މާލެ އިން ވިއްކަން އިއުލާންކުރި ބިންތަކުގެ ތެރޭގައި ހިމެނޭ ކުރީގެ ކުނިކޮށި: ހައުސިން މިނިސްޓްރީން އިއުލާންކުރި އެއްވެސް ބިމެއް ބަޔަކު ނުގަނޭ. ފޮޓޯ: ނިޝާން އަލީ /މިހާރު
14 ސެޕްޓެމްބަރ 2017 - 21:08
16 comments
މާލެއިން ވިއްކަން ހުޅުވާލި ބިންތައް ގަންނަން ދިން މުއްދަތު ހަމަވިއިރު އެއްވެސް ފަރާތަކުން އަގު ހުށަހަޅާފައި ނުވާ ކަމަށް ހައުސިން މިނިސްޓްރީން ބުނެފި އެވެ.
ސުޕްރީމް ކޯޓުން ކުރިމަތީގައި އޮތް މާފަންނުއާގެއިން ދައުލަތަށް ނެގި ބިން ހިމެނޭ ގޮތަށް މާލޭގެ އެންމެ އަގު ބޮޑު ތިން ހިސާބަކުން 19 ބިމެއް ވިއްކަން ހައުސިން މިނިސްޓްރީން އިއުލާންކުރީ މިދިޔަ މަހުގެ 16 ވަނަ ދުވަހު އެވެ. އެ ތަންތަނުން ގޯތި ގަންނަން ޝައުގުވެރިވާ ފަރާތްތަކަށް އަގު ހުށަހަޅަން ދިނީ މިދިޔަ މަހުގެ 27 އިން ފެށިގެން މިއަދުގެ ނިޔަލަށެވެ.
ހައުސިން މިނިސްޓްރީގެ މީޑީއާ ކޮންސަލްޓެންޓް އަހުމަދު ފަޒާލް ވިދާޅުވީ ބިން ވިއްކަން މިފަހަރު ހުޅުވާލި ފުރުސަތުގައި އެއްވެސް ބިޑެއް ނުލިބޭ ކަމަށެވެ. ނަމަވެސް ބިޑް ހުށަހެޅުމުގެ ކްރައިޓީރިއާ ރިވިއުކުރުމަށްފަހު އަލުން އިއުލާންކުރާނެ ކަމަށް ވެސް އޭނާ ވިދާޅުވި އެވެ.
ހައުސިން މިނިސްޓްރީން ކުރި އިއުލާނުގައިވާ ގޮތުން، ވިއްކަނީ އޯކިޑްމަގު މާފަންނުއާގެއިން ދައުލަތަށް ނެގި ބައި، މ. ދަންޑެހެލުގެ ކިޔާ ބިމުން ތިން ގޯއްޗާއި ބޮޑުތަކުރުފާނު މަގުގައި ކުރީގެ ކުނިކޮށިން ހަ ގޯތި އަދި އެ މަގުގައި ވިލާ ކޮލެޖާ ޖެހިގެން ހުޅަނގަށް ހުންނަ އެސްޓީއޯއިން ރެޑީ މިކްސް ކޮންކްރީޓް ތައްޔާރުކުރާ 378 ނަންބަރު ކޮށިން 10 ގޯއްޗެވެ. އެ މިނިސްޓްރީން ކުރި އިއުލާނުގައި ގޮތުން ޖުމްލަ 19 ގޯތި ވިއްކުމަށް ހަމަޖެހިފައި ވަނީ އަކަފޫޓެއް 15،000ރ.ގެ ރޭޓުންނެވެ. އެގޮތުން ބިން ގަންނަ ފަރާތަކުން އަގު ހުށަހަޅާއިރު މަދުވެގެން އިތުރުކުރެވެނީ 500،000ރ. އެވެ.
ހައުސިން މިނިސްޓްރީން ވިއްކަން އިއުލާންކުރި ގޯތިތައް އަކަފޫޓެއް 15،000ރ.ގެ ރޭޓުން ވިކުނު ނަމަ ދައުލަތަށް މަދުވެގެން ގާތްގަނޑަކަށް 792 މިލިއަން ރުފިޔާ ލިބޭނެ އެވެ.
މާލެއިން ބިން ވިއްކާތީ، އިދިކޮޅު ފަރާތްތަކުން ވަރަށް ބޮޑަށް ނުރުހުން ފާޅުކޮށްފައިވެ އެވެ. ގުޅިފައިވާ އިދިކޮޅު ޕާޓީތަކުން ބުނީ ކޮރަޕްޝަން ހިމެނޭ ގޮތަށް ސަރުކާރުން ވިއްކާފައިވާ ބިންތައް އެ ޕާޓީތަކުގެ ސަރުކާރެއްގައި އަނބުރާ ދައުލަތަށް ނަގާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުންޑާ
15 September 2017
ތީގެން ވެސް ތި އިނގެނީ މި ސަރުކާރުން ކުރާ ކަންކަމަށް ތާއީދެއް ނތްކަން...... ވަރައް ވެދުން
ހުސޭން
15 September 2017
ހަފްތާއެއް ދީފަ "ބިޑްކުރާނެ މީހަކު ނުވި". ދެން އަގުހެޔޮކޮށް ޕާޓީ ކުދިންކޮޅަށް ދިނީމަ އެނުމުނީ.
މެންޓަލިސްޓް
15 September 2017
އެމްއެމްއޭގެ 1 ބިލިއަންގެ ޓީބިލްވެސް ގަންނާނެބަޔަކު ނުުވެގެން އުޅެނީ ،،،، އަނެއްކޮޅުން ތިޔަބިންތަށްވެސް ނުވިކުނު ،،، އަނެއްކޮޅުން ލަންކާގެ 2 ހޮސްޕިޓަލްއަކުން އާސަންދަވެސް މިހާރު ކޭޝް ކޮއްފައިނޫނީ ނުލިބޭ ،،، މީއަސްލު އިކޮނޮމިސްޓުން ވެރިކަންކުރާއިރު ދިމާވާނެ ހާދިސާތަށް ،،، އެއީ ބޮޑެތި އެކްސްޕެރިމެންޓްތަށް ،،، ތަހްލީލްތަށް ،،، މިހެންގޮސް ފެންނާނީ ކުއްލިއަކަށް އިކޮނޮމިސްޓް ގެއްލޭތަން ،،، ރާއްޖޭގައި ކުރީގައިވެސް އުޅުއްވި އިކޮޮނޮމިސްޓެއް ،،، އެއީ ހަސަންފަރީދު ކިޔާ ބޭފުޅެށް ،،، އެބޭފުޅާވެސް ފުރައިވަޑައިގެން އިރެއްވެސް ނޭންގޭ ،،،، ދެން އަނބުރާ ރާއްޖެވެސް ނުދުރުވި ،،،، ވަރަށްވެދުން
އަހުން
15 September 2017
ހުސް ބުހުތާނު ދޮގު... މިސަރުކާރުގައި މިހާތަނަށް ކަން ހިނގާފަވާ ގޮތަށް ބަލާއިރު މިހާރު ތިބިންތައް ހުންނާނީ ދޭން ބޭނުންވާ މީހުނަށްދީ ޑީލްތައް ހަދާ ނިމިފަ، ކޮރަޕްޝަނަކީ އެއީ ދެން ތޮބީޢީ ކަމެއްނު
ކަމަނަ_
15 September 2017
އަމިއްލަ މީހުންގެ އަތުން ގަންނަން ލިބޭ ވަރަށް ވުރެ ބޮޑު އަގުގައި ސަރުކާރުން ބިން ވިއްކުމަކީ ވަރަށް ހަމަ ނުޖެހޭ ކަމެއް. ފްލެޓުވެސް މިވަނީ ހަމަ އެހެން. އަމިއްލަ މީހުން އަޅާ ޕްރައިވެޓް ފްލެޓެކޭ، ދައުލަތުން ބޯހިޔާވަހިކަމަށް އަޅައިގެން ވިއްކާ ފްލެޓޭކޭ އަގުގައި މާ ބޮޑު ތަފާތެއް ނެތް. މިއީ އެއްވެސް ގައުމެއްގައި މިކަން އޮންނަ ގޮތެއް ނޫން.
ނަޑެއްލާ
15 September 2017
ތަމެންގެ ސަރުކާރުގައި ފައިސާ ނެތުމުން ތި ގޮތައް ވިއްކާ ރައްޔިތުންގެ ހަރުމުދާ ގަންނާނީ މޮޔައިން ކަމުގައި މަމެން ދެކެން. ސަބަބަކީ ތި ވިއްކާ ބިންތަކަކީ ދެން ވެރިކަމަށް އަންނަ ބަޔަކު އެ ބިންތައް އެއްވެސް ބަދަލެއް ދިނުމަކާއި ނުލާ ދައުލަތައް ނަގާނެތީ. ޢަދިވެސް ސަބަބުތައް ވަރަށް ގިނަ. މިހެންކަމުން އެއްވެސް ދިވެހި ރައްޔިތަކު ފައިސާ ތަކެއް އިސްރާފު ކުރާކަށް ތި ބިންތަކެއް ނުގަންނާނެކަން މަމެންނަށް އެނގޭ. ޙުދު ތަމެންނަށްވެސް އެނގޭނެ މިގޮތައްކަން އާޙިރުގައި މިކަން ނިމޭނީ. އެހެންވެގެން ތަމެންގެ ތެރެއިން އެއްވެސް މީހަކަށް ތި ތަނުން ބިމެއް ގަންނަން ކެރިވަޑައި ނުގަތް ތި އުލުއްވަނީ. ވ ސަލާން.
ރާޖާ އިޒް ފެއިލްޑ
15 September 2017
މިސަރުކާރުގެ ވިސްނުމާއި ރައްޔިތުންގެ ވިސްނުން ދިމާނުވާ ވަރު އެބައިނގޭ. އަދި އިކޮނޮމިސްޓަށް ރާއްޖޭގެ ހާލަތާއި ވެލިއު އެނގިލައްވާ ވަރުވެސް އެނގިއްޖެ.
ފީލިންގް
14 September 2017
މާލެއިން ބިން ވިއްކަން ހުޅުވާލި މުއްދަތު ހަމަވިއިރު ގަންނާނެ ބަޔަކު ނުވި ނަމަ ދެން ސަރުކާރުން ތިޔާ ބިން ތައް ބިޑް ކުރާނެ ކަމެއް ނެތޭ ބިހައިންޑް ކްލޯސްޑް ޑޯރސް ގައި ތިބެގެން މާލޭގެ ސުޕަރ ރިޗް އަމިއްލަ ކުންފުނި ތަކަށް ތިޔާ 19 ބިން ވިއްކާލާ އެމެން ގެ ތާއީދު މަމެން ޕިންކީން ނަށް ހޯދަންވީއޭ ޔުނޭނިމަސްލީ ކޮށް އެއިރުން ދެން ނުކެރޭނެއޭ މަމެންގެ ވެރިކަން 2018 ގައި ވޯޓަކުން ވެސް ބަލި ކޮށްލަން ރަންރީނދުލޭ މެންނަށް. އޯ ޓްރައި ޓު އަންޑަރސްޓޭންޑް މީ. ދިސް އިޒް ދަ ފީލިންގް.
ދެޔޯ
14 September 2017
ސިންގަޕޫރުން ބިންކޮޅެއް ގަނެލާކަށް ނުކެރުނުދޯ ދުނިޔޭގެ ބޮޑެތި ބޮޑެތި މަހުޖަނުންނަކަށްވެސް.
ދަވޭ
14 September 2017
ތިޔާ ހުރިހާ ބިން ތައް ބީއެމްއެލް އިން ގަނެލުން އެއީ ބީއެމްއެލް މިހާރު ރިޗް ބޭންކް އަކުން ސުޕަރ ރިޗް ބޭންކް އަކަށް ބަދަލު ވެގެން ދާނެ ކަމެކެވެ. މަމެން އުއްމީދު ކުރަން މިއުސޫލުން މިކަން ކޮށް ބީއެމްއެލްގެ ފިކްސްޑް އެސެޓްސް ގެ ގޮތުގައި މާލެ ސަރަހައްދުން 1000 ބިން ހޯދާނެ ކަމަށް ކުރިއަށް އޮތް 10 އަހަރު ދުވަހު. އެއިރުން އެ 1000 ބިން ވިއްކާލި ނަމަވެސް 1000 ބިލިއަން ރުފިޔާ 10 އަހަރު ފަހުން ބީއެމްއެލް އަށް ލިބޭނެ ނޫންތޭ. ދިސްވޭ އިޒް ދަވޭ..