ވިޔަފާރި

ވެލާނާ އެއާޕޯޓުގެ އާ ޓާމިނަލް އަޅަން ޓެސްޓް ޕައިލްތަކެއް ޖަހައިފި

ވެލާނާ އިންޓަނޭޝަނަލް އެއާޕޯޓުގެ ޓާމިނަލް ބިލްޑިން: އާ ޓާމިނަލްގެ މަސައްކަތް ތިން މަހެއްހާ ދުވަހުގެ ތެރޭގައި ފެށޭނެ.

އަބްދުﷲ ޖަމީލު، މިހާރު

26 އޮކްޓޯބަރ 2017 - 17:08

4 comments

ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް އަޅަން ޓެސްޓް ޕައިލްތަކެއް ޖަހައިފި އެވެ.

ރާއްޖޭގެ މައި އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ އިސް އޮފިޝަލަކު މިއަދު ވިދާޅުވީ ސްޓީލް އާއި ބިއްލޫރި ބޭނުންކޮށްގެން ހަދާ އާ ޓާމިނަލްގެ މަސައްކަތް ފެށުމުގެ ކުރިން ޖެހި ޓެސްޓް ޕައިލްތަކުގެ ރިޕޯޓް ލިބިފައިވާ ކަމަށެވެ. އަދި އެ އަށް ބިނާކޮށްގެން ޕައިލްތައް ރާއްޖެ ގެނައުމަށް މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

"މި ޕައިލްތައް ޖެހުމަށް ފަހު އޭގެ ޓެސްޓްތައް މިހާރު ވަނީ ނިމިފައި. އެކަމަކު އެތަނުގެ އަމަލީ މަސައްކަތަށް ބޭނުންވާ ޕައިލް ރާއްޖެ ގެންނަން ދެ ތިން މަސް ނަގާނެ. އެ ޕައިލްތައް ގެނައުމާއެކު ވަރަށް ބާރަށް މަސައްކަތް ކުރިއަށް ދާނެ،" އޮފިޝަލް ވިދާޅުވި އެވެ.

އަހަރަކު ހަތް މިލިއަން ފަސިންޖަރުންނަށް އަމާޒުކޮށްގެން ހަދާ އާ ޓާމިނަލްގެ މަސައްކަތް ހަވާލުކޮށްފައި ވަނީ ސައޫދީ އަރަބިއްޔާގެ ބިންލާދިން ގްރޫޕާ އެވެ.

އެމްއޭސީއެލް އިން ކުރިން ބުނެފައިވާ ގޮތުގައި، އެއާޕޯޓް ތަރައްގީ ކުރުމުގެ މުޅި މަޝްރޫއަށް 800 މިލިއަން ޑޮލަރު ހަރަދުވާނެ އެވެ. އެ މަޝްރޫއުގެ ފުރަތަމަ ފިޔަވަހީގެ ހުރިހާ މަސައްކަތެއް ނިންމުމަށް ކަނޑައަޅާފައި ވަނީ އަންނަ އަހަރަށެވެ. ނަމަވެސް ޓާމިނަލްގެ މަސައްކަތް މުޅިން ނިމޭނީ 2019 ވަނަ އަހަރު އެވެ.

އެމްއޭސީއެލް އިން ބުނާ ގޮތުގައި މިހާރު ބޭނުންކުރާ އިންޓަނޭޝަނަލް ޓާމިނަލަށް ވުރެ ތިން ގުނަ ބޮޑު އާ އިމާރާތުގައި ޒަމާނީ ފެންވަރުގެ ވަސީލަތްތައް ހުންނާނެ އެވެ. އެގޮތުން ހަ އެއިރޯ ބްރިޖާއި އެންމެ ޒަމާނީ ބެގޭޖް ހޭންޑްލިން ސިސްޓަމެއް ގާއިމްކުރާނެ އެވެ. މީގެ އިތުރުން ޑިއުޓީ ފްރީ ފިހާރަ އެތައް ގުނައެއް ބޮޑުކުރާނެ އެވެ.

އެމްއޭސީއެލް ވެލާނާ އިންޓަނޭޝަނަލް އެއާޕޯޓް

4 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޅަބޭ

26 October 2017

އޭއި ކޯޑިނޭޓަރޫ.. ފަރަށް ބޮޮލިހިލަން ނުގޮސް ބަދިގެއަށްވަދެ ސައިހަދަންއުޅެގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކަބީމުހަންމަދު

26 October 2017

ތިތަނާ އެއްޑިޒައިނަކައް ކުޅުދުއްފުށި ޓާމިނަލްވެސް ފަރުމާ ކޮއްލައްޗޭ ކުޑަޔަކަސް ޑިޒައިން އެއްގޮތްކޮއްލެވޭނެދޯ ޖޭވާ ކުދިންވެސް އެތަނުގެ ބޭނުން ހިފާއިރު ވަރައް ހިނިއަންނާނެ މަގާތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުބާއީ

26 October 2017

އެއާރޕޯޓް ކޮޕީ ނުކުރާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކް

26 October 2017

ކޮބާ ތަ އާ ޕަސެންޖާ ޓާމިނަލްް ގެ ޑިޒައިން؟؟؟؟ އުންމީދުކުރން ވަރަށް ހިއްގައިމު ދުރުން ފެނުނީމަ އަޅާގަންނަ ކަހަލަ ރީތި މިސަރައްދުގަ ފާހަގަ ކުރެވޭ ކަހަލަަ ޑިޒައިނަކަށް ވާނެ ކަމެއް/...އަޅެކުރުހުމެއްވެސް ހަމަ ނެތީތަ