ގަތަރު މައްސަލަ ހައްލުކުރަން ސައުދީން ނޫޅޭ: ޓިލަސަން

އެމެރިކާގެ ޚާރިޖީ ވަޒީރު ޓިލަސަން އާއި ގަތަރުގެ ޚާރިޖީ ވަޒީރު ޝެއިޚް މުހައްމަދު ދޯހާގައި ނޫސްވެރިންގެ ބައްދަލުވުމަށް ވަޑައިގަންނަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

23 އޮކްޓޯބަރ 2017 - 14:16

1 comments

ދޯހާ (އޮކްޓޯބަރު 23) - ގަތަރާ ސިޔާސީ ގުޅުން ކަނޑާލުމުން ގަލްފުގައި އުފެދުނު މައްސަލަ ހައްލު ކުރަން ސައުދީ އަރަބިއާ އިން ނޫޅޭ ކަމަށް އެމެރިކާގެ ޚާރިޖީ ވަޒީރު ރެކްސް ޓިލަސަން ވިދާޅުވެއްޖެ އެވެ.

ގަތަރަށް ވަޑައިގެން އެ ގައުމުގެ ޚާރިޖީ ވަޒީރު ޝެއިޚް މުހައްމަދު ބިން އަބްދުއްރަހްމާންއާ އެކު ނޫސްވެރިންނާ ވާހަކަ ދައްކަވަމުން ޓިލަސަން ވިދާޅުވީ މައްސަލަ ހައްލު ކުރަން މަޝްވަރާ އަށް ސައުދީން އިސްނަގާނެހެން ހީނުވާ ކަމަށެވެ. ޓިލަސަން ގަތަރަށް ވަޑައިގެންނެވީ ސައުދީ އަށް ވަޑައިގަތުމަށް ފަހު އެވެ.

"ސައުދީ ވަލީ އަހުދު މުހައްމަދު ބިން ސަލްމާންއާ އެކު ބޭއްވި ބައްދަލުވުމުގައި އަޅުގަނޑު ދެންނެވިން މަޝްވަރާތަކުގައި ސައުދީން ބައިވެރިވުމަށް. އެކަމަކު ސައުދީން މަޝްވަރާ އަށް ތައްޔާރުކަމުގެ ނިޝާނެއް ނުލިބޭ،" ޓިލަސަން ވިދާޅުވި އެވެ. "މަޝްވަރާ އަށް ތައްޔާރު ނޫން ބަޔަކާ އެކު މަޝްވަރާއެއް ނުކުރެވޭނެ."

ގަލްފުގެ ގައުމުތައް ކަމަށްވާ ސައުދީ އާއި ޔުނައިޓެޑް އަރަބް އެމިރޭޓްސް (ޔޫއޭއީ)، މިސްރު އަދި ބަހުރޭނުން ގަތަރާ ސިޔާސީ ގުޅުން ޖޫން 5 ވަނަ ދުވަހު ކަނޑާލީ އެ ގައުމުން ޓެރަރިޒަމަށް ހިތްވަރު ދޭ ކަމަށް ބުނެ އެވެ. އޭގެ ފަހުން ވަނީ ގަތަރާ ވިޔަފާރީގެ ގުޅުން ކަނޑާލައިފަ އެވެ.

ގަތަރުގެ އަމީރު ޝެއިޚް ތަމީމް ބިން ހަމަދު އަލް ސާނީއާ ބައްދަލު ކުރައްވާފައިވާ ޓިލަސަން ވަނީ މި މައްސަލައިގެ ސަބަބުން ސަރަހައްދީ ހަމަނުޖެހުމަށް އަސަރުކޮށްފާނެތީ ކަންބޮޑުވުން ފާޅުކުރައްވައިފަ އެވެ.

ގަތަރުގެ ޚާރިޖީ ވަޒީރު ވިދާޅުވީ މަޝްވަރާ އަށް ދޯހާ ތައްޔާރަށް އޮތް ކަމަށެވެ.

ސައޫދީ އަރަބިއްޔާ ގަތަރު ގަލްފް ގައުމުތައް ތިލާސަން

1 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޯޓް

24 October 2017

ޓިލަސަން ވަނީ މި މައްސަލައިގެ ސަބަބުން ސަރަހައްދީ ހަމަނުޖެހުމަށް އަސަރުކޮށްފާނެތީ ކަންބޮޑުވުން ފާޅުކުރައްވައިފަ އެވެ. މުޅި މެދުއިރުމަތި ފުނޑާސުންނާފަތިކުރާއިރު ކަންބޮޑެއްނުވޭބާ؟؟؟