ޚަބަރު / މެމްބަރު ގާސިމް އިބްރާހިމް (މާމިގިލި)

ގާސިމްގެ ބޭސްފަރުވާ އަށް އިތުރު 5 ދުވަސް ދީފި

ގާސިމް ބޭސްފަރުވާއަށް ސިންގަޕޫރަށް ފުރާވަޑައިގަތުމަށް ހޮސްޕިޓަލުން ނުކުންނަވަނީ.

އަބްދުﷲ ޖަމީލު، މިހާރު

26 ސެޕްޓެމްބަރ 2017 - 18:46

ބޭސްފަރުވާއަކަށް ސިންގަޕޫރުގައި ހުންނެވި ޖުމްހޫރީ ޕާޓީގެ ލީޑަރު ގާސިމް އިބްރާހީމަށް އިތުރު ފަސް ދުވަސް ދީފައިވާ ކަމަށް މޯލްޑިވްސް ކަރެކްޝަނަލް ސާވިސް އިން ބުނެފި އެވެ.

ގާސިމަށް އެންގި އެންގުމާ އެއްގޮތަށް ރާއްޖެ ވަޑައިނުގަތުމުން ދެން އަމަލު ކުރާނެ ގޮތެއް އަދި ނުނިންމާ ކަމަށް ކަރެކްޝަނަލް ސާވިސް އިން މިއަދު ބުނެފައިވެ އެވެ. ނަމަވެސް ކަރެކްޝަންސް އިން މިއަދު ހަވީރު ބުނީ ގާސިމަށް މާދަމާ އިން ފެށިގެން އިތުރު ފަސް ދުވަސް ހަމަޖައްސާދީފައިވާ ކަމަށެވެ.

ތިން އަހަރުގެ ޖަލު ހުކުމެއް އިއްވާފައިވާ ގާސިމްގެ ހިތުގެ ބައްޔަކަށް ރާއްޖެ އިން ކުރެވެން ނެތް އޮޕަރޭޝަނަކާއި ޓެސްޓުތައް ހަދަން ދިނީ 10 ދުވަހެވެ. އެ މުއްދަތުގައި އޮޕަރޭޝަން ނުކުރެވިގެން އިތުރުކޮށްދިން 10 ދުވަސް މިއަދުގެ ނިޔަލަށް ހަމަވާތީ، ކަރެކްޝަންސް އިން އެންގީ ގާސިމް އިއްޔެ މާލެ ވަޑައިގަތުމަށެވެ.

ގާސިމްގެ ސިއްހީ ހާލަތު ހުރި ގޮތުން މި ވަގުތު ދަތުރު ނުކުރެއްވުމަށް ސިންގަޕޫރުން އޭނާ ބެއްލެވި ޑޮކްޓަރުން ލަފާ ދެއްވާފައިވާތީ ސިންގަޕޫރު އެއާލައިންސަކަށް ނޭރުވި އެވެ. އެހެންވެ ގާސިމަށް ރާއްޖެ ވަޑައިގެންނެވޭ ގޮތެއް ނުވި އެވެ.

ބޭސްފަރުވާއަކަށް ވަޑައިގެން ހުންނެވި ގާސިމް ފުރާވަޑައިގަތުމަށްޓަކައި ސިންގަޕޫރު އެއާޕޯޓަށް ވަޑައިގެން ޑޮކްޓަރުގެ ލިޔެކިޔުންތައް ސިންގަޕޫރު އެއާލައިންސަށް ދެއްކެވުމުން، އެ އެއާލައިނުން އެންގީ އެ އެއާލައިންސްގެ ބޯޓެއްގައި ފުރާވަޑައިނުގެންނެވޭނެ ކަމަށެވެ. ބޭސްފަރުވާ އަށް ތިން މަސް ދުވަހު ސިންގަޕޫރުގައި މަޑުކުރައްވަން ޖެހޭނެ ކަމަށް ޑޮކްޓަރުން ލަފާ ދެއްވުމުން ގާސިމްގެ ބޭސްފަރުވާގެ މުއްދަތު އިތުރު ކޮށްދޭން އާއިލާ އިން ވަނީ އެދިފަ އެވެ.

ގާސިމް ގާސިމްގެ ހިތުގެ އޮޕަރޭޝަން މި މަހުގެ 20 ގައި ކޮށްފައިވާ އިރު، އަންނަ ޑިސެމްބަރު މަހުގެ ނިޔަލަށް ސިންގަޕޫރުގައި މަޑުކުރައްވަން ޑޮކްޓަރުން ވަނީ ލަފާދީފަ އެވެ.

ސިންގަޕޫރު މެމްބަރު ގާސިމް އިބްރާހިމް (މާމިގިލި) ކަރެކްޝަނަލް ސާވިސް

11 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ ޖަލީލް

27 September 2017

ޓިކްޓޮކް ޓިކްޓޮކް... ދުވަސް ތައް ގުނަނީ، ޖަލުދޮރު ހުޅުވެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުނބޯ

27 September 2017

ޙަ ހަ ހަހަހަ.....މަހުއްދަމިދެނީ،،، ޤާސިމް ބޭސްފަރުވާކުރާނެގޮތަކައް ކޮއްފައާދޭ.........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީނު

27 September 2017

ސަރުކާރުން ޤާސިމް ދެކެ ހާދަ ބިރެއްގަނެޔޭދޯ؟ އަނިޔާވެރިކަމުން މީހުންނަށް ހެޔޮނޭދޭ ބަޔަކު މިނޫނިއްޔާ މަނުދެކެން.. މިއީ އަނިޔާވެރިކަމުގެ އިންތިހާ. ޤާސިމްހާ ހެޔޮލަފާ ރަގަޅު އިންސާނަކަށް ޔާމީނުވިނަމަދޯ؟ އެކަމަކު ފިރުއައުނާއު ޤާރޫނަށްވެގެންދިޔަ ގޮތް އަހަރުމެން ހަނދާނުގައި ހުންނާނެ ނަމަ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހޭ

27 September 2017

ކޯޓުން މުއްދަތު ޖަހާ ގޮތައް 5 ދުވަހުން 5 ދުވަހުން 3 މަސްވަންދެން އިތުރުކޮއްކޮއްތިބޭ. 3 މަސްދުވަސް އިތުރުކޮއްދިން ކަމަކައްނުވާނެނުދޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޞޫ

27 September 2017

ދެން މިނިސްޓަރ އަޒލީން ބުނީމަ ހަަމ އިޙުލަސް ތެރިކަމޭ ކިޔާފަ އަތް ޖަހަން ވީތަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒެޑްސް 1

26 September 2017

ދެން ދެ ދަޅައަށް ބޭސް ކާ އުސޫލުން ގާސިމް ފުރަން އަންގައިގެން ސިންގަޕޫރު އެއަރޕޯޓަށް ދަމާ. ބުނެގެން ކަރެކްސަނުން އެ ޖެއްސުން ކުރަނީ ސިންގަޕޫރު އެއަރލައިން އާއި.