ކުޅުދުއްފުށީގެ އެއާޕޯޓް އެޅުމަށްޓަކައި އެ ރަށުގެ ކުޅި ހިއްކުމުގެ ރަސްމިއްޔާތަށް ރައީސް ޔާމީން މިއަދު ހަވީރު ވަޑައިގަތުމުން މަރުހަބާ ދަންނަވަނީ.
12 ނޮވެމްބަރ 2017 - 15:52
16 comments
ހދ. ކުޅުދުއްފުށީގެ އެއާޕޯޓް އަޅާ ސަރަހައްދުގެ ބިން ހިއްކުން އިފްތިތާހު ކޮށްދެއްވަން ރައީސް އަބްދުﷲ ޔާމީން މިއަދު އެ ރަށަށް ވަޑައިގެންފި އެވެ.
ރައީސްގެ މި ދަތުރުފުޅުގައި ކުޅުދުއްފުށީ ބިން ހިއްކުމަށް އެ ރަށަށް ގެންގޮސްފައި އޮތް އެމްޓީސީސީގެ ބިޔަ ކޮންނަ ބޯޓު، މަހާޖައްރާފް ވެސް އިފްތިތާހު ކޮށްދެއްވާނެ އެވެ. ކުޅުދުއްފުށީގެ ކުޅި ހިއްކުމަކީ މަހާ ޖައްރާފްގެ ފުރަތަމަ މަސައްކަތެވެ.
ބިން ހިއްކުމުގެ މަޝްރޫއުގެ އިތުރުން އެ ރަށުގައި މިރޭ ބާއްވާ ޕީޕީއެމްގެ "އުދުހޭ" ޖަލްސާގައި ވެސް ރައީސް ޔާމީން ބައިވެރިވެވަޑައިގަންނަވާނެ އެވެ.
ރައީސް ޔާމީނަށް މަރުހަބާ ދަންނަވަން ނިކުތް މީހުންނާ ސަލާމްކުރައްވަނީ. --ފޮޓޯ/ ރައީސް އޮފީސް
އެއާޕޯޓް އަޅަން ކުޅުދުއްފުށީ ހުޅަނގު ފަރާތު މޫދުން ހަ ހެކްޓަރު އަދި އެ ރަށު ކުޅިން ނުވަ ހެކްޓަރު ހިއްކަން ވަނީ ނިންމާފަ އެވެ. ގިނަ ދިރުންތަކެއް ހުރި އަދި ކުޅުދުއްފުއްޓާ އެތައް ގޮތަކުން ގުޅިފައިވާ އެ ރަށު ކުޅި ހިއްކަން ނިންމުމުން ބައެއް ފަރާތްތަކުން އަންނަނީ ސަރުކާރަށް ވަރަށް ބޮޑަށް ފާޑުކިޔަމުންނެވެ.
އެކަަމަކު އެ ރަށުގެ ގާތްގަނޑަކަށް ހުރިހާ އެންމެން ވެސް އެ މަޝްރޫއުއަށް ތާއީދުކުރެ އެވެ.
ރީޖަނަލް އެއާޕޯޓްސް އިން އަމިއްލަ މީހަކާ ހަވާލުކޮށްގެން ހެދި އީއައިއޭ އިން ދައްކާ ގޮތުން ކުޅި ހިއްކައިފި ނަމަ އެ ރަށުގައި ފެންބޮޑުވުން ފަދަ ތިމާވެށީގެ މައްސަލަތައް ދިމާވާނެ އެވެ. އަދި ކުރިއަށް އޮތް ދުވަސްތަކުގައި އެފަދަ މައްސަލަތައް ބޮޑުވާނެ ކަމަށް ވެސް ލަފާކޮށްފައިވެ އެވެ.
ކުޅުދުއްފުށީ މަށިކުޅި އަކީ ރާއްޖޭގެ އުތުރުގައި އޮންނަ މިފަދަ އެންމެ ބޮޑު އަދި ދިރުންތައް އެންމެ ގިނަ ކުޅި އެވެ. އެ ތަނުގައި ތަފާތު އަށް ބާވަތެއްގެ ޓްރޫ މެންގްރޫވް (ކަނޑޫފަލުގައި ހެދޭ ގަސް) ހުންނައިރު، މިއީ ރާއްޖޭން ވަރަށް ނުފެންނަ ބާވަތްތަކެވެ. އޭގެ އިތުރުން އަހަރުގެ އެކި ދުވަސްވަރު އެ ކުޅިއަށް އެކި ވައްތަރުގެ ދޫނި ވެސް ހިޖުރަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލޭފާނު
12 November 2017
މަރުހަބާކިޔަން ނުކުތް ރައްޔިތުންގެ ވާހަކަ ބުނެލާކަށް ނުކެރުނުދޯ
މުސަބޭ
12 November 2017
ބަލަ ހ.އ ގަ އޭ އެއާރފޯޓެއް ނެތީ. ޖައްސަ ޖައްސާގެން ދެ އެއާރފޯޓް ތި އަޅަނި ދެރަކަމެއް ..
އަކުން ބަކުން
12 November 2017
މިދިޔަ ރިޔާސީއިންތިހާބުގަ އެއާރޕޯޓެއް ކުޅުދުއްފުށީގަ އަޅައިދޭނަމޭ ޔާމީންއަށް ބުނެވުނުނަމަ ހާދަރަނގަޅުވީސްދޯ އޭރުން މިއަދު އެއާރޕޯޓް ހިއްކުމުގެ ބަދަލުގައި ޖެހޭނީހުޅުވަން ސުކުރިއްޔާ އެއްމެއަވަހައް ވައުދުފުއްދާރައީސް
މިލިޓަރީ
12 November 2017
އެމްޑީޕީއަކީ މިހާރު ފޭލްވެފަ ހުރި ޕާޓީއެ ނަޝީދުގެ ސަބަބުން.
ސޮކްތެރެޕީ
12 November 2017
މަށަ ހީވަނީ ދެވަނަ ދައުރަކަ ޔާމިން ހޮވޭނެހެން.
ޔާމިން
12 November 2017
ކުޅުދުއްފުށި މީހުން ނޫނީ އެއަރޕޯރޓް ބޭނުން ވާ އެހެންބަޔަކު ނެތީބާ ؟ ފާދިއްޕޮޅުގަ އެއަރޕޯރޓް އަޅަން މާ އައުލާކަންބޮޑު
1234
12 November 2017
https://mihaaru.com/news/7910 މީގެ 1 އަހަރުކުރިން އޮކްޓޯބަރ 2016 ގައި ރައިސް ޔާމީން ވިދާޅުވީ 2017 ގައި އެއަރޕޯޓް އަޅައިނިމި ހުޅުވައިދެއްވާނެކަމަށް. އެހެންވީމަ މިއަދު އެވަޑައިގަތީ ކުޅުދުއްފުށީ އެއަރޕޯރޓް އެޅުމާއިއެކު ހުޅުވުމުގެ ރަސްމިއްޔާތަށްދޯ!
މަ / ކުޑަހުވަދޫ
12 November 2017
ހދ.އަތޮޅަށް މީގެކުރިން ކުރި ދަތުރެއްގައި ރައީސް ޔާމީން ކުޅުދުފުއްޓަށް ނުގޮސް، އެތާ ކައިރީގައި ހުރި ރަށްރަށަށް ގޮސް ބޭއްވި ޖަލްސާތަކުގައި ކުޅުދުފުށީގެ ވާހަކަ ދެއްކި. އެއީ ލަތުވެތި ކަމެއް. ހދ ގެ ރަށްތަކަށް ގޮސްފައި، ކުޅުދުއްފުށީގެ ވާހަކަ އެހެން ރަށެއްގައި ދެއްކުމުގެ ބަދަލުގައި ކުޅުދުއްފުށީގައި، ކުޅުދުއްފުށީގެ ވާހަކަ ދެއްކިނަމަ މާ ރަނގަޅުވާނެ.
ޙަމްދަރު
12 November 2017
ރިޔާސީ 2018 ގެ ކެމްޕެއިން ފެށުނީ...
ޑާންސް
12 November 2017
ބިން ހިއްކަން ފައްޓަވައިދެއްވަން ރައީސް ޔާމީން ކުޅުދުއްފުއްޓަށް ވަޑައިގަތުމުން ކުޅުދުއްފުށި ކުދި ބޮޑު އެންމެހާ ރައްޔިތުން ނިކުމެ މަމެންގެ ބިއުޓިފުލް ސަރުކާރަށް ޔުނޭނިމަސްލީ ތާއީދު ކުރުމުން ދެން މިހާރު ތަމެން ރަންރީނދޫ ޓްވިޓަރޭ މެން ރޯން މޭޒު މަތީގައި ބޯ އަޅައިގެން ތިބޭނެ ކަމެއް ނެތޭ. މަމެން ޕިންކީން ލާރޖް ކޮށް ޖައްސަން ފަށާނީ ވެސް ރަންރީނދުލޭ މެން ބުރާންތި އަރުވާލާފައި ކަން ކުރިން ވެސް މަމެން އަންގާފައިވާނެއޭ ބުނަން މަމެން ނެތީމު ދޯ. ދެން އެހެލާން ތެހެލާން ލަވަކިޔާ ކުރީގެ މަޑުއްވަރީ ދާއިރާގެ މެމްބަރު ކަން މަމެން ހަވާލު ކުރި ބަނޑު އަކިރި ގަތު ބުނޭ އެމެން ދެން ކޮއްްޅަށް ތިބެ ދެފައި ދަނޑިއަށް ސީލާށޭ އިނގޭ ޓްވިޓަރޭ. ބުނޭ އެހެލާން ތެހެލާން ގާތު މަމެން ޕިންކީން ބުންނޭ މިހެން. އައި ތިންކް އައި ރިމެބަރ ޔުއަރ ބިއުޓިފުލް އައިޒް އައިޒް އައިޒް. ކަމޯން ޕުޓް ޔުއަރ ހޭންޑްްސް އަޕް އެން ރޮކް ޔުއަރ ބޮޑީ. ބޭބީ ޓު ނައިޓް ޗޭންޖް ދަ ކަލަރސް އޮން ދަ ޑާންސް ފްލޯރ. ސޯ ޑާންސް ޑާންސް ޑާންސް.