ބޮޑެތި ބޯޓުފަހަރު ޖެއްސޭގޮތަށް ކޫއްޑޫ އެއާޕޯޓް ތަރައްގީކޮށްފި

ގއ. ކޫއްޑޫ އެއާޕޯޓްގައި އޮތް މަތިންދާބޯޓަކަށް ބަޔަކު އަރަން ދަނީ: އެ އެއާޕޯޓުގެ ރަންވޭ ދިގުކުރުމަށްފަހު އަލުން މިއަދު ހުޅުވާނެ.

އަބްދުﷲ ޖަމީލު، މިހާރު

25 ސެޕްޓެމްބަރ 2017 - 13:06

10 comments

ބޮޑެތި ބޯޓުތައް ޖެއްސޭ ފެންވަރަށް ތަރައްގީކުރުމަށް ފަހު ކޫއްޑޫ އެއާޕޯޓް މިއަދު އަލުން ރަސްމީކޮށް ހުޅުވާ ގޮތަށް ހަމަޖައްސައިފި އެވެ.

ކުރީގެ ރައީސް މުހައްމަދު ނަޝީދުގެ ވެރިކަމުގައި ސިންގަޕޫރުގެ ބޮނަވިސްޓާ އާ ހަވާލުކޮށްގެން ގާތްގަނޑަކަށް ހަތް މަސް ދުވަހުގެ ތެރޭގައި ތަރައްގީކުރި ޑޮމެސްޓިކް އެއާޕޯޓު ރަސްމީކޮށް ހުޅުވައިދެއްވީ ސެޕްޓެމްބަރު 10، 2012ގައި ކުރީގެ ރައީސް މުހައްމަދު ވަހީދެވެ. އަދި 1،800 މީޓަރުގެ ރަންވޭއަކާ އެކު އެ އެއާޕޯޓް ޖެޓް ޖެއްސޭ ފެންވަރަށް މި ވެރިކަމުގައި އަލުން ތަރައްގީކުރީ ސިންގަޕޫރުގެ ކިއޮންހޮންގް ކޮންސްޓްރަކްޝަން އާއި ރާއްޖޭގެ ރިސޯޓް އެންޑް ހޮޓެލް ކޮންސްޓްރަކްޝަން ކޮމްޕެނީ ގުޅިގެންނެވެ.

ކޫއްޑޫ އެއާޕޯޓް އަލުން ހުޅުވައިދެއްވާނީ މިއަދު ހަވީރު ބާއްވާ ހާއްސަ ރަސްމިއްޔާތެއްގައި ރައީސް އަބްދުﷲ ޔާމީނެވެ. މީގެ އިތުރުން އެ އެއާޕޯޓާއެކު އެ ރަށުގައި ހެދި 68 ވިލާ ހިމެނޭ ގޮތަށް ހެދި ރިސޯޓު ވެސް މިރޭ ރަސްމީކޮށް ހުޅުވައިދެއްވާ ގޮތަށް ވަނީ ހަމަޖެހިފަ އެވެ.

ޖެޓް ޖެއްސޭ ފެންވަރަށް ތަރައްގީކުރުމަށް ފަހު ކޯޑު ސީ ކެޓަގަރީގެ އެއާޕޯޓެއްގެ ގޮތުގައި ކޫއްޑޫ އަލުން ހުޅުވާއިރު އެ އެއާޕޯޓަށް އެއާބަސް އޭ 320 މަރުކާގެ 180 ޕެސެންޖަރުން އުފުލާ ބޯޓާއި ބޮއިން 737 މަރުކާގެ 190 ޕެސެންޖަރުން އުފުލާ ބޯޓުގެ އިތުރުން ހުރިހާ ކްލާސްއެއްގެ ޕްރައިވެޓް ޖެޓް އެ އެއާޕޯޓަށް ޖެއްސޭނެ އެވެ.

ސަރުކާރާ އެކު ހެދި 25 އަހަރު ދުވަހުގެ އެއްބަސްވުމުގެ ދަށުން އެ އެއާޕޯޓް ކުއްޔަށް ދިނީ އަހަރަކަށް 24،000 ޑޮލަރު (ގާތްގަނޑަކަށް 370،000ރ.) އަށެވެ.

ޓޫރިޒަމް ރިސޯޓްތައް ގއ. ކޫއްޑޫ ކޫއްޑޫ އެއާޕޯޓް ރައީސް އަބްދުﷲ ޔާމީން

10 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތަރައްގީ

29 September 2017

ކިހާ ބޮޑެއްގެ ވާހަކަ ތިއިސްތިހާރުކުރަނީ؟ އޮޅުވާނުލާ އަމިއްލަނަފުސަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޓް

26 September 2017

ކިހިނެއް ހުރިހައި ކުލާހެއްގެ ޕުރައިވެޓް ޖެޓެއް ތިތަނަށް ޖައްސާނީ؟ ބައެއް މީހުންގެ ޕުރައިވެޓް ޖެޓަކީ ބޮއިންގ 747.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ޖޯކެެއް

25 September 2017

16 ހެޛްޓަރ ހުންނަ ފަޅުރަށެއް ދަނޑުވެރިކަން ކުރަން ވެސް ދިވެހިން ނަށް މިސަރުކާރުން ކުއްޔަށް ދެނީ ތިއަށް ވުރެ އަނގު ބޮޑު ކޮށެވެ. 16 ހެކްޓަރގެ ފަޅުރަށެއް ގައި ދަނޑުވެރިން ކުރެވޭ ކަހަލަ ބިން އޮންނާނީ 9 ހެކްޓަރ އެވެ. ބިމުގެ އަކަފޫޓަކަށް އަހަރަކު 10 ލާރި( މާނައަކީ 10 އަކަފޫޓަށް) 100 ރުފިޔާ މަގުން ރަށުގެ ބިމުކުލި( 5 އަހަރު ކުލި އެއްފަހާރާ) ދައްކާފައި މިނިސްޓްރީގެ ޓެރެސްޓް ފަންޑަށް އަހަރަކު 1ލައްކަ ރުފިޔާ ދައްކާފައި އިޖްތިމާއީ މިނިސްޓްރީ އިން ބުނާ 5 ކަމަކަށް އަހަރަކު 100،000 ޚަރަދު ކޮށްފައި 5 އަހަރު ދުވަހު ތެރޭ 10 މިލިޔަން ރުފިޔާ ޚަރަދު ކުރާން އެއްބަސް ވެގެން ދަނޑުވެރިކަން ކުރުމަށް ފަޅުރަށެއް ކުއްޔަށް ހިފުމަށް ވުރެ އެއަރ ޕޯޓެއް ކުއްޔަށް ހިފުން މާރަގަޅު ނޫން ތޯއެވެ.ޖޯޖް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންގަނާ

25 September 2017

އަހަރަކު ފަސްބިލިއަނަށް ކުއްޔަށް ދިނުމުން ޓިކެޓް ވިއްކަން ޖެހޭނީ އެބައި ހިމަނައިގެންނެވެ. މިގޮތް ކަމުދާ ކަމަށްވާނަމަ ތިއަތޮޅުގެ ރައްވެހިން ލައްވާ ޕެޓިޝަނެއް ހުށަހެޅުން އެގޮތް ހަމަޖައްސާދެވޭނެއެވެ. ނިކަމެތި ރަައްޔިތުންގެ މަތިން ބައެއްމީހުން ހަދުމަނުވާކަމީ ދެރަވަރުކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލި

25 September 2017

އަހަރަކު 370,000 އަށް, މަހަކަށް އެއީ 30,833. މިއީ ހަމަ ބޭރުބަޔަކަށް އެއަރޕޯޓެއް ކުއްޔަށް ދިނުމަށް ހަމަ އަގެއްތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖޭ

25 September 2017

ޑޮމެސްޓިކް އެއަރޕޯޓްތަށް ހިންގަމުން އައީ ދަރަނީގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

25 September 2017

ތިއަދަދު އެއާޕޯޓްގަ ކުޑަ ކަޑާއެއް ހަދައިގެން ހެދިކާ ވިއްކައިގެންވެސް ލިބިދާނެދޯ؟ ކޮބާ އޭސީސީ؟ އަބަދު ސިންގަޕޫރު ކުންފުނިތަކާވެސް ހަވާލު މިކުރަނީ ކޮންމެވެސް ސަބަބެއް އޮވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމަތު

25 September 2017

އަހަރަކަށް 370،000 ރުފިޔާއޭ ސުބްހާނައްﷲ އަހަރުން ގޭ ކުއްޔަށްވެސް އެބަދައްކަން 3 ރޫމްގެ ތަނަކަށް އަހަރަކަށް ތިން ލައްކަ ރުފިޔާ. ކިހިނެތް ހަދާނީ ދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެހެ

25 September 2017

އެތަންދިނީ ސްޓާފުންގެ މުސާރައާ ކަރަންޓާފެނާ އެއަރޕޯޓްބެލެހެއްޓުން ވެސްހިމެނޭގޮތައް. މިކަންކަމަށް މަހަކު 1-2 މިލިއަން ހަރަދުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށް ފެށިގެން ދާމަންޒަރު ބަ

25 September 2017

ދެން ހުވަދޫ އަށް އަވަހަށް ޝެޑިއުލް ދަތުރތުފެށި ހުވަދޫގެ ރިސޯޓް ތަކަށް ސީދާ ކޫއްޑޫ އަށް އަށްޑޫގެ ރިސޯޓް ތަކަށް ސީދާ ގަމަށް ފެށިގެން ދާމަންޒަރު ބަލަންބޭނުމީ. މަރުހަބާރައީސް،