އީޔޫގެ ވަފުދު ރާއްޖެ އަތުވެއްޖެ

އަހުމަދު ސާއިލް އަލީ، މިހާރު

29 އޮކްޓޯބަރ 2017 - 19:57

ޔޫރަޕިއަން ޕާލަމެންޓް (އީޔޫ) ގެ ތިން މެމްބަރުން ހިމެނޭ ވަފުދެއް މިއަދު ރާއްޖެ އަތުވެއްޖެ އެވެ.

ތިން ދުވަހުގެ މުއްދަތަކަށް އީޔޫގެ ވަފުދު ރާއްޖޭގައި މަޑުކޮށް ސިޔާސީ ފަރާތްތަކާ ބައްދަލުކުރަން ނިންމާފައިވާއިރު، އެ ވަފުދުގައި ހިމެނެނީ، އީޔޫ ޕާލަމެންޓުގެ ތިން މެމްބަރަކާއި އީޔޫ ޕާލަމެންޓްރީ ސެކްރެޓޭރިއޭޓުގެ އޮފިޝަލެއްގެ އިތުރުން ރާއްޖެ އާއި ލަންކާ އަށް ކަނޑައަޅާފައިވާ އީޔޫގެ އޮފިޝަލުންނެވެ.

މި ވަފުދު ރާއްޖެ އައުމާ ގުޅިގެން ދިވެހި ސަރުކާރުން މިއަދު ވަނީ މަރުހަބާ ކިޔައިފަ އެވެ.

ރާއްޖޭގެ ފޮރިން މިނިސްޓްރީން ބުނީ އެ ވަފުދުގެ ބޭފުޅުން ސަރުކާރުގެ އިސް ފަރާތްތަކާ ބައްދަލުކޮށް ތިމާވެއްޓާއި ޓެރަރިޒަމްގެ އިތުރުން ޑިމޮކްރެސީ ހަރުދަނާ ކުރުމާ ގުޅޭގޮތުން މަޝްވަރާ ކުރާނެ ކަމަށެވެ. އެނގިފައިވާ ގޮތުގައި ރާއްޖޭގެ އިދިކޮޅު ފަރާތްތަކާ އީޔޫގެ ވަފުދުން މިރޭ ބައްދަލުކުރާނެ އެވެ.

މީގެ އިތުރުން އައްޑޫގައި އީޔޫ އިން ހިންގާ ކްލައިމެޓް ޗޭންޖް އެޑަޕްޓޭޝަން ޕްރޮޖެކްޓް (ސީސީއޭޕީ) ގެ ކަންކަން ކުރިއަށް ގެންދާ ގޮތް ބަލައިލުމަށް އެ ސިޓީ އަށް ދިއުމަށް ވެސް އީޔޫގެ ވަފުދުން ނިންމާފައިވާ ކަމަށް ފޮރިން މިނިސްޓްރީން ބުނެ އެވެ.

އީޔޫ ޕާލަމެންޓްރީ ގުރޫޕުގެ އިސް ވަފުދެއް ރާއްޖެ އައިސްފައިވާއިރު، ފްރާންސްގެ ސްޓްރަސްބާގްގައި މި މަހުގެ ފަސްވަނަ ދުވަހު ބޭއްވި ޕާލަމަންޓުގެ ބައްދަލުވުމުގައި ވަނީ ރާއްޖެއަށް ފިޔަވަޅު އެޅުމަށް ގަރާރެއް ފާސްކޮށްފަ އެވެ. ރާއްޖޭގެ ކަންކަން ހިންގަމުން ގެންދަނީ ޑިމޮކްރަސީއާ ބީރައްޓެހި މާހައުލެއްގައި ކަމަށް ބުނެ އީޔޫގެ ޕާލަމެންޓުގެ ބޮޑު އަޣުލަބިއްޔަތަކުން އެ ގަރާރު ފާސްކުރި ނަމަވެސް ދިވެހި ސަރުކާރުން ބުނެފައި ވަނީ ރާއްޖެއާ ދެކޮޅަށް ފިޔަވަޅު އަޅާނެ ކަމަށް ގަބޫލު ނުކުރާ ކަމަށެވެ. އެ ގަރާރާ ގުޅޭ ގޮތުން، ރާއްޖެ އިން އީޔޫ އާއި ބެލްޖިއަމަށް ކަނޑައަޅާފައި ހުންނަވާ ސަފީރު އަހުމަދު ޝިއާން ވިދާޅުވެފައި ވަނީ އީޔޫ ޕާލަމެންޓަށް ހުށަހެޅި ގަރާރަކީ ރާއްޖެ އިން ތަންފީޒު ކުރަން ޖެހޭ އެއްޗެއް ނޫން ކަމަށެވެ. އޭނާ ވިދާޅުވި ގޮތުގައި ރާއްޖެއާ ދެކޮޅަށް އީޔޫ ޕާލަމެންޓުން މީގެ ކުރިން ފަސް ގަރާރެއް ފާސް ކުރި އެވެ.

އީޔޫ އިދިކޮޅު ފަރާތްތައް ފޮރިން މިނިސްޓްރީ ޔޫރަޕިއަން ޕާލަމެންޓް ރާއްޖެ-އީޔޫ ދިވެހި ސަރުކާރު

8 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

29 October 2017

އީޔޫއިން އައިސް 100މ ޔޫރޯ ހުރިހާ ރައްޔަތުންނަށް ސޮދަގާތެއްގެ ގޮތުގައި ބަހާލާނަމަ ކިހާރަގަޅު ،،، ތިޔަކަހަލަ ހުސް ދަތުރު އަންނާކަށްނުވާނެނުން ،،،، ދެންފަހަރަކުން ހަދިޔާ ހިފައިގެން އަންނާތި،،، އެންމެ ކުޑަމިނުން ޗެމްޕިއަންސްލީގްގެ ޖޯޒީކޮޅެއް ،،، ކޮންމެ މީހަކަށް ޖޯޒީއެއް ،،، އެވަރުންވެސް ދިވެހިން ހެޕީވާނެ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

29 October 2017

އީޔޫ ޕާލަމެންޓް މެންބަރުންގެ މައްޗަށް އެކުލެޥޭ ވަފުދު މާލެއާއި އައްޑޫސިޓީގައި 3 ދުވަސް ހޭދަ ކުރައްވަނީ އެއްގޮތަކަށް ވެސް ޔާމީން އަބުދުލް ޤައްޔޫމް ގެ “ދަރަނި އިޤުތިސޯދު” ބަލައި ފިލާވަޅު ހޯދުމަށާއި،”އެޑަލްފް ހިޓުލަރު ޖާމަނީގެ ޤާނޫނަށް ގެނައިފަދަ ބަދަލު ގެނެސް ކުރަމުންދާ ޤާނޫނީ ވެރިކަން” ތަޖުރިބާ ކޮށް އަދި ލާމަރުކަޒީ ޤާނޫނުގެ ބަދަލުގައި”ގޮތްމުށުގެ ވެރިކަން”ކުރާގޮތް ބަލައި ތަޖުރިބާ ހިއްސާ ކުރާކަށް ނޫން. އިއްތިހާދުގެ ޤާނޫނު ހަދާ މެންބަރުން ބައިވެރިވެ ވަޑައިގެން ބައްދަލު ވުމުގައި 540 ހަށްވުރެ ގިނަ މެންބަރުން ވޯޓްދެއްވާ އިއްތިފާގު ވެފައިވަނީ “ޔާމީން އަބުދުލް ޤައްޔޫމް ގެ ވެރިކަން ރާއްޖޭގެ ޤާނޫނު އަސާސީގެ އިމުން ބޭރުވެއްޖެ” ކަމަށާއި ރައްޔިތުންނަށް އެމީހުންގެ ވެރިކަން އަބުރާ ހޯދާ ދިނުމަށް “މިސަރުކާރުގެ އިސްވެރިންނަށާއި ސަރުކާރަށް ޤާނޫނީ އިމުގެ ބޭރުން ވާގިވެރިވާ މީހުންނަށް” އަމާޒު ކުރެވޭ ދަތި ކުރުމުގެ ފިޔަވަޅު ރާއްޖެއާއި، ގުޅުން ހުރި އެންމެހާ ފަރާތް ތަކަށް ހިއްސާ ކުރުމަށް ކުރާ ދަތުރުގެ ތެރެއިން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

29 October 2017

މި ލިބުނު ދަނޑިވަޅުގައި އިދިކޮޅު ފަރާތްތަކުން ކިތައްމެވަރަކަށް މި ސަރުކާރު ބަދުނާމުކޮށް ވާހަކަ ދެއްކިޔަސް ، އިދިކޮޅު ފަރާތަކާ އެއްބާރުލުންދީ މި ސަރުކާރާ ދެކޮޅު ތެދުވުމުގެ ބާރެއް ތިޔަ ވަފްދެއްގެ ގަޔަކު ނެތް.