ހަނގުރާމައެއްގައި ބައިވެރިވާން ދިވެއްސަކު ތަމްރީނު ހަދަނީ: ތިން ދިވެހިންނަކީ ހަނގުރާމަ އަށް ދާން އުޅުނު ކަމަށް ބުނެ ތުރުކީން އަތުލައިގަތް ތިން މީހުން
22 އޮކްޓޯބަރ 2017 - 14:34
15 comments
ސީރިއާ ހަނގުރާމަ އަށް ދާން އުޅުނު ކަމަށް ބުނެ މިދިޔަ އަހަރު ތުރުކީން ހައްޔަރުކޮށް ރާއްޖެއަށް ގެނައި ތިން ދިވެހިންގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ހުކުމްކޮށްފި އެވެ.
ސީރިއާގައި ކުރާ ހަނގުރާމާގައި ބައިވެރިވުމަށް މިދިޔަ އަހަރުގެ ފެބްރުއަރީ މަހު ތުރުކީއަށް ގޮސް، ތުރުކީ އާއި ސީރިއާ ގުޅޭ ބޯޑަރު ހުރަސް ކުރަން އުޅުނު ކަމަށް ބުނެ ދައުލަތުން ދައުވާކުރީ ލ. މާމެންދޫ މުރިނގު، އަހުމަދު ލަތީފާއި ގދ. ގައްދޫ ރަތަފަންދޫ ނީލްވިލާ، އަހުމަދު ސުހައިލް މޫސާ އަދި ތ. ގާދިއްފުށީ ސީނަރީގޭ، މުނައްވަރު އަބްދުﷲގެ މައްޗަށެވެ. މިއީ ބޭރު ހަނގުރާމައެއްގައި ބައިވެރިވާން އުޅުނު ކަމަށް ބުނެ ދައުވާ އުފުލި ފުރަތަމަ މީހުންނެވެ.
އެ މީހުންގެ މައްޗަށް ކުރި ދައުވާ ސާބިތުނުވާ ކަމަށް ކްރިމިނަލް ކޯޓުން ކުރި ހުކުމުގައި ވަނީ އެ މީހުން ތުރުކީއަށް ގޮސްފައިވަނީ ސީރިއާ އަށް އެތެރެވެ، ހަނގުރާމާގައި ބައިވެރިވާން ކަން ސާބިތުނުވާ ކަމަށެވެ. އަދި އެ މީހުން ސީރިއާ އަށް އެތެރެވެފައި ނުވާކަން އެނގޭއިރު އެ މީހުން ތުރުކީއަށް ދިޔައީ ވިޔަފާރި ދަތުރެއްގައި ކަމަށް އަށް މީހަކު ކޯޓުގައި ހެކިބަސް ދީފައިވާ ކަމަށް ހުކުމުގައިވެ އެވެ.
މީގެ އިތުރުން ދައުލަތުން ހުށަހެޅި ހެކިންގެ ޝަރީއަތަށް ދިން ހެކިބަހާއި އެ މީހުން ތަހުގީގަށް ދިން ބަޔާނުގައި ބޮޑެތި ތަފާތުތަކެއް ހުރި ކަމަށާއި އެ މީހުން ތުރުކީގައި ހައްޔަރު ކުރެވުނު ކަމުގެ އެއްވެސް ލިޔުމެއް ވެސް ހުށަހެޅިފައި ނެތް ކަމަށް އެ ހުކުމުގައިވެ އެވެ. އެ މީހުން އެކި ފަރާތްތަކާ ކޮށްފައިވާ މުވާސަލާތުތަކުގައި އެ މީހުން ސީރިއާ ބިމުގައި ތިބި ކަމަށް ދޭހަވާ ގޮތަށް ވާހަކަ ދައްކާފައި ވިޔަސް އެ މީހުން ސީރިއާ އަށް އެތެރެ ނުވާކަން އެނގޭ ކަމަށް ހުކުމުގައިވެ އެވެ.
އެ މީހުން ކޮށްފައިވާ މުއާމަލާތްތަކުގައި "ދީނީ ގޮތުން ސަމާލުވާންޖެހޭ ފަދަ ކަސިޔާރުވެފައިވާ ހަމާސީ ވާހަކަތަކެއް" އެކުލެވިފައި ވިޔަސް އެއީ އެކަމުގެ މައްޗަށް އެކަނި ބިނާކޮށް، އެ މީހުން އެ ހަނގުރާމާގައި ބައިވެރިވާން ސީރިއާ އަށް ދިޔަކަން ސާބިތު ކުރެވޭނެ ކަމެއް ނޫން ކަމަށް ވެސް އެ ހުކުމުގައިވެ އެވެ.
އެ ދައުވާ ސާބިތުވި ނަމަ ޓެރަރިޒަމްގެ ގާނޫނުގެ ދަށުން 17 އަހަރާއި 20 އަހަރާ ދެމެދުގެ ޖަލު ހުކުމެއް އަންނާނެ އެވެ.
ސީރިއާގައި ހިނގަމުންދާ ހަނގުރާމާގައި ބައެއް ދިވެހިން މިހާރު ވެސް ބައިވެރިވަމުންދާއިރު އެ ހަނގުރާމާގައި ބައިވެރިވާން އުޅުނު ކަމަށް ބުނެ އިތުރު ބައެއްގެ މައްޗަށް ވެސް ދައުވާ އުފުލައި، ޝަރީއަތް ދަނީ ހިނގަމުންނެވެ. މީގެ އިތުރުން މީގެ އަހަރުތަކެއް ކުރިން ޕާކިސްތާނުގައި ހަނގުރާމަ ކުރުމަށް ފަހު ރާއްޖެ އައި މީހެއްގެ މައްޗަށް ވެސް އަންނަނީ ޝަރީއަތް ހިިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯހަން
23 October 2017
އާން. އެހެންތާ ވާނީ. އުނގުވިޔަފާރި އެންމެ ގިނައިން މިކުރެވެނީ ތުރުކީ އާއި ރާއްޖެއާ ދެމެދުގައިވިއްޔަ.
ކޮބާލަދު
23 October 2017
ރާއްޖެމީ ކުފުރު ބިމެކޭ ކިޔައިގެން މިތަން ދޫކޮށްފަ ދަނިކޮށް ބަސްޓްވީމަ މިބުނަނީ އެއީ ވިޔަފާރިދަތުރެކޭ. ހާދަހާ ފިރިހެންވަންތަކަމެއް ނެތޭދޯ؟ ތިވަރުން އަދި ކިހިނެއް ސީރިއާ ދެވުނަސް ހަނގުރާމަ ކުރާނީ؟ ސީރިއާގެ ސިފައިންގެ އަތުޖެހުނު ނަމަ ރޮއެގަންފަ ބުނާނެ ކަންނޭގެ ހައްޖައްދާން އުޅެނިކޮށް މަގުއޮޅިގެންނޭ ސީރިއާއަށް ވަދެވުނީ.
ފަހީމް
23 October 2017
ކޮންކަމެއް މިހާތަނައް ސާބިތުވީ . ސާބިތުވަނީ މުޅިންވެސް ސިޔާސީ ކަންތައް
ސަޅިބައިސާ
22 October 2017
އެހެންވީމަ މީހުން އެކިޔަނީ މިއީ ސިޔާސީ ބަޔަކު ދީނީ ތާކިހާއެޅި ބަޔަކު ނެރެގެން ކުޅޭ ޑުރާމާއެކޭ.
ހޮޓްކިންގ
22 October 2017
ދާން އުޅުނީ ސީރިއާއަށް. އެއީ އެކަން އިނގީ މީހެއްގެ ފުށުން ލިބުނު ޔަގީން މަޢުލޫމާތެއް. ނަމަވެސް ސާބިތު ނުވުން އެއީ އެހެން ކަމެއް. ސާބިތު ނުވިޔަސް އެމީހުންނާމެދު ގައުމީ ސަލާމަތަށް ނުރައްކާ ކުރާ ބަޔަކާމެދު އަޅާ ފިޔަވަޅު އެޅުން މުހިއްމު. މިގައުމުގެ ކޯޓަކުން އެންމެ އިންސާފުން ކަންކަން ނިމޭނެ ކަމަށް ހީކޮށްގެންވެސް ނުވާނެ.
ޓާކީ
22 October 2017
"އެ މީހުން އެކި ފަރާތްތަކާ ކޮށްފައިވާ މުވާސަލާތުތަކުގައި އެ މީހުން ސީރިއާ ބިމުގައި ތިބި ކަމަށް ދޭހަވާ ގޮތަށް ވާހަކަ ދައްކާފައި ވިޔަސް އެ މީހުން ސީރިއާ އަށް އެތެރެ ނުވާކަން އެނގޭ ކަމަށް ހުކުމުގައިވެ އެވެ." އެހެންވީމާ ސީރިއާގަ ހަނގުރާމަ ކުރަނީއޭކިޔާފަ އާއިލާއަށް ގުޅާފަ ފޯނުން ވާހަކަދައްކާއިރު މިތިބެނީ ތުރުކީގަ ޓާކީކާންދޯ އަސްލު؟
ރޯނުއެދުރު
22 October 2017
ބަލަގަ ބުނެފީމެއްނު ތިޔައީ ބައިއެޅިގެން ކުރެވޭ ވިޔަފާރިޔަކައް ނުވާނަމަ، ޖިހާދައް ގެންދިޔުމައް ވާހަކަދެއްކި ސޭހުންނާ ގެންދިޔަ އެޕާޓްމެންޓްތަކާ ފަތުވާދޭން ގެންދިޔަ މިސްކިތާ އެގޭއިރުގަވެސް މިކިޔަނީ ރާއްޖެޔަކު ހަގުރާމަޔައް ފޮނުވަން އުޅޭބަޔަކުނެތޭ.
އަލީ ނަސީރު
22 October 2017
ކީކޭ ބުނާނީ! މިހާ ގަމާރު ކަން ބޮޑު ގައުމެއް ނޯންނާނެ މި ދުނިޔާގައިވެސް! ސަޅި ކަމަކީ، ސިޔާސީ އިދިކޮޅު މީހަކު ނު ކިއްސަރު ގޮތަކައް ވައި ބޭރު ބިޔަސް، ހުރިހާ މަރުހަލާ ތަކަކުން ސާބިތުވާނެ ދެ ގަޑި އިރުތެރޭގަ!
ރަދީފް
22 October 2017
ދެން މިއޮތް ހުރިހާ ދުވަހު އެމީހުން ބަންދުގަ ތިބުމުގެ ސަބަބުން ލިބުނު ނަފްސާނީ ގެއްލުމުގެ ބަދަލުދެނީ ކާކުތަ؟؟ ދައުވާ ކުރުމަށް މި 3 މީހުންނަށް ގޮވާލަން. ވ.ވެދުން
އިޔެ
22 October 2017
ކުޑަ ހެންވޭރު އެކަކަށްވެސް ކުށް ސާބިތު ނުވާނެ. ނިގޫ ފިތިފަ، ބުޅާ ގޯނިން ބޭރު ވެދާނެތީ ވަރަށް ބިރުގަނޭ.