ކްރިމިނަލް ކޯޓު: އަނބިމީހާ އަށް އަނިޔާ ކޮށްގެން މީގެކުރިން ވެސް ބައެއް މީހުން ޖޫރިމަނާ ކޮށްފައިވޭ --ފޮޓޯ/މިހާރު
11 ޖުލައި 2017 - 11:33
16 comments
އަނބިމީހާ އަށް އަނިޔާ ކުރި މީހަކު ކްރިމިނަލް ކޯޓުން 6،000ރ. އިން ޖޫރިމަނާ ކޮށްފި އެވެ.
ހއ. ހޯރަފުށީ އެ މީހާގެ މައްޗަށް މިދިޔަ އާދިއްތަ ދުވަހު ކޯޓުން އެ ހުކުމް ކުރީ މާޗް، 2015 ގައި އޭނާ އާއި އޭނާގެ އަނބިމީހާއާ ދެމެދު ހިނގި ހަމަނުޖެހުމެއްގައި އަނބިމީހާގެ ކަރުގައި ހިފައި، އޭނާގެ ހެދުން ވީދާލުމުގެ އިތުރުން އޭނާގެ ބަނޑުގައި ކޮޅުފައިން ޖެހި މައްސަލައިގަ އެވެ.
އެ ދައުވާ އަށް ފިރިމީހާ ކޯޓުގައި އެއްބަސްވުމުން އާ ގާނޫނުލް އުގޫބާތުގެ ދަށުން އެ ކުށުގެ އަދަބެއްގެ ގޮތުން 6،000ރ. އިން ޖޫރިމަނާކޮށް، ކޯޓުގެ ހުކުމުގައި އަންގާފައިވަނީ ޖޫރިމަނާ ފައިސާ އެއް މަސް ތެރޭގައި ދެއްކުމަށެވެ.
އާ ގާނޫނުލް އުގޫބާތު ބުނާ ގޮތުން ކުށަށް އިއުތިރާފްވުމަކީ އަދަބުގެ ދަރަޖަ ދަށް ވާނެ ކަމެކެވެ. މި މައްސަލައިގައި ދައުވާ ލިބުނު މީހާ ކުށަށް އެއްބަސްވުމުން ގާނޫނުލް އުގޫބާތުގެ ދަށުން އޭނާ އަށް އެންމެ ބޮޑު އަދަބަކަށް ވެސް ދެވެން އޮންނަނީ އެއް މަހާއި 24 ދުވަހުގެ ޖަލު ހުކުމެކެވެ. އެކަމަކު ޖަލަށް ލުމުގެ ބަދަލުގައި އެކަމާ އެއްވަރުގެ ޖޫރިމަނާއެއް ކަނޑައެޅުމުގެ ބާރު ބައެއް ހާލަތްތަކުގައި ކޯޓަށް އޮވެ އެވެ.
މީގެކުރިން ވެސް އަނބިމީހާ އަށް އަނިޔާކޮށްގެން ބައެއް މީހުންނަށް ދައުވާކޮށް، ކުށްވެރިވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޫހޫ
12 July 2017
ހަމަ ޖަލުގެ ކުޑަގޮޅިއަށް އެއްލާލަންވީ. އަނިޔާއާ ދެކޮޅު
ރަހުމް
11 July 2017
މި ތާ ފާއިސާގެ އަދަދު މި ދެކެވެނީ ކީއްވެތަ؟ އެއީ ތަ މައުލޫއަކީ؟ ތިއީ ދެން މާލޭގަ މިހާރު ހިނގާ އެހެން ޖަރީމާ ކަހަލަ ކަމެއް. ސައިކަލުގަ ރޯކުރަނީ، ލޯބީގެ ދަޅަ ދައްކާ ފަ ރޯދަ މަހު ފާއިސާ ހޯދަނީ، ސިހުރު ހަދަނީ، ކޮންމެ މީހަކު ބޭނުމީ އެމީހަކު ބޭނުންގޮތަކަށް އުޅެން.
ހަސަންކޮއި
11 July 2017
އަންހެނުންގައިގއި ތަޅާ ގޮނާކުރާނީ ދެންވަރަށް ގޮތެއްފޮތެއް ނުހުންނަޒާތުގެ ފިރިހެނުން. އަންހެވެރިންނަކީ ނިކަންލޯބިންގެންގުޅެންޖެހޭ ބައެއް.އެހާނާޒު، ރުންކުރު ސުވާލުގިނަ އެހެނަސް ހިތްހެޔޮ ފިރުމާލާއިރަށް އޮޅުކުރެވޭ ބައެއް. އަންހެނުންގެ މިހުންނަ ތަބިއީ ކުދިކުދި ކަންތައް ހައްކުރަންނޭގޭ މީހުން ކީއްކުރަންބާ ބިޓުންހިއްލަނީ ކައިވެނި ކުރަނީ. އެކިޔާ ޖެންޓްލްމެން އިސްޓައިލުގެ އެއްވެސް ކަންފުޅެއް ހަމަނެތީތާ.
ފިރިއެއް
11 July 2017
އަހަންނަކީ ފިރިހެނަކީމޭ ބުނަން ލަދު ގަންނަ ހާލަތެއް. އެއަށްވުރެ ދެރަވީ އިންސާނީ ހައްގުތަކަށް މަސައްކަތްކުރާކަމަށް ބުނާ ޖަމިއްޔާ ތަކަށްވެސް މި ހުކުމް އޯކޭވެފަ ތިބީމަ! އެ އަންހެނާއަކީ ސިޔާސީ މީހަކަށް ނުވީމާ ކަމަށް ވެސް ވެދާނެ. ނަމަވެސް މޮޅު ގާނޫނުލް އުގޫބާތޭ ކިޔައިގެން ހެދި ބޮޑު ފޮތުން، މީހަކަށް ޖިސްމާނީ ބޮޑު އަނިޔާއެއް ކުރުމަށް ހިންގި އަމަލެއް ސާބިތުވުމުން، އަދި އެކަމުގެ ސަބަބުން އެ އަންހެން މީހާގެ ގަދަރާއި އިއްޒަތާއި ކަރާމާތް ގެއްލި، އެއާއެކު ނަފްސާނީ ބޮޑެތި ގެއްލުންތަކެއް ލިބުމުގެ ނަތީޖާއަކީ... 6000 ރުފިޔާގެ ޖޫރިމަނާ! ޑިމޮކްރަސީއަކީ އަންހެނުން ބާރުވެރި ކުރުވާ ނިޒާމެއް ކަމަށް ބުނާ ފަރާތްތަކަށް ވަރަށް ސަލާމް.
ހުސެން
18 January 2018
އެންމެންނަކީ ކަލޭހާ މުއްސަދިންނެއްނޫނޭ!
މިޔައޮ
11 July 2017
އައްދެ ތީވަރައް މޮޅުގޮތެއް އަނބިމީހާޔައް ހެސްކިޔާފަލޯބި ދެން ފިރިމީހާޔައް ކޯއްޗެއްއޮތީ.
ޒ
11 July 2017
ބާރުހުރީމަ ތަޅާލަން ބޭނުންވަނީ. ދުލުން ބުނާއެއްޗެއް ބުނީމަ ނިމުނީނު.
ސަލްމާ
11 July 2017
ކަރުގަ ހިފާފަ ބަނޑުގައި ކޮޅުފައިން ޖެހީމަ ބޮޑު ޢަދަދަކުން ޖޫރިމަނާކޮށް ޖަލަށް ލާންޖެހޭ މުއްދަތު އިތުރުވާންޖެހޭ. އަދި ތިޔަ ލާރި ދޭންޖެހޭނީ އަނބިމީހާއަށް. އޭރުން ޑޮކްޓަރަށް ދައްކާ ބޭސްކުރެވޭނީވެސް
އެމީހާ
11 July 2017
އަނބިމީހާއަށް ބޭސްފަރުވާ ކޮއްދިނުމަކީ ފިރިމީހާގެ މައްޗަށް ވާޖިބެއް. އަނބިމީހާގެ ޚަރަދު ބަރަދު ބެލެހެއްޓުމަކީ ފިރި މީހާގެ ވާޖިބެއް. ވީއިރު ކޮއްމެހެން ތިފައިސާ އަނބިމީހާއަށް ދިނުން ރަނގަޅު ނޫން ކަމަށް ފެނޭ. އަދި ފިރިމީހާ ޖަލަށް ނުލުމުން ދެމަފިރިންގެ ދިރިއުޅުން ރަނގަޅުކަމަށް ހިއްމަތާއެކު މަސައްކަތް ކުރުމުގެ ފުރުސަތު ލިބޭ. ދެމީހުން އެކުގައި ނޫޅޭވޭނޭކަމަށް ފެންނަނަމަ ވިރިވެވިދާނެ.
ހުސެން
18 January 2018
ކަލޯ އާސަންދައިން ޑޮކްޓަރަށް ދެއްކޭނުންތަ މިކަމެއް ހިނގީ 2015ގަ މިލާރި ލިބެންދެން ޑޮކުޓަރަށްވެސް ނުދައްކާތަ ހުންނަންވީ، ތަންތަނުން ޖޫރިމަނާގެ ގޮތުގައި ނަގާލާރި މީހުނަށް ބަހަންވެއްޖެއްޔާ މިފާޑުކޭސްތައް ވަރަށް ގިނަވާނެ،
މީވެސްހަމައަންހެނެއް
11 July 2017
ހަމަ ހައިރާންވެ އަންތަރީސް ވެއްޖެ! މިއީތަ ހަމަހަމަކަމާއި އަދުލު އިންސާފަކީ. މިއީތަ އަހަރެމެންގެ ކުރިއަށް އަންނަން އޮތް ޖީލުތަކަށް އަހަރެމެން ދައްކުވައިދޭން ބޭނުންވާ ނަމޫނާ ހުކުމަކީ؟ ރަގަޅު. ކުރި ކުށަކަށް އަދަބު ލިބިއްޖެ. އެކަމަކު އަނބިމީހާގެ ބަނޑުގައި ކޮޅުފައިން ޖަހާ، އޮރިޔާން ހާލު ކުރުމުން ފިރިމީހާއަށް ލިބޭ އަދަބަކީ 6000 ރުފިޔާ ކޯޓަށް ދެއްކުން؟ މި ޒަމާނުގެ ޙަރަދުތަކާއި އަގުތަކަށް ބަލާފައި، 6000 ރުފިޔާ އެއީ މިވަރުގެ ކުށަަކަށް ކުޑަ އަދަދެއް. މީހެއްގެ އަބުރަށް އަރައިގަތީމާ ބައިލައްކައިން މިލިއަނުން ޖޫރިމަނާ....އަނބިމީހާގެ އިއްފަތާ ގަދަރަށް އަރައިގަތީމާ 6000 ރުފިޔާ. ބޮޑު އަދަދެއް ކަނޑައެޅިމާ ދޯ ދެން ހުންނަ މީހަކަށްވެސް ބިރުން އަނބިމީހާއަށް އަނިޔާކުރަން ނުކެރެނީ! ނޫނީ ޖަލު ހުކުމެއް ކޮށްފިއްޔާދޯ! އެވެސް ދިގު މުއްދަތަކަށް. އަނބިންނަށް އަދި ފިރިންނަށްވެސް ނުހައްޤުން އަނިޔާކުރާކުރަމުންދާ މީހުންނަށް އެކަށީގެންވާ ހަރުކަށި އަދަބު ލިބެންޖެހޭ!
އުތުރު
11 July 2017
ބަނޑުކޮޅުގައި ކޮޅުފައިން ޖެހީމަ 6000 ރ......ލަދުކޮބާ
ޕޮކަންޑި މޭން
11 July 2017
އަންހެނުންނަށް ކުރާ އަނިޔާއަށް ޤާނޫނުތަކުގައި މިއަށްވުރެ ހަރުކަށި އަދަބު އެބަޖެހޭ ލިޔަން. އަންހެނުންނަށް ޖެހެނީ އިންތިހާއަށް ލޯބިދޭން، އަނިޔާދޭކަށް ނުޖެހޭނެ.