މިލަންދޫގެ ނިޒާމް (ކ) ކައިރިން މާޅޮހުގެ އާރީ ބޯޅަ ފޮނުވާލަނީ.-- ފޮޓޯ: ނިޝާން އަލީ/ މިހާރު
02 ނޮވެމްބަރ 2017 - 09:52
18 comments
މި ސީޒަނުގައި ކްލަބް ވެލެންސިއާ އަށް ކުޅުނު ޑިފެންޑަރު މުހައްމަދު ނިޒާމް (ޕީކޭ) އުރީދޫ ދިވެހި ޕްރިމިއާ ލީގުގައި ށ. މިލަންދޫ ޓީމަށް ކުޅެމުން އަންނަނީ ރިލީޒް ނުހޯދާ ކަމަށް ބުނެ ޓީސީ ސްޕޯޓްސް ކްލަބުން އެފްއޭއެމަށް މައްސަލަ ހުށަހަޅައިފި އެވެ.
އެފްއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް (ޖަވާ) "މިހާރަ"ށް ވިދާޅުވީ މިލަންދޫ އަށް ރިލީޒް ނުހޯދާ ކުޅުންތެރިއަކު ކުޅޭ މައްސަަލައެއް ފުރަތަމަ ޑިވިޝަން ކްލަބަކުން ހުށަހަޅާފައިވާ ކަމަށެވެ.
މިދިޔަ އަހަރު ބީޖީ ސްޕޯޓްސް ކްލަބަށް ކުޅުނު ނިޒާމް މި އަހަރު ވެލެންސިއާ އަށް ގުޅުނީ ކޮންޓްރެކްޓެއް ނެތި އެވެ. އޭއެފްސީ ކަޕްގެ ޕްލިމިނަރީ ބުރުގައި ބޫޓާންގެ ތިމްޕޫ ސިޓީއާ ދެކޮޅަށް ކުޅުނު މެޗަށް ކުޑަ ދުވަސްކޮޅަކަށް ވެފައި ވަނިކޮށް ވެެެލެންސިއާ އިން ޕްރެކްޓިސް ފެށީ ވަރަށް ވަގުތު ކުޑަތަން ވެފައިވަނިކޮށެވެ. އެނގިފައިވާ ގޮތުގައި އެ ދުވަސްކޮޅުގައި އެ ޓީމުން ގިނަ ކުޅުންތެރިން ގެނައީ ރަސްމީ ކޮންޓްރެކްޓެއް ނެތި އެވެ.
އެސްޓީއޯ މާލޭ ލީގުގެ ފުރަތަމަ ބުރުގެ މެދުތެރެއިން ފެށިގެން ނިޒާމް ވެލެންސިއާ އިން ނުފެނެ އެވެ. އޭގެ ފަހުން އޭނާގެ ނަން ދެ ވަނަ ޑިވިޝަންގައި ވާދަކުރި ބީޖީގައި ވެސް ޖެހި އެވެ. ޕްރިމިއާ ލީގުގެ ފުރަތަމަ ބުރުގައި ނިޒާމް މިލަންދޫ އަށް ކުޅެނީ ރިލީޒް ނުހޯދާކަން ގިނަ ކްލަބްތަކުން ފާހަގަކުރި އެވެ. އެހެން ނަމަވެސް ރަސްމީ ސިފައެއްގައި އެއްވެސް ޓީމަކުން މައްސަލަ ހުށަނާޅަ އެވެ.
އެފްއޭއެމް ގަވައިދު ބުނާގޮތުން ކޮންޓްރެކްޓެއް ނެތް ކުޅުންތެރިއަކު ވެސް އެއް ކްލަބުން އަނެއް ކްލަބަށް ބަދަލުވާއިރު ރިލީޒް ހޯދަން ޖެހެ އެވެ. ޓީމު ލިސްޓުގައި ނުހިމެނޭ ނުވަތަ ޓީމުގައި އެ މެޗުގައި ކުޅުމަށް ފާހަގަނުކުރާ ކުޅުންތެރިޔަކު ކުޅުވައިފިކަން ސާބިތުވެއްޖެނަމަ އެ ކުޅުންތެރިޔަކު ކުޅުނު މެޗުން އެޓީމަށް ލިބިފައިވާ ޕޮއިންޓާއި ގޯލް އުނިކުރެވޭނެ އެވެ. އަދި ޑިސިޕްލިނަރީ ކޯޑުގެ ދަށުން، އެ ކްލަބާއި ކުޅުންތެރިޔާ މެދު ފިޔަވަޅު އެޅޭނެއެވެ. އަދި އިދިކޮޅު ޓީމަށް ތިން ޕޮއިންޓާއި، ދެ ގޯލް ލިބޭނެ އެވެ.
އެފްއޭއެމުން މި މައްސަލަ ބެލުމަށް ފަހު ނިޒާމް އާއި މިލަންދޫ އަށް ފިޔަވަޅު އަޅައިފިނަމަ ލީގުގެ ގިނަ ޓީމުތަކަށް ލިބިފައިވާ ޕޮއިންޓްތަކަށް ބަދަލު އަންނާނެ އެވެ. އޭގެ ތެރޭގައި ލީގުގެ ކުރީގައި އޮތް ދެ ޓީމު ވެސް ހިމެނެ އެވެ. މިލަންދޫ އާއި ޓީސީ ކުޅުނު ދެ މެޗު އެއްވަރުވެފައިވާއިރު، މި މައްސަލަ ނިމޭ ގޮތަކުން ޓީސީ އަށް އެ ދެ މެޗުން ގެއްލުނު ހަތަރު ޕޮއިންޓް ލިބޭނެ އެވެ. ހަތަރު ޕޮއިންޓް ލިބިއްޖެނަމަ ލީގުގެ އެއް ވަނައިގައި އޮތް ނިއު ރޭޑިއަންޓާއި ދެ ވަނައިގައި އޮތް ޓީސީ ޕޮއިންޓުގެ ގޮތުން އެއްވަރުވާނެ އެވެ.
އެއް ވަނައިގައި އޮތް ނިއު އަށް މި ވަގުތު 11 މެޗުން 30 ޕޮއިންޓް ލިބިފައިވާއިރު، ޓީސީ އަށް ވަނީ 26 ޕޮއިންޓް ލިބިފަ އެވެ. މާޒިޔާ އަށް ލިބިފައިވަނީ 23 ޕޮއިންޓެވެ. ލީގުގައި ބާކީ އޮތީ ތިން މެޗެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެރަސޮރު
04 November 2017
އެބުނާ ސޮރަކު އެންމެފަހުން ކުޅުނީ ބީ ޖީ އަށޯ ނާސިރުމެންއޮތީ ބީ ޖީން ރިލީޒް ހޯދަފަޔޯ..... އެހެންވީމަ އޯކޭ ނޫންތަ!1
ޅިޔަނު އަލީ
02 November 2017
މީގެން މި އުނގުނީ ރާއްޖެތެރެ ޓީމުތައް، ބަންގާޅު ޓީމުތަކަށް ވުރެން މޮޅުކަން. ޓީސީ ސައިޒް ވީމައި ހަޖަމް ނުވަނީ ހަމަ. ޓީސީ ހެއްހޭ
އިބްރާހިމު
02 November 2017
މީވާ "ޕްރީމިއަރ" ލީގެއް. ލީގް ނިމޭއިރު މިއެގެނީ އަދި ކްލަބްގަ ރަޖިސްޓްރީ ނުވާކުޅުންތެރިން ތިބިކަންވެސް. ބަލަ ހަމައެކަނި ބޯޑެއްގަ ޕްރީމިއަރ ޖެހިއަކަސް ވާކަމެއްނޫނޭ އެއީ އަކީ.ރެފްރީންނާ މެޗްއޮފިޝަލުން ނާއި އަދިވެސް ބޯލްބޯއީންނާ ދަޑުގެ ޕިޗްއާއި މިފަދަކަންތައްތައް ރަގަޅު ކޮށް މީހުން ޤަބޫލް ކުރާފެންވަރަކަށް އޮގަނައިޒް ވީމަދޯ ތިބުނާއެއްޗެއް ވާނީ. ދެތިން ރެފްރީން ލައިގެން ޖެހިޖެހިގެން 8 މެޗް ވަރު ކުޅުވީމަ އެވަނީ ކަންމަތީ މުބާރާތް ތަކަށް ވުރެވެސް ފެންވަރު ދަށް. ތިދަޑުގަ އެންމެ ފަހުން ރޯލަރު އެޅި މީގެ ދެއަހަރު ކުރިން ތިދަޑެކޭ އޮއްވަޅު ގޮޑިއެކޭ އެއްވަރު. ދެން ކިހިނެއް މީހަކު ތިތާކުޅޭ މެޗެއްބަލަން ވަންނަހިތަވާނީ ދިވެހި ފްޓްބޯޅަ ދައްވާވާހަކަ ދެއްކިއަކަސް ނުވާނެ ރަގަޅުކުރުމުގެ ނިޔަތެއް ނެތިއްޔާ.
މޯޑް
02 November 2017
ޓިިީސީ އަށް އެއުޅެނީ ހަޖަމު ނުވެވިގެން ރާއްޖެތެރޭން އާ މިލަންދޫ ޓީމް އަތުން ދެބުރުކުޅެ އެއްބުރުގައިވެސް އެޓީމުކޮޅަށް ލަޑެއްނުޖެހިގެން ދެން ޕޮއިންޓުކޮޅެއް ލިބޭނީ މިކަހަލަ ކަމެއްކޮށްގެން..... ބާރާ ނުފޫޒް ބޭނުންކޮށް ގެން މިފަހަރު ތިކަން ކުރާނެ
ބުލޫސް ފޯ އެވާރ
02 November 2017
އަނެއްކާ ނިއު ލީގް ނަގާފާނެހެން ހީވީމާ ގޭސްގަޑެއް އަބުރާލަނީ ދޯ....ތިޔަ ކިތަންމެ ގޭހެއް އެބުރިޔަސް ﷲގެ އިރާދަފުޅާއެކު މިފަހަރު ލީގްނަގާނީ ނިއު އިން...ނިޒާމބެ ދޭ ޓީސީ ގޮވައިގެން ފަރަށް ބޮލިހިލަން
މިކުން
02 November 2017
ތީކީ އުސޫލެއްނޫން . ދެން ޕޮއިންޓް ބަދަލު ކޮށް ޓިމުތަކުގެ ޕޮއިންޓް ބަދަލު ކުރުމަކީ އުސުލެއްނޫން. އެއަސްވުރެ މާރަގަޅުވާނެ މުބާރާތް ކެންސަލްކޮށްފަ އަލުން ބޭއްވިއްޔާ. ގޮތް ހަދަންޏާ އެޓީމް ޖޫރިމަނާކޮށް އެކުޅުންތެރިއަކާ ދޭތެރޭ ފިޔަވަޅު އަޅާ. ބަލިވީމަ ޕޮއިންޓަށް ބަދަލު ގެނެސް ހެދުމުން މުބާރާތުގެ ރޫހު ގެއްލި . ގައުމުގެ ފުޓްބޮޅަ ހާލަތު ހައްތަހާ ދާނީ ދަށަށް.
ފާތުމަ
02 November 2017
ބަލަ މިގޭ އަލީކުޅޭ ކުލަބުވެސް އެވަނީ ޖެހުނު ހުރިހާ މެޗަކުން ދެރަވެފަ. އެމީހުނާ ބައްދަލުކުރީ މާ މޮޅުކުޅުންތެރީންތިބި ކުލަބުތައް. އެހެންވީމާ އެކުލަބާ އެކަށީގެންނުވާވަރުގެ ކުޅުންތެރީންލައްވާ އެހެން ކުލަބުތަކުން ކުޅުވާފާވާތީ، އެކުލަބުތަކާއެކު ކުޅުނު ހުރިހާ މެޗެއްވެސް ދެގޯލާ ތިންޕޮއިންޓާއެކު ލިބެންވާނެ. މަގޭ އަލީކުޅޭޓީމަށް. އޭރުން މަގޭއަލީ ޓީމު ދެރައެއް ނުވާނެ ދެން މިހާރަކު. ހައްހައްހައްހާ.
ބިސްބޮނޑި
02 November 2017
ތީ ބަޔަކު ގަސްދުގާ ކުރުވާފާވާ ކަމެއް . އެހެންނޫނީ މިހާ ލަސްވީފަހުން އެކަމަކާ ނޫޅޭނެ. ޓީސީ އަށް ދޭންވާ މަގާމާ ހައިބަތު ނުދެވިދާނޭކަމަށް ޔަގީން ކުރެވޭ ހިސާބަށް ދިޔައިމާ ނާޒިމާ ޖެއްސި ސްތަންޓެއްތީ.
ޕެނިކު ފަރީދާ
02 November 2017
މީތަ އަހަރުމެންގެ އެފްއޭއެމް ފެންވަރަކީ. ކުޅުންތެރިޔަކު ރިލީސް ނުހޯދާ ކުޅެ ބޮޑު ލީގެއް ނިންމާލާއިރުވެސް މިބޭފުޅުންނަށް ކަމެއްވި ހެނެއްވެސް ހީނުވޭ. ނަސީބެތް ނުން ސަޕޯޓަރަކު ދަންޑަށް އަރާ ލަނޑެއްޖަހާ ނުފިލިކަން.
ހަސަނާހ
02 November 2017
ތީކީ ފެއާ ގޮތެއް ނޫން. އެހެން ޓީމުތަކަށް ހިތުހުރިގޮތަކަށް ޕޮއިންޓް ދީގެން ނުވާނެ. އަލުން އެހެން ކުޅުންތެރިއެއް ލައިގެން ނަމަވެސް މެޗު ޖެހޭނީ ކުޅުވަން. ކުޅުވާފަ ނޫނީ ޕޮއިންޓް ދީގެން ނުވާނެ. ކްލަބް ޖުރުމަނާ ކުރަން ޖެހޭނީ ތީގަ. އެކުޅުންތެރިޔާގެ އެކަނި ކުޅުމަކުން ނޫން ޕޮއިންޓް ލިބިފައިވަނީ.