ޑރ. އަފްރާޝީމް މަޖިލީހުގެ ޖަލްސާއެއްގައި: އޭނާގެ މަރުގެ މައްސަލަ އަލުން ބަލަން ވަނީ ނިންމާފައި.
09 އޯގަސްޓް 2017 - 20:19
72 comments
ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީ އަވަހާރަކޮށްލުމާއި މިނިވަން ނިއުސްގެ ނޫސްވެރިޔާ އަހުމަދު ރިލްވާން ވަގަށް ނެގި މައްސަލަ އަލުން ބަލަން ފަށައިފި އެވެ.
އިސްކަންދަރުކޮށީގައި މިއަދު ބޭއްވި ނޫސްވެރިންގެ ބައްދަލުވުމެއްގައި ސުޕްރިންޓެންޑެންޓް އޮފް ޕޮލިސް އަހުމަދު ޝަމީމް ވިދާޅުވީ ޚާއްސަ މައްސަލަތައް ތަހުގީގު ކުރުމަށް ފުލުހުން އުފައްދާފައިވާ މޭޖާ ކްރައިމް އިންވެސްޓިގޭޝަން ސެންޓަރުން، އަފްރާޝީމާއި ރިލްވާންގެ މައްސަލަ މިހާރަށް ވުރެ ރަނގަޅަށް ބެލުމަށް ނިންމާފައިވާ ކަމަށެވެ.
"މި ސެންޓަރުގެ ތެރެއިން އެ މަސައްކަތް ކުރިއަށް ދާނެ ކަމުގެ ޔަގީންކަން ދެން. އަދި އެކަން އެގޮތަށް ދާކަން ވެސް އަޅުގަނޑު ދަންނަވާލަން،" މިކަމާ ގުޅޭ ގޮތުން އިތުރު ތަފުސީލް ނުދެއްވައި ޝަމީމް ވިދާޅުވި އެވެ.
އަފްރާޝީމް އަވަހާރަކޮށްލުމާއި ރިލްވާން ވަގަށް ނެގުމުގެ ފަހަތުގައިވާ ކަންކަން އަދިވެސް ނޭނގޭތީ، އެތައް ބަޔަކު އަންނަނީ ކަންބޮޑުވުން ފާޅުކުރަމުންނެވެ.
މޭޖަ ކްރައިމް އިންވެސްޓިގޭޝަން ސެންޓަރަކީ ޚާއްސަ، ބޮޑެތި މައްސަލަތައް ތަހުގީގު ކުރުމަށް ފުލުހުން ވަރަށް ފަހުން އުފެއްދި ޔުނިޓެކެވެ. އެގޮތުން ބްލޮގާ ޔާމީން ރަޝީދު މަރާލި މައްސަލަ ތަހުގީގު ކުރީ ވެސް އެ ޔުނިޓުންނެވެ.
ރިލްވާން އަށް ވީ ގޮތެއް ހޯދަން ހިންގާ ކެމްޕޭންގެ ޕޯސްޓަރެއް
އަފްރާޝީމް އަލީ އަވަހާރަކޮށްލި މައްސަލާގައި ދެ މީހެއްގެ މައްޗަށް ދައުވާކުރި ނަމަވެސް މިހާތަނަށް ކުށް ސާބިތުވެފައި ވަނީ ހ. ލޮބީ، ހުސެއިން ހުމާމްގެ މައްޗަށް އެކަންޏެވެ.
ރިލްވާން ވަގަށް ނެގިތާ އިއްޔެ އަށް ތިން އަހަރުވީއިރު، އެ މައްސަލައިގެ ތުހުމަތަށް ބަޔަކު ހައްޔަރުކުރި ނަމަވެސް ފަހުން ވަނީ ދޫކޮށްލައިފަ އެވެ.
ރިލްވާން ގެއްލުނު މައްސަލައާ ބެހޭ ގޮތުން މިހާތަނަށް ފުލުހުން އާއްކުރި މައުލޫމާތުން އެނގޭ ގޮތުގައި އޭނާ ގެއްލުނު ރޭ ބަޔަކު ވަނީ ފާރަލައިފަ އެވެ. އޭގެ ފަހުން ހުޅުމާލެއިން ބަޔަކު ރިލްވާން ކާރަކަށް އަރުވައިގެން ގެންދިޔަ ކަމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
11 August 2017
ހަމަ ކުޑަ ސައްލާ އަކަށްފަހު ގޮސް މަރާލީ ކަމަށް ދެން ގަބޫ"ލު ކުރާންވީތޯ؟؟ މިއަށްވުރެ ހަމަ ޖެހޭން ވަނެ ދޮތްތޯ
ސައިހޮޓާ
10 August 2017
ސައިހޮޓަލަށް. އަފްރާޝީމް ގެ ވާހަކަ ނުދައްކާތަ؟ މޭޑޭގަ އެވާހަކަ ދެއްކީމަ ނޫންތަ އަދީބުގެ ބާރުން ޝެއިޚް ޖަލުގަ އެހުރީ. ޢެޅިއަތަކަށް ގޮސްހުސްވިޔަސް ދެކެދެކެވެސް ތިޔާވަރުގެ ޖާހިލެއް ނުދެކެން...މި ކޮމެންޓްގެ ޖަވާބަކީ: މި ސަރުކާރުގަ އިމްރާން ބައިވެރިވީ ކީއްވެހޭ؟ ޖަވާބުދޭން ޖެހޭނީ ސީދާ ޖަވާބު.
ގޮއްޔެ
10 August 2017
އަލުން ބަލަނީއޭ؟؟/ މާ އަވަހެއްނުން ތިޔަކަން ކުރަން. ގަރުނު ދެހާސް ނިމި ތިންހާސް ފަށަންދެން މަޑުކޮށްލިނަމައެއްނުން.
ވޯލް
10 August 2017
މައްސަލަ އަލުން ހަމަ އެއް މުއައްސަސާއަކުން ތިޔަ ބަލަނީ އަސްލު މައްސަލަ ރަގަޅަށް ބަލާފަ ނެތީމަތާ ދޯ؟ ބޮޑެތި ކުށްތައް ބޭނުންކޮށްގެން ފުލުހުން ތިޔަ ހިންގަނީ ސިޔާސީ ކަންކަން
ދިވެއްސެއް
10 August 2017
ދެން އަތްޖަހާ…! ތިއޮތީ ހުރިހާ ކަމެއްގެ ޙައްލު…
ވާރުބޭ
10 August 2017
އެހެންވީމާ އެއްވެސް ހަމަޔަކުން ހުމާމް މަރައިގެން ނުވާނެ. މައްސަލަ އޮތީ ޝައްކާއި ތުހުމަތުގެ މަރުހަލާގައި. ޢެއްވެސް ސާބިތު ކަމެއް ނެތް.
ރ
10 August 2017
މާ އަވަސްނު އަދި، ލަދެއް ހަޔާތެއް ހުރި ނަމަ ތިގޮތަށް އަގަ ހުޅުވާލަން ވެސް ނުކެރޭނެ. މިހެން މިބުނީ ފުލުހުން އަލުން އަފްރާސީމް މައްސަލަ ބަލަން ފަށާ ވާހަކަ ބުނާ އިރު، އަންނަމަހު މަރުގެ ހުކުމް ތަންފީ ކުރަން ތަށްޔާރު ވެފަ އެ އޮތީ،
ވަރިހަމަ
10 August 2017
އިދިކޮޅު ފަރާތްތަކުގެ ބޮލުގައި ތިޔަކަން އަޅުއްވައިގެން މައްސަލަ ނިންމާލިޔަސް، އިރާދަކުރެއްވިއްޔާ 2018 ވޯޓަކުން މިސަރުކާރެއް ނޮހޮވޭނެ.
ބަލާ މީހެއް
10 August 2017
ލަފާކުރެވޭ ގޮތުގައި ދިއްގަރު ދައިރާގެ މެމްބަރ އަޙްމަދު ނާޒިމުވެސް ތިޔަމައްސަލަތަކުން ބައެއްގައި ލައްވާ ލާނެ . މިމީހުންނަކީ ވަރަށް ގިނަ ސިއްރުތަކެއް ހިފަހައްޓާއިގެން ތިބިބައެއްކަމަށް ފެންނަނީ . އަދީބު ކަނޑާލާފައި ވިދާޅުވެއްޖެ ތިމަންމަ އެކަންކަން ކިޔައިދެނަމޭ . ވީމާ، އެކަންކަމުން ސަލާމަތް ވެވޭނީ ތިމައްސަލަތައް އަލުން ބަލައި މިމީހުންގެ މައްޗަށް މަރުގެ ހުކުމް ކުރެވިގެން . މިކަންކަން މިގޮތަށް ނިމޭނެ ހުރިހާ ގޮތަކަށް ޤާނޫނު ފުރޮޅާ ބަދަލުކުރަން އަނިލް އެހުނެވީ ފޫގަޅާލާފައި . އަދި ފަނޑިޔާރުން އެތިބެވީ އަނިލް ހުށަހަޅާ ކޮންމެ މިކަހަލަ މައްސލައެއް (އެމެރިކާމީހުން ބައިނަލް އަޤުވާމީ މާނަކުރަގޮތަށް) "ޤައުމީ މަސްލަހަތު ރައްކާކުރުމަށް" ހުކުމް ކޮށްދެއްވަން .
ލލލ
10 August 2017
ނާއިންސާފުން ހުކުމް ކުރާ މީހުންނަށް ﷲ ގަދަ ފަދަ އަޒާބް ވައުދު ކުރައްވާފައިވޭ. އަހަރެމެންވެސް އެކަމަށް ދުޢާކުރަން. ގުރުއާން ދަންނަ އެއްޗެއް ނޫން ގައުމާ ގައުމީ މަސްލަހަތަކީ ގަބީލާއަކީ. އޮންނާނީ އިންސާނާ ދެން ހެޔޮކަން.
ބަލާ މީހެއް
10 August 2017
ތިޔައީ ދެން ޞައްޙަގޮތެއްގައި ބަލާނެ މައްސަލައެއްނޫން . ދެން ތިޔަ މައްސަލަތއް ނިމޭނީ އަދީބަކީ ބޯކަނޑަންޖެހިފައި ހުރިމީހަކަށްވެ އޭނަގެ ފުރާނަ ހަށިގަނޑާ ވަކި ކުރަން ޖެހޭކަމަށް ހުކުމް ކުރެވިގެން . ފޮރުވިފައިވާ ބައިވަރު ކަންތައްތައްވާނެ . އަދި ލަފާކުރެވޭ ގޮތުގައި ދިއްގަރު ދައިރާގެ މެމްބަރ އަޙްމަދު ނާޒިމުވެސް ތިޔަމައްސަލަތަކުން ބައެއްގައި ލައްވާ ލާނެ .