ގަމުގެ ފްލައިން ސްކޫލްގައި ބޭނުން ކުރާ ބޯޓްތަކެއް ގަން އެއާޕޯޓްގައި. ފޮޓޯ: އޭއޭއޭ
11 އޮކްޓޯބަރ 2017 - 14:25
33 comments
ގަމުގައި ހިންގަމުން އަންނަ ސްރީ ލަންކާގެ ފްލައިން ސްކޫލް އޭޝިއަން އެކެޑެމީ އޮފް އެއިރޮނޮޓިކްސް (އޭއޭއޭ) ގެ އެގްރިމަންޓް އާނުކުރުމުގެ ވިސްނުމެއް އެބަ އޮތް ކަމަށް އައްޑޫ އިންޓަނޭޝަލް އެއާޕޯޓް ކޮމްޕެނީ (އޭއައިއޭ) ގެ ޖެނެރެލް މެނޭޖަރު އިބްތިޝާމާ އަހުމަދު ސައީދު މިއަދު ވިދާޅުވެއްޖެ އެވެ.
ގަމުގައި ފްލައިން ސްކޫލް ރަސްމީކޮށް ހުޅުވީ ޖުލައި 26، 2010 ގަ އެވެ. އެތަން ހިންގަން އޭއޭއޭ އަށް ދިން މުއްދަތު ހަމަވާނީ 2019 ގަ އެވެ. އެނގިފައިވާ ގޮތުގައި އެގްރިމަންޓް އާނުކުރުމުގެ ވިސްނުމެއް އޭއައިއޭ އިން ގެންގުޅޭ އިރު، އޭއޭއޭ އިން ވަނީ 20 އަހަރަށް މުއްދަތު އިތުރުކޮށް ދޭން ވެސް ކުރިން އެދިފަ އެވެ.
އިބްތިޝާމާ ވިދާޅުވީ އެގްރިމަންޓް އާނުކުރަން ދެވަނަ ވިސްނުމަކަށް ދާން ނިންމި މައިގަނޑު އެއް ސަބަބަކީ އެއާޕޯޓްގެ ތަރައްގީ އަށް ކުރަން ހުރި ކަންކަމަށް ބިން ބޭނުންވާތީ ކަމަށެވެ.
އޭއައިއޭގެ ޖެނެރަލް މެނޭޖަރު އިބްތިޝާމާ އަހުމަދު ސައީދު.
"އެއާޕޯޓްގެ ފުލީ އޮޕަރޭޝަނަށް ބިމުގެ އެކްސްޓެންޝަން އެބަ ބޭނުންވޭ. އަނެއްކޮޅުން ފައިނޭންޝަލީ ގަމުގެ އެއާޕޯޓްގެ އޮރަފޭޝަނަށް ބަލާ ކަމަށް ވަންޏާ ފްލައި ސްކޫލް މިތަނުގައި ހިންގުމަކުން އަޅުގަނޑުމެންގެ ކުންފުންޏަށް ވާ އެއްވެސް ފައިދާއެއް ނެތް،" އޭނާ ވިދާޅުވި އެވެ.
"އެހެންވެ ފައިނޭންޝަލީ ވައިބަލް ކަމަކަށް ވެސް އެކަން ނުވާތީ އަޅުގަނޑުމެން އެގްރިމަންޓް 2019 އަށް ފަހު އާނުކުރަން ވިސްނުން މި ގެންގުޅެނީ."
އިބްތިޝާމާ ވިދާޅުވީ މިކަން އޭއޭއޭ އަށް ވެސް މިހާރު އަންގާފައިވާ ކަމަށެވެ.
"ދެހާސް ނަވާރަ އަށް އެގްރިމަންޓް ހަމަވާތީ އަޅުގަނޑުމެން މިހާރު ވަނީ އޭގެ ފަހަށް އެއްވެސް ޕްރޮގްރާމެއް ނުހިންގާ ގޮތަށް އެ މީހުންގެ ޕްލޭންތައް ރާވަން ވެސް އަންގާފައި،" އޭނާ ވިދާޅުވި އެވެ.
ރާއްޖޭގައި ހިންގާ ހަމައެކަނި ފްލައިން ސްކޫލް ކުރިއަށް އޮތް ތަނުގައި ގަމުގައި ނެތަސް، އެއާޕޯޓް ތަރައްގީގެ ޕްލޭންގެ ތެރެއިން އޭވިއޭޝަން ދާއިރާއާ ގުޅުން ހުރި ވަރަށް ގިނަ ވަސީލަތްތައް ގަމުގައި ގާއިމްކުރެވޭނެ ކަމަށް އިބްތިޝާމާ ވިދާޅުވި އެވެ.
"އެއީ އެއްވެސް ޝައްކެއް އޮތް ކަމެއް ނޫން. އަޅުގަނޑުމެން މިތަނުގައި ވަރަށް ގިނަ ފެސިލިޓީތައް ގާއިމު ކުރާނަން. އެކަހަލަ ޕްލޭންތަކެއް އެބަހުރި،" އޭނާ ވިދާޅުވި އެވެ.
ފްލައިން ސްކޫލް ހިންގެވުމާ ހަވާލުވެ ހުންނެވި އޭއޭއޭގެ ހެޑް އޮފް ޓްރެއިނިން އަދި ޗީފް ފްލައިޓް އިންސްޓްރަކްޓަރު ކެޕްޓަން ސުރަންޖަން ޑި ސިލްވާ ކޮލޮމްބޯގައި ހުންނަވައިގެން ވިދާޅުވީ ފްލައިން ސްކޫލް ހިންގަން އޭއައިއޭ އިން 2015 ވަނަ އަހަރުން ފެށިގެން ފިއްތުންތައް ކުރިމަތި ކުރަމުންދާ ކަމަށެވެ.
ސުރަންޖަން، ގަމުގައި ޕައިލެޓް ޓްރެއިނިން ހަދާ ދަރިވަރަކާ އެކު. ފޮޓޯ/ އޭއޭއޭ
"އެހެންވެ އަޅުގަނޑުމެން މި ތައްޔާރުވަނީ މިތަނުން މިހާރު ދާން. ވަގުތު ވަރަށް ކުޑަ ތަންވެއްޖެ،" އޭނާ ވިދާޅުވި އެވެ.
"[އެކަމަކު] ފްލައިން ސްކޫލް ހުއްޓާލުމަކީ އައްޑު އަށް ލިބޭނެ ވަރަށް ބޮޑު ގެއްލުމަކަށް ވާނެ. އޭއޭއޭއަކީ މި ސަރަހައްދުގައި ވެސް ހުރި އެންމެ ބޮޑު ފްލައިން ޓްރޭނިން އެކެޑެމީ."
ސުރަންޖަން ވިދާޅުވީ މިކަމާ ގުޅޭ ގޮތުން އޭއައިއޭއާ މަޝްވަރާ ކުރި ނަމަވެސް އަލި މަގެއް ފެންނަން ނެތް ކަމަށެވެ. އެހެންވެ އިތުރަށް ކުރާނެ މަޝްވަރާއެއް ނެތް ކަމަށް ވެސް ވިދާޅުވި އެވެ.
"އެންމެ ބޮޑު މައްސަލައަކީ ފްލައިން ސްކޫލެއްގެ މުހިއްމުކަން އެއާޕޯޓް ހިންގަން ތިބި މީހުންނަށް ނޭނގޭތީ،" އޭނާ ވިދާޅުވި އެވެ.
"މިކަމާ ގުޅިގެން އަޅުގަނޑުމެން މިދިޔަ ޖޫން މަހުން ފެށިގެން އިތުރު އިންޓޭކެއް ވެސް ނުބާއްވަން."
ފްލައިން ސްކޫލްގައި މިހާރު ވެސް ދިވެހިންނާ އެކު ދުނިޔޭގެ އެކި ގައުމުތަކުގެ 200 އެއްހާ ދަރިވަރުން ޓްރޭނިން ހަދަމުން އަންނަ އިރު، 100 އަށް ވުރެ ގިނަ ދަރިވަރުން ވަނީ މިހާތަނަށް އެތަނުން ޕައިލެޓް ލައިސަންސް ނަގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓްރެއިނިނ ގ ޕައލެޓް
12 October 2017
މަށަކީ ގަމުގެ ފްލައިން ސުކޫލުގައި ކިޔަވާ ކުއްޖެއް. މިވާހަކަ ދައްކަނީ މިތާ ކިޔަވާ މެޖޯރިޓީ ކުދިންގެ ފަރާތުން. އެކަޑަމީ ހިންގާ ގޮތާއި ދެމެދު ވަރަށް ހިތްހަމަޖެހޭ އަދި އެތަން އުވާލަން އުޅެ އެކަމަށް ހިއްވަރު ދީ މީހުން ކޮމެންޓް ކުރާތީ އަހަރެެމެން ވަރަށް ދެރަވަން. ކިޔަވާ ކުދިން ޝައުވާއެއް އޮތްނަމަ އެކަން ހައްލުކުރުމަށްޓަކާ އަޅުގަނޑާ ގުޅުއްވުން އެދެން. 7870033
ސުންކެޑި
12 October 2017
އަޅުގަޑަކީ މިހާރުވެސް ގަމުގެ ވަޒީފާ އަދާކުރާ މީހެއް. އިބުތިޝާމާ ތިހައްދަވަނީ ރޯބުހުތާނު ދޮގު. ގަން ތަރައްގީ ކުރުމުގެ އެއްވެސް ހަރުދަނާ ޕްލޭނެއް މިހާރަކު ނެތް. ގަން އެއަޕޯޓުގަ ހިންގާ ނިމުނު ބިންހިއްކުމާ ރަންވޭ ދިގުކުރުމުގެ ޕްރޮޖެކުޓަކީ 2011 ގަ ޕްލޭން ކުރެވި، 2013 ވަނަ އަހަރު ހިންގަންފެށި މަސައްކަތެއް. އެކަން ނިމިގެން މޭރުގެ އެއަރލައިން އެއް އޮޕަރޭޓު ކުރަން ފެށިފަހުން މިހާތަނަށް އެއް އަހަރު ވާން މިއުޅެނީ. މިހާތަނަށް ތަރައްގީ ކުރެވުނު ކަމެއް، ފެއްޓި ޕްރޮޖެޓެއް، އަލަށް ފެށި އިތުރު އެއަރ ލައިނެއް، ޗާޓަރެއް ބުނެދިން ނަމަ ތިވާހަކަ ގަބޫލުކުރަން ފަސޭހަވީސް. ތަރައްގީ ޕްލޭންގެ ވާހަކަ ބާއްވާފަ، މިހާރުވެސް ތިތަނަށް އޮޕަރޭޓު ކުރާ ހަމަ އެކަނި އެއަރލައިންއިން އެޖައްސާ މައްސަަލަތަށް ހައްލު ކޮއްދީބަލަ.
ރަބަރު
12 October 2017
ތިޔައީވެސް އެބުނާ މަޝްރޫޢުގެ ބައެކެވެ. ބޭރުގެ ތަޖުރިބާކާރު ބަޔަކު އައިސް އެމީހުން އަމިއްލައަށް ހިންގި ތަނެއް ބަންދުކުރާއިރު މެޑިކަލް ކޮލެޖޭ އެބަކިޔައެވެ.
ޢައްޔޫ
12 October 2017
އައްޑު އަށް ކިރިޔާވެސް ފައިދާ ވާ ކަމެއް ވެއްޖިއްޔާ އެކަމަކަށް ހުރަސް
ބުއގޯނި
11 October 2017
ދެންބއެއާޕޯޓުން ހުސްވާ ތަންކޮޅުގައި ޕާކެއް ހަދާފަ ޒުވާނުން ހަލާކުކުރުމައިގެން މެކުހަށް ޖައްސަވާ.. ޖަވާބު 2018 ގަައި ދޭނަން.
ސަދާ
11 October 2017
12 މަސްދުވަހަށްވުރެ ކުރުމުއްދަތެއްގެ ކޯހެއްހަދަން ކުދިންގެންގޮއްސަ އެބަވޭ 2 އަނހަރު 3 އަނހަރު، މީ ދެންފުކެއް ބޮޑުވަރު. ކުދިންވައްދާލެއް ގިނަކަމުން ފުލައިން ހެދުމުގެ ފުރުސަތު އެތަށް ކުދިންނަށް ނުލިބިފައި. ކިއެވުމަށްޓަކާ ކުދިން ނަގާ ލޯނުގެ މުއްގަތުހަމަވެ ލޯނުދައްކަން ޖެހޭއިރު ކޯސް ދިގުލާދެމި ކޯސްނުނިންމިފައި. ކުދިންގެ ހައްގުގަ މަށްސަލައެއް ޖަށްސަން ދެވޭނެތަނެއްވެސް ކުރެވޭނެ ކަމެއްވެސްނެއް. ވީމާތިތަން ބަންދުކުރަންފެންނަނީ.
ޖޯޖް
14 October 2017
ކަލޯ ނުކިޔަވަންޔާމު ފާހެއް ނުވާބެ ފާސް ނުވީމާ 12 މަހުގެ ކޯހެއް ދިގުދެމިގެން ހިގައިދާނެ ގަރުނަކައްވެސް
ކައްޕި
11 October 2017
ތިޔަތަނަކީވެސް މިހާރު އަޑިއަޑިން ފައިސާ އަތުލައިގެން ކިޔެވުން ނިމޭތަނެއް: މިހާރުވެސް ކިޔެވުން ނިމި ފްލައިކުރުމުގެ ގަޑި ހަމަ ނުކުރެވިގެން ، "ފުރަގަހުން ފައިސާނުދެވޭތީ" ފްލައިކުރުމުގެ ފުރުޞަތު ނުދީގެން ނުނިމިފައި ތިބިކުދިންގެ އަދަދު ބަލާލަ ބަލާ . މާފަހުން ޖޮއިންޖުރި ކުދިން ނިމިގެން ހިނގައްޖެ . މީއެނގިގެން ބުނާވާހަކައެއް ؛ އެކަމަކު ކާކުދޯ މިކަން ބަލަންދަނީ، އެއްކަލަ ފައިސާގޯނި ވަންނަތަނަކަށް މެހި މާބުރަކަށްވެސް ނުވަދެވޭނެއެއްނު.
ހެހެެހެ
11 October 2017
ރަނގަޅު ކަމެއް ވިއްޔާ ބަލާތި ފުނޑާލެވޭތޯ! މަަށަށް ހީވަނީ މިތަނުން ކަޓް ނުލިބެނީހެން!
ބެލެނިވެރިއެއް
11 October 2017
އަޅުގަނޑުގެ ދަރިފުޅު ތިޔަ ސްކޫލުގަ އެބަ އުޅޭ. ފްލައިކުރަން ޗާންސް ލިބޭލެއް މަދުކަމުން ކޯސް ނުނިމި މިހާރު 2 އަހަރު ނިމި ތިންވަނަ އަހަރު ހިނގަމުން މިދަނީ. މިހާރުވެސް ކޮންމެ މަހަކު ލޯނަށް8300ރުފިޔާ ކެނޑެމުން ދާތާ 8 މަސް ވަރު ވެއްޖެ. ދިރިއުޅުން ބަނގުރޫޓުވެއްޖެ. 8 ދަރިންގެ ކިޔެވުމުވެ ކުރިމަގު ގެއްލިއްޖެ. ޥަﷲ.މިއީ ތެދު. ޜަނގަޅު ގޮތެއް މެދުވެރިވުމަށް އުއްމީދު ކުރަން.
ޖޯޖް
14 October 2017
ގދެން އެތަން ބަންދުކުރީމަ ލޯނު ދެއްކޭތަ ހާދަ މޮޔަބައެކޭ ދިވެހިން މީ
ޢާންތު
11 October 2017
ޢައްޑޫމީހުނަށް ލާރިލިބޭނެ އެއްވެސް ވަސީލަތެއް ބާއްވަން ސަރުކާރު ބޭނުމެއްނުވޭ،އެހެންވެ ތިކަންވެސް ހުއްޓުވާލަން ބޭނުންވަނީ،