މިދިޔަ މަހު ރައީސް އޮފީހުގައި ބޭއްވި ނިއުސް ކޮންފަރެންސެއްގައި ބަންޑާރަ ނައިބު އަނިލް ވާހަކަ ދައްކަވަނީ.---މިހާރު ފޮޓޯ
05 ޖުލައި 2017 - 12:26
92 comments
ރައްޔިތުންގެ މަޖިލީހުގެ މެމްބަރަކު އެ ވަގުތު ހުރި ޕާޓީން ވަކިވިޔަސް ނުވަތަ ޕާޓީގެ ވިޕްލައިނާ ޚިލާފު ވިޔަސް މަޖިލީހުގެ މެންބަރުކަމުން ވަކިވާނެ ކަމަށް ކަނޑައަޅައިދިނުމަށް ދައުލަތުގެ ފަރާތުން ސުޕްރީމް ކޯޓަށް ހުށަހަޅާފައިވާ ކަމުގެ މައުލޫމާތު ލިބިވަޑައިގެންފައިވާ ކަމަށް ކިނބިދޫ ދާއިރާގެ މެމްބަރު އަބްދުﷲ ރިޔާޒް ރޭ ވިދާޅުވެއްޖެ އެވެ.
އިދިކޮޅު ސިޔާސީ ފަރާތްތަކުން ކުނޫޒްގައި ބޭއްވި ޖަލްސާގައި އޭނާ ވިދާޅުވީ އެޓާނީ ޖެނެރަލް މުހައްމަދު އަނިލް އެ މައްސަލަ ސުޕްރީމް ކޯޓަށް ހުށަހަޅުއްވާފައިވާ ކަން ވަރަށް ރަނގަޅު މަސްދަރުތަކަކުން އެނގިވަޑައިގެންފައިވާ ކަމަށެވެ. އަދި އެއީ މެމްބަރުން ހިތްހަމަޖެހިވަޑައިނުގަންނަވާނެ ކަމެއް ކަމަށް ރިޔާޒް ވިދާޅުވި އެވެ.
އިދިކޮޅު ފަރާތްތަކުން ރޭ ބޭއްވި ޖަލްސާގައި ރިޔާޒް ވާހަކަ ދައްކަވަނީ. --މިހާރު ފޮޓޯ: ހުސެއިން ވަހީދު
"އެހެންވީމާ ވަރަށް ބޮޑު ގޯހެއް ހައްދަވަން އެޓާނީ ޖެނެރަލް އެ އުޅުއްވަނީ. ކުރިން ހެއްދެވި ގޯސް ވެސް އޮތީ އަތަށް ގޮވާފައި. އަޅުގަނޑު އުންމީދެއް ނުކުރަން ސުޕްރީމް ކޯޓުން ގާނޫނުއަސާސީއާ ޚިލާފަށް އެއްވެސް އަމުރެއް ނެރޭނެ ކަމަކަށް. މި ގައުމު މުހިންމު ވާން ޖެހޭނީ،" ޖުމްހޫރީ ޕާޓީގެ ޑެޕިއުޓީ ލީޑަރު ވިދާޅުވި އެވެ.
މިއީ ތެދެއްކަން ނުވަތަ ނޫން ކަން ވެސް، އަދި މިކަހަލަ އެއްވެސް މައްސަލައެއް ހުށަހަޅާފައި ވާކަން ސުޕްރީމް ކޯޓުން އަދި ނުބުނެ އެވެ. އަދި އެޓާނީ ޖެނެރަލްގެ އޮފީހުން ވެސް މިކަމާ ބެހޭ ގޮތުން އެއްވެސް އެއްޗެއް ނުބުނެ އެވެ.
ގާނޫނީ ވަކީލު ހުސްނުއްސުއޫދު ކުރެއްވި ޓުވީޓެއްގައި ވެސް ވިދާޅުވީ ވިޕްލައިނާ ޚިލާފުވާ މެމްބަރުންގެ ގޮނޑި ގެއްލޭ ގޮތަށް ކަނޑައެޅުމަށް އެޓާނީ ޖެނެރަލް އަނިލް ސުޕްރީމް ކޯޓަށް ހުށަހަޅުއްވައިފި ކަމަށް މަސްދަރުތައް ބުނާ ކަމަށެވެ.
މަޖިލީހުގެ މެމްބަރަކު އެ މަގާމުން ވަކިވާ ތިން ހާލަތެއް ގާނޫނުއަސާސީގައި ކަނޑައަޅާފައިވެ އެވެ. އެއީ ޖިނާއީ ކުށެއްގައި އެއް އަހަރަށް ވުރެ ދިގު މުއްދަތުގެ ހުކުމެއް ތަންފީޒު ކުރަމުން ދިޔުން ނުވަތަ ސާބިތު ދަރަންޏެއް އޮވެ ހުކުމާ އެއްގޮތަށް ދަރަނި އަދާ ނުކުރުން ނުވަތަ ފަނޑިޔާރެއްގެ މަގާމަށް އައްޔަން ކުރުމެވެ.
އޭގެ އިތުރުން މެމްބަރަކު އިސްތިއުފާ ދޭން ބޭނުންވެއްޖެ ނަމަ މަޖިލީހުގެ ރައީސަށް ހުށަހަޅާ ސިޓީއަކުން އެކަން ކުރެވިދާނެ ކަމަށް ވެސް ގާނޫނުއަސާސީގައި ބުނެފައިވެ އެވެ. މެމްބަރަކު މަޖިލީހުގައި އިސްލާމްދީނުގެ އަސްލަކާ ޚިލާފު ނުވާ ގޮތުގެ މަތިން ދެއްކެވި ވާހަކައަކާ ގުޅިގެން ނުވަތަ ވޯޓު ދެއްވި ގޮތަކުން އެ ބޭފުޅަކު ކޯޓަކަށް ހާޒިރުކޮށް އަދި އެއްވެސް ތަހުގީގެއް ހިންގައިގެން ނުވާނެ ކަމަށް ގާނޫނުއަސާސީގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީނު
07 July 2017
ވަރަށް ރަނގަޅު ހުށަހެޅުމެއް ތިޔައީ..... އޭރުން އިނގޭނެ ތިޔަ ގޮނޑީގެ ދަހިވެތިކަމުގަ ކަންކަން ދާގޮތް. މިހާރުވާގޮތަކީ އެބައިނގޭ ތިމަންނާ ކޮންމެ ފަދަ ނާޗަރަންގީއެއް ކުޅުނު ކަމުގައިވިޔަސް ހެސްކިޔާފަ މަހުމުސާރަލިބޭނެކަން...
ޜާމް
06 July 2017
ތިކަން ނުކޮށް ނިކަން ޖިމަށް ދޭބަލަ
ސައީދުބޭ
06 July 2017
ތިޔައީ ތެދަކަށް ވެފައި ތިޔަކަން ހުށަހެޅި ގޮތަށް އެތަނަށް ބަލައިގަނެ ، ހުށަހެޅި ގޮތަށް ތާޢީދު ކޮށް ނިންމާލައިފިނަމަ ތިޔަތަނަށް ކަނޑައެޅިފައި އޮތް އިމުން ބޭރޫވީ ކަމަށް ކަނޑައެޅި ތިތަނުގައި ތިބި މީހުންގެ މަޤާމް ތައް ގެއްލޭތަން އަންނާނެތީވެ އެފަދަ ކޮސް އަމަލެއް ކުރަން ތިތަނުގައި ތިއްބެވި އެއްވެސް އިއްޒަތްތެރިޔަކު ތާއީދެއް ނުކުރާނެ ކަން ޔަޤީން .
އަނިލްއެވެ.
06 July 2017
ތިޔަ ވިދާޅުވާ މެމްބަރުން މަޖިލީހަށް ހޮވަނީ ކޯޫން ތޯއެވެ؟ ނުވަތަ ޕާޓީން ތޯއެވެ؟ ރައްޔިތުން ވޯޓުލައިގެން މެމްބަރަކު ހޮވީމާ ޕާޓީއާ ކޮން ކަމެއްހެއްޔެވެ؟؟؟ ކޮސް ނުގޮވާށެވެ. މިހާރު ދެން މާ ގިނަ ދުވަސްތަކެއް އޮތް ހެނެއް މި ނިކަމެތި ރައްޔިތު މީހާއަކަށް ނުފެނެއެވެ.
ސާހިދު އިބުރާހިމް
06 July 2017
މެންބަރުންގެ ޓްރާންސްފާރ މާރކެޓަށް އަސަރެއްކުރާ އެއްވެސް އިސްލާހަކަށް މެމްބަރުން ތާއީދެއްނުކުރާނެ ނަމަވެސް ތިޔަ އިސްލާހަކީ މަލްޓިޕާޓީ ނިޒާމަކަށް ވަރައް މުހިއްމު އިސްލާހެއް
ސައިޚް
06 July 2017
ދެން ފެންނާނީ އަނިލްގެ ގޮނޑި ގެއްލޭތަން، މާލަހެއްނުވެ ، އިންޝާﷲ.
ދުޢާ
06 July 2017
''ދެން ނެތޭ މުސްތަގުބަލެއް ފެހިކޮށްލެވޭހާ ހިތްވަރެއް، ދެން އޮތީ ކުށްތަކުގެ ތައުބާގައި ދުޢާ އަށް އަތްނެގުން"
ހަހަހަހަ
06 July 2017
މީ ރައްޔިތުން ތަމްސީލުކުރަން ތިބޭ ބައެއް ނޫންދޯ. ސަރުކާރު ބުނީމަ ގުދަށް އޮންނަ ގުރޫޕެއް. ލޮލް
ކަނޑުކޮސް
05 July 2017
ރައްޔިތުންގެ ތާއީދުނެތި ގަދަބާރުން ވެރިކަމުގައި ހުންނަން އަދި އިތުރަށްވެސް ކިތަންމެކަމެއް ކުރަން ޖެހޭނެ. މިކަންކުރީމަ ޙަޤީޤަތުގަ އެ އެރެނީ ޢަޑަފިކޮޅަށް ފައިން. ޕ÷ޕާޓީއަށް މެންބަރުން ވާނީ މަދު. ގޭމް ޕްލޭން ބަދަލުކުރީމަ ބައިކޮޅަށް ވަންނަގޯލް ގިނަވަނީ. މެޗް ނިމެން ކައިރިވާ ވަރަކަށް ކޮސް ހެދެނީ.
ތެދުބަސް
05 July 2017
ވެރިކަން ބޭނުން ވެގެން ( ވެރިކަން ވައްޓާލުމަށް ޓަކައި) އެމޯހަކަށް ހެދުނު ދޮގެއް އެމީހަކު ހުރިތަނަކުން ހަދަނީ ތާއެވެ؟އަދީބުގެ ވަކީލުން ބުނަނީ އަދީބު މަރާލަން އެބަ އުޅެޔޯ އެވެ.އަނެއްބަޔަކު ކިޔަނީ 2018 ގައި ޔާމީނު ކުރިމައްޗެއް ނުލައްވާޔޯ..އަނެކަކު ބުނަނީ މަންޑޭގައި "މަންޑޭލާ" އެބަ ވަޑައިގަނެ ޔޯލައެވެ.އަނެއް ބަޔަކު ތިބެފައި ބުނީ ރާއްޖޭގައި "ބޮން ގޮއްވަން"ޓެރެރިސްޓުން އެބަ އުޅެޔޯލައެވެ