އީޔޫ ސަމިޓުގެ މިއަދުގެ ބައްދަލުވުމުގައި އިނގިރޭސިވިލާތް ބައިވެރިއެއް ނުވާނެ. --ފޮޓޯ:ބީބީސީ
29 ޖޫން 2016 - 11:12
2 comments
ބްރަސަލްސް (ޖޫން 29) - ޔޫރަޕިއަން ޔޫނިއަންގެ ލީޑަރުންގެ ސަމިޓުގެ ދެ ވަނަ ދުވަހުގެ ބައްދަލުވުންތައް ބްރަސެލްސްގައި މިއަދު ކުރިއަށްދާ އިރު އިނގިރޭސި ބޮޑު ވަޒީރު ޑޭވިޑް ކެމަރަން ބައިވެރިވެވަޑައެއް ނުގަންނަވަ އެވެ.
އީޔޫ އިން ވަކިވުމަށް އިނގިރޭސިން މިދިޔަ ހަފުތާގައި ދިން ވޯޓަށް ފަހު ބޮޑު ވަޒީރު ކެމެރަން އީޔޫގެ 27 ލީޑަރުންނަށް އިއްޔެ ވިދާޅުވެފައި ވަނީ ކުރިމަގުގެ ގުޅުންތައް ކޮންމެ ގޮތަކަށް އޮތް ނަމަވެސް ވިޔަފާރި އާއި ސަލާމަތީ ދާއިރާގެ އެއްބާރުލުން މުހިންމުވާނެ ކަމަށެވެ.
އީޔު ސަމިޓުގައި ބައިވެރިވެވަޑައިގަތުމަށް އިނގިރޭސި ބޮޑު ވަޒީރު ޑޭވިޑް ކެމަރަން ވަޑައިގަންނަވަނީ. --ފޮޓޯ:އޭއެފްޕީ
ބްރަލްސަލްސްގައި އީޔޫގެ ލީޑަރުންނާ އެކު ކެމަރަން އިއްޔެ ބޭއްވި ބައްދަލުވުމަކީ އެމަނިކުފާނުގެ އީޔޫގެ ފަހު ސަމިޓެވެ. ވޯޓުގެ ނަތީޖާ އަށް ފަހު އޮކްޓޯބަރު މަހު އިސްތިއުފާ ދެއްވާނެ ކަމަށް ކެމަރަން ވަނީ ވިދާޅުވެފަ އެވެ. އެކަމަކު އީޔޫގެ އަނެއް 27 ގައުމުން ބްރަސަލްސްގައި މިއަދުގެ ބައްދަލުވުން ކުރިއަށް ގެންދަނީ އިނގިރޭސިވިލާތް ނުހިމަނާ އެ ޖަމާއަތުގެ ކުރިމަގާ ބެހޭ ގޮތުން މަޝްވަރާ ކުރުމަށެވެ.
އީޔު ސަމިޓުގައި އިނގިރޭސި ބޮޑު ވަޒީރު ޑޭވިޑް ކެމަރަން އެސްޓޯނިއާގެ ބޮޑު ވަޒީރާ އެކު. --ފޮޓޯ:އޭއެފްޕީ
ޖަރުމަނުގެ ޗާންސެލާ އެންޖެލާ މާކެލް ވަނީ އިނގިރޭސި ރައްޔިތުންގެ ނިންމުމަށް އީޔޫ އިން އިހްތިރާމް ކުރުމަށް އެދިވަޑައިގެންފަ އެވެ. އަދި އެކަމަނާ އާއި އީޔޫގެ އެހެން ލީޑަރުން ވެސް ވަނީ އިނގިރޭސިވިލާތް އީޔޫ އިން ވަކިވުމުގެ ކަންކަން އަވަސް ކުރުމަށް އެ ގައުމަށް ގޮވާލައިފަ އެވެ. އަދި އީޔޫ އިން ވަކިވުމަށް އިނގިރޭސިވިލާތުން އިސް ނެގުމުން ނޫނީ ރަސްމީ އަދި ނުރަސްމީ މަޝްވަރާތައް ވެސް ކުރިއަށް ނުގެންދެވޭނެ ކަމަށް އީޔޫގެ ލީޑަރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބުދުކަލޯ
29 June 2016
އަންނި ދާތަނެއްވިއްޔާ ޚަރާބުވަނީ
މަހަށްދޭ
29 June 2016
ވޯޓްގެ ނަތީޖާ އަށް ފަހު ކެމެރޫން އިސްތިއުފާ ދެއްވާނަމޭ ކިޔާ އެކަން އޮކްޓޫބަރު މަހަށް ލަސް ކުރީ އެއީ ސަރުކާރުގެ މާލިއްޔާ އިން ނާޖާއިޒު ގޮތުގައި ކަރަޕްޝަންގެ މަގުން ފައިސާ ކާން ވެގެން ނެވެ. ދެން މިކެމެރޫން އަށް ދިހަ ނަމްބަރު ގެއަށް ނުވަދެވޭ ގޮތަށް އެގޭގެ ތަޅު ބަދަލު ކުރަންވީއެވެ. މީނާ އަތުން އެގޭގެ ތަޅުދަނޑި ވެސް އަތުލަންވީއެވެ. އަދި ކެމެރޫން އެބައުޅެއެއް ނޫން ދިހަ ނަމްބަރު ގޭގެ ތަޅުދަނޑި ނުދޭން ބޮޑާ ހާކާައިގެން. ތަޅުދެން ބަދަލު ކުރާނީ. އެނގިދާނެތާ. އީޔޫގެ ލީޑަރުން އެއްގޮތަކަށް ވެސް ކެމެރޫން އިންނަ ޖަލްސާ އެއްގައި ތިބެގެން ނުވާނެއެވެ. އޭނާ އަށް މިހާރު އިނގިރޭސި ރައްޔިތުން ވަނީ ނޫނެކޭ ބުނެފައެވެ. އަދި ވެސް އިސްތިއުފާ ނުދީ އެބަހުއްޓެއް ނޫންތަ މިކެމެރޫން ގަނޑާ،. ދެން ވެސް ކެމެރޫން ގަނޑާ ބަސްއަހައިގެން މިމަހުގެ ނިޔަލަށް އިސްތިއުފާ ދީފައި ގެއަށް ކަނޑާލަންވީ އެއް ނޫންދޯ. އެއިރުން އިދިކޮޅު ބޮޑޭ އާއި ދެމީހުން ދޮށި ބޮނޑި ހިފައިގެން މަހަށް ދާނީ އެއް ނޫންދޯ .