އެމެރިކާގެ ކޮމާންޑަރު ލެފްޓިނެންޓް ޖެނެރަލް ސްޓެފަން ޓައުންސެންޑް. --ފޮޓޯ:އޭއެފްޕީ
11 ޖުލައި 2017 - 10:50
6 comments
ބަޣުދާދު (ޖުލައި 11) - އިސްލާމިކް ސްޓޭޓް (އައިއެސް) ގެ ބާރުގެ ދަށުން މޫސަލް މިނިވަން ކުރި ނަމަވެސް އެ ޖަމާއަތުގެ ނުރައްކަލުން ސަލާމަތް ވެވުނީ ނޫން ކަމަށާއި އައިއެސް 2 އުފެދިދާނެ ކަމަށް އެމެރިކާގެ ކޮމާންޑަރު ލެފްޓިނެންޓް ޖެނެރަލް ސްޓެފަން ޓައުންސެންޑް އިންޒާރު ދެއްވައިފި އެވެ.
ބީބީސީ އަށް ދެއްވި އިންޓަވިއުއެއްގައި ޓައުންސެންޑް ވިދާޅުވީ އިރާގުގައި އަދިވެސް އައިއެސްގެ ހަނގުރާމަވެރިން އެބަތިބި ކަމަށާއި އެ މީހުން ހުއްޓުވުމަށް އިރާގުގެ ސުންނީންގެ ދައުރު ބޮޑު ކަމަށެވެ.
"އައިއެސް އަލުން އުފެދުނަ ނުދިނުމަށްޓަކައި އިރާގު ސަރުކާރުން އަދާކުރަން ޖެހޭ ރޯލު ބޮޑު. އެކަން ކުރުމަށްޓަކައި ސުންނީ މުސްލިމް އާބާދީގެ ބޭނުން އިރާގު ސަރުކާރުން ހިފަން ޖެހޭ،" ޓައުންސެންޑް ވިދާޅުވި އެވެ.
މޫސަލްގައި ކާމިޔާބީ އިއުލާން ކުރެއްވުމަށް ފަހު އިރާގުގެ ބޮޑު ވަޒީރު ބޮޑު ގައުމީ ދިދައާ އެކު.
އިރާގުގެ ބޮޑު ވަޒީރު ހައިދަލް އަލް އަބާދީ ވަނީ މޫސަލްގައި އައިއެސްގެ މައްޗަށް ކާމިޔާބު ހޯދައިފިކަން އިއުލާން ކުރައްވައިފަ އެވެ. ކާމިޔާބީ އިއުލާން ކުރެއްވިއިރު އިރާގު ސިފައިންނާ އެކު އަބާދީ ހުންނެވީ ގައުމީ ދިދަ ހިއްޕަވައިގެންނެވެ.
އެމެރިކާ ކޯލީޝަނުން ބުނީ މޫސަލްގައި މިހާރު ކުރަމުން ދަނީ ފިލާ ތިބި އައިއެސްގެ ހަނގުރާމަވެރިން ހޯދާ، އެ ސިޓީގައި ހުރި ގޮވާ ތަކެތި ނައްތާލުމުގެ މަސައްކަތް ކަމަށެވެ.
އައިއެސްގެ ބާރުގެ ދަށުން މޫސަލް ހިފަން ކުރި ހަނގުރާމައިގައި އެ ސިޓީ އަށް ބޮޑެތި ގެއްލުންތަކެއް ލިބިފައިވާ ކަމަށް އދ. އިން ވަނީ ބުނެފަ އެވެ. އދ. އިން ލަފާ ކުރަނީ 5،000 އަށް ވުރެ ގިނަ އިމާރާތް މޫސަލް އިން ހަލާކުކޮށްލާފައިވާ ކަމަށެވެ.
އައިއެސް އިން މޫސަލް ހިފީ ޖޫން 2014 ގަ އެވެ. އައިއެސްގެ ޚިލާފަތު އިއުލާން ކުރީ މޫސަލްގެ މަޝްހޫރު އަލް ނޫރީ މިސްކިތުގަ އެވެ. އައިއެސް އިން މިދިޔަ މަހު ވަނީ ނޫރީ މިސްކިތް ގޮއްވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުންޔާ
11 July 2017
ދެވަނަ އައި އެސް އެއް އަދި ތިންވަނަ އައި އެސް އެއްވެސް އުފައްދާނީ ތިއަ އެމެރިކާއާ އާލުސޫދުން. ދެން އިޒްރޭލާއި ބަހްރެއިންވެސް ކަލޯމެނާ އެކުލަވާނެ.
ވިލޭއަލި
11 July 2017
އައިއެސް ފުރަތަމަ އުފެއްދީވެސް އެމެރިކާ. އައިއެސް ދެއެއް އުފައްދާން އެއުޅެނީވެސް އެމެރިކާ. އެވަރުކަމެއް ކުރުމުގެ ޤާބިލުކަން ހުރީވެސް އެމެރިކާ ގައި.
އިއްސޭ
11 July 2017
އެމެރިކާނުން އިރާގުގައި ނިއުކުލިޔާ ހުއްޓޭ ކިޔައިގެން އަރާ ސައްދާމުގެ ވެރިކަން ވައްޓާލާ މުޅި އިރާގު ހަލާކުކޮށްލީ. މިހާރު އައިއެސް އަތްދަށުން އިރާގު ސަލާމަތްކޮށްދޭށޭކިޔައިގެން މަކަރުން ހަމަ. އަދިވެސް އިރާގުމީހުންނަކަށް ނުވިސްނޭތަ...ތިމީހުން ދުވަހަކުވެސް މުސްލިމުންކަށް ހެވެއްނޭދޭނެ
ލަބީދް އެންޑް ކަބީރް
11 July 2017
އުފެދޭނީއެއްނޫން. އުފައްދާނީ.
ނަމްޒާ
11 July 2017
އުފެދީދާނެޔޭ އަދީ އެބަބުނެއެއްނޫން.. ކަލޭމެންނާއީ ސޫއުދީ އާއީވެގެންނެއްނޫން އުފައްދަނީ..
ރިއަލް ޑޮނަލްޑް ޑަކް
11 July 2017
އައިއެސް 2 އުފެދިދާނެކަން އެންމެ ބޮޑަށް އެގޭނީ އެމެރިކާއަށް. އައިއެސް 1 ވެސް އުފެއްދީ އެމެރިކާއިން.