މާލޭގެ ކުނި އުކާ ސަރަހައްދު: ކުއްލިއަކަށް އެތައް ހާސް ބަޔަކު ރަޖިސްޓްރީކުރުމުން އުނދަގޫތަކެއް ވަނީ ކުރިމަތިވެފައި
02 އޯގަސްޓް 2017 - 16:15
16 comments
ރަޖިސްޓްރީ ނުކޮށް ކުނި އުފުލާ މީހުންނާ މެދު ފިޔަވަޅު އެޅުން މި މަހުގެ 10 ވަނަ ދުވަހަށް ފަސްކޮށްފައިވާ ކަމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މިއަދު ބުނެފި އެވެ.
ފިޔަވަޅު އަޅަން ފެށުން ލަސް މިކުރީ އިއްޔެ އިން ފެށިގެން އަމަލްކުރަން ފެށި ގަވާއިދުގެ ދަށުން ވެމްކޯ މެދުވެރިކޮށް ކުނި އުކާލުމުގައި އާންމުންނަށް ބޮޑެތި ދަތިތަކެއް ކުރިމަތިވެފައި ވަނިކޮށެވެ.
މާލޭގައި މީގެ ކުރިން އާންމުކޮށް ކުނި އުކަނީ ބަންގްލަދޭޝް މީހުން ލައްވާ ކަމަށް ވިޔަސް އިއްޔެ އަމަލްކުރަން ފެށި ގަވާއިދުގެ ދަށުން އެ މީހުންނަށް އެކަން ކުރުން މަނަ އެވެ. މާލޭގައި އުފެދޭ ކުނި ނައްތާލުމުގެ ޒިންމާ މިހާރު ނަގަމުން އަންނަނީ ވެމްކޯ އިންނެވެ. އެކަމަކު އެތަނުގައި ރަޖިސްޓްރީކުރަން އާންމުންނަށް ދިން މުއްދަތުގައި ރަޖިސްޓްރީކުރަން ގިނަ މީހުން ތެޅިގަތީ އެންމެ ފަހު ވަގުތުގައި ކަމުން ކުނި އުކާލުމުގައި ވަނީ ދަތިތައް ކުރިމަތިވެފަ އެވެ.
އެއް ފަހަރާ އެތައް ހާސް ބަޔަކު ރަޖިސްޓްރީކުރުމުން ގޭގެއަށް ގޮސްގެން ކުނި އުކާލަން އުނދަގޫތައް ދިމާވުމުން، ބައެއް މީހުންނަށް ވެމްކޯ އިން އަންގާފައި ވަނީ ކުރިން ވެސް ކުނި އުކި ގޮތަށް ކުރިއަށް ގެންދިއުމަށެވެ. އެކަމަކު ޖޫރިމަނާކޮށްފާނެކަމުގެ ބިރުގައި ބަންގްލަދޭޝްގެ ގިނަ މީހުން ވަނީ އެ ހިދުމަތް ދިނުން ހުއްޓާލައިފަ އެވެ.
"ގަވާއިދާ ހިލާފަށް ކުނި އުކާ މީހުންނަށް ފުރަތަމަ ނަސޭހަތް ދޭނީ. ޖޫރިމަނާކުރާ ކުރާނީ 10 ގެ ފަހުން،" ވެމްކޯގެ މީޑިއާ އޮފިޝަލަކު ވިދާޅުވި އެވެ.
އޭނާ ވިދާޅުވީ އަމިއްލަ އަށް ކުނި އުކަން ރެޖިސްޓްރީ ކުރާ މީހުންނަށް މިހާރު ވަގުތުން ކާޑެއް ދެމުން އަންނަ ކަމަށެވެ. ނަމަވެސް ވަގުތީ އެ ކާޑު ވީހާވެސް އަވަހަށް ދާއިމީ ކާޑަށް ބަދަލުކުރަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޭކް
03 August 2017
ހުސްދޮގު! ރަޖިސްޓަރ ކުރިތާ މިއަދު މީ 5 ވަނަ ދުވަސް.... ކުނިއކޭނެ ކަމުގެ އެއްވެސް ޔަގީން ކަމެއް މިއަދަކުވެސް ނެތް. 1666 އަށް އިއްޔެވެސް ގުޅުނު... ނުނަގާ. މިއަދު އެނަންބަރަށް ނުވެސް ގުޅޭ. ބެންކް ތަންތާ ގޮސް ތިބޭހެން ވެމްކޯ ދޮށުގަ އާންމުން ކިއު ޖެހުނަސް ވާނެ ކަމެއްނެތް. ކުރިން ބަންގްލާދޭޝް މީހަ އައިސް ކުނިއުކާދޭ... އިއްޔެ އޭނަ ދިޔައިމާ ބުނީ މިއަދު އައިއްސިއްޔާ ޖޫރިމަނާ ކުރާނަމޭ. ވާނުވާގަ އުޅެންވީ. ގަދަ މީހާ މިކަމުގަވެސް ގަދަ ވާނެ.
ބޭސް
03 August 2017
މާލޭގެ ހާލަތަށް ބަލާއިރު އެމީހެއްގެ ގޭގައި އުފެދޭ ކުނި އެމީހަކު އަމިއްލައަށް އުކާލުމުގެ ފުރުޞަތު އަބަދުވެސް ހުޅުވިފައި އޮންނަންޖެހެއެވެ. އެކަމަށް ވަކި ހުއްދައެއް ހޯދާކަން ނުޖެހެއެވެ. އެހެނެން ނޫނެވެ. ވޭސްޓް މެނޭޖްމެންޓް އޭރިޔާއަށް ވަނުމަށް ފީއެއް ނެގިދާނެއެވެ. މާނައަކީ ސައިލް ވަށިގަނޑަށް ކޮތަޅެއް ލައިގެން އުކާލަށް ދިޔުމަށް ވަކި ހުއްދައެއް ބޭނުމެއް ނުވުމެވެ. އޭނާ ވޭސްޓް މެނޭޖްމެންޓްގެ ކައިރިއަށްގޮސް އެތަނުގެ ގޭޓުން ވަނުމަށް ކުޑަފީއެއް ދައްކަން ޖެހުމެވެ. އެއީ ފަސްވަރަކަށް ރުފިޔާގެ ފީއެކެވެ.
މަންސޫޜު
03 August 2017
ވަރަށް ކުރީން އޮންނާނީ ރެޖިސްޓަރ ކޮއްފައި. އެކަމަކު ނާދެ. ފަހު ވަގުތޭ ކިޔާނެކަމެއް ނެތް. ޕްލޭންކުރި ފެންވަރަށް ހިދުމަތެއް އަދި ނުދެވެޔޭ ބުނޭ!
ހަސަނު
02 August 2017
އަމާޒު ލާ ހޫ ރޭ މަމެންގެ ބިއުޓިފުލް ސަރުކާރު
ފާތުން
02 August 2017
ބަލަ ދިވެހިންނެއް ނެތޭ ކުނިއުކަން ދާން ބޭނުންވެގެން އުޅޭ. މީދެން ކޮން ސަކަރާތެއް! ދެވެހިން ތަމްރީން ކުރަންވީ ކުނިއުކާކަށް ނޫނޭ. އަޖައިބުވެދާނެ!
ޝިފާގު
02 August 2017
ޥިޔަފާރި ކުންފުންޏަކުން ބަޔަކު ޖުރިމަނާ ކުރެވޭނީ ކިހިނެތް. ޢެކަމަށް އޮތް ގާނޫނަކީ ކޮބާ؟
ކާށި މެޓާ
02 August 2017
ބިދޭސީން ލައްވާ އުކޭތަ؟
ވމކ
02 August 2017
ތިގޮތަށްލަސްކުރާނެ. ދަމާގާޑިޔާގަ ވެސް ކުނިއުކާލެވޭ. ވެމްކޯގަ ރަޖިސްޓްރީ ކޮށްލީމަ ނިމުނީ. މުޅިމާލެ ގަ ދުވަނީ ކުނިވަސް. ކޮބާ ހައްލަކީ.
އުދުހޭ
02 August 2017
ލައިސަންސް ނެތި މިހާރު ކުނިކޮތަޅު އެއްލާނުލެވޭ؟! ކުރީ ޒަމާނުގައި ލައިސަންސް ނެތި ބައިސްކަލުވެސް ނުދުއްވޭ، ރޭޑިއޯވެސް ނުގެންގުޅެވޭ، މާލެ ވެސް ނޭރޭ، ފައިވާނަށްވެސް ނޭރޭ. އެދުމަސް މިއޮއްގެން އަނބުރާ އަންނަނީ؟
ތައްޚާނު
03 August 2017
ވަރަށް ރަނގަޅު ވާހަކައެއް. ދިވެހިން އަޅުވެތި ކުރުމުގެ ދުވަސްތައް އެނބުރި އަތުވެއްޖެ
ދޮންދުބުރިމާ
02 August 2017
ޜައްޔިތުމީހާގެ ހައްގައް އަރައިގަތުމަކީ ވެގެންވާނެކަމެއްނޫން 100 ރުފިޔާގެ ބަދަލްގައި 150 ރުފިޔާވީމަ މިއަރައިގަނެވުނީ