މޯލްޑިވިއަންގެ ބޯޓު ވެއްޓިފައި -- ފޮޓޯ: ކިޔުންތެރިއެއް
05 އޮކްޓޯބަރ 2017 - 11:12
10 comments
އިއްޔެ ވެއްޓުނު މޯލްޑިވިއަންގެ ސީޕްލޭންގެ ތަހުގީގަށް އެބޯޓް ސިވިލް އޭވިއޭޝަންގެ ބެލުމުގެ ދަށަށް ގެންގޮސްފި އެވެ.
ގާތްގަނޑަކަށް ފަސް މިލިއަން ޑޮލަރުގެ މބޯޓު ވެއްޓުނީ އައި ގަދަ ކޮޅިގަނޑުގެ ތެރޭގައި ހުޅުލޭ ފަޅަށް ޖައްސަން އުޅުމުގެ ތެރޭގައި ބޯޓު އަރިއަޅާލައިގެންނެވެ.
މޯލްޑިވިއަންގެ މީޑިއާ ކޯޑިނޭޓަރު އަލީ ނަޝާތު ހަމީދު ވިދާޅުވީ އެބޯޓް މޫދުން ނަގައި މިހާރު ވަނީ ސިވިލް އޭވިއޭޝަންގެ ބެލުމުގެ ދަށުގައި ކަމަށެވެ. ނަމަވެސް ބޯޓަށް ވެފައިވާ ގެއްލުންތަކުގެ ތަފްސީލް އަދި ނުލިބޭ ކަމަށް ވިދާޅުވި އެވެ.
"ސިވިލް އޭވިއޭޝަނުން އިންވެސްޓިގޭޝަން ނިންމީމަ އަޅުގަނޑުމެންގެ އެސެސްމަންޓްތައް ހެދޭނީ،" ނަޝާތު ވިދާޅުވި އެވެ.
ޖައްސަށް އުޅުމުގެ ތެރޭގައި ވެއްޓުނު ބޯޓް ރޭ ނަަގަނީ --ފޮޓޯ: ކިޔުންތެރިއެއް
ފެންނަ ފެނުމަށް ބަލާއިރު ބޯޓަށް ވަނީ ބޮޑެތި ގެއްލުންތަކެއް ލިބިފަ އެވެ.
މޯލްޑިވިއަނުން ސީޕްލޭންގެ ގޮތުގައި ބޭނުންކުރަނީ ޓްވިން އޮޓާ ބްރޭންޑުގެ ޑީއެޗްސީ ޑޭޝް 6 ސީރީޒްގެ ބޯޓުތަކެވެ. އެއީ ކްރޫންނާއި ފަސިންޖަރުންނާ އެކު 18 މީހުންގެ ޖާގައިގެ ބޯޓުތަކެވެ. މޫދަށް ޖައްސާ މި ބާވަތުގެ ބޯޓެއްގެ އަގު މާކެޓުގައި އުޅޭނީ 4.4 މިލިއަން ޑޮލަރާއި ފަސް މިލިއަން ޑޮލަރާ ދެމެދުގަ އެވެ. ނިޔާމަ ރިސޯޓުން ދަތުރުކުރި ބޯޓު ހުޅުލޭ ފަޅަށް ޖައްސަން އުޅުމުގެ ތެރޭގައި ވެއްޓުނު އިރު ބޯޓުގައި ތިބީ 18 މީހުން ތިއްބެވެ. އެއީ 15 ފަސިންޖަރުންނާއި ތިން ކްރޫންނެވެ. އެކަމަކު ހާދިސާގައި އެއްވެސް މީހަކަށް ގެއްލުމެއް ނުލިބ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޅާ
05 October 2017
ސިވިލް އޭވިއޭޝަންގެ ތަހުޤީޤެކޭ އިލްޝަން ކޮމިޝަނުން ކުރާ ތަހުޤީޤެކޭ އެއްވަރު ވާނެ. މިނިވަން އެއްވެސް ކަމެއް ނޯންނާނެ.
ތަހްގީގް
05 October 2017
ނިމުނު ގޮތަކީ ތި މައްސަލައިގެ ކުއްވެރިވަނީ ޕެސެންޖަރުން، އެއީ އެމީހުން ބޯޓައް އެރީމަ އޯވަ ލޯޑް ވެގެން ކްރޭޝް ވީ، ވީމާ 15 ޕެސެންޖަރުން 1 މަސް ދުވަސް ތެރޭ 5 މިލިއަން ޑޮލަރު އެންމެނަށް ބަހާލައިގެން ކަމާބެހޭ ފަރާތް ތަކައް ދައްކާ ހަލާސް ކުރުމަށް ދަންނަވަން
މަޒް
05 October 2017
ތަހުގީގުކޮއް ނިމޭ އިރު ތިކަން ކުރިކަމަށް ވާނީ ކޮންމެވެސް އިދިކޮޅު މީހެއް
އެކްސް
05 October 2017
އެމެރިކާގެ އެންޓީއެސްބީ ފަދަ ޖަމާއަތެއްގެ ކަމާބެހޭ މާހިރުންލައްވާ މިހާދިސާ ތަހުގީގު ކުރުވުމަށް ގޮވާލަން.
ދދސފ
05 October 2017
ކިހާ ދެރަކަމެއް. ނުވެއްޓެޔޭ. ކްރޭޝް ލޭންޑިންއެއް ހެދީ. ؛ޕ
މެންޓަލިސްޓް
05 October 2017
ސިވިލްއޭވިއޭޝަންއަކު ނުހުންނާނެ ތިޔަކަމުގެ ފުރިހަމަ ތަހްގީގެއްކުރެވޭ ފެންވަރުގެ އެކަކުވެސް ،، މިހަންބުނީމައި އެމީހުން ފަހަރުގައި ނައްޓާފާނެ ،، އެކަމު ހަމަ ނުހުންނާނެތީވެ މިބުނަނީ ނުހުންނާނެ ،، ތިޔައީ އަސްލު ހަމަ ސީރިއަސް މައްސަލައެއް ،،، ކަމުގެ މާހިރުންފެ އެހީހޯދައިގެން ހާދިސާހިނގަން ދިމާވި ގޮތަފޮތް ހޯދަންވާނެ ،، އެއީ އެންމެންގެ ރައްކަލަކަށްޓަކައި ކުރާކަމެށް ،، ރާޢްޖޭގައި ތިޔަކަހަކަ ކަންކަން ހިނގީމައި ޙިޔާލީ ނިންމުމެށްނިންމަމުން ދާކަމަށް ބޮޑަށް ފެންނާންއޮތީ ،،،،، ސިވިލްއޭވިއޭޝަންއިންވެސް ޖެހޭނީ ބޭރުގެ މާހިރުންހޯދައިގެން ރަގަޅު ނިޔަތުގައި ތިޔަކަން ބެލަން ،،، އޭރުން އޯކޭ ވާނެ ،،، ވަރަށްވެދުން
ރަދީފް
05 October 2017
ދިވެހިރާއްޖޭގެ ސިވިލްއޭވިއޭޝަނުގަ މިކަން ތަހްގީގް ކުރުމުގެ ކެޕޭސިޓީ އެބަހުރިތަ؟ ކޮންމެވެސް ކުއްޖަކު މިކަން ސާފްކޮށްލަދިނުން އެދެން. ވ.ވެދުން
ޢަފޫ
05 October 2017
ކުރިން ދިމާވި ކަންކަމުގެ ތަހްގީގްވެސް މިހާރުވެސް ކުރަމުން އެދަނީ.. ޕުލުހުންނަށް ޝުކުރު ދަންނަވަން ތިހާ ކުރިން ތަހްގީގް ފެށިކަން.. އިނގޭ މިކަހަލަ ކަންކަމުގެ ތަހްގީގް ނިމި އާއްމުންނަށް އިނގޭވަރު ވާނީ 30ވަރަކަށް އަަހަރު ފަހުންކަންވެސް.. ދިޗެހި ފުލުހުންގެ ކުޅަދާނަކަން އަވަހަށް ފެށުން.. އޭގެ ފަހުން ކިހިނެއްބާ ހަދަނީ..
ގަބުޅި
05 October 2017
މީހަކު އަޖައިބެއް ނުވާނެތަ؟ ފުލުހުންނެއް ނޫނޭ މިފަދަ ތަހްގީގްތައް ކުރަނީ!
ރަދީފް
05 October 2017
ޢަފޫ ، ވައްކަމުގެ މައްސަލައެއް ތަހްގީގްކުރަން އަލިފާންނިވާ ފަޔާމަނުން ދާނެތަ؟؟ ދެން ހަމަ ކޮމެންޓެއް ކޮށްލީ ދޯ.