އެމެރިކާގެ ރައީސް ޑޮނަލްޑް ޓްރަމްޕް.
22 އޮކްޓޯބަރ 2017 - 19:14
3 comments
ވޮޝިންޓަން (އޮކްޓޯބަރު 22) - ސީރިއާގައި އިސްލާމިކް ސްޓޭޓް (އައިއެސް) ގެ ވެރިރަށުގެ ގޮތުގައި ބެލި ރައްގާ ހިފުމާ އެކު އެ ޖަމާއަތް ނެތި ދިއުމުގެ ކޮޅުމަތި ފެންނަން ފަށާފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް ނެރުއްވި ބަޔާނެއްގައި ވިދާޅުވީ އައިއެސްގެ ޚިލާފަތު ނެތި ދިއުމާ އެކު ސީރިއާ އަށް ދާއިމީ ސުލްހަ ހޯދޭނެ ކަމަށެވެ. އަދި މަޝްވަރާތައް ކުރިއަށް ގެންދަން ޑިޕްލޮމެޓިކް ގޮތުން އެމެރިކާ އާއި އެ ގައުމުގެ ބައިވެރިންގެ ފަރާތުން އެހީތެރިކަން ލިބޭނެ ކަމަށް ވިދާޅުވި އެވެ.
މި މޭރުމުން ޓްރަމްޕް ވާހަކަ ދެއްކެވި އިރު އެމެރިކާގެ މަދަދު ލިބޭ ކުރުދީ ސިފައިން ހިމެނޭ ލަޝްކަރުން ވަނީ މީގެ ފަސް ދުވަސް ކުރިން ރައްގާ ހިފައިފަ އެވެ. ރައްގާ ހިފީ ހަތަރު މަސް ދުވަހުގެ ހަނގުރާމަ އަށް ފަހު އެވެ.
"އައިއެސްގެ ވެރިރަށް އަތުލުމާއި އެ މީހުންގެ ބާރުގެ ދަށުގައިވާ ބިންތަކުން ބޮޑު ސަަރަހައްދެއް އަނބުރާ ހޯދުމާ އެކު އައިއެސް ނެތި ދިއުން ވަނީ ވަރަށް ކައިރިވެފައި،" ޓްރަމްޕް ވިދާޅުވި އެވެ.
އައިއެސް އިން 2014 ގައި ރައްގާ ހިފުމާ އެކު އެ ތަން ބޭނުންކޮށްފައި ވަނީ ހުޅަނގާ ދެކޮޅަށް ދޭ ހަމަލާތައް ރޭވުމުގެ މުހިންމު މަރުކަޒެއްގެ ގޮތުގަ އެވެ.
ސީރިއާގެ ވެރިކަމުން ބައްޝާރުލް އަސަދު ބޭރު ކުރުމާ ބެހޭ ވާހަކައެއް ޓްރަމްޕުގެ ބަޔާނުގައި ހިމަނުއްވައިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅިބައިސާ
23 October 2017
ހުރިހާ ސުންނީ މުސްލިމުންނާއި ޝީޢީންނަކީ ކާފަރުންކަމަށް ދަޢުވާކޮށް ނަމުގައި "ﷲ ގެ ތައުހީދު" ޤާއިމުކުރަން ނިކުން މީހުން ﷲ ގެ ކުޅަދުންވަންތަކަމުން ނެތި ހަނާވެދިއައީ. މިކަމުންވެސް އެނގެނީ މިއީ ފަހުޒަމާނުގާ އެ ނިކުންނަ ޚަވާރިޖުންގެ ނުބައި ޖަމާޢަތްކަން. ﷲ ދުވަހަކުވެސް އެބައިމީހުނަށް ނަޞްރެއް ނުދެއްވާނެ.
ޝާލީން
23 October 2017
މިކަމާ އެންމެ ދެރަވާނީ ބިސްކާލޯ
ލ.ނާޒިމް
23 October 2017
އައި އެސް އެސް ކިޔާ ހުރިހާ އަރަބިގައުމު ތަކެއްހަލާކު ކޮއްލަން އެމެެރިކާއިން ހެދި ޖަމާއަތެއް ނައްތާލަން ވީމަ ނައްތާވެސް ލެވޭނެ. ތިހެން އުޅުނު އުސާމާބިން ލާދިން ކިޔާމީހެއްވެސް އަތުނުޖެހިގެން ވަގުތުޖެހުނީމަ އެވެސް ހަމަނައްތާލީ