03 އޮކްޓޯބަރ 2017 - 18:12
13 comments
ބޭސްފަރުވާ އަށް މިހާރު ސިންގަޕޫރަށް ވަޑައިގެން ހުންނެވި ޖުމްހޫރީ ޕާޓީގެ ލީޑަރު އަދި މަޖިލީހުގެ މާމިގިލީ ދާއިރާގެ މެމްބަރު ގާސިމް އިބްރާހިމް އުޅުއްވަނީ ފިއްލަވައިގެން ނޫން ކަމަށާއި، ގާސިމްގެ ބަދަލުގައި ފުލުހުން ހޯދަންވީ މި ގައުމުގައި ފިލައިގެން އުޅޭ ބޮޑެތި ކުށްވެރިން ކަމަށް އެ ޕާޓީގެ ސެކްރެޓަރީ ޖެނެރަލް އަހުމަދު ސަމީރު މިއަދު ވިދާޅުވެއްޖެ އެވެ.
މ. ކުނޫޒުގައި މިއަދު ހަވީރު ބޭއްވި ނޫސްވެރިންގެ ބައްދަލުވުމެއްގައި ސަމީރު ވިދާޅުވީ، ގާސިމް ފިއްލަވައިގެން އުޅުއްވާ ކަމަށް، ކަރެކްޝަނަލް ސާވިސް އިން ބުނުމަކީ އަދުލުވެރިކަމެއް ނޫން ކަމަށެވެ. އަދި އޭނާއަކީ ފިއްލަވާނެ އަދި ފިއްލެވޭނެ ހާލަތެއްގައި ވެސް ހުންނެވި ބޭފުޅެއް ނޫން ކަމަށް ސަމީރު ވިދާޅުވި އެވެ.
ކަރެކްޝަންސް އިން މިއަދު ބުނީ ސިންގަޕޫރުން ފަރުވާ ހޯއްދަވަން ގާސިމަށް ތިން ފަހަރަށް ދިން މުއްދަތު ހަމަވިއިރު ވެސް ރާއްޖެ ވަޑައިނުގަތުމުން، މިހާރު އެ ތަނުން ބަލަނީ އޭނާ ފިއްލަވައިގެން އުޅުއްވާ ކަމަށެވެ.
ކަރެކްޝަންސްގެ މީޑިއާ އޮފިޝަލަކު ވިދާޅުވީ ސިންގަޕޫރުން ފަރުވާ ހޯއްދަވަން ގާސިމަށް ދެ ފަހަރަށް ދިން މުއްދަތު ހަމަވުމުން، ހަފުތާއެއް އިތުރުކޮށްދިނީ ރާއްޖެ ވަޑައިގަތުމަށް ވާން ޖެހޭ ތައްޔާރީތަކަށް ކަމަށެވެ. އެކަމަކު އެ މުއްދަތު އިއްޔެގެ ނިޔަލަށް ހަމަވި އިރު ވެސް އޭނާ ރާއްޖެ ވަޑައިނުގަތުމުން އޮންނަ އުސޫލުގެ ދަށުން ހޯދަން ފުލުހުންނަށް ހުށަހަޅާނެ ކަމަށް ވިދާޅުވި އެވެ.
މި ވާހަކަ އަށް ރައްދު ދެއްވަމުން ސަމީރު ވިދާޅުވީ ގާސިމަށް ވުރެ، ރާއްޖޭގައި ފިލައިގެން އުޅޭ ކުށްވެރިން ހޯދުން މާ އައުލާކަން ބޮޑު ކަމަށެވެ.
އޭނާ ވިދާޅުވި ގޮތުގައި ގާސިމް އެނބުރި ވަޑައިގެންނެވޭ ގޮތް ނުވަނީ އޭނާގެ ބޭސް ފަރުވާގެ ކަންކަން ނުނިމުމާއި ސިއްހީ ހާލަތު ހުރި ގޮތުންނެވެ. އަދި އެ ހުރިހާ ކަމެއް ވެސް ޑޮކްޓަރުގެ ރިޕޯޓުތަކާއި ޓެސްޓުތަކުގެ ނަތީޖާއާ އެކު ކަރެކްޝަންސް އަށް ފޮނުވާފައިވާނެ ކަމަށް ވިދާޅުވި އެވެ.
ގާސިމްގެ ވަކީލުން ބުނާ ގޮތުގައި ކަރެކްޝަންސްގެ އެންގުމާ އެއްގޮތަށް ރާއްޖެ ވަޑައިގަތުމަށް ދެ ފަހަރަށް ގާސިމް އެއާޕޯޓަށް ވަޑައިގެންނެވި އެވެ. އެކަމަކު ދަތުރުކުރައްވަން ސިއްހީ ހާލު ތަން ނުދޭތީވެ ސިންގަޕޯ އެއާލައިނުގެ ބޯޓަށް ގާސިމް ނޭރުވިކަން ވެސް ކަރެކްޝަނަށް އަންގާފައިވާނެ ކަމަށް ވަކީލުން ބުނެ އެވެ.
ސަމީރު ވިދާޅުވީ ބޭސްފަރުވާގެ ކަންކަން ނިމެންދެން އެކަށީގެންވާ މުއްދަތެއް ދޭން ޖެހޭނެ ކަމަށް ކްރިމިނަލް ކޯޓުން ހުކުމް ކޮށްފައިވީ ނަމަވެސް އެއާ އެއްގޮތަށް ކަރެކްޝަންސް އިން އަމަލު ނުކުރާތީ އެ މައްސަލަ ކޯޓަށް ހުށަހަޅާފައިވާނެ ކަމަށެވެ. އަދި މި މައްސަލަ ކޯޓަށް ވައްދާފައި އޮއްވައި، ކަރެކްޝަންސް އިން މި ގޮތަށް ބުނުމަކީ ގިނަ ރައްޔިތުންތަކެއް ހިތްހަމަނުޖެހޭނެ ކަމެއް ކަަމަށާއި އެކަން އިސްލާހުކޮށް، ބޭސް ފަރުވާ ހޯދުމުގެ ފުރުސަތު ގާސިމަށް ދެއްވުމަށް ޖުމްހޫރީ ޕާޓީން ވަނީ އެދިފަ އެވެ.
ގާސިމްގެ އޮޕަރޭޝަނަށް ފަހު ތިން މަސް ދުވަހު ސިންގަޕޫރުގައި މަޑުކުރަން ޑޮކްޓަރުން ވަނީ ލަފާ ދެއްވައިފަ އެވެ. ގާސިމްގެ ވަކީލުން ބުނަނީ އޭނާގެ ހިތުގެ އީޕީ ސްޓަޑީ މި މަހު 19 ގައި ސިންގަޕޫރުގެ މައުންޓް އެލިޒަބަތު ނޮވީނާ ހޮސްޕިޓަލުގައި ހަދަން ޝެޑިއުލް ކޮށްފައިވާ ކަމަށެވެ. އީޕީ ސްޓަޑީ އަށް ފަހު ވެސް އިތުރު ފަރުވާ އަށް ސިންގަޕޫރުގައި ހުންނަވަން ޖެހޭނެ ކަމަށް ޑޮކްޓަރު ލަފާ ދެއްވާފައިވާކަން ކަރެކްޝަނަށް އަންގާފައިވާނެ ކަމަށް ވެސް ވަކީލުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
04 October 2017
ރައީސް ޔާމީނު އުޅުއްވަނީ މިހާރު ޒާތީގޮތުން ގާސިމްއާއި ޖައްސާލައިގެން، އެހެން އެމަނިކުފާނު އުޅުއްވާތީ ސަރުކާރުގެ އެހެން އިދާރާތަކުންވެސް އުޅުއްވަނީ އެގޮތަށް ގާސިމްގެ ފަހަތުން، މިއީ ދިވެހިރާއްޖޭގެ ސަރުކާރުގެ މައްސައަކީ، ހެދިފައިވާ ގާނޫނުތަކަށް ގަވައިދުތަކަށް އުސޫލުތަކަށް ނުބަލައި ވަކި މީހެއްގެ ފަހަތުން އެނބުރޭބައެއް، ގާސިމް ސިންގަޕޫރުގައި ހުންނެވީމަ ދިވެހި ސަރުކާރަށް ގެއްލުންވަނީތޯ؟ އެމްއެމްޕީއާރްސީގެ ފައިސާނަގައިގެން ފިލައިގެން އުޅޭ މީހުން ހޯދަބަލަ، ނުވަތަ އެފައިސާ ހޯދަބަލަ، އެފައިސާވެއްޖެނޫންތޯ ބޭރުގައި
މާރޮންޑު
04 October 2017
ސަމީރުރު އެވިދާޅުވަނީ ތެދުފުޅެއް އިންގެރޭސިވިލާތުގަ އެތިއްބެވި ބޭޅުން އެތިއްބެވީ ފިއްލަވައިގެން ވީމާ އެވިދާޅުވާގޮތައް ހޯދަވަންވީ ފިއްލެވި ރައީސް
އަޛާން
04 October 2017
ތިޔައީ ހަމަ ޤާސިމަށް ކުރާ ޖެއްސުން. ޤާސިމް ބޭސްފަރުވާއަށް ގެންދިޔައީ ސީދާ ސަރުކާރުގެ ބޮޑު ހޮސްޕިޓަލުން އެއަރޕޯޓަށް. ވީމާ، ބޭސްފަރުވާއަށް މީހަކަށް ހުއްދަ ދިންކަމަށްވާނީ އެމީހަކު އެ ދިޔަކަމަކަށް އެކަށީގެންވާ ފަރުވާއެއް ލިބުމުން. ދެން މުއްދަތު އިތުރުކޮށްދިނީވެސް އަދަދު ގުނަންވެގެނެް. ފަހަރަކު 5 ދުވަހުން 10 ދުވަހުން. އެއްވެސް ހެޔޮނިޔަތެއް އިޚްލާޞްތެރިކަމެއްނެތް. ރަހުމެއް ހަމްދަރުދީއެއްނެތް. އޮތީ ހަމައެކަނި ދެއްކުންތެރިކަމާއި ނުބައި ނުލަފާކަން. ޤާސިމަށް ކަނޑުފީނާފަތަ އަންނަންވީ. ބަލަ ޤާސިމަށް ވުރެ ކުރިން ޖަލަށްލާންޖެހޭނީ ހަރާމް ފައިސާ ގެއަށް ވެއްދިކަމަށް އެއްބަސްވެފައިވާ މީހުން. ޤާސިމަށް އަވަސް ޝިފާއެއް މިންވަރުކުރައްވާ. ނުބައިނުލަފާ ވެރިންނާއި އިންސާފެއްނެތް ފަޑިޔާރުންގެ ކިބައި އަޅަމެންނަށް ގަދަކަން ދެއްވާންދޭވެ.!
ތަމެންނޭ
03 October 2017
އެމެންނަށް މާ މުހިއްމޭ ސިޔާސީ ކަންތަކާ ބެހޭ މީހުން ހިފުން، ޖަސްޓް ސްޓޭ ދެއަރ ގާސިމް
ހޮވާކާ
03 October 2017
އަސްލު ގާސިމް އިބުރާހިމް ރާއްޖެ ގެނައުމުގެ ވިސްނުމަށްވުރެ ބޮޑަށްހުރީ ހާސްކަމެއްގެ ތެރޭބެހެއްޓުންކަމަށް ފެންނަނީ. ގަނަތެޅުވުމާއި އަޅުވެތިކުރުމުގެ ގޮތްފެންނަނީ.
ކުޑަބެ
03 October 2017
ގާސިމް ކާކަށްތަ ފިލަނީ....... ގާސިމްތަ ރައްޔިތުންގެ ފައިސާއިން ވައްކަންކުރަމުން ދުވަނީ؟ ބަލިޙާލުހުރިގޮތް މިރާއްޖޭގެ އެންމެންނަށްއެގޭ ސަރުކާރާއި ޕިންކީންތައް ފިޔަވާ.
މެންޓަލިސްޓް
03 October 2017
އަޅުގަނޑު ހިތައްއަރަނީ ގާސިމްއެވަރުަކުން ގެންނަންވެގެން މިއުޅެނީ ކީއްކުރަންބާވައޭ ؟؟ ޢޭނާގެ މީރާއަށް ދައްކަންއޮތް ކަމަށްބުނާ 125މ ޑޮލަރުވެސް ކޯޓްމެދުވެރިކޮށް ސަރުކާރަށް ނަގަންވީނޫންތޯ އަދި ނުދެއްކީމައި ރިސޯޓްތަށްވެސް ނަގަންވީނޫންތޯ ؟؟ ގާސިމް ސިންގަރޕޯރގައި ހުރެގެން ސަރުކާރަށް ވަނީ ކޮންގެއްލުއްތޯ ؟؟ އަނެއްކާ އެތަނުން ރާވައިގެން ސަރުކާރު ވައްޓާލަނީތޯ ؟؟ އަސްލުގައި ގާސިމް ސިންގަރޕޯރގައި ހުރީމައި ސަރުކާރަށް މާބޮޑަށް ފަސޭހަވާނެކަމަށް ފެންނަނީ ،،، އަނެއްކާ ކޮންޕްލޭންއެއްގެ ދަށުން ހިނގާކަމެށްބާވައޭ އެބަހިތައްއަރާ ؟!! ވަރަށްވެދުން
ވާނެ
03 October 2017
އަނިޔާވެރިންގެ ނިމުން ހިތިވާނެ, ﷲއިންޝާ
އަވަސް
03 October 2017
ގާސިމަށް އަވަސް ޝިފާއަކަށް އެދެން. އަނިޔާވެރިންނަށް ރައްޔިތުންނަށް އަނިޔާވެރިވާކަށް ތާއަބަދު ވެރިކަމުގައި ނުތިބެވޭނެ, އިންސާފު އަރާހަމަކުރާނެ, ﷲއިންޝާ
ތެދު
03 October 2017
އަދުލުއިންސާފު ގާއިމްނުކުރާ ވެރިން ނިކަމެތި ކުރައްވާނދޭވެ!