މެމްބަރު އަނާރާ: އެ މައްސަލައިގެ ތެރެއަށް ވަނުމަށް މެމްބަރު އަލީ ހުސައިން ވެސް ވަނީ ހުށަހަޅުއްވާފައި --ފޮޓޯ/މަޖިލިސް
12 ޖުލައި 2017 - 16:29
7 comments
ރައްޔިތުންގެ މަޖިލިހުގެ މެމްބަރުންގެ ތެރެއިން ޕާޓީން ވަކިވާ އަދި ވަކިކުރާ މެމްބަރުންގެ ގޮނޑި ގެއްލޭ ގޮތަށް ހަދަން ސުޕްރީމް ކޯޓަށް ދައުލަތުން ހުށަހަޅާފައިވާ މައްސަލައިގެ ތެރެއަށް ވަނުމަށް މަކުނުދޫ ދާއިރާގެ އަދާލަތު ޕާޓީގެ މެމްބަރު އަނާރާ ނައީމް ވެސް ހުށަހަޅުއްވައިފި އެވެ.
މަޖިލީހުގެ މެމްބަރުން އެ މަގާމަށް ހޮވޭއިރު ތިބި ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ ނުވަތަ އެހެން ޕާޓީއަކަށް ބަދަލުވެއްޖެ ނަމަ (ފްލޯ ކްރޮސް ކޮށްފި ނަމަ) ގޮނޑި ގެއްލޭނެ ކަމަށް ކަނޑައަޅަން އެޓާނީ ޖެނެރަލްގެ ފަރާތުން ސުޕްރީމް ކޯޓަށް ހުށަހަޅާފައިވާ ދުސްތޫރީ މައްސަލައިގެ ތެރެއަށް ވަނުމަށް ކެންދޫ ދާއިރާގެ ޖުމްހޫރީ ޕާޓީގެ މެމްބަރު އަލީ ހުސައިން ވެސް އިއްޔެ ވަނީ ހުށަހަޅުއްވައިފަ އެވެ.
އިދިކޮޅު ކޯލިޝަންގައި ހިމެނޭ އަދާލަތު ޕާޓީއަށް ނިސްބަތްވާ ހަމައެކަނި މަޖިލިސް މެމްބަރު އަނާރާ އެ މައްސަލައިގެ ތެރެއަށް ވަނުމަށް ހުށަހެޅުއްވި ކަން އަދާލަތު ޕާޓީން ވަނީ ކަށަވަރުކޮށްދީފަ އެވެ.
ދައުވާލިބޭ ފަރާތެއް ނެތި، އެކްސްޕާޓޭ މައްސަލައެއްގެ ގޮތުގައި އެޓާނީ ޖެނެރަލްގެ ފަރާތުން ހުށަހެޅި އެ މައްސަލައިގެ އަޑުއެހުން މިދިޔަ ހޯމަދުވަހު ސުޕްރީމް ކޯޓުން ވަނީ ކުރިއަށް ގެންގޮސްފަ އެވެ. އެ މައްސަލާގައި ދެން އޮންނާނީ ހުކުމް ކުރުން ކަމެއް ނުވަތަ އިތުރު އަޑުއެހުމެއް ކަމެއް ފަނޑިޔާރުންގެ ބެންޗުން އިއުލާނެއް ނުކުރައްވަ އެވެ.
މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލަ ޕީޕީއެމްގެ ބައެއް މެމްބަރުންގެ ސޮޔާ އެކު މަޖިލީހަށް ހުށަހަޅާފައި ވަނިކޮށް ދައުލަތުން އެ މައްސަލަ ސުޕްރީމް ކޯޓަށް ހުށަހެޅުމާ އެކު ޕީޕީއެމްގެ 10 މެމްބަރަކު އެ ޕާޓީން ވަނީ ވަކިވެފަ އެވެ. އެހެން މަޖިލީހުގައި ޕީޕީއެމަށް އޮތް އަޣުލަބިއްޔަތު މިހާރު ވަނީ ގެއްލިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
13 July 2017
ގާނޫނުއަސާސީއާ ހިލާފް އެއްވެސް ނިންމުމެއް ކޮންމެ ފަރާތަކުންނެރުނަސް އެއަށް ތަބާނުވާނެ ވާހަކަ އަޅުގަނޑު ދަންނަވަން. އަނދަގޮނޑި ޖަހަންޏާ ޖަހަންވީ!
ޑރ އާމިރާ އަލީ
13 July 2017
ނައިރޯބީ (ޖުލައި 11) - ކެންޔާގެ ޕާލަމެންޓް މެންބަރުންގެ މުސާރަ ކުޑަ ކުރަން ނިންމައިފި އެވެ. ކެންޔާ ސަރުކާރުގެ ޚަރަދުތައް ކުޑަކުރުމުގެ ގޮތުން އަޅާ ފިޔަވަޅެއްގެ ގޮތުން ޕާލަމެންޓުގެ މެންބަރުންގެ މުސާރަ އިން އުނިކުރާނީ 15 ޕަސެންޓެވެ. ކެންޔާގެ ޕާލަމެންޓް މެންބަރުނަކީ ދުނިޔޭގައި ނިސްބަތުން އެންމެ ބޮޑު މުސާރަ ލިބޭ މެންބަރުންނެވެ. އެ މީހުންގެ މުސާރަ އަކީ މަހަކު 7،200 ޑޮލަރެވެ. މީގެ އިތުރުން ކޮންމެ މެންބަރަކަށް ވެސް ވަރަށް ދީލަތި އެލަވަންސްތައް ލިބެ އެވެ. ކެންޔާ މީހެއްގެ އެވްރެޖް އާމްދަނީ އަކީ މަހަކު 150 ޑޮލަރެވެ. ކެންޔާގެ ސެލަރީސް އެންޑް ރެމިއުނެރޭޝަން ކޮމިޝަނުން ބުނީ ޕާލަމެންޓް މެންބަރުންގެ މުސާރަ އިން 15 ޕަސެންޓް ދަށް ކުރަން ނިންމީ ސަރުކާރުގެ މުސާރައިގެ ބިލް 35 ޕަސެންޓް ކުޑަ ކުރަން ނިންމާފައިވާ ޕްލޭނުގެ ދަށުން ކަމަށެވެ. މުސާރައިގެ އާ އޮނިގަނޑަށް އަމަލު ކުރަން ފަށާނީ އަންނަ މަހު 8 ވަނަ ދުވަހު ބާއްވާ ރިޔާސީ އިންތިޚާބަށް ފަހު އެވެ. މުސާރައިގެ އޮނިގަނޑަށް ގެންނަ ބަދަލުން ކެންޔާގެ ރައީސްގެ މުސާރަ ވެސް ކުޑަކުރާނެ އެވެ. ރައީސް އަށް ލިބޭ 16،000 ޑޮލަރުގެ ބަދަލުގައި އާ މިންގަނޑުގައި ހިމަނާފައި ވަނީ 14،000 ޑޮލަރުގެ މުސާރައެއް ދިނުމަށެވެ. ކެންޔާގެ ޕާލަމެންޓް މެންބަރުންގެ މުސާރަ ކުޑަކޮށް މުސާރަ އިން ޓެކްސް ނަގަން ކުރިން ކުރަން އުޅުނު މަސައްކަތްތަކަށް ބައެއް މެންބަރުން ވަނީ ހުރަސް އަޅައިފަ އެވެ. މެންބަރުން ބުނެފައި ވަނީ އެ މީހުންގެ ދާއިރާތަކުގެ މީހުން ވަރަށް ގިނަ ފަހަރު މެންބަރުންގެ ފަރާތުން މާލީ އެހީ އަށް އެދޭ ކަމަށެވެ.
ހުސޭނުބެ
12 July 2017
އާ ތެދެއް!! ކަލޭމެނަށް ޓިކެޓްދިނީ ކޮންބައެއް؟ ކަލޭމެނަށް ކެންޕެއިން ކޮށްދިނީ ކޮންބައެއް؟ ކަލޭމެންގެ ކެމްޕެއިނަށް ޚަރަދުކުރަން ފަނޑު ދިނީ ކޮންބައެއް؟ ދެން ގޮންޑި ލިބުމުން މަޖިލީހުގައި ނަގާ ކޮންމެ ވޯޓަކަށް މިލިއަނުން ފައިސާ ނަގާއިރު ލަދުކޮބާ؟ އާއިލީ މީހުނަށާއި ރައްޓިންނަށް ސަރުކާރުގެ މަގާމުތަށް ހޯދަން ޑިމާޑު ކުރާއިރު ކީކޭ ހިތަށް އަރަނީ؟ އެނގޭތަ ތިޔައީ ގައުމާއި ރައްޔިތުން ހަލާކުކުރާ ބަޔަކީ. ގައުމާއި ވިޔަފާރިވެރިން ދަވާލާ ބަޔަކީ ތިޔައީ... މެންބަރަކަށް ވުމުގެ ކުރިން ދުއްވާނެ ސައިކަލެއް ހާމިންވަރު ވެސް ނެތް މީހުން ތިޔަތާ ގިނަވާނީ އެކަމަކު 20 އަހަރު ވަންދެން ވިޔާފާރި ކިރާ ވިޔަފާރި ވެރިން ނަށްވުރެން ކަލޭމެންގެ ބެއިތުލް މާލު ބޮޑޭ... އަޅެ މިއީ މުޖިޒާތެއްތަ؟
އިބްރާ
12 July 2017
އަނާރާ ވަނަސް ހުރިހާ މެމަބަރުން ވަނަސް މަޖިލީހަށް ރައްޔިތަުން ވޯޓު ދީގެން ހޮވާ މެމަބަރުންގެ މަސައަކަތް ހުއްޓާލާފައި ދެއިރު ދެދަޅައަށް ރިޝްވަތު ނަގަން އުޅުނީމަ ގޮނޑިވެސް ގެއްލޭނޭ. އެހެން އެއްޗެހި ގެއްލޭ ގޮތަށްވެސް ފާސްކުރަން ޖެހޭނެ. މިގޮތަށް ރިޝްވަތު ނަގާ މެމެަބރުންނަށް ދުވަހަކުވެސް މަޖިލީހަށް ކުރިމަތުި ނުލެވޭ ގޮތަށް ހަދަން ފެނޭ. މިއީ ގާނޫނޫ ހަދާ މަޖިލިސް. ރިޝްވަތު ނަގާ މަޖިލީހެއް ނޫން. ގަނެވިއްކާ މަޖިލީހެއް ނޫން. މެމަބަރުންނަކީވެސް ގަނެވިއްކާ މުދާ ގަނޑެއް ނޫން. ރައްޔިތުން ވަރަށް ފޮނި އުއްމީދު ތަކަކާއި އެކު މަޖިލީހަށް ހޮވަނީ. މަޖިލީހަށް ވަދެވުނީމަ އަނެއްދުވަހު ގަނެވިއްކާ ކުޅެން. ކޮޞާތޯ ރައްޔިތުން ހަވާލުކުރި ޒިންމާ. މަޖިޅިސް އިތުރަށް ޒިންމާދާރުވެ ރާއްޖޭނެ ވެރިކަމުގެ ނިޒާމަށް މިކަމުން ހެޔޮ ބަދަލުތަކެއް އަންނާނެ. މޮގތަށް ފާސްކުރަން ޖެހޭ. ގޮނޑި ގެއްލޭ ގޮތަށް.
މެމްބަރު
13 July 2017
އެހެން ގޮތްގޮތުން ހޮވިފަތިބި މީހުންގެ ތެރެއިން ޕީޕީއެމް އަށް ވަދެ ތިބި މީހުން ފުރަތަމަ ނެރެ ބޭރުކުރޭ. ދެން މިވާހަކަ ދައްކަން ފަށާނީވެސް.
އައްޑޫބެއްޔާއް
12 July 2017
މިވެސް ދެން ކުޅިވަރަކަށް ހަދަންްދޯ ތަމެން ތިއުޅެނީ. މިހެން ޔާރާދިލްދާރާ ވައްތަރަށް މިކަމެއް ކުރަން ފުރުސަތު ދީގެން ނުވާނެއެވެ. ކަމާ ސީދާ ގުޅޭ ފެންވަރު ހުރި މީހުންނަށް ނޫން ބަޔަކަށް ތިފުރުސަތު ހުޅުވާލައިގެން ނުވާނެއެވެ. މީ މަޖާ ކަމެއް ނޫނެވެ. މީ ސީރިއަސް ގައުމީ މައްސަލައެކެވެ.
ބޭބެ
12 July 2017
ތިދެން ނިމިފަހުރި ކަމެއްނުދޯ ކީއްކުރާނީ ވާހަކަ ދެއްކިއްޔާ ބަދަލެއް އަންނާނެބާ.