މާކިއޯ މޯލްޑިވްސްގެ ނަމުގައި ކޫއްޑޫގައި ހެދި ރިސޯޓުގެ ބީޗް ވިލާއެއް. ފޮޓޯ: މާކިއޯ މޯލްޑިވްސް
12 ސެޕްޓެމްބަރ 2017 - 16:00
7 comments
ޑޮމެސްޓިކް އެއާޕޯޓެއް ހިންގާ ގއ. ކޫއްޑޫގައި ހެދި މަތީ ފެންވަރުގެ ރިސޯޓު، "މާކިއޯ މޯލްޑިވްސް ކޫއްޑޫ" ޓޫރިސްޓުންނަށް ހުޅުވާލައިފި އެވެ.
ސިންގަޕޫރުގެ ކިއޮންގް ހޮންގް ކުންފުނިން ތަރައްގީކުރި 68 ކޮޓަރީގެ ރިސޯޓުގައި 43 މޫދު ކޮޓަރި ހުރެ އެވެ. އެ ރަށް ހިންގަނީ ފްރާންސްގެ މަޝްހޫރު އެކޯ ހޮޓެލްސް ގްރޫޕުންނެވެ. އެ ގްރޫޕުގެ 700 ހޮޓާ 58 ގައުމެއްގައި އެބަހުއްޓެވެ.
މާލެ އިން ފުރައިގެން 55 މިނިޓުން ދެވޭ ހިސާބުގައި އޮންނަ ރިސޯޓު ހިންގާ ރަށުގައި އެއާޕޯޓެއްގެ އިތުރުން މިފްކޯގެ މަސް ފެކްޓަރީއެއް ވެސް ހިންގަ އެވެ.
މާކިއޯ މޯލްޑިވްސްގައި ހުންނަ ކޮޓަރީގެ ތެރެއިން 20 ކޮޓަރީގައި ހަ މީޓަރު ދިގު ތިން މީޓަރު ފުޅާ ސްވިމިން ޕޫލެއް ވެސް އޮވެ އެވެ. އޭގެ އިތުރުން މޫދާ ކުރިމައްޗަށްވާ ގޮތަށް 50 މީޓަރުގެ ސްވިމިން ޕޫލަކާއި މަތީ ފެންވަރު ރެސްޓޯރަންޓްތަކާއި ފައިވް ސްޓާ ފެންވަރުގެ ޚިދުމަތް ދޭ ޕަޑި ޑައިވް ސެންޓަރެއް އަދި ކުޅިވަރު ކުޅޭ ތަންތަނާއި ސްޕާއެއް ވެސް ހުރެ އެވެ.
ކޫއްޑޫ ރިސޯޓު ހުޅުވުމާ ގުޅިގެން އަންނަ މަހުގެ ނިޔަލަށް ޚާއްސަ ޕްރޮމޯޝަނެއް ވެސް ވަނީ ފަށައިފަ އެވެ. އެގޮތުން ދެ މީހަކަށް ހެނދުނު ސަޔާއެކު ބީޗް ވިލާ ކޮޓަރިއެއް ރެއަކަށް 220 ޑޮލަރަށް ވިއްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާވަށު އަނެއް މީހާ 2
13 September 2017
މާވަށު މީހުންނަށް ރަނގަޅުވާނެ އެއްކަމެއް ނުކޮށްދިނަސް. ކަށި ގުރައިދޫގަ ރިސޯޓް ހައްދަވާދެއްވާނެ ކަމަށް ރައީސް ވިދާޅުވުމުން އެ އޮތީ އެ ވަޢުދު ފުއްދިފަ. އަސްލު އެ ރިސޯޓް ނެހެދިޔަސް ޝުކުރިއްޔާ ރައީސް ޔާމިން ކިޔާލަ ކިޔާލަ ތިބޭ. ދެން އެންމެން އަތްޖަހާ.
ރިސޯޓް ސްޓާފެއް
13 September 2017
"އެ ރަށް ހިންގަނީ ފްރާންސްގެ މަޝްހޫރު އެކޯ ހޮޓެލްސް ގްރޫޕުންނެވެ. އެ ގްރޫޕުގެ 700 ހޮޓާ 58 ގައުމެއްގައި އެބަހުއްޓެވެ." މި ޖުމްލައިގައިވާ މައުލޫމާތު ރަނގަޅެއް ނޫން. އެކޯ އަކީ 95 ގައުމުގައި 4100 ހޮޓެލް ހިންގަމުން އަންނާ ބައެއް. ވެބް ސައިޓް ބައްލަވާ ލައްވާ.
ހެޔޮވެރިކަން
12 September 2017
މާލެ އިން ލާމަށް ފްލައިޓް ގައި 35 މިނެޓް އެވެ.ކާޑެއްދު އަށް 55 މިނެޓް ނަގައެވެ.އެކަމަކު ގދ.ގައި ވެސް 4ވަރަކަށް ރުޒޯޓް ހަދާފި އެވެ.ލ.އަތޮޅުގައި އޮތީ ތިބުނާ ސިކުސް ސެންސަސް އެވެ.މިހާ ތަފާތު ބޮޑީ ކީއްވެ ބާއެވެ.
މާވަށު މީހެއް
12 September 2017
ލ.އަތޮޅު "ކަަށި ގުރާދޫގައި" ހަދަން ބުނާ ރިޒޯޓް ކޮބާތޯއެވެ؟ ލ. އަތޮޅުގައި ރިޒޯޓް ހަދަން ސަރުކާރުން ތިހާ ބިރެއް ގަންނަނީ ކީއްވެގެން ތޯއެވެ؟ މި އައަތޮޅު މީހުން މޮޔަ ކަމަށް ހީފުޅު ކުރައްވަނީ ތޯއެވެ؟
ސެވެން
12 September 2017
ސިކްސް ސެންސަސް ލާމު އެއީ ލާމު އަތޮޅު ރިސޯޓެއްނޫންތަ؟
މޫސާ ޒަރީރު
12 September 2017
ތިވާނީ ލިބެން އޮތް ކަޓް ކުޑަކަމުން ކަށިގުރާދޫ ޑީލް ހިފަހައްޓަނީ ކަމަށެވެ.
މާވަށު އެހެން މީހެއް
13 September 2017
ލ.އަތޮޅު "ކަަށި ގުރާދޫގައި" ރިސޯޓް ހަދައިގެން ހިންގަމުން އަންނަތާ ކިތަންމެ ދުވަހެއް. އިނބައްނަށް ނުފެނުނަކަސް ފެނެން މީހުން އޮލޭޅެ މާވަށު. ފައިސަލް މެން އެތާ ކޮންމެ ވީކް އެންޑެއް އެ ހޭދަ ކޮށްލަނޫ..