އިންޑޮނީޝިއާގެ 104 އަހަރުގެ އަންހެނަކު ހައްޖުގައި

ހަސަން އާމިރު، މިހާރު

30 އޯގަސްޓް 2017 - 16:46

މައްކާ (އޮގަސްޓް 30) - މި އަހަރުގެ ހައްޖުގެ އަޅުކަން އަދާކުރާ އުމުރުން އެންމެ ދުވަސްވީ މީހުންގެ ތެރޭގައި އިންޑޮނީޝިއާގެ 104 އަހަރުގެ އިބޫ މާރިއާ މަރްގާނީ މުހައްމަދު ހިމެނޭނެ އެވެ.

ހައްޖުގެ އަޅުކަމަށް އޭނާ މައްކާ އަށް ދިޔައީ މިދިޔަ ހޮނިހިރު ދުވަހު އެވެ. ސައުދީގެ ކަލްޗާ އެންޑް އިންފޮމޭޝަން މިނިސްޓްރީން ބުނީ އުމުރުން 90 އަހަރުގައި އިބޫ މާރިއާ ވަނީ އުމްރާއެއް ކޮށްފައި ކަމަށެވެ.

އިންޑޮނީޝިއާ ކޮންސިއުލޭޓުގެ އޮފިޝަލުން ވިދާޅުވީ އިބޫ މާރިއާ ހުރީ ފުރިހަމަ ސިއްހަތުގައި ކަމަށާއި އެއްވެސް މައްސަލައެއް ދިމާ ނުވެ ހައްޖުގެ ހުރިހާ ކަމެއް ވެސް އޭނާ އަށް އަދާކުރެވޭނެ ކަމަށެވެ.

އިންޑޮނީޝިއާ އިން ހައްޖަށް ދިޔަ 104 އަހަރުގެ އިބޫ މާރިއާ ޖިއްދާ އެއާޕޯޓުގައި. --ފޮޓޯ:އޭއެފްޕީ

ހައްޖަށް ދިއުމަށްޓަކައި އިންޑޮނީޝިއާގެ 3.2 މިލިއަން މީހުން މިހާރު ވެސް ކިޔޫގައި އެބަތިއްބެވެ. ދުނިޔޭގައި މުސްލިމް އާބާދީ އެންމެ ބޮޑު ގައުމުގެ ބައެއް މީހުން ހައްޖުގެ އަޅުކަން ފުރިހަމަ ކުރަން އެވްރެޖްކޮށް 37 އަހަރުގެ އިންތިޒާރެއް ކުރަން ޖެހެ އެވެ. އިންޑޮނީޝިއާ އިން ހައްޖަށްދާ މީހުން އެވްރެޖްކޮށް ދަތުރަށް ޚަރަދު ކުރަން ޖެހެނީ 1،000 ވަރަކަށް ޑޮލަރެވެ.

އިންޑޮނީޝިއާ އިން މި އަހަރުގެ ހައްޖުގެ އަޅުކަމަށް 221،0000 މީހުން ދިޔަ އެވެ. ސައުދީ ރަސްގެފާން ސަލްމާން މިދިޔަ މާޗު މަހު އެ ގައުމަށް ކުރެއްވި ދަތުރުފުޅުގައި ވަނީ އިންޑޮނީޝިއާ މީހުންނަށް ހައްޖު ކޯޓާ އިތުރުކޮށްދެއްވައިފަ އެވެ.

މި އަހަރުގެ ހައްޖުގެ އަޅުކަމުގައި ދެ މިލިއަން މީހުން ބައިވެރިވާނެ ކަމަށް ސައުދީ އަރަބިއާ އިން ބުނެ އެވެ.

ސައޫދީ އަރަބިއްޔާ ހައްޖު އިންޑޮނީޝިއާ

3 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒެޑްސް 1

31 August 2017

ބުރޭ، ކަލޯ މާމަ ހަމަ ގަދައީ. ޚަބަރުގައި އޮތް ހިސާބު ބަލައިގަންނަން އުނދަގޫ. ހައްޖު ގެ އިންތިޒާރުގަ 37 އަހަރު. ހައްޖަށް ނުދެވި 3.2 މިލިއަން. އަހަރަކު ޙައްޖަށް މި ދެވެނީ 2 ލައްކަ އަށް. މި ހިސާބު ތައް ތަހުގީގު ވެގެން ތަތުބީގު ކުރެވޭ އަޙްކާމާ ގެ މަސްދަރު ސާބިތު ކޮށް ދެނީ އިންތިޒާރުގެ ދިގުމިނަކީ 15 އަހަރު ކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނަސީރު

31 August 2017

އަޅެ އެފަކީރައް އެކަހަލަ ލަނޑެއް ދޭން ހެޔޮވެސްނުވާނެ! ތަނެއްބަލާލާހިތްވާނަމަ، އެފްރިކާގެ ސެރެންގެޓީ ޖަނަވާރުތައް އުޅޭގޮތް، ނޫނީ ކެނެޑާގެ ގުދްރަތީ ރީތިކަން، ނޫނީ ރާއްޖޭގެ ފަރުތަކުގެ ރީތިކަން، ދައްކާލި ނަމަ މާރަނގަޅު ވީސް!