިއާނެޓުގެ ރޯދަ ހަދިޔާ ޕްރޮމޯޝަނުން އެއްވަނައަށް ހޮވޭ ފަރާތަކަށް މިފަހަރު ޓާކިޝް އެއާލައިނުން ތުރުކީ ދަތުރެއް ހުށަހަޅައިފި އެވެ.

އަންނަ މަހުގެ 10 ވަނަ ދުވަހުގެ ނިޔަލަށް ކުރިއަށް ގެންދާ މީޑިއާނެޓް ރޯދަ ހަދިޔާ ޕްރޮމޯޝަންގައި ތުރުކީ ދަތުރުގެ އިތުރުން ކޮންމެ ހަފުތާއަކު ގުރުއަތުން ނަސީބުވެރިއަކު ހޮވައި، އަގުހުރި އިނާމުތައް ދިނުމަށް ވަނީ ހަމަޖެހިފަ އެވެ.

އެމިރޭޓްސް އެއާލައިނުން ހުށަހަޅާފައިވާ ލަންކާ ދެކޮޅު ޓިކެޓާއި 40 އިންޗީގެ ޓީވީ އޭގެ ތެރޭގައި ހިމެނެ އެވެ.

މީޑިއާނެޓުގެ އެސިސްޓަންޓް މެނޭޖާ ޕަބްލިކް ރިލޭޝަންސް ސިމާނާ އިސްމާއީލް ވިދާޅުވީ މި ޕްރޮމޯޝަނުގައި ކޮންމެ ކަސްޓަމަރަކަށް ވެސް މީޑިއާނެޓުގެ ޑީކޯޑަރެއް ގަނެގެން ބައިވެރިވެވޭނެ ކަމަށެވެ.

ސިމާނާ ވިދާޅުވީ ރޯދަ މަހަކީ ވަރަށް ހާއްސަ މަހެއް ކަމަށާއި މީޑިއާނެޓުން މިއަހަރުގެ ރޯދަމަހަށް ހާއްސަކޮށްގެން ކުލަގަދަ ހަރަކާތްތަކެއް ކުރިއަށް ގެންދާނެ ކަމަށެވެ.