ކުށްވެރިއަކު ކޯޓުން ނެރެގެން ގެންދަނީ: ކުރިން އޮންނަ ގޮތުން އަދަބު ލުއިކުރަން އަލުން ހުށަހެޅޭނީ ދެ އަަހަރު ފަަހުން --ފޮޓޯ/މިހާރު
02 ޖުލައި 2016 - 20:37
3 comments
ޖިނާއީ ކުށް ސާބިތުވެގެން ހުކުމް ތަންފީޒު ކުރަމުންދާ މީހުންގެ ތެރެއިން މައާފް ދޭން ނުވަތަ އަދަބު ލުއިކޮށްދޭން އެދި ރައީސަށް ކުރިން ހުށަހަޅާފައިވާ ފަރާތްތަކަށް ހަ މަސް ފަހުން އަލުން އެކަމަށް އެދި ހުށަހެޅޭ ގޮތަށް ހަމަޖައްސައިފި އެވެ.
މައާފް ދިނުމާއި އަދަބު ލުއިކޮށް ދިނުމުގައި ރައީސަށް ލަފާ ދޭން އޮންނަ ކްލެމެންސީ ބޯޑުގެ ގަވާއިދުގައި ކުރިން އޮންނަ ގޮތުން މައާފް ދިނުން ނުވަތަ އަދަބު ލުއިކޮށް ދިނުމާ ގުޅޭ ގޮތުން ރައީސް ގޮތެއް ނިިންމުމުން، އެ ނިންމުން ނިންމާ މައްސަލައެއްގައި އަލުން އެކަމަށް އެދި ހުށަހެޅޭނީ އެ ނިންމުން ނިންމިތާ ދެ އަހަރު ފަހުންނެވެ.
އެކަމަކު އެ ގަވާއިދަށް ގެނެސްފައިވާ އިސްލާހު ބުނާ ގޮތުން މައާފް ދިނުމަށް ނުވަތަ އަދަބު ލުއިކޮށް ދިނުމާ ގުޅޭ ގޮތުން ރައީސް ނިންމުން ނިންމާތާ ހަ މަސް ފަހުން އަލުން އެކަމަށް އެދި ކުށްވެރިޔާ އަށް ހުށަހެޅި ދާނެ އެވެ.
ކްލެމެންސީ ބޯޑަކީ މައާފް ދިނުމާއި އަދަބު ލުއިކޮށް ދިނުމުގެ ގާނޫނުގެ ދަށުން މައާފް ދިނުމާއި އަދަބު ލުއިކޮށް ދިނުމުގައި ރައީސަށް ލަފާ ދޭ ބޯޑެވެ. އެކަމަކު އެ ބޯޑުގެ ލަފަ އަށް އަމަލު ކުރުމަކީ ގާނޫނީ ގޮތުން ރައީސަށް ލާޒިމް ކަމެއް ނޫނެވެ.
މައާފް ދިނުން ނުވަތަ އަދަބު ލުއިކޮށް ދިނުމުގެ އާންމު އުސޫލަކީ ކުށްވެރިޔާ އަމިއްލަ އަށް އެކަމަށް އެދި ހުށަހެޅުން ކަމަށްވިޔަސް ވަކި ހާލަތްތަކެއްގައި ރައީސްގެ އިސް ނެގުމަށް ވެސް އެކަން ކުރެވެން އޮވެ އެވެ. ރައީސްގެ އިސް ނެގުމަށް އެކަން ކުރާއިރު ކްލެމެންސީ ބޯޑުގެ ދައުރެއް ނޯވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުއަދުރޭ
03 July 2016
ޝުކުރިއްޔާ ރައީސް
ތުއްތޮންބެ
02 July 2016
ކުށެއް ނުކުރާ މީހަކަށް އިއްވާ ބޭއިންސާފު ހުކުމެއްގެ ސަބަބުން މަޖުބޫރީ ހާލަތުގަވިޔަސް އެމީހަކު ވެރިއެއްގެ ކިބައިން މާފު އެދުމަކީ އެމީހަކު "ކުށަށް" އިއުތިރާފްވެ ބަލި ގަބޫލުކުރުން. ކުށް ނުކުރާ މީހަކު އެދެންޖެހޭނެ މާފެއް ނޯންނާނެ. ވެދާނެ ތިޔައީ ސިޔާސީ މީހުން ޖައްސަންއުޅޭ މަޅިއެއް ކަމަށްވެސް.
ޢަޑުއިވޭތޯ ސަރުކާރަށް
02 July 2016
މިމަޅީގަ ނަޝިދު ނުޖެހޭތި