ހައުސިން މިނިސްޓްރީން ވިއްކަން އިއުލާންކުރި ބިންތަކުގެ ތެރޭގައި ހިމެނޭ އެއް ބިން. އެ މިނިސްޓްރީން އިއުލާންކުރި އެއްވެސް ބިމެއް ނުވިކޭ.
02 ނޮވެމްބަރ 2017 - 13:19
25 comments
މާލެއިން ވިއްކަން ނިންމާފައިވާ ބިންތަކުގެ އަގު ދަށްކޮށް، ހައުސިން މިނިސްޓްރީން ދެ ވަނަ ފަހަރަށް ބިޑަށް ހުޅުވާލުމުން ވެސް، މުއްދަތު ހަމަވި އިރު ބިމެއް ގަންނަން ބަޔަކު ހުށަހަޅާފައި ނެތްކަން އެނގިއްޖެ އެވެ.
ހައުސިން މިނިސްޓްރީން މާލެ އިން 19 ބިމެއް ވިއްކަން މިދިޔަ އޮގަސްޓް މަހު ފުރަތަމަ އިއުލާން ކުރީ އަކަފޫޓެއް 15،000ރ. ގެ ރޭޓުންނެވެ. އެ މުއްދަތު މިދިޔަ ސެޕްޓެމްބަރު މަހު ހަމަވެގެން ދެ ވަނަ ފަހަރަށް އިއުލާން ކުރިއިރު އޮތީ އަކަފޫޓަަކަށް މަދުވެގެން ހުށަހެޅޭނެ އަގު 12،000ރ. އަށް ދަށްކޮށްފަ އެވެ.
އެ މިނިސްޓްރީން ދެ ވަނަ ފަހަރަށް ހުޅުވައިލި އިރު އަގު ހުށަހަޅަން ދިނީ މިދިޔަ މަހުގެ 16 އިން ފެށިގެން 31 ވަނަ ދުވަހުގެ ނިޔަލަށެވެ. އެ މުއްދަތު ހަމަވި އިރު އެއްވެސް ބަޔަކު އަގު ހުށަހެޅި ކަމެއް ހައުސިން މިނިސްޓްރީން ނުބުނެ އެވެ. އަދި އެކަމާ ގުޅޭ ގޮތުން އެ މިނިސްޓްރީގެ ބަހެއް ލިބޭ ގޮތެއްނުވި އެވެ.
ސަރުކާރު ވިއްކަން ނިންމީ އޯކިޑްމަގުގައި ހުންނަ މ. މާފަންނުއާގެ އިން ދައުލަތަށް ނަގާފައިވާ ބައިން ތިން ބިމަކާއި ބޮޑުތަކުރުފާނު މަގުގައި ހުންނަ ކުރީގެ ކުނިކޮށިން ހަ ބިމާއި ވިލާ ކޮލެޖާ ޖެހިގެން އޮތް އެސްޓީއޯގެ ކޮންކްރީޓް މިކްސް ތައްޔާރުކުރާ ބިމުން 10 ބިމެކެވެ.
ކުރިން ބިމާ ބެހޭ ގާނޫނު އޮތީ ދައުލަތުގެ ބިންތައް ނުވިއްކޭ ގޮތަށެވެ. އެމްޑީޕީގެ ވެރިކަމުގައި މާލޭގެ ހުޅަނގު ދެކުނު ހާބަރު ސަރަހައްދުން ބިން ވިއްކަން ނިންމުމުން އޭރު ގާނޫނު އޮތް ގޮތުން އެކަން ނުކުރެވޭނެ ކަމަށް ކޯޓުން ނިންމި އެވެ. އެކަމަކު 2015 ގައި ރައީސް އަބްދުﷲ ޔާމީންގެ ސަރުކާރުގެ އަގުލަބިއްޔަތު އޮތް ރައްޔިތުންގެ މަޖިލިހުން އެ ގާނޫނު އިސްލާހުކޮށް، ދައުލަތުގެ ބިންތައް ވިއްކޭ ގޮތަށް ވަނީ ބަދަލު ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަތައުޑި
04 November 2017
ތިބިންކޮޅުތަށް މިހާރު ވެރިކަމުގާ އަނގަ ގަދަކޮއްގެން އުޅުއްވާ ފަރާތްތަކުގެ އަމިއްލަ ނަންފުޅުތަކަށް ބަދަލްކުރަން ފެނޭ!!!އެހެން ނޫނީ ތަރަށްގީ އެއް ނުވާނެ ތަރައްގީއަކީ މިހާރުވެސް ބިމުގެ ގޮތުން މުއްސަނދި ވެފަ ތިބި މީހުންނަށް އިތުރަށް މުއްސަނދިކަން އިތުރުވުން މިހާރުވެސް ވަންނާނެ ތަނެއް ނެތްމީހަކު ހުރިއްޔާ ދުނިޔެގަ އެހެން ގައުމުތަކުގަ ވާހެން ޖެހޭނީ މަގުމަތީ ޕޭމެންޓްމަތީ ނިދަން މިޔަށް މިކިޔަނީ ތަރައްގީ އިގޭތޯ ވަރައްވެދުން....އަވަހަށް އަތްޖައްސަވާ!!!!!
ޙަސަން
04 November 2017
މާލެ ސަރަހައްދުގައި ބިން މިލްކު ކުރެވުންމީ ދިގު މުއްދަތަށް ބަލާއިރު ވަރަށް ކަޑަކަމެއް. ސަރުކާރަށް ހުރިހާ ބިމެއް ނަގާ އެކި ފަންތީގެ ފްލެޓާ ރޯހައުސް އަޅާ އަބަދުވެސް ދައްކަން ޖެހޭގޮތަށް ކުޑަފީއެއް މާލެ ސަރަހައްދުގަ ނަގަންވީ. މިލްކު ކުރީމަ ދެން އަންނަ ޖީލެއްގަ އެމީހުންގެ ދަރިން އޭރުގަތިބޭ ނިކަމެތިން ފެލަން ތިތަންތަން ބޭނުންކުރާނެ. ސަރުކާރަށް އެފައިސާ ވަނީމަ ރައްޔިތުންނަށް އެއިން ފައިދާ ވުމުގެ ޗާންސު ބޮޑު
އައްޔުބެ
04 November 2017
ކޮބާތޯ ޙަލާލުފައިސާ ގެންގުޅުއްވާ އަދި އެބައްސަވާ ބޭފުޅުންތައް. އެބޭފުޅުން ބައްލަވައިގަންނަވަންވީ ނޫންތޯ؟؟
އަލްޖިބްރާ
03 November 2017
އެންމެންނަށްވެސް އެގޭ މިސަރުކާރުން ބިންވިއްކާއިރަށް ދެން އަންނަ ސަރުކާރަކުން ބިންތައް އަތުލާނެކަން ! އެހެންވީމަ ފައިސަތަކެއް ކަޑަށް އަޅާކަށް އެކަކުވެސް ބޭނުމެއް ނުވާނެ ! ސިފައިންގެ ކޮށްޓޭ ކިޔާ ކޮށްޓެއްވެސް އޮތެއްނު ؟ މިހާރު އެތަނުން މީހުން ނެރެ ހުސްކުރާތަންވެސް އެބަފެނޭނު ؟
ޙައްވަ
03 November 2017
ތިޔަކަމުގެ ބޭނުމަކީ ކައިރީގައި އެނބުރޭ ކުނަމެހިތައް ޖައްސާނެ ޖަގަހަ ދިނުމޭ!
ފަަލާހު އަނގަ
02 November 2017
ފަލާހު އެގޯތިގަތީ 8 މިލިޔަނަށް ..މިކަން އެނގިހުރެ މިބުނަނީ
ފަޅުވެރިން
02 November 2017
ބަލަ އެއީ މާލޭގެ ބިމުގެ އަގު މިހާރު އަޞްލު ހުރިވަރު ވަޒަން ކުރުމަށް ކުރާ ދިރާސާއެކޭ!!
ޑްރާމާ
02 November 2017
ނުވާނެ. ކުޑަ އަގުގަ ޕާޓީ ކުދިންކޮޅަކަށް ތިތަން ލިބެންދެން އެހެން މީހަކު ނޫޅޭނެ މާލެއިން ބިން ގަންނާކަށް.
ކޮށްލާތި
02 November 2017
މާލެއިން ބިން ވިއްކަން ދެފަހަރަށް ހުޅުވާލުމުން ވެސް ގަންނާނެ ބަޔަކު ނުވި ނަމަ ތިޔާ ބިން ތައް ދެން އިއުލާން ނުކޮށް ސަރުކާރަށް ފެންނަ ފަރާތަކަށް ވިއްކާލުމުގެ އިޚްތިޔާރު ސަރުކާރުގެ ބިޑިންގް ސިސްޓަމް ތެރޭން ލިބިދޭނެ ސަރުކާރަށް. ކަން މިހެން ހުރުމުން ސަރުކާރުން ރާއްޖޭގެ އެންމެ މުއްސަނދި ދިވެހި ކުންފުނި ތަކަށް ތިޔާ ބިން ތައް ވިއްކާލަންވީއޭ ނުވަތަ ބީއެމްއެލް އަށް ހުރިހާ ބިން ތައް ވިއްކާލަންވީއޭ އެހުރިހާ ތަނުގައި ކޮމާރޝަލް އޮފީސް ސްޕޭސް ހެދުމަށް ޓަކައި. އެއިރުން ތިޔާ ކަން ހުންނާނީ ރަނގަޅަށް ކަން އެއީ ޔަގީން ކަމެކޭ. މިކަން މިގޮތަށް ކޮށްލަންވީ އަވަހަށް.
މެންޓަލިސްޓް
02 November 2017
އަޅުގަނޑު އާދޭހާއިއެކު މިދަންނަވަނީ ބިންވިއްކާނެކަމެށްނެތޭ ،، ތިޔަބިންތަކުގައި ޕާކްތަކާއި ޕާކިންގްސްޕޭސް ހެދޭތޯ ބައްލަވާށޭ ،،، މިހާރުވެސް މާލޭގެ ހުރިހާ މަގަކާއި ގޯޅިތަކެށް ފުރިފައި މިހުރީ ސައިކަލުންނޭ ،،، ހީވަނީ ޝޯރޫމްއަކަށް ވަދެވޭހެނޭ ،،، ދަންވަރު 1-2 ޖަހާއިރުވެސް ބޫންބޫންލާފައި ސައިކަލްތަކުގެ އަޑޭއިވެނީ ،،، ދުވާލު ހަމެޖެހިލައިގެން ސައިކަލެއްގައި އުޅެވޭކަށްނެތޭ ،، އަބަދުވެސް އޮންނަނީ ކޮންމެވެސް ހިސާަބަކުން ތާށިވެފައޭ ،، މާލޭގައި 70 ވަރަކަށް ހާސް ސައިކަލް އެބައުޅެއޭ ،،، މުޅިމާލެ ކޮންކުރީޓް ޖަންކްޔާޑަކަށް ބަދަލުވެއްޖެއޭ ،،، މިހާރުވެސް ހަފްތާއަކު އަލަށް 100 އެއްހާ މީހުން ލައިސަންސް ނަގައޭ ،،، ވީމާ މިފެއިލްޑް ސިޓީ އެބަޖެހޭ ސަލާމަތުގެ އައްސޭރިއަކަށް ގެންދަން ،، ނޫނީ މާލޭގެ 5ބައިކުޅަ އެއްބައި ތަޅާބިމާހަމަކޮށް އޯޕަންސްޕޭސް ހަދަންއެބަޖެހޭ ،، މިކަމާ ސިޔާސީ ކަމަށްބުނާ މީހުން ވިސްނާނެކަމަށް ހީއްކުރަން ،،، ވަރަށްވެދުން