ވޯޓަށް ފަހު ޕާލަމެންޓް ބޭރަށް ބަޔަކު އެއްވެ އަޑު އުފުލަނީ. --ފޮޓޯ:ބީބީސީ
25 ޖޫން 2016 - 21:34
5 comments
ލަންޑަން (ޖޫން 25) - އިނގިރޭސި ވިލާތް ޔޫރަޕިއަން ޔޫނިއަން އިން ވަކިވުމަށް ޚިޔާލު ހޯދުމުގެ ވޯޓުން ދެއްކި ނަމަވެސް އެ ނިންމުން އަނބުރާ ގެންގޮސް އާ ވޯޓެއް ނަގަން މިލިއަނަކަށް ވުރެ ގިނަ މީހުން ޕެޓިޝަނެއްގައި ސޮއިކޮށްފި އެވެ.
މި ޕެޓިޝަނުގައި މިހާރު ވަނީ 1.5 މިލިއަނަށް ވުރެ ގިނަ މީހުން ސޮއިކޮށްފަ އެވެ. ޕެޓިޝަނެއްގައި ލައްކަ އަކަށް ވުރެ ގިނަ މީހުން ސޮއިކޮށް ޕާލަމެންޓަށް ހުށަހަޅައިފި ނަމަ އެ ހުށަހެޅުމަކާ ގުޅޭ ގޮތުން ޕެޓިޝަން ކޮމިޓީން އެ މައްސަލަ ހައުސް އޮފް ކޮމަންސް އަށް ގެންދާނެ އެވެ.
އީޔޫ އިން ވަކިވާން ފެނޭތޯ ބެލުމަށް ނެގި ވޯޓުގައި ވަކިވުމަށް ވަނީ 52 ޕަސެންޓް މީހުން ތާއީދުކޮށްފަ އެވެ. އެކަމަކު ލަންޑަން، ސްކޮޓްލެންޑް އަދި ނޮދަން އައިލެންޑުން ވަނީ އީޔޫގައި އިނގިރޭސިވިލާތް އޮތުމަށް ތާއީދުކޮށްފަ އެވެ.
ބޮޑު ވަޒީރު ޑޭވިޑް ކެމަރަން ރަސްމީ ގެކޮޅުގެ ބޭރުގައި ވާހަކަ ދައްކަވަނީ. --ފޮޓޯ:ބީބީސީ
ވޯޓުގެ ނަތީޖާ އަށް ފަހު ބޮޑު ވަޒީރު ޑޭވިޑް ކެމަރަން ވަނީ އިސްތިއުފާ ދެއްވާނެ ކަމަށް ވިދާޅުވެފަ އެވެ. އަދި ޚިޔާލު ހޯދުމުގެ ދެ ވަނަ ވޯޓެއް ނުނަންގަވާނެ ކަމަށް ކެމަރަން ވިދާޅުވި އެވެ.
ލޭބާ ޕާޓީގެ ލީޑަރު ޖެރެމީ ކޯބީން ވެސް ވަނީ ޚިޔާލު ހޯދުމުގެ އިތުރު ވޯޓެއް ނަގަން ނުޖެހޭނެ ކަމަށް ވިދާޅުވެފަ އެވެ.
"ވޯޓު ނަގާ ނިމިއްޖެ. ރައްޔިތުން ގޮތެއް ނިންމައިފި. އެހެންވީމާ ދެން އޮތް ގޮތަކީ އެ ގޮތް ގަބޫލުކޮށް އީޔޫ އިން ވަކިވުމުގެ މަސައްކަތް ކުރިއަށް ގެންދިއުމުން،" ކޯބީން ވިދާޅުވި އެވެ.
އަނެއްކޮޅުން އެހެން ޕެޓިޝަނެއްގައި އެއްލައްކަ އަށް ވުރެ ގިނަ މީހުން ސޮއިކޮށް ލަންޑަނުގެ މޭޔަރު ސިއްދީގު ޚާން އަށް ވަނީ ޔޫކޭ އިން ލަންޑަން ވަކިވެ އަލުން އީޔޫގައި ބައިވެރިވުމަށް ގޮވާލައިފަ އެވެ. ޚާން ވަނީ ލަންޑަނަކީ ކާމިޔާބު ސިޓީއެއްގެ ގޮތުގައި ދެމި އޮންނާނެ ކަމަށާއި އަދި ޔޫކޭ އަކީ ސިންގަލް މާކެޓުގެ ބައެއްގެ ގޮތުގައި އޮތުމަށް ވަނީ ގޮވާލައްވައިފަ އެވެ.
އިނގިރޭސި ވިލާތުގައި ނެގި ޚިޔާލު ހޯދުމުގެ ވޯޓު އީޔޫ އިން ވަކިވުމަށް ތާއީދު ކުރި މީހުންގެ ކޮޅަށް ކާމިޔާބުވުމުން އުފާފާޅު ކުރަނީ.
ލަންޑަނުގެ ކުރީގެ މޭޔަރު ބޮރިސް ޖޯންސަން ވަނީ އީޔޫ އިން ވަކިވުމަށް ވަރަށް ބޮޑަށް ކެމްޕޭން ކުރައްވައިފަ އެވެ. ކެމަރަން އަށް ފަހު ބޮޑު ވަޒީރުކަމުގެ މަގާމަށް ވަޑައިގަންނަވާނެ ކަމަށް ބެލެވެނީ ޖޯންސަން އެވެ.
ބުރާސްފަތި ދުވަހުގެ ޚިޔާލު ހޯދުމުގެ ވޯޓުގައި ވަނީ ވޯޓުލުމުގެ ހައްގު ލިބިގެންވާ 46.5 މިލިއަން މީހުންގެ ތެރޭން 72.2 ޕަސެންޓް މީހުން ވޯޓު ދީފަ އެވެ. މިދިޔަ އަހަރުގެ އާއްމު އިންތިޚާބުގައި ވޯޓު ދީފައި ވަނީ 66.1 ޕަސެންޓް މީހުންނެވެ. ސްކޮޓްލެންޑް މިނިވަންވާން 2014 ވަނަ އަހަރު ނެގި ޚިޔާލު ހޯދުމުގެ ވޯޓުގައި ވަނީ 84.6 ޕަސެންޓް މީހުން ވޯޓު ދީފަ އެވެ. ނަވާރަ ސަތޭކަ ނުވަ ދިހަ ދެ ވަނަ އަހަރުގެ ފަހުން އެއްވެސް އާއްމު އިންތިޚާބެއްގައި 75 ޕަސެންޓަށް ވުރެ ގިނަ މީހުން ވޯޓުލާން ނުކުމެފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމީލު
26 June 2016
އަންނި ކުޅޭކަހަލަ ކުޅިދޯ މިކުޅެނީ! މިފަހަރު ވޯޓު ކަމަކު ނުދިޔަ އަލުންވޯޓް ލާންޖެހުނީ! އިސްތިއުފާ ދީފައި ބާޣީބާޣީ ގޮވުންކަހަލަކަމެއް ތީ!
ގުއިދުއް
25 June 2016
އިނގިރޭސިން އުނބަށްޖަހަނީ.
ރިޔާޒް ރަޝީދު
25 June 2016
މިވާނީ އަންނި ކަމަކަށް
މޮޮޑީ
26 June 2016
ސަލާމް
ވައްތަރު
25 June 2016
ޚިޔާލު ހޯދުމުގެ ދެވަނަ ވޯޓެއް ނަގަން ދެން އެއް މިލިއަން މީހުން ނޫން 12 މިލިއަން މީހުން ސޮއި ކުރިއަސް އެކަމެއް ނުވާނެއެވެ. ސަބަބަކީ މިހާރު ރައްޔިތުން އެއޮތީ ގޮތެއް ނިންމާފައެވެ. އެމެރިކާގެ ރައީސް ކަމަށް މީހަކު އައްޔަން ކުރަނީ ހަތަރު އަހަރު ދުވަހުގެ މުއްދަތަށެވެ. ޑިމޮކްރަޓިކް ޕާރޓީގެ ހިލަރީ ހޮވުނީމާ ކްރޭޒީ އެން ބްރޫޓަލް އެން ރުތްލެސް ޑޮނަލްޑް ޓްރަމްޕް އަށް އެމެރިކާގައި ތިބި ދޮޅު މިލިއަން ޕާރޓޭން ނަށް ސުޕާރީދީގެން ޕެޓިޝަނެއް ހުށައެޅިއަސް އިންތިޚާބެއް ދެން ނުބާއްވާނެ ހަތަރު އަހަރު ނުނިމެނީސް. ހަމަ އެގޮތަށް ދެން އިނގިރޭސި ވިލާތް އީޔޫގައި އަލުން ބައިވެރި ވުމަށް ފެނޭތޯ ބަލަން ޖެހޭނީ އިނގިރޭސި ވިލާތް އީޔޫ ގައި ބައިވެރި ނުވުމަށް ވޯޓް ލިބުނު އަދަދަށް ވޯޓް ލިބިގެންނެވެ. އެނޫންނަމަ ނުޖެހޭނެ ޕެޓިޝަން ކޮމެޓީން އެއާއި ޚިލާފުވާކަށް. އެއީ ވާނެ ކަމެއް ނޫނެވެ. އެކަން އެގޮތަށް ކޮށްގެން ނުވާނެއެވެ. އިނގިރޭސި ރައްޔިތުންގެ ވޯޓަށް ހުރުމަތްތެރިކޮށް ހިތަން ވާނެއެވެ. މީ އިިދިކޮޅު ބޮޑޭ އިނގިރޭސި ވިލާތުގައި ހުރެގެން ގަންނަ ގަނޑަކާއި ވަރަށް ވައްތަަރު އެވެ.