އަންނަ ހުކުރުގައި އިސްލާމީ މަރުކަޒުގައި ހުތުބާ ދެއްވާނީ ޑރ. ބިލާލް

ޑރ. ބިލާލް ފިލިޕްސް: އަންނަ ހުކުރު ދުވަހު ހުތުބާ ދެއްވާނީ އޭނާ

އާމިނަތު ޝިފްލީން، މިހާރު

11 ޖުލައި 2017 - 11:18

އަންނަ ހުކުރު ދުވަހު އިސްލާމީ މަރުކަޒުގައި އިމާމުވެ ހުކުރު ނަމާދު ކުރައްވައި، ހުތުބާ ދެއްވާނީ ދުނިޔޭގައި މަޝްހޫރު ދީނީ އިލްމުވެރިޔާ ޑރ. ބިލާލް ފިޕިލްސް ކަމަށް، އެކަން އިންތިޒާމް ކުރާ ޕީސް ފައުންޑޭޝަނުން ބުނެފި އެވެ.

މިއީ އިސްލާމީ މަރުކަޒުގައި އިނގިރޭސި ބަހުން ހުތުބާ ދޭ ދެ ވަނަ ފަހަރެވެ. މީގެ ކުރިން، މަޝްހޫރު އިލްމުވެރިޔާ މުފްތީ އިސްމާއިލް މެންކް ވެސް ވަނީ އިސްލާމީ މަރުކަޒުގައި އިނގިރޭސި ބަހުން ހުތުބާ ދެއްވާފަ އެވެ.

ޕީސް ފައުންޑޭޝަނުގެ ޖެެނެރަލް ސެކްރެޓަރީ މުހައްމަދު ސޮބާހު ވިދާޅުވީ އިނގިރޭސި ބަހުން ދެއްވާ ހުތުބާގެ ދިވެހި ތަރުޖަމާ، އިސްލާމީ މަރުކަޒުން ދޭނެ ކަމަށެވެ.

މިދިޔަ ނޮވެމްބަރު މަހު، އިސްލާމީ މަރުކަޒުގައި މުފްތީ މެންކް އިނގިރޭސި ބަހުން ހުތުބާ ދެއްވަން، އިސްލާމިކް މިނިސްޓްރީން ފުރަތަމަ ދެކޮޅު ހެދި އެވެ.

އޭރު އިސްލާމިކް މިނިސްޓްރީން ބުނީ ހުތުބާ އަކީ ގައުމީ ޓީވީން ވަގުތުން ދައްކާ، މުޅި ރާއްޖެ އަށް ފޮނުވާ އެއްޗަކަށް ވުމުން، އެ ހުތުބާ ވާން ޖެހޭނީ އުމުރުން އެންމެ ދުވަސްވީ މީހާ އަށް ވެސް އެނގޭ އެއްޗަކަށް ކަމަށެވެ. އެހެންވެ، އިސްލާމީ މަރުކަޒުގައި ދިވެހި ބަހުން ހުތުބާ ދިނުމަށް 2015 ވަނަ އަހަރު އުސޫލެއް އެކުލަވާލާފައިވާ އިރު، މެންކަށް ހުއްދަ ނުދިނީ އެ އުސޫލުގެ ދަށުން ކަމަށް ބުނެފައި ވެ އެވެ.

އެކަމަކު ފަހުން އެ ނިންމުން ބަދަލުކޮށް، އެކަމަށް ވަނީ ހުއްދަ ދީފަ އެވެ.

ޑރ. ބިލާލް މާދަމާ ރާއްޖެ ވަޑައިގަންނަވާ އިރު، ބުރާސްފަތި ދުވަހުގެ ރޭ އިސްލާމީ މަރުކަޒުގައި އޭނާ ދަރުސް ދެއްވަވާނެ އެވެ. "ހަގީގީ ކާމިޔާބު މީހުން" މައުލޫއަށް އާއްމުކޮށް ހުޅުވާލައިގެން ބާއްވާ މި ދަރުހަށް ފަހު، މި މަހު 15 ވަނަ ދުވަހު ޏ. ފުވައްމުލަކުގައި ވެސް އޭނާ ދަރުސް ދެއްވުމަށް ވަނީ ހަމަޖެހިފަ އެވެ.

މިއީ ޑރ. ބިލާލް ރާއްޖެ ވަޑައިގަންނަވާ ހަތަރު ވަނަ ފަހަރެވެ.

ސޮބާހް ވިދާޅުވީ "ދަ ލެގަސީ"ގެ ނަމުގައި ޕީސް ފައުންޑޭޝަނުން އަލަށް ފެށި މި ޕްރޮގްރާމްގެ ދަށުން އަހަރަކު އެއް ފަހަރު ނުވަތަ ދެ ފަހަރު ދުނިޔޭގެ މަޝްހޫރު އިލްމުވެރިއެއް ރާއްޖެ ގެންނާނެ ކަމަށެވެ. އަދި މިހާރު ވެސް ބައެއް އިލްމުވެރިންނަށް ދައުވަތު ފޮނުވާފައިވާ ކަމަށް އޭނާ ވިދާޅުވި އެވެ.

ދަރުސްތައް ބޭއްވުމުގެ އިތުރުން ވެސް ޕީސް ފައުންޑޭޝަނުން އަންނަނީ ޒުވާނުންނާ ވީހާ ވެސް ގުޅޭ ގޮތަށް، އެކި ޕްރޮގްރާމްތައް ހިންގަމުންނެވެ. އެގޮތުން ގުރުއާނާއި ކީރިތި ރަސޫލާގެ ސިޔަރަތުގެ އަލީގައި ޕްރޮފެޝަނަލް ޑިވެލޮޕްމެންޓް ޕްރޮގްރާމްތަކެއް ހިންގާފައިވާ އިރު 100 އަށް ވުރެ ގިނަ ބަޔަކު އެ ޕްރޮގްރާމްގައި ވަނީ ބައިވެރިވެފަ އެވެ.

އިސްލާމީ މަރުކަޒު ދީނީ ދަރުސް ހުތުބާ ބިލާލް ފިލިޕްސް

18 ކޮމެންޓް, 45 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދފދފދ

11 July 2017

މިމީހުން ދިވެހި ޝޭހުންނަށްވުރެން މޮޅީތަ؟ މިހިސާބަށް ދިވެހިންށް ނުދެވެނީ ކީއެވެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

11 July 2017

ދިވެހިން ހައްދުފަހަނަޅާ ވަރު ކުޑަވެގެން އުޅޭ ބައެއް މިރާއްޖޭގަ މިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްދާމް

11 July 2017

ސަލާމަތް ނުވެގެން އުޅޭ ބަޣާވާތުގެ މަޢުޟޫއަށް ދަރުސް ދިނުން ރަނގަޅު ވާނެ....................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްއަޒްހަރު

11 July 2017

ތިއީ މުސްލިމުންގެ މުހިއްމު މައްސަލަތަކުގެ މަތިން ހަނދާންނައްތާލައި، ސައުދީގައި އޮންނަ ވަލިއްޔުލް އަމްރަށް ކިޔަމަންވާންޖެހެހުން ނޫން އެހެން ކަމެއް ނޯންނަ، އިސްލާމަށް ގޮވާލާ މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ

11 July 2017

ބިލާލް ވާނީ 4 ވަނަ ފަރާތަށް، ކުރިން މުފްތީ މެންކް އަދި ޔާސިރް ޤާޟީއާއި ޢާޟިމް އަލްޙަކީމްވެސް ޚުތުބާ ދެއްވި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދާ

11 July 2017

ވެރީގުޑް.ދިވެހިތަރުޖަމާ ކުރާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

11 July 2017

ރާއްޖޭގައި ސުކޫލްތަކުގެ މުގައްރަރުގެ ދިވެހި އިސްލާމް ފިޔަވާ ހުރިހާ މާއްދާއެއް އިގިރޭސިބަހުން، ޓީވީ ޗެނަލް ތަކުން ނާއި ނޫސްތަކުން ވެސް އިގިރޭސި ބަހުގެ ބޮޑު ކޮންޓެންޓް އެއް ގެނެސްދޭ، ސަރުކާރުގެ އޮފީސްތަކާއި ވިޔަފާރި ހޮޓާ ތަކުގައިވެސް އެކިއެކި ބޭނުންތަކަށް އިނގިރޭސިބަސް ވަރަށްބޮޑަށް ބޭނުންކުރޭ. އެހެންވީމާ ރާއްޖޭގެ ބޮޑޫ އާބާދީއަށް އިގިރޭސިބަސް ފަހުމުވޭ. ދެން މީގައި ކުބާތަ މައްސަލަ އަކީ. މާލޭގައި އިސްލާމީ މަރުކަޒު ނޫނަސް ބައިވަރު މިސްކިތްހުރޭ. ވީމާ މިކަމާ ދެކޮޅު ހަދާ ބޭފުޅުން ހަމަ އެކަނި އެ ހުކުރު ދުވަހު އެހެން މިސްކިތަކަށް ވަޑައިގަތުން ކީއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GAN Island

11 July 2017

އަންނަ ހުކުރު ދުވަހުގެ ހުތުބާ ޙާއްސަވަނީ ބަހުރުވަ ނުވަތަ English language އިން ހުތުބާ ވިދާޅުވާ އިލްމު ވެރިއަކު އިމާމްވެ ނަމާދު ކުރައްވާ ހުތުބާ ވިދާޅުވާތީތޯ ؟؟!! . . . . ''ހުކުރު ދުވަހުގެ ހުތުބާ ގެ ދިވެހި ތަރުޖަމާ މިސްކިތުގައި ބައްސަވާނެ'' ކަމަށް ވިދާޅުވެފައިވާތީ އެދުވަހުގެ ނަސޭހަތް ނުވަތަ އިލްމީ ދުނިޔަވީ ފިލާވަަޅު އެހެން ގޮތަކަށް ކިޔާނަމަ ހުތުބާގެ މައުޞޫއު މިވަގުތު އޮންނާނީ ކަޑައެޅިފައި. . . . އެހެން ކަމުން ތަންކޮޅެއް ކުރިން ހުތުބާގައި ވާހަކަ ދައްކަވާނެ މައުލޫ ނުވަތަ Topic އާންމު ކުރައްވަން ޖެހިވަޑައި ގަންނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޑީބް އެންޑް ބަދީއް

11 July 2017

ޒުވާނުންނަށް ވަރަށް ކަމުދާނެހެން ހީވަނީ ޑރ. ފިލިޕްސްވއިނގިރޭސިން ހުތުބާ ދެއްވީމާ. ދެން އޭގެ ތަރުޖަމާ އިބްރާހިމް ރަޝީދު މޫސާ ދިނީމާ މުސްކުޅިންނަށް ވާނުވާ އެނގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭބުރާންތި

11 July 2017

އެއްކަލަ އެކަޑަމީގެ މޮޔައިންތައް ދޯ މިއޮތީ ކޮމެންޓުކޮށްފައި! ކަލޭމެން އަޅެ އެކަޑަމީ އަށްވެސް ދިވެހިބަހެއް ހަދާލަބަ އަޅެ އިނގޭ! ހުތުބާވެސް ދިވެހިން ކިޔެން އޮތީ ފުރަތަމަ ތިތަނުގެ ނަން ދިވެހިވަންތަ ނަމަކަށް ވެގެންނޭ!