ދިރާގަށް މިދިޔަ ކުއާޓަރުގައި ލިބުނު ފައިދާ 210.5 މިލިއަން ރުފިޔާއަށް އިތުރުވެއްޖެ

ދިރާގުގެ ހެޑް އޮފީސް: މިދިޔަ ކުއާޓަރުގައި ދިރާގަށް ލިބުނު ފައިދާ ވަނީ އިތުރުވެފައި.

އަބްދުﷲ ޖަމީލު، މިހާރު

31 އޮކްޓޯބަރ 2017 - 09:39

މޮބައިލް ޑޭޓާ އާއި ބްރޯޑްބޭންޑް އިންޓަނެޓް ހިދުމަތުން ލިބުނު އާމްދަނީ އިތުރުވުމުން ދިރާގަށް މިދިޔަ ކުއާޓަރުގައި ސާފު ފައިދާގެ ގޮތުގައި 210.5 މިލިއަން ރުފިޔާ ލިބިއްޖެ އެވެ.

ބަހުރެއިންގެ ބަޓެލްކޯ އާއި ދިވެހި ސަރުކާރު އަދި ރައްޔިތުން ހިއްސާވާ މުއާސަލާތީ ކުންފުނިން އާއްމުކުރި މިދިޔަ ކުއާޓަރުގެ މާލީ ހިސާބުތައް ދައްކާ ގޮތުން އާމްދަނީގެ ގޮތުގައި 652 މިލިއަން ރުފިޔާ ލިބިފައިވެ އެވެ. މިއީ އޭގެ ކުރީ ކުއާޓަރަށްވުރެ ހަތަރު ޕަސެންޓް އިތުރު އަދަދެކެވެ.

ރާއްޖޭގައި އެންމެ ދާއިރާގައި މުއާސަލާތީ ހިދުމަތް ދޭ ކުންފުނީގެ ހިސާބުތައް ދައްކާ ގޮތުން މިދިޔަ ކުއާޓަރުގައި ލިބުނު ސާފު ފައިދާ މިދިޔަ އަހަރުގެ ތިން ވަނަ ކުއާޓަރަށް ވުރެ ތިން ޕަސެންޓް އިތުރުވެފައިވެ އެވެ. އަދި މިއަހަރުގެ ދެވަނަ ކުއާޓަރަށް ވުރެ އެއް ޕަސެންޓް އިތުރުވެފައިވެ އެވެ.

އެ ކުންފުނިން މިދިޔަ ކުއާޓަރުގައި ކުންފުނީގެ އިންޓަރިމް ޑިވިޑެންޑްގެ ގޮތުގައި 453 މިލިއަން ރުފިޔާ ބަހާފައިވެ އެވެ.

ދިރާގުގެ ތަފާސްހިސާބުތައް ދައްކާ ގޮތުން މިދިޔަ ކުއާޓަރުގައި ހިންގުމުގެ ހަރަދުގެ ގޮތުގައި 327 މިލިއަން ރުފިޔާ ހޭދަކޮށްފައިވެ އެވެ. އަދި ޓެކްސްގެ ގޮތުގައި 37.1 މިލިއަން ރުފިޔާ ދައްކާފައިވެ އެވެ.

އެ ކުންފުނީގެ ހިއްސާއަކަށް ފައިދާގެ ގޮތުގައި ތިންވަނަ ކުއާޓަރުގައި ޖެހިފައި ވަނީ 2.77ރ. އެވެ.

ދިރާގު މޮބައިލް ފޯން ޓެލެކޮމިއުނިކޭޝަން ދިރާގުގެ ހިއްސާ

6 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިލިޓަރީ

01 November 2017

ނަޝީދު ލަދުގަންނަން ޖެހޭނެ މިރާއްޖޭގެ ވެރިކަމައްކުރިމަތިލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

01 November 2017

ރައިސް ނަޝީދަކީ މިރާއްޖެއަ ހެޔޮއެދޭ މީހެއްނުން ނަޝީދުގެ ބޭނުމަކީ މިގައުމު ދަވާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

31 October 2017

މާނައަކީ 4 މަސްތެރޭގައި210 މިލިއަންރުފިޔާ ،،، އެއީ 13 މިލިއަންޑޮލަރު ،،، 3 ކުއާޓަރވީމައި ގާތްގަޑަކަށް 39މ ޑޮލަރު ،،، އަނެއްހެން ބޮޑެތި 3 ރިސޯޓުހިންގުން ކަހަލަ ކަމެއްދެއްތޯ ؟؟ ވަރަށްވެދުން