ޓިފެނީ ހިކުމުގެ ކުރިންނާއި ފަހުން
12 އޯގަސްޓް 2017 - 08:50
5 comments
ބަރުދަން ލުއިކުރުމޭ ބުނެފި ނަމަ އޮންނަނީ ފާޑުފާޑުގެ ޑައެޓްތައް ތަޖުރިބާކުރުމާއި ކަސްރަތު ޕްރޮގްރާމްތަކުގައި ބައިވެރިވުމެވެ. އެކަމަކު އިންސްޓަގްރާމްގައި މަޝްހޫރުކަން ހޯދާފައިވާ އެމެރިކާގެ މި ޒުވާނާ ބުނަނީ ޑައެޓް ނުކޮށް، ޖިމަށް ވެސް ނުގޮސް 28.5 ކިލޯ ލުއިވެފައިވާ ކަމަށެވެ.
ބަރުދަނުގައި 101 ކިލޯ ހުރި ޓިފެނީގެ މި އާދަޔާ ހިލާފް ބަދަލުވުމާ ބެހޭ ގޮތުން "ޕޮޕްޝުގަ" ގައި ބުނެފައި ވަނީ ހިކެން މަސައްކަތް ފެށީ ބަރުދަން މާބޮޑަށް އިތުރުވެ އުނދަގޫ ދިރިއުޅުމެއް ތަޖުރިބާކުރަން ޖެހުމުން ކަމަށެވެ. މި އުނދަގުލުން ސަލާމަތްވުމަށް ފެށި މަސައްކަތް ކާމިޔާބުކޮށް ރީތި ބައްޓަމަކާ އެކު ޓިފެނީ ވަނީ ސޯޝަލް މީޑިއާގައި ވެސް ކާމިޔާބު މީހަކަށް ވެފަ އެވެ.
ދެ ކުދިންގެ މަންމައެއް ކަމަށްވާ ޓިފެނީ ބުނި ގޮތުގައި އޭނާ ކުރިހާ ވެސް ކަމަކީ ސިއްހީ ގޮތުން ރައްކާތެރި ނޫން ކާނާތައް ކެއުން ހުއްޓާލުމެވެ. އަދި ކިރުގެ ބާވަތްތައް ވެސް ހުއްޓާލި އެވެ. ޖިމަށް ދިއުމުގެ ބަދަލުގައި ކުރީ ގޭގައި ކުރެވޭ ކަހަލަ އާދައިގެ ކަސްރަތެވެ.
ޓިފެނީ އެހާރާއި މިހާރު
"އަޒުމު ކަނޑައެޅީ ޖަންކް ފުޑް އެއްކޮށް ހުއްޓާލަން. ކޭންޑީ އާއި ސޮޑާ ވެސް އެއްކޮށް ހުއްޓާލީ. ކިރުގެ ބާވަތްތަކާއި ގްލޫޓެންގެ ބާވަތްތައް ވެސް އެއްކޮށް ދޫކޮށްލީ،" ޓިފެނީ ބުންޏެވެ.
އޭނާ ބުނީ މި ބަދަލާ އެކު ކުރެވުނު ތަޖުރިބާ އަކީ މުޅި އުމުރުގައި ވެސް މިހާތަނަށް ކުރެވުނު އެންމެ ރަނގަޅު ތަޖުރިބާ ކަމަށެވެ.
ޓިފެނީ ހިކެމުން އައި ގޮތް
"ފާޑުފާޑުގެ އެއްޗެހި ކައިހިތް ވެގެން މިހާރު އުޅޭކަށް ނުޖެހޭ،"
ކިޔަމަން ނުވާ ވަރުގެ ޑައެޓެއް ނެގުމުގެ ބަދަލުގައި ޓިފެނީ ކޮންމެ ދުވަހަކު ހެނދުނު ނާސްތާއަކަށް ބޭނުންކުރީ ބޮޑު ޕްރޮޓީން ޝޭކެކެވެ. މެންދުރު ކެއުމުގައި ބޭނުންކުރީ ފެޓް މަދުން ހުންނަ މަހުގެ ބާވަތްތަކާއި ތަރުކާރީ އެވެ. ރޭގަނޑު ކަނީ ޗިކަން ސެލަޑެވެ. އެއީ ބޮޑު ޕޯޝަންއެކެވެ.
ސްނެކް ނުވަތަ ލުއި ކާނާގެ ގޮތުގައި އާފަލާއި ޕީނަޓް ބަޓަރާއި ކެރެޓެވެ.
އޭނާ ބުނި ގޮތުގައި ގޭގައި ކަސްރަތުކުރަން ފެށި ނަމަވެސް އެންމެ ފުރަތަމަ އެއީ ނުވާ ވަރުގެ ކަމެއްގެ ގޮތުގައި ހީކުރެވުނެވެ. ބުންވަރު ނުހުންނާތީ ޖެހެނީ އިރުކޮޅަކުން ހުއްޓާލާށެވެ. އެކަމަކު މަޑުމަޑުން ގޮސް އެކަން ވެސް ހައްލުވީ އެވެ.
ޓިފެނީ ހިކިފައި
ހަށިގަނޑަށް އައި ބަދަލާ އެކު، ކުރިން 2XL ސައިޒް މިހާރު ވަނީ ސްމޯލް އަށް ބަދަލުވެފަ އެވެ.
ސޯޝަލް މީޑިއާގައި ޓިފެނީ މިހާރު ވެފައި ވަނީ ބަރުދަން ލުއިކުރާ މީހުންނަށް ހިތްވަރުދީ، އެކަމުގައި ކުރިއަށް ދާންވީ ގޮތް ކިޔައިދޭ މީހަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮޓޯ
13 August 2017
ލިއުމުގައިވާ ފޮޓޯތަކަށް ބަލާފަ ހީވަނީ ސެލްފީ ނަގާ ނަގާހެން ހިކުނީ.
ޙަސަން އަޙްމަދު
12 August 2017
ތީ އެއްކަލަ ޖާދޫގެ ހިލަކޮޅަކުން ރިހަކެއްކި ވާހަކަ ޒާތު ވާހަކައެއް. ޑައެޓެއް ކަސްރަތެއް ވެސް ނުކުރެޔޯ! އެކަމަކު ކިރުގެ ބާވަތްތައް ހުއްޓާލި. ޖަންކްފުޑް ހުއްޓާލި. ދުވަސް ފަށަނީ ޕްރޮޓީން ތައްޓަކުން. އެކަމަކު ޑައެޓެއް ނުކުރޭ!! ގޭގަ ކޮށްލެވޭ ލުއި ކަސްރަތު ވެސް ކޮށްލި. އެކަމަކު ކަސްރަތެއް ނުކުރޭ! ޖާދޫގެ ހިލަކޮޅުން ރިހަކެއްކި މީހާ ވެސް ރަހަ މީރުކޮށްކަން އެޔަށް ފިޔާ މިރުސް ކޮޅެއްލީ ފަހުން އަދި ހަވާދުކޮޅެއް ލީ ދެން އަދި އެޔަށްވުރެ ފުރިހަމަ ކޮށްލަން ދެތިން އަލުތްވާ ކުޑަވަރެއްގެ މަސްކޮޅަކާ ހިކަނދި ރާނބާ ފަތާ ރަހަލާ ވަރަށް ލޮނުކޮޅެއް ވެސް ލިޔޯ! އެކަމަކު ރިހަ ކެއްކީ ހިލަކޮޅަކުން!
ކަރީމްބެ
12 August 2017
އާނދެންތީގަ.. އޮށޯވެލައިގެން އޮވެ ހިކޭނެ ގޮތެއް ބުނެދީބަލަ.
އަކޫ
13 August 2017
1- ފަތިހު ހޭލަން އާދަ ކުރޭ 2- ގަޑިން ގަޑިއަށް ކެއުން ބުއިން 3- ކާ ވަރު މަދުކޮށްލާ 4- ކާބޯ ހައިޑްރޭޓް ގިން ކާނާ މަދުކޮށްލާ 5- ފެޓް ހުންނަ ކާނާ އަދި ޖަންކުސް ފުޑް އަދިސްވީޓްނާރ އަޅާފަ ހުންން ބުއިންތަށް ދޫކޮށްލާ 6- ރޭގަނޑުފެ ކެއުން ވީހާވެސް ކުރިން ކެއުން. 7- އަބަދުވެސް ތިމަންނަ އެބަ ހިކެޔޭ އެބަ ފިޓް ވެޔޭ ހިތަށް އަރުވައިގެން އުޅުން ތީ ހަަމަ ޖިމަކަށް ނުގޮސް ކަސްރަތު ނުކުށްގޭގަ އޮވެގެން ހިކޭނެ އުކުޅެއް. ތަޖުރިބާއާއެކު، ނިކަން އަޖުމަ ބަލާބަލަ ކަރީމްބެ ވެސް
ވާނެ
12 August 2017
ފަލަ މީހަކު ހިކުން މީ ނުވާވަރުގެ ކަމެންނޫނޭ ހީވާގި ކަމެން ހުރިއްޔާ ވާނެކަމެން ބައެށް މީހުން ބުނާނެ ހިކެން ވަރައް މަސައްކަތް ކުރަމޭ އެކަމް ނުހިކެޔޭ މީ ގަބޫލު ކުރެވޭ ވާހަކަ އެށް ނޫން