ހެލްމެޓް އަޅައިގެން މީހަކު އައްޑޫ ލިންކް ރޯޑްގައި ސައިކަލް ދުއްވާފައި ދަނީ.
11 އޮކްޓޯބަރ 2017 - 17:27
26 comments
އައްޑޫގައި އާ އިންޖީނުގެއެއް އެޅުމަށް 30 މިލިއަން ޑޮލަރުގެ ބޮޑު އިންވެސްޓެއް ކުރަން ރާވަމުން އަންނަ ކަމަށް ފެނަކައިގެ މެނޭޖިން ޑިރެކްޓަރު އަހުމަދު ޝަރީފް މިއަދު ވިދާޅުވެއްޖެ އެވެ.
ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގައި ޝަރީފް ވިދާޅުވީ އައްޑޫގެ ގުޅިފައިވާ ހަތަރު ރަށަށް ކަރަންޓު ފޯރުކޮށް ދިނުމަށް އިސްކަން ދޭނެ ކަމަށެވެ. އެގޮތުން އައްޑޫގައި އާ އިންޖީނުގެއެއް އަޅައި، އައްޑުގެ ޕަވާ ކެޕޭސިޓީ 12.5 މެގަވޯޓަށް ބަދަލު ކުރަން ބޭނުންވާ ކަމަށް އޭނާ ވިދާޅުވި އެވެ.
"ޕްލޭން ހަދަމުން މިދަނީ. ފައިނޭންޝިއަލް އިންސްޓިޓިއުޝަންތަކާ މަޝްވަރާ ކުރަމުން މިދަނީ،" އައްޑޫގެ ގިނަ މެމްބަރުންތަކެއް ބައިވެރިވެވަޑައިގެންނެވި ޖަލްސާގައި ޝަރީފް ވިދާޅުވި އެވެ.
ޝަރީފް ވިދާޅުވީ ގުޅިފައިވާ ރަށްތަކުގައި ޖަނަރޭޓަރުތަކެއް ބަހައްޓައިގެން ނުވަތަ އިންޖީނުގެތަކެއް އިމާރާތްކޮށްގެން ކަރަންޓު ދިނުމުގެ ވިސްނުމެއް ގެންގުޅެމުން ނުދާ ކަމަށެވެ. އޭނާ ވިދާޅުވީ ރަށްތަކުގައި އިންޖީނުގެތަކަށް އަޅަންވެއްޖެނަމަ، ބޮޑެތި ހަރަދުތަކެއް ދާނެ ކަމަށެވެ.
އައްޑޫގެ ހަތަރު އިންޖީނަކަށް ދިމާވި މައްސަލައަކާ ގުޅިގެން ކަރަންޓުގެ ހިދުމަތަށް ބުރޫ އަރާފައިވާތީ އެ މައްސަލާގައި ފެނަކަ އިން ޖަވާބުދާރީވާން ބޭއްވި ބައްދަލުވުމުގައި މެމްބަރަކު ކުރެއްވި ސުވާލެއްގެ ޖަވާބުގައި ޝަރީފް ވިދާޅުވީ ބޮޑު އިންޖީނުގެއެއް އިމާރާތްކޮށް ހިދުމަތް ދޭން ފެށީމަ ކުރިއަށް އޮތް 10 އަހަރަށް އައްޑޫގެ ހަތަރު ރަށެއްގެ ކެޕޭސިޓީ ހިފަހައްޓައި ފުރިހަމަ ހިދުމަތެއް ދެވޭވަރު ވާނެ ކަމަށެވެ.
"އެއަށް އަޅުގަނޑުމެން މަސައްކަތް ކުރަމުން މިދަނީ. ވަކިވަކިން އިންޖީނު ބެހެއްޓުމަކީ އަދި ވިސްނިފައި އޮތް ކަމެއް ނޫން،" ކޮމެޓީގެ ހުރިހާ މެމްބަރުން ހާޒިރުވެވަޑައިގެންނެވި ބައްދަލުވުމުގައި ޝަރީފް ވިދާޅުވި އެވެ.
ޝަރީފް ވިދާޅުވީ އާ އިންޖީނުގޭގައި ބަހައްޓާނީ މުޅިން އާ ޖެނަރޭޓަރުތަކެއް ނޫން ކަމަށާއި މިހާރު ވެސް ރަނގަޅަށް މަސައްކަތް ކުރާ ޖެނަރޭޓަރުތައް އެތަނުގައި ބަހައްޓާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
12 October 2017
މުޅިންވެސް ސިޔާސީ ވައުދު، 2018 ގެ ކެމްޕޭން
ރަބަރު
12 October 2017
އައްޑޫގައި މަޝްރޫޢުތައް ނުހިންގަނީ ކޮންއިރަކުހެއްޔެވެ؟ 1978 އިންފެށިގެން ގިނަގުނަ މަޝްރޫޢުތައް ހިންގައިފިއެވެ. އެކަމަކު އެއީ ވެރިންގެ ދޫތަކުންނާއި ނޫސްމަޖައްލާތަކުގެ ސަފްހާތަކުން ފެނިގެންދިޔަ މަޝްރޫޢުތަކެވެ. އަދި ކޮންމެ ފަސްއަރަކުން އެއްފަހަރު އަހަރުގެ ވަކިހިސާބަކުން މަޝްރޫޢުތައް ހިންގާކަން ފާހަނގަވެއެވެ. އެއީ ނަކަތްތެރިކަމުގެ ގޮތުން ބަލާއިރު އިންތިޚާބުކިޔާ ނަކަތާ ދިމާކޮށް ފަށާ މަޝްރޫޢުތަކެކެވެ.
ޕޮކަންޑިމޭން
12 October 2017
އައްޑޫ ރައްޔިތުންނަށް ފެނިފައިނުވާ ހިޔާލަށް ގެނެވިފައިނުވާ ތަރައްޤީ ގެނެސްދެއްވާނެ ރައީސްއެއް ދިވެހި ވެރިކަމުގެ ސިންގާސަނާގައި އިންނެވީ
ސަލީ
11 October 2017
އައްޑޫގަ ތިތަން އެޅުމަށްވުރެ ރގަޅުވާނެ ކޮންމެވެސް އެެން ހިސާބެއްވެސް.. ނިއުމަތަށް ފުރަގަސްދޭ ދެވަނަ ބަޔަކީ ތިމީހުން.
ހަސީނާ
11 October 2017
އައްޑޫގަ ކޮންމެ ކަމެއް ކުރިޔަސް ސަރުކާރާށް ލިބޭނެ މޮޅެއް ނޯންނާނެ.. ތީ ބޭކާރު .މަޝްރޫއެއް. ތިމީހުން ތިތިބަ ހާލަށް ދޫކޮށްލާ..
ލައްޑޫ
11 October 2017
މިހާރުން މިހާރައް ޔާމިނު އިސްތިޔުފާ
ޙަސަން
11 October 2017
ޖަސްޓިސް މިނިސްޓްރީ ކުރިމަތީ އޮންނަ ހަނި ގޯޅީގައި ގާ އެތެރުމުގެ މަސައްކަތް ކުރާތާ 4 މަސް .. އެހެންވީމަ ..މި ސަރުކާރުން އައްޑޫގަ ކަރަންޓުގެ ޚިދުމަތް ފުޅާކުރަން 50 އަހަރު ބޭނުންވޭ . މި ބުނީ ކުރިއަށް އޮތް 10 ވަރަކަށް ދައުރު ޔާމީނަށް އައްޑޫ މީހުން ވޯޓު ދޭންޖެހޭ ސަބަބު ..
ހަސަނާގެ މޮހޮދާ
11 October 2017
މުހިއްމު ނޫންކަންތައްތައް ކުރިޔަކަށްނުދާނެ، އެކަމަކު ބޮޑަތިކަންތައްތައް ނިމެމުން އެހެރަދަނީ!
ސައްދާމް
11 October 2017
ފުރަތަމަ އައްޑޫ ރައްޔިތުންނަށް ކަރަންޓުގެ އަގު މާލެއާއި އެއްވަރަށް ކުޑަކޮށް ދެވޭނެ ގޮތެއް ހޯދަން ވީ......... ދެން ދުވަހަކު 3 ފަހަރަށް ކޮންމެ ފަހަރަކު 1 ގަޑިއިރު ކަރަންޓް ނުކެނޑޭނެ ގޮތެއް............. ދުނިޔޭގެ އެހެން ގައުމުތަކުގައި ތަރައްޤީ ނުވާ ތަންތަނުގައި ހިދުމަތުގެ އަގު ވަނީ ދަށް އެކަމަކު ދިވެހި ރާއްޖޭގައި ނިކަމެތިން ފެލައިގެން ސަރުކާރު ހިންގަނީ....... ރައްޔިތުން ޓެކްސް ދައްކަނީ އެއްވަރަކަށެވެ. މާލެއަށް ވަކިވަރެއް، އަތޮޅު ތެރޭ ރައްޔިތު މީހާ އަތުން ވަކިވަރެއް ޓެކްސް ނެގުމުގައި ތަފާތެއް ނެތެވެ. ދިވެހި ދައުލަތުގެ ގާނޫނުއަސާސީ ގައި ލިޔެފައި ވަނީ ދިވެހި ހުރިހާ ރައްޔިތުން ހަމަހަމަ ބައެއް ކަމަށް ވީއިރު މިފަދައިން މާލެ އާއި އަތޮޅު ތެރޭ ރައްޔިތުން ތަފާތު ކުރުމަކީ ގާނޫނާއި ޚިލާފަށް ހިންގާ ބޮޑު ޖަރީމާއެއް.................
ގޫރާވަޅިޔެ
11 October 2017
އައްޑޫއިން ތަންތަން ކުއްޔަށްދޭ އަގު މާލެޔަށްވުރެ ބޮޑުތަން ހެޔޮ، އައްޑުގެފިހާރަތަކުން ވިއްކާމުދާ މާލެޔަށްވުރެ އަގުހެޔޮ، އައްޑުމީހުން މާލޭގައިވިޔާފާރިކުރަނީ، ވިއްކަނީ އަގުބޮޑުކޮށް، ކީއްވެތޯ؟ ސަޕްލައިޔަށްވުރެ ޑިމާންޑް ކުޑައީ! ޑިމާންޑުބޮޑު ތަންތަނުން އަގުހެޔޮކުރީމަ ލިބޭވަރު ގިނަވާނެ! ވަރަށްސަލާމް!
އައްޑޫ ބަކުރު
11 October 2017
އަމައްޔާ... އައްޑޫމީހުންނަކީ ތިހާގަމާރުބައެއްނޫން ރުމާލު ދޭކުން ޑިގުކިޔާކަށް. މޮޅަތި އަންގަތަޅާތި ކަލޭމެން ތިއުޅެނީ މިހާރުވެސް 24 ގަޑިއިރު ކަރަންޓު ޔަޤީން ކޮއްނުދެވިގެން ދެންތިބެގެން ކޮންއޮޅުވާލުމެއްތީ. ކޮންމެހެން ނުޖެހޭ އާއިންޖީނުގެއެއް އަޅާކަށެއް އައްޑޫގަ އަންދާ ހުލިވެފަ ހުރި ދެތިން ކޯޓު އެބަހުރި ހޮސްޕިޓަލް ހެދިހެން އެކޯޓުތަކުގަ ކުލަކޮޅެއްހާކާފަ މަލޭއިން ބާވެގެން ނަގާފަ ހުރި އިންޖީނުގަޑެއް ވައްދާލާ އެއީއޭ އައްޑޫ މީހުންގެ ފެންވަރަކީ
އަރޫ
11 October 2017
ނޫނޭ އޭރުން ސަކަރާތް ވާނެދޯ، 30 މިލިއަނުގެ ތެރެއިން ވެރިންގެ ޖީބަށް ވައްދަންޖެހޭ ކަޓް އޭރަކަށް ނުވެއްދޭނެއެއްނު
ޖިރުބާ
11 October 2017
މިހާރުގެ ރޭޓަށް ބަލަންޏާ ތިޔަތަނެއް އެޅޭނީ މީގެ 15 އަހަރު ފަހުން.
ކޮރަޕްޝަން ހާލި
11 October 2017
މިހެން ކުރިން ބުނި އާ ހޮސްޕިޓަލެއް އަަޅާނަމޭވެސް. ސައުދީއިން ލޯނުވެސް ދިން. ބިން ސާފުކޮށްފަ އެންމެފަހުން އެ ފައިސާއަށް ވީއެއްޗެއްވެސް ނޭނގުނު. ދެން ކަމެއް ކުރިކަން ދައްކަންށާ ނަޝީދު އަޅާފަ ހުރި މޮނިއުމެންޓެއް ހަލާކުކޮށްލަންވެގެން ކޮންވެންޝަން ސެންޓަރު ހޮސްޕިޓަކަލަށް ބަދަލުކުރަމުން އެދަނީ ފައިސާކޮޅު ދިރުވާލާފަ.